.

beseem2003

以前都聽人講過，如果有心入樂團的話，學小提琴好過鋼琴，因為成個樂團只需要一個人彈鋼琴，但卻需要十幾廿人拉小提琴，既然拔萃有隊出色樂團，當然prefer拉小提琴的人才喇。
其實講左出唻幾好丫，有心的人有個指引，或肯定自己小孩做不到的可早早另謀出路。
而家Ｄ細路真係好出色架，睇多Ｄ家長雜誌你就會發覺，好多孩子５，６歲就能文能武，成績出眾，而唔係好多人咁講，”得果５歲你叫佢攞咩獎狀出唻呀”

judy

你同judy都讚英華, 都只係知道英華好的一面姐. 我老公識好多英華老師, 知道實情既野唔少, 如果在此講出, 一定令你們"另眼相看".

wunma,

我地係講華仁，不是英華。別亂說英華壞話，他們很团結的。

beseem2003

”我老公識好多英華老師, 知道實情既野唔少, 如果在此講出, 一定令你們"另眼相看". ”

係呀，間間有有好有唔好喇，我都聽到DBSPD的P.1&.5家長講過孩子的不好遭遇，不過對希望入此校的家長來說，老師有無品，對孩子好不好，應該都不是他們最concern的（尤其是對男人來說），只會說是對孩子的一種磨練，點都會死忍。

judy

ykwong,

我剛上完Yahoo，看完學界游泳成績(葵青區)，我覺得Philip的合理一點,即35秒游完50公尺很難。

ykwong

wunma,

係呀！係九龍華仁。我地係英華家長公敵黎嫁！重有，我講以前，梗係樹大有枯枝(其實唔算枯，有實力，會沙塵，亦可謙厚。所以我愛九記多D。)

47.84 s confirmed. Hoogenband of Netherland.

Judy,

你咁認真，我又睇下塭唔塭到D data 先。

ykwong

Judy,

Find it! my writing pad goes wrong again.

In www.hkasa.org.hk

result of aged group of 8/11/04. Event 90 Boys 11-12 50m LC freestyle.

Aged group record 26.8s qualified time = 30.69s

ranked 1 to 23, from 27.3s to 30.6s

35s ranked 44, possible but not shown. Ranked 24 and 25 is 33.6s.

beseem2003

拔萃校長張灼祥居然要求一個年謹11歲的小六學生做出全港排名第44的香港紀錄是否太過過份呢或要求不合理呢？

我醒起有個網球教練，他的大女在元朗一間小學讀書，今年與幾個女孩入讀女拔萃，她們都是全港女子網球排名頭六名的（我不知有沒有分齡），這就是名校想要的：Best of the best.

beseem2003

我諗如果小朋友在badminton and Cello是受認可的頭幾名，學校都唔會戒意攞多幾個獎，反而令盲目去學鋼琴和游水的家長知道孩子能否達到學校要求的水平，”另謀出路”不一定是放棄，可以是殺出一條出路，之所以現在多了很多小孩參加一些特別的課外活動，行行出狀元，只要是最好的，相信名校都會考慮。

happyeasy

有個朋友個哥哥游水好叻，但係會考好多科唔合格，都插班入到男拔中六，所以學校有呢D要求唔奇怪。

ykwong

為甚麼要讀名校呢？名校吸引你的，一定不是喇沙和
女拔那二位乒乓球手，亦不會是協恩的女飛魚。就算是，他們不是學校訓練出來的。

想入名校，說到尾都因為它們人材輩出，有大量人辦可供參考罷！除了明星外，你們究竟羨慕那些名人呢？方力申讀邊間？李傅朗又讀邊間？說不說出來？

陳方安生、李柱銘，甚至鄭海泉，你一定說得出。靠材藝來爭取名校收留，根本是本末倒置，若你游得二十五秒，拔萃一定收你，但你的兒子只負責為校爭光。你得到的，只是一個名校生的名號。九成編在 F 班。這樣，會不會是你想讀拔萃的原由？不會罷！

除非，你的兒子材藝一流，但成績九流。沒學校收，又被派到喇沙，上水個間喎！這樣我不反對你去拔萃喇沙叩叩門。不是因為想佢成績變好(機會不大)，而是他有機會脫離一個更容易學壞的環境。

以為靠文武全材可獲心儀學校收留的家長，究竟是幾時開始被誤導的呢？是舊思維吧！小學畢業前獲八級樂器資格的，週街都係。全港冠軍(或前列)得三數人，你的兒女會是那數位幸運兒嗎？相對來說，為入名校，谷成績較谷材藝較為化算，更省金錢時間，機會更多。

注 - 我不是反對幼兒多習材藝，只反對以材藝作武器

ykwong

Philip,

游水成績，先天的因素較大。骨骼密度，身高手長等，沒法改變的。已習泳超過二年，就算冇名師指點，亦一定可觀察到。谷游水划不來！

麟媽媽

其實都不是什麼大不了的事，唔好話而家喇，我二十年前讀書時，呢D學校既學生已有好多都是香港代表隊成員。名校點可以每年只出10A生呢？都要靠D唔係讀書，但運動好勁既人擦”令”個招牌架？！
當年我有個親戚12、3歲已是少青渡海泳冠軍，佢讀書真係差到死，不過運動天份確實是與生俱來，佢家境唔好，父母跟本唔會栽培佢，佢野童一個成日走去泳池玩，被一些泳會發掘，之後游出成績，幾多名校向佢招手呀！