請問:王錦輝及培橋你會點選擇

Abblam

我相信兩間都是好學校，王錦輝年資短，但無嘜信息留言話好定唔好
培橋至今已有好多信息，可知多啲情況.
請問現時讀緊王錦輝及培橋嘅家長比多小小意見

能得利

我可以講少少關於培僑, 因有朋友子女讀緊, 你預佢真係一間普通話教學為主, 考香港公開試, 著校服既國際學校.
主要係中(普)英(英)數(普)三科, 其他既科學/常識都會教但都係歸納在中英數三科入面教, 仲會有performing art, 要佢地做話劇, 所以每個小朋友都好活潑好有自信唔怕羞, 好多家長都欣賞, 但亦有人會覺得佢地曳囉.
每日只係上午上課, 下午就係各樣活動, 所以佢地接觸到既知識可以話好闊好多元化.
地理位置既問題, 門口有電塔+電纜, 呢個係改唔到既事實, 要睇家長自己驚唔驚.
佢地都有d似外國學校既傳統, 間中會有一次formal週會, 學生都要著禮儀服, 所以校服都有好多款.
但唔好既地方, 當然有, 學校俾老師同學生好大自由度, 老師係唔會幫學生改功課, 甚至無做功課都唔會同家長講, 我朋友試過成個月後先知自己個小朋友做漏功課. 上緊堂, 有d曳既學生爬在檯訓覺, 甚至試過有人行開自己位搞搞震, 老師都唔會出聲話佢. 但另一方面諗, 佢地都係想學生自己學自律既, 但初小學生係咪可以無人教之下自己訓練到自己自律, 呢個成疑.
新校長9月上任, 已講明會整頓呢樣野, 所以你地見溫校長係講明老師係有責任改學生功課, 但係咪一年半載可以改善? 呢個無人知.
溫校長仲話要將PK於幾年內變成band 1, 有個有魄力既校長係好事, 但結果做唔做得到, who knows?
其餘既你想知更多, 可以去學校門口望望人地返放學情況或搵家長傾傾, 會更直接.

王錦輝, 英語環境幾好, 但我上年去過簡報會, 佢圖書館既書少到....佢地既閱讀風氣好唔好我就唔清楚啦~
我亦聽過d關於校長行政既問題, 不在此詳說了.
而佢係間基督教學校, 但宗教著墨好淺, 甚至會慶祝萬聖節, 接唔接受到要睇家長自己了!

每一間學校都有好有唔好, 主要睇你想要乜, 接受得就要接受好同唔好既兩方面, 無學校係perfect的!

[ 本帖最後由 能得利 於 10-12-9 16:34 編輯 ]

TOKIN

Agree !

恩林

我老公個家姐係教育界人士, 佢都有講過王錦輝轉過好多次校長....
吓!!慶祝萬聖節?? 唔係fa, 我仔仔間學校話帶南瓜頭糖番去都唔好....
王錦輝真係基督教學校??

能得利

from their website:
辦學理念

秉承香港浸會大學的教育使命，我們以基督愛人樹己的精神為基礎，致力為學生提供優質教育，結合中西文化，發展學生潛質，陶冶情操，明辨是非，貢獻社稷，實踐「全人為本，學子為先」的教育理念。我們的首要任務是栽培學生的人格品德，並啟導學生懂得以主動、堅持的態度，终身學習。學生能掌握適合自己的思考方法，反思及從新資訊中學會尋求創新和自我解難。

原帖由 恩林 於 10-12-9 17:18 發表
王錦輝真係基督教學校?? ...

rinapang

學校對孩子的德育培養非常重視，我所認識的家長也是很有禮貌，現在小五成長課教個人、家庭及社會和諧，老師會提及做人處事道理，所以不要覺得學校好像不著重德育發展。
學生做錯事，老師會按情況處理，會給學生機會改，孩子表示老師一定會處理。
至於中學生，有些的確在儀容及行為上表現不理想，希望今年由小學升上中學的學生開始，貫徹學校教育，做好自己!

mother904

WKF的校長制度是由一位總校長率領中、小學校長，已離職的呂陳令意是總校長，當時只稱為校長，小學校長稱為副校長。呂太離職後，現任總校長是Dr Will Chan，前小學副校長正名為小學校長，新總校長極受家長和學生歡迎。以小學來說，由開校至今，只是走了一位總校長，流失量不算大，實在不明白為甚麼會經常會有WKF經常轉校長，走老師的傳言。如果某些人的離去，大部份家長都覺得是好事的話，又有可不妥？

學校也沒有慶祝過萬聖節，只有聖誕慶祝會，學生化裝上學是閱讀週其中一個項目，由學生扮演喜愛的書中人物上學。學校的閱讀風氣頗為良好，小一學生大致已能自行閱讀english chapter book。

我曾在圖書館擔任義工，親眼見到學校藏書豐富而且範圍廣濶，我們一班義工花了整整一學年也未能將所有書籍包好，有時圖書館老師將藏書收起或派給同學閱讀，才令人誤會圖書館沒有書。

WKF可能不是一間完美的學校，但肯定是一間令小學生期待上學，喜歡學習的小學。

WingKanMa

小囡都是就讀WKF, 對我而言都已達到我們的期望. 她由一個完全不會講和寫英文到現在1年多(她是2年級學生)時間可以能講能寫已是很成功.  老師大部份時間都以英語和小朋友溝通, 所以英文是會有一定的進步.  而中英數都有分班, 中、數分6班, 英文分7班, 所以 平均每班都是20多人一班, 因此小朋友都可得到老師的照顧.  還有, 成績未達標的小朋友學校會安排尚進班, 小朋友在老師的教導下會有所改進.  小囡都熱愛上學, 愛老師, 愛同學, 就我作為一個家長而言是已滿意, 但每間學校都有地方改善, 所以我們都應比多些時間學校, 因它始於都是新校.

Naurto

我覺得王錦輝很多管理層....

Naurto

和又沒有公佈HKCEE result.....

mother904

WKF還未有學生考HKCEE，又如何公佈？

愚人

上年未考2間之前, 都覺得2間好似幾好.
依家講講下, 好似2間都揀唔落, 好似唔適合我小朋友.

edwinho123

聽到你咁講我自己都好放心囡囡係到讀書.....希望佢讀得開心快樂、有個美好的童年讀書生活！

Abblam

須然我唔知呢兩間是否名校，但亦有好多家長及老師推薦，而大埔區又無得選擇，唯有選擇呢兩間心儀小學

至於要等到大抽獎後先再搵小學，我相信大多數家長嘟會覺太遲啦，任人

KwanPark

....

Abblam

唔好意思! 我係話到時無得比我選擇，是但搵間小學好容易，而唔係想要的學校.

Abblam

請問是否培橋家，請比多小小資料

Naurto

請問那方面出色 ? 我朋友小時候在上海讀書, 她在觀課時見一, 二年級小學生左中文棠背詩, 很像他小時国內教育方法, 是否真呢 ? 可否說多一點 ?? 謝 !!!

stephanielum

我有朋友囡囡在培僑讀, 她說中文科是選用國內教科書, 而且培僑好著重閱讀, 佢地每年會交$600 來買書, 而且會與同學交換來看的.