請撫心自問，你是那個類別的家長？

小曳人

原帖由 rbaggio74 於 11-3-5 10:36 發表
恭喜你，你，大概得到了所謂《怪獸家長》的特質了。

乜怪獸家長係咁解架?!!?

你講到好似有俾小朋友學嘢/上pg就係，但以我理解，唔係咁架喎，起碼我唔覺得我自己怪獸先啦！

我俾佢去學嘢，只係想充實佢嘅人生，有好多技能係越細學(接觸)就越容易學！所以，我地要佢上音樂班，接觸音樂，唔係為考小學 (真心嘅!)，只係覺得音樂對個人精神上有好大好處。另外就係運動 e.g.游水同踩單車，我自己唔識游水，c6較忙，而且小朋友大大吓，聽外人教多過自己父母，咁先出去學，踩單車就當然自己教啦！

仲有d乜? 想佢學好d PTH, 會安排老師上門教，因為我地兩個都好大年紀先學，學唔好！
其他嘢，我地自己識嘅，而生活上會接觸到嘅，都會教，包括日文 (c6學緊，阿仔求daddy教咗好多次，佢先肯教)

咁樣都叫怪獸咩！？

我自問都算係早教媽媽，教嘅係認字同科學知識，雖然大仔未夠4歲，但我已經無教好耐，因為要教佢，需要好多時間精力去準備教材，揾書，帶佢實地去睇/接觸，過去一年嚟，只係做到教數學呢樣嘢 (其實都唔算教，只係得閒講兩句，買咗張乘數表poster，佢自己背熟哂... ) 咁樣又算唔算怪獸？我只係教佢响日常生活裡面學習..

其實教嘅係怪獸，定係唔教嘅係怪獸呢？動物都要學習生活技能，點解人類家長教小人兒生活上接觸到嘅嘢會俾"人"覺得係怪獸呢？

[ 本帖最後由 小曳人 於 11-3-8 17:15 編輯 ]

rbaggio74

原帖由 小曳人 於 11-3-8 17:12 發表


乜怪獸家長係咁解架?!!?

你講到好似有俾小朋友學嘢/上pg就係，但以我理解，唔係咁架喎，起碼我唔覺得我自己怪獸先啦！

我俾佢去學嘢，只係想充實佢嘅人生，有好多技能係越細學(接觸)就越容易學！所以，我地要佢上音樂班，接觸音樂， ...

非也非也！

或許是在下的表達方式有點冒犯，在此先行請罪！

其實，讓孩子適當地學些課外活動，絕對是有益無害的！這是絕對的！

問題是，家長們送孩子去學過量的課外活為，目的是為了豐富孩子的《理歷表》，從而去把孩子《賣給一流學校》，這個做法，小弟不敢認同。

而且，太大量的課外活動，不謹未能讓孩子產生興趣，反而可能因為《舟車勞頓》，讓孩子在課外活動時，根本提不起勁兒去享受活動之樂。

以上，實不應作為讓孩子參加過量活動之原因。

最後，小弟不敢自認甚麼甚麼，只不過希望籍此帖子，讓大眾家長們，深思一下，讓孩子參加課外活動的真的用處和目的而已，絕對沒有冒犯用心培育孩子的家長們！

敬請大家以善意看待這個帖子！

並多加參與討論！

bgmame

活在當下的香港平民 (十歲以下兒童的家長)．

要知道身邊的人和事在想甚麼，做甚麼，再加些調節，想想自己要甚麼，可以做到甚麼（富裕的，是可以想多些，做多些，選擇多一些）．

要知道自己子女的長處，短處．要告訴孩子他的長處，要好好利用；要幫孩子接受他的短處，從而改善．願在有限的資源一切向前走，跟上時代的步伐，就是我要做的．（如要做尖端，等他自己想好了，我暫未有這能力．）　

由孩子出生的第一天，亳無疑問我便要付起養育這個責任．(我沒有分早，中，後期教育，我想只有教育學者才會分吧．) 我的優先次序是：

　　１）身體（保護與尊重）　　
　　２）心境（健康與快樂）
　　３）智慧（知識與運用）

這些都是每位家長都重視的，然而在論壇上討論得最多的是學習情況，問題較具體，較容易問意見，還有時間限期（選幼稚園，選小學，選中學）．很容易給人的感覺只顧學業，不注重其它．

之於樓主注重的 "自理能力"，這涉及成年人的價值觀，又可能係都市問題，很難有共識． 我自己比較簡單，我小時做到的，他們都應該或可以做，都試過被人指指點點．

[ 本帖最後由 bgmame 於 11-3-10 09:57 編輯 ]

北京狗

在寶貝未出世之前,我都好鄙視嗰d將小朋友時間表質到滿晒,又買一堆教材番嚟要小朋友學嘅家長,覺得佢地浪費咗小朋友嘅童年,亦拉遠咗雙方關係,寶貝出世之後,因為見到身邊朋友d小朋友有,兼且sales不斷話我遲而家要開始學,結果花咗幾萬蚊買教材,仲要不斷上網揾playgroup同興趣班俾佢,問心我相信每個父母都同我一樣好愛自己嘅仔女,就係因為太愛有時令人本末倒置,反而做出傷害對方嘅事,睇到呢篇,令我醒覺响不知不覺間我已經變咗做(怪獸家長),根住落嚟我希望可以改到,因為 我自己阿媽都係由星期一至日都逼我温書同做練習嘅家長(連課外活動都唔准玩),除咗成績其他咩都唔會關心,我好清楚嗰種感覺唔想寶貝同我一樣

MaryBrown

[size=+0]我好清晰自己要mud。

我只要小朋學好中英數,
好 - 不是有冇100分， 而是實用的程度。 舉例 律師都未必識’微積分’,
唔好讀冇謂的東西！

中文，英文，更不是學校可教到，應從日常生活學。 所以我沒浪費錢在playgroup, 教材上。  倒不如努力融入香港外國人的圈子。  


英文好唔好，不是老師給你幾多分，你的英文達到與外國人溝通冇問題的地步，誰敢說不好！


其它科，學些趣味的就夠。  這樣才能打做童年回憶！

Christi

英文如果只夠溝通,的確不夠好.

ok_ko

就講下我呀。我比小孩樣樣都試下。
音樂: 從2歲開始參加little Mozart，我要他有音感。但我並不急於讓他學樂器。
體育:
3歲學ice-skiing。每星期半小時。現在他做得很好。
3歲也學游泳，每星期1小時。他現在很喜歡游泳，鼻敏感也沒有了。
他嘗試過打乒乓球，他不喜歡，後來改了打羽毛球。
他有一輛單車，每星期起碼要玩一小時。
語言:
我們跟他講廣東話。他出生時我們開始請工人，是印慵。我們要印慵只跟他說印尼話。他兩歲時已能聽懂印慵的指令。
家裡:
我們每晚都和他玩role play。有時我們家是池塘，有時是龍宮。有時一人就做兩三個角式。
當然，lego，飛行棋，畫畫，陀螺 等 也是他的至愛。
朋友：
他4歲已經拿電話打比其他小孩。