聖方濟各VS宣道

fennieho

你是指那間St.Jo?
是灣仔果間嗎?

原帖由 dlmcdlcl 於 10-11-11 00:43 發表
可能你個HEADING 係用APS VS SFA.所以一面倒....

SFA 的校址真係唔靚......我覺得佢同ST.JOE 一樣, 係差在個地址.....

fennieho

你是指灣仔果間St.Jo嗎?如是它的地址怎會不好?

原帖由 dlmcdlcl 於 10-11-11 00:43 發表
可能你個HEADING 係用APS VS SFA.所以一面倒....

SFA 的校址真係唔靚......我覺得佢同ST.JOE 一樣, 係差在個地址.....

fennieho

宣小已截止申請了.
我的細姪k在St.cat讀,最後他揀了St.Paul co-ed.係呀!他的確係very smart boy!

luiluimama

宣小唔易入, 因為只有100個位比街外人入, 另外60個位會比宣幼既學生, 估計要10幾20個人爭一個位

我囡囡只係讀左2個多月, 程度唔算好深(同SFA & KTS比), 依個就正正係我鍾意宣小既地方, 佢學術唔係太深, 小朋友讀得好開心, 而且中學派位又好好(比上述果2間好), 我覺得學校重德行同音樂, 所以令宣小既學生好受名中學歡迎

最重要係, 我囡囡個性係好被動同怕醜, 唔鍾意笑, 但近依個月, 我發覺佢變得開心左好多, 每日放學落校車係見到佢笑住落車咖(以前唔會咁咖), 而且見佢自信多左又主動左, 依個係我覺得比學術更加重要既野

我同意宣小咁遲先面試係真係想收有心入既學生, 咁既做法對學校行政同學生都有好處

原帖由 fennieho 於 10-11-11 00:34 發表
Luiluimama,


宣小難入嗎?你女兒讀了一年感受如何?程度深嗎?
它interview及收生結果都比其他學校遲,真的要找有心人!

金毛B媽

原帖由 luiluimama 於 10-11-11 11:57 發表
宣小唔易入, 因為只有100個位比街外人入, 另外60個位會比宣幼既學生, 估計要10幾20個人爭一個位

我囡囡只係讀左2個多月, 程度唔算好深(同SFA & KTS比), 依個就正正係我鍾意宣小既地方, 佢學術唔係太深, 小朋友讀得 ...

我都係宣小家長, 都覺得我無同個仔揀錯學校, 我阿仔呢2個月來, 讀得好開心, 前幾日仲同我講, 好鐘意返宣小, 我問佢, 鐘意返幼稚園多 d, 定係小學, 佢馬上答我, 鐘意返小學, 問佢點解, 佢答 " 因為小息可以周圍去, 又可以去運動場打波, 幼稚園唔可以, 返幼稚園好似 BB 咁, 要老師睇住架 "

見佢返得咁開心, 我都開心埋一份

宣小唔多功課, so far, 阿仔自修堂, 都已經做晒了, 少抄寫不過就多默書, 測驗, 但阿仔, 都可以應付得到的

SFA --> 聽朋友講, 讀得好辛苦, 小一一開始就有 unseen dictation, 默 festival, celebration 個 d 字, 好多小朋友都 0 分, 好有壓力, 小一下學期, 就要學 tense, 要小朋友背晒 get, got, gotten 呢 d 字, 好似有成100 個以上, 如果叻的小朋友, 又應付到的, 是很好的, 不過小朋友覺得有困難, 應付唔到, 都幾可悲呢, 有 d 家長會鐘意教得深既學校的, 咁 SFA 就岩了

如果想循序漸進的, 慢慢學, 又學得開心, 我覺得宣小岩 d, 睇下各家長的要求啦

[ 本帖最後由 金毛B媽 於 10-11-11 12:24 編輯 ]

Annngan

[quote]原帖由 fennieho 於 10-11-11 10:50 發表
啊！原來已截止咁算啦。唔該晒你……
另外我想講如比我選我也會選SPCC而唔揀DBS同英華咯！不過我就想有咁多間楝啦，發夢都未有咁早啦而且今年in小一都唔知發生咩事，收完一封又一封reject letter，人都灰晒其實唔止我係咁，聽到其他好多家長都嗔到樹葉都落埋真係慘情。

Bowiema

兩間都係好好既私小, 若真的要2選1, 我都會選擇宣小. 因為中學校網較好, 論環境亦係宣小優勝些.

FUNMUM

原帖由 金毛B媽 於 10-11-11 12:19 發表


我都係宣小家長, 都覺得我無同個仔揀錯學校, 我阿仔呢2個月來, 讀得好開心, 前幾日仲同我講, 好鐘意返宣小, 我問佢, 鐘意返幼稚園多 d, 定係小學, 佢馬上答我, 鐘意返小學, 問佢點解, 佢答 " 因為小息可以周圍去,  ...

我很認同你的說法 , 如果小朋友是很喜歡讀書 , 記性好 , 我都贊成讀 sfa, 冇咁悶

金毛B媽

原帖由 FUNMUM 於 10-11-11 16:59 發表


我很認同你的說法 , 如果小朋友是很喜歡讀書 , 記性好 , 我都贊成讀 sfa, 冇咁悶

我另一個朋友個仔, 好 smart, 係 SFA 好好成績, 其他同學讀得好吃力, 佢就讀得好輕鬆, 真的是要睇孩子自己呢

現在升了中一了, (男拔佢都自己考到, 不過無讀, 讀左第2間) 佢在校都好好成績, 讀得好輕鬆

不過個位小男孩, 就比較睇唔起人, 可能因為佢自己叻, 覺得人人都比不上佢, 人際關係就麻麻地囉

[ 本帖最後由 金毛B媽 於 10-11-11 17:09 編輯 ]

Jackie310

家長多喜歡宣道...

35C9

原帖由 luiluimama 於 10-11-11 11:57 發表
宣小唔易入, 因為只有100個位比街外人入, 另外60個位會比宣幼既學生, 估計要10幾20個人爭一個位

我囡囡只係讀左2個多月, 程度唔算好深(同SFA & KTS比), 依個就正正係我鍾意宣小既地方, 佢學術唔係太深, 小朋友讀得 ...

同意, 宣小係得一次interview, 但都真係好難入.

beatriceyung

亞仔 sfa收咗, 現在等aps, 中學派位比較真的差唔多, 如果要入wanyan 就一定sfa有一定的好處,但db又收多aps, 但又聽講好多sfa的學生在p2時已轉咗去dbs..所以真係各有優點

Jackie310

原帖由 beatriceyung 於 10-12-18 20:15 發表
亞仔 sfa收咗, 現在等aps, 中學派位比較真的差唔多, 如果要入wanyan 就一定sfa有一定的好處,但db又收多aps, 但又聽講好多sfa的學生在p2時已轉咗去dbs..所以真係各有優點 ...

我個女都係有SFA

Jackie310

原帖由 beatriceyung 於 10-12-18 20:15 發表
亞仔 sfa收咗, 現在等aps, 中學派位比較真的差唔多, 如果要入wanyan 就一定sfa有一定的好處,但db又收多aps, 但又聽講好多sfa的學生在p2時已轉咗去dbs..所以真係各有優點 ...

亞女都係有sfa收咗，db同spcc呢兩年收多咗aps既學生,可能同佢既音樂做得出色有關！

35C9

APS同SFA都無中學,  但小6後, APS 學生多多少少都有張樂器証書係手, 多者8級, 小者都有5.6級, 相當吸引.   

beatriceyung

所以大家都係覺得APS好d?

TMMA

原帖由 beatriceyung 於 10-12-18 20:15 發表
亞仔 sfa收咗, 現在等aps, 中學派位比較真的差唔多, 如果要入wanyan 就一定sfa有一定的好處,但db又收多aps, 但又聽講好多sfa的學生在p2時已轉咗去dbs..所以真係各有優點 ...

可能宗教問題，sfa & wan yan 是天主教，
而 aps & db 是基督教，
所以兩間中學的收生取向會有所不同。

當然，好叻的學生，什麼宗教or有無宗教都不影響他們被學校取錄的機會。

shirleymatt

HI, 或者我講d關於sfa吧, 等大家多一重考慮!

其實SFA 同APS都好好, 但我覺得其實地區並不是我主要考慮, 因為我覺得佢地有本事自行考到多於派到. 而且小二至小五期間, 會有好多叻仔叻女轉校, 而小六中學派位, 我倒覺得家長並不似以往喜歡政府學校, 多了人考慮直資等等. 而且每年升中都好睇家長口味, 例如, 如果今年不太多家長PREFER 九華, (我知多數prefer KINGS, ST. JO等等), 咁大家都會覺得九華收少咗人咁. 所以升中數字好難一概而論, 反而我知二間小學都有好多TOP 中學暗地裏同校長有聯繫收幾多學生. 詳細我就唔知LA.

2. 論程度, 我知SFA較佳, 尤其是英文教得有系統及循序漸進(我聽一位NET TEACHER 講, 佢教好多DBS, DGJS, YW等學生), 係咪傳到咁恐怖, 我又唔覺. 之前有位MAMI講D 串字, 可能佢朋友講錯比佢聽, 佢講festival , celebration 呢d 係seen dictation, 你地要知sfa小一讀小二程度. 而unseen其實考小朋友拼音底子, 而且老師都話預咗小朋友unseen 可能會0分, 因為佢地未習慣模式, 但我覺得間間小學都要unseen , 我又無咩所謂, 而我小朋友又okay 喎, 都有100分, 當然唔係次次得la.

3. 英文係要學tense, 係past tense, present continous, 同present tense. 我覺得present tense, 係要小朋友明白he she, it 呢d要加s, or present cont係要小朋友明白動詞加ing 咁, 根本唔係要串字, past　tense 就梗要串la, 約五十個, 但都係簡單的, 如put ,read, has 呢d咁,係咪好難, 我唔太清楚, 但我知老師一開學有晒notes比我地, 我地會知道學咩, 要記咩, or 要串咩, 根本唔會溫唔到.

4. 學校係成日有小測, 但咁仲好, keep 住溫書, keep 住比我知小朋友有咩識有咩唔識, 你問我係咪好深, 我覺得都會呀,太淺咁個個都100分無意思la, 係咪?

5. 學校校外環境真的不好, 其實我覺得校外有街巿, 又好似舊區咁,好污糟, 而且好老實講, 我初初都諗咗好耐, 好唔好讀呢, 又驚老c惡死, 又驚呢樣又驚個樣, 但讀落我又好滿意呢間學校喎, 老c比我想像中好(可能我好彩遇到好老c), 學校比我想像中warm, 好多奬勵計劃, 閱讀風氣好, 有生日會(唔知小二打上有無), 都ok呀.

6.反而GS用英文考, 小測會間中考英數, 你要諗下有無問題.

7. 我自已當初無簡APS係因為我唔想將興趣變咗强迫去學, 如果本身小朋友係有興趣學樂器, 課外活動都可以好叻, 我小朋友都準備梗考三級琴試, 如果無興趣學樂器, PUSH 佢去學, 咪仲辛苦.

8. 其實我想講, 讀邊間校, 對於我嚟講唔係最重要, 而係父母到底願意付出幾多, 我自己親身教功課, 唔會出街補習, 但都唔係日日教, 而係真係小測同佢溫, KEEP 住進度, 我唔認為一個小朋友就咁返學就咩到識, 我有時聽好多人講返工唔得閒, 又話默書唔記得溫, 我反會諗父母真係付出幾多? 小朋友無論讀邊間都越讀越多, 越讀越難, 父母如果淨係諗讀邊間中學多過諗自己付出幾多, 我會覺得小朋友讀邊間都會辛苦. 係咪?

ChiChiPaPa

原帖由 shirleymatt 於 10-12-20 17:16 發表
HI, 或者我講d關於sfa吧, 等大家多一重考慮!

其實SFA 同APS都好好, 但我覺得其實地區並不是我主要考慮, 因為我覺得佢地有本事自行考到多於派到. 而且小二至小五期間, 會有好多叻仔叻女轉校, 而小六中學派位, 我倒覺 ...

我想這兒正好道出了英語學習的兩種不同理念。

宣道是中文小學，而學語文其實要多讀多寫多聽多說。因此宣道用英語讀物做教材，而不是以文法教學為主軸。

在語文寫作方面，文法只佔15分裡的3分，而內容卻佔10分。即文法錯盡，也只會損失3分。宣小重視的是孩子的創意、表達和文章的內涵，而非文法。

囡囡現已在宣小畢業，就讀中一，而在宣小時，小一、小二都還未有教過去式。但宣小畢業生的英語水平是很不錯的，這包括分數在尾後的學生。

shirleymatt

唔知係咪我講得唔好lei

我無意比較二間小學, 因為我已表示二間都係好學校, 我只是提出一些之前家長提及的一些內容再加以指正. SFA 並不是只著重文法, 文法只是其中一PART, 但我個人認為學文法也是十分重要呢! ^^

SFA 亦要小朋友睇文學, 不單英文(相對會較深LEVEL), 佢地亦會教小朋友欣賞中文兒童文學, 學作文(我想小朋友就是有creativity加好的grammatical skill, 先能作到一篇好文章吧!) 佢地亦會有好多ECA, 收費亦唔係貴!

我只是希望大家能知道sfa如何教學, 不要那麼快便比嚇怕, 我想二間小學都有約80% band 1成績, 正如大家有數得計, 一級160人, 考到120名都是band1 組別實是不錯, 而我亦識不少小朋友小二, 小三轉去政府學校, (他們因不太適應SFA程度, 成績不太理想而轉), 或許英文根基較好些, 轉校後都考到全級很前位置.

既然二間都是好學校, 就看看家長自己要求什麼... 放心, SFA學生也不是書呆子, 佢地個腦快過我呀...

不過, 我只是小一家長, 所知有限, 希望其它人可以給多些資料你們考慮吧!

Merry Christmas!!