何文田維多利亞下午英普班, 及大坑真光下午班, 選邊間?

chowhui97

同意同意, 我識的小朋友係維記畢業都好乖巧, 很會照顧妹妹, 自理能力呢啲嘢, 我估都好睇每個小朋友同家長的配合!

不過坊間小學對於維記出品的學生係點樣的評價我就唔知啦...

另外有人話TL的學校環境好好... 老實講我唔多覺, 佢係好大間, 但係overall啲玩具同設施都係比較舊... 不過佢係一條龍學校, 所以都係好好的選擇! 語言方面我問過現在讀緊的家長, 佢唔係日日有外籍老師教英文, 而本地老師的英文亦唔係ABC嗰種英文... 不過有學卷, 聽講讀得又開心, 所以都要取捨..

chowhui97

另外有個extreme的case, 我有個親戚的小朋友係維記讀, 升上傳統學校唔like, 覺得成日做啲抄寫工作無意義, 覺得唔駛用腦, 功課唔係追唔到, 但係讀得唔開心, 最尾我親人考慮咗好耐, 因為返維記讀小學好貴, 問個小朋友, 小二咋, 佢同佢爸爸媽媽講話佢唔會side佢地啲錢, 會努力讀書.  咁細個咁識諗, 於是小二就返維記讀...

Charlotte_mom

以上家長都俾左好多意見, 我又插咀先
我女係真幼畢業, 而家去左另一間直資(活動教學), 大概1/4學生黎自維記
真幼, 講老師經驗愛心, 校風純樸, 教小朋友自理, 家校合作各樣, 真係一流! 3年無測無考無默, 小朋友無壓力又上小一, 仲可以大抽獎, 呢樣係好多人都想的 (順帶一句, 真幼唔傳統的)
缺點都有的, 語文能力的確唔夠強: 中文寫同讀就非常OK, 好掂,英文同PTH的確唔夠出面D所謂名校黎, 讀PHONICS的話我敢講維記一定SYSTEMATIC好多, 我見維記既學生, 一般上到小學, 英文聽說讀都OK夠強, 寫就.....學老師話齋, 大家都係要執架喇, 但個人覺得, 真光中文學得比維記深入
真光畢業生, 俾人印象唔錯的, 考小學都OK, 不過想考超級名校.....始終程度唔夠深, 唔會特別有著數, 真光家長又好少會操到個小朋友100%FIT咁去考小一, 因為有後著掛?
真光校園係大, 係無5星級架喇....所以真係, 要睇下你要咩要求, 真光有自己室內運動場, 室外運動場, 禮堂, FUNCTION ROOM各樣, 基本上除左旅行之外, 咩都可以O係學校攪掂晒, 而維記, 坦白講, 唔少有要求既家長, 所以係好多"貴"野(無論教材, 租地方, 去遊學, 造衫做SHOW, 搵既音響攝影)一分錢一分貨, 家長願俾學校願安排咁LOR, 所以以上都講得岩既, 睇你想要咩

Janicelobby

原帖由 Charlotte_mom 於 10-12-31 14:17 發表
以上家長都俾左好多意見, 我又插咀先
我女係真幼畢業, 而家去左另一間直資(活動教學), 大概1/4學生黎自維記
真幼, 講老師經驗愛心, 校風純樸, 教小朋友自理, 家校合作各樣, 真係一流! 3年無測無考無默, 小朋友無壓力 ...

好開心有真幼畢業生家長比意見, 請問

1. 你知唔知其他畢業生有去d什麼小學.
2. o甘真幼係唔係只考到活動教學的直資?
3. 如果大抽獎抽到傳統小學會唔會跟唔上?
4. 真小係唔係都係活動教學?

若果三年無測無考無默, 我好驚小朋友學少好多野

Thank you very much!

Charlotte_mom

1. 你知唔知其他畢業生有去d什麼小學.
好大部分家長都打算直升, 小量連大抽獎都費事, 有d好似我咁出去考(真係唔多), 多數會留位然後抽獎, 如果抽到免費又ok(通常都係target12網果幾間女校)就會走lor, 始終3千蚊學費一個月wor
2. o甘真幼係唔係只考到活動教學的直資?
正如之前講, 唔多人出去考, 亦唔多target超級名校, 2線會多d, 我知如果最top果幾個, 都有top school offer架
而真光學生俾人印象會係自理能力高同聽教, 考傳統學校亦ok
3. 如果大抽獎抽到傳統小學會唔會跟唔上?
唔會, 真光學生中文底子強, 亦慣睇書同日日有習慣做功課, 上小學ok
4. 真小係唔係都係活動教學?
佢話係, 但唔算做得徹底, 有默有測有考, 功課同評估設計都傾向傳統
若果三年無測無考無默, 我好驚小朋友學少好多野
每日都有功課, 唔算heavy亦唔算light, 我仲記得我xmas holiday帶個女去旅行, 晚晚返到酒店都要做功課的

[ 本帖最後由 Charlotte_mom 於 10-12-31 19:56 編輯 ]

hihicathk

My girl was so lucky that she gained the offer from SPK...

Since we are catholic and they have school bus to our home... We finally took this offer.

Janicelobby

charlotte mom, 多謝你詳細解答, 可唔可以再幫我解答有關真幼的課程?

1. 有無教phonics?
2. 有無中英文閱書計畫?
3. 一星期幾多堂外籍老師教英文, 普通話老師教普通話?
4. k2每天功課量, 中英數各幾樣?
5. 係唔係3年一d 測驗, 默書, 評估都無?
6. k2 數學會唔會教加, 減?
7. k2 英文會唔會教認整個生字, eg. the, big, mom?
非常感激!!!!!