提供更多選擇, 滿足上學基本需要

vanyau

原帖由 ttyy 於 10-9-1 14:48 發表
我今日都係校車站企咗40分鐘，因為校車比預計時間遲三十幾分鐘。囡囡話第二批校車的同學在活動室等咗半個鐘先至排隊上車，同埋司機叔叔都唔熟路。希望遲D可以順利番。 ...

今日在學校門外等接學校的情況都好誇張(我覺得,由於我是第一次接放學的),我問其他家長,是不是比以前多家長,她們都覺得是.
另外,唔好講等上校車的小朋友,不知道/不熟上車路線,連接放學的家長都唔知企係邊,因為都唔知學校怎樣安排.總之學校外可以企人的地方都差不多企滿人,見到那裏的居民有時都要行出車路行,真怕好快會被投訴.
今日真的很大陣象,有議員,有警車,有"黃腳立",學校又有安排老師和家教會的家長協助秩序.後悔無帶相機,應該拍下來.
又有些駕私家車來接放學的,一早就把車泊在斜路上,最後都被勸離開.
其實今日學校已經安排,坐校車的小朋友先上車及離開,我們都等了十多廿分鐘才能接自己的孩子.我還以為全離開了,原來還有一部份未離開.
記得以前舊校時,一班班離開的,有的自行上校車,有的跟家長離開,總之那班早準備好就先離開的.
現在學校是大了很多,但是校門好似細了少少,希望校長她們想到解決辦法啦!真的辛苦她們了!

Little_cy

ee... 咁我又睇吾到警車... 可能我係由pp第3期直上打橫過啦.  不過學校門口, 真係好似幾多人咁, 我睇女番學... 放學, 真係吾清楚...

希望係第1日既混亂, 明天會更好啦

原帖由 vanyau 於 10-9-1 17:32 發表


今日在學校門外等接學校的情況都好誇張(我覺得,由於我是第一次接放學的),我問其他家長,是不是比以前多家長,她們都覺得是.
另外,唔好講等上校車的小朋友,不知道/不熟上車路線,連接放學的家長都唔知企係邊,因為都唔 ...

polarbb

其他一定多左人自己接送,我LEE到以前起碼20人搭校車,今日得幾個,我諗係校車費太貴所以好多都唔再搭.
而且我相信如果真係咁多校巴上學校,一定會比周圍D人嘈,到時都唔知可唔可以校門口上落.

原帖由 vanyau 於 10-9-1 17:32 發表


今日在學校門外等接學校的情況都好誇張(我覺得,由於我是第一次接放學的),我問其他家長,是不是比以前多家長,她們都覺得是.
另外,唔好講等上校車的小朋友,不知道/不熟上車路線,連接放學的家長都唔知企係邊,因為都唔 ...

ttyy

我呢個站都係同樣情形，之前成十個小朋友等車，今日得番兩個。唔知大家都走咗去邊？

sfcssfcc

原帖由 polarbb 於 10-9-1 20:57 發表
其他一定多左人自己接送,我LEE到以前起碼20人搭校車,今日得幾個,我諗係校車費太貴所以好多都唔再搭.
而且我相信如果真係咁多校巴上學校,一定會比周圍D人嘈,到時都唔知可唔可以校門口上落.
...

看來小學第一天上課十分震憾，未有親睹情況，感到有點可惜。

但學校搬校一事早已有少部分鄰近街坊表示十分不滿，在暑假期，在灣仔區議會牽引下，中學曾召開學校重建簡介會，向附近街坊闡述重建安排，但其中有聖佛蘭士街的五至六名居民踩場，而據知他們早已與姓李的區議員一起從多個途徑投訴，一直由教育局及民政事務局跟進。

只是當日為中學重建簡介會，與小學搬校一事完全無關。但該等居民橫蠻無理，滋擾大會秩序，更指着負責接待的中學同學來罵，令同學即場下淚。最後在中學校長，民政事務局灣仔區代表及其他出席者的勸喻下，他們才肯離場與政府代表另舉行會議。

聖佛蘭士街校門口較狹窄，這是事實，但相信對居民的影響不至於當日居民所指稱的嚴重，但亦已惹來投訴，甚至乎有人將事件政治化，指責小學沒有徵詢居民意見。幸而灣仔區議會有文件證明，在申請搬校時，校長溫太及家教會主席唐女士亦多次出席區議會，而民政事務局亦已徵詢居意見（前文更登有區議會文件連結）。

中學重建簡介會幸得不少街坊，家長和舊生支持，結果贊成聲音多於反對聲音，最終自稱居於小學舊校舍對面屋苑，在會場上堅決反對的一名婦人亦願接受，只要求中學重建時的樓層不超過規劃的高度便可。

ttyy

現時仍選擇乘搭校車的家長，相信都已經接受了貴價車費這個事實。問題係我們付出的貴價車費似乎並沒有反映出相稱的服務。之前我仲一廂情願咁認為轉咗細車，人少佐，停站亦少，上落快，路線可以安排得更合理高效。點知原來完全唔係呢回事。如果話冠忠沒有呢方面的經驗，我就不會太相信。只係希望公司可以為小朋友考慮多一些，優化一下校車的服務。

[ 本帖最後由 ttyy 於 10-9-2 09:00 編輯 ]

cherrynequ

阿女今日好 d 啦, 1:00 就返到來落車, 阿女話學校一打鐘, 老師就即係叫佢地去排隊, 快快上車.

如果我有工人, 我會選擇唔坐校車, 叫工人湊返學放學,真係好貴, 差唔多多左 一倍, 所以唯有迫住坐校車.

原帖由 ttyy 於 10-9-2 08:51 發表
現時仍選擇乘搭校車的家長，相信都已經接受了貴價車費這個事實。問題係我們付出的貴價車費似乎並沒有反映出相稱的服務。之前我仲一廂情願咁認為轉咗細車，人少佐，停站亦少，上落快，路線可以安排得更合理高效。點知原來完全唔 ...

polarbb

其實我都知一定有附近居民不滿,個條路又窄,D車上上落落係好煩,就正係咁我至更加希望校車起碼可以去到校門口上落,咁小朋友就小D危險,下雨天又唔駛拎住雨傘行一段路.至於個車費,其實真係好貴,我諗睇現在的乘搭人數已經知道,我以前比500幾,玩在係差不多一千,一年就成萬蚊,如果唔係條路太斜同太窄,我真係寧願自己湊返學,我只係怕大雨時要同個女行上去佢會好辛苦同濕哂.
睇黎我都係的起心肝考返個車牌自己開車接送好過.時間就可以鬆動D

ttyy

今日囡囡都係差唔多一點半先返來，似乎第二批上校車的還是要等一段時間。不過今日校車公司就打電話來通知聽日起遲十分鐘上車，雖然比起我哋自己的估算尚有距離，但起碼都見到公司有做及時合理的調整。

[ 本帖最後由 ttyy 於 10-9-2 15:15 編輯 ]

sfcssfcc

原帖由 polarbb 於 10-9-2 13:59 發表
其實我都知一定有附近居民不滿,個條路又窄,D車上上落落係好煩,就正係咁我至更加希望校車起碼可以去到校門口上落,咁小朋友就小D危險,下雨天又唔駛拎住雨傘行一段路.至於個車費,其實真係好貴,我諗睇現在的乘搭人數已經 ...

養車仲貴同唔值得呀！一個月泊車位起碼要二，三千元，加上維修和油錢，每月最少開支四千元，更何況學校門口又斜又窄，校車進出又多，除不准停車等候外，乘私家家的學生上落都可能要泊遠一些，而且十分急趕，並不化算．

以前見到有一個家長用架名貴訪車送囡囡去參加音樂節比賽，但由於附近沒有車位，結果比賽期間只坐係架車度等，而沒有看囡囡比賽情況．反而我們這些坐車價更貴的巴士的家長，反而可同囡囡共度比賽的每分每秒，雖然結果沒有得到任何獎，但這種親子關係總較只是接送來得好．

在香港，由於交通工具眾多，寧願選擇坐的士，較養車還容易．

但大家有沒有想到將囡囡的書包視為貨物，那麼便可要求客貨車司機送貨至學校（法例規定客貨車只能送貨，但貨主可以隨車看管貨物），現時不少客貨車司機願意承接定時定點送貨服務，其中亦有家庭式運作，如妻子負責看車的，但要看大家的際遇能否遇到．

polarbb

我自己有車架，不過都係老公揸，佢一直叫我考車牌我懶唔考之 ma,其實自己揸車一黎真係唔係好滿意校車，講真，真係好怕佢兩年後又加價，到時一加就過千，我而家同人講我一千校車費個個都嘩聲。講真，我比咁多校車費，個質數都同以前冇咁好，又要走多一轉 causeway bay，校巴話就話走一轉，但點知原來係要多幾個站，咁同走多一轉冇分別。
我都知條路又斜又窄，盡量都唔好咁多車上去，如果我真係要自己揸車，我都會迫隔離街唔好阻住校車，同埋我相信會車埋我這裡的幾位同學仔。而家用校車服務，真係比我有個感覺係肉隨鉆板上，好唔開心。我個女重有幾年讀，好彩的話入到中學又幾年，比校車費都成８，９萬，真係有Ｄ癲架～～～～

原帖由 sfcssfcc 於 10-9-2 15:20 發表


養車仲貴同唔值得呀！一個月泊車位起碼要二，三千元，加上維修和油錢，每月最少開支四千元，更何況學校門口又斜又窄，校車進出又多，除不准停車等候外，乘私家家的學生上落都可能要泊遠一些，而且十分急趕，並不化算．

以前見到有一個家 ...

[ 本帖最後由 polarbb 於 10-9-2 17:48 編輯 ]

polarbb

唉,如果佢做到校門上落同可以好似以前咁715上車我已經好滿足......

原帖由 曲曲 於 10-9-2 17:38 發表
選擇坐校車就預了車費會每年加價而且亦接受了車費貴, 希望校車公司能逐日進步, 不斷改進去迎合大家的需要

Little_cy

我阿女ifc上落, 番學就呢兩日都遲左, 話7:25, 第1日, 就成7:40至到, 今日, 7:35.  我問校車ee, 聽日點, 佢話7:30, 又睇下點.
不過放學真係超快, 12:30已經去到中環ifc喇.  好采我老公今日早到, 原定係12:40, 如果吾係阿女就要企係到等.

ttyy

羡慕之極兼流埋口水！ 我哋天后北角呢區要一點半先到。提早上課之後，我真係變得對時間“分分計較”。試想如果兩程車可以少用20分鐘，囡囡每日練琴的20分鐘就有了。還是那句，希望學校和校車公司可以體諒一下我哋的父母心。

原帖由 Little_cy 於 10-9-2 22:02 發表
我阿女ifc上落, 番學就呢兩日都遲左, 話7:25, 第1日, 就成7:40至到, 今日, 7:35.  我問校車ee, 聽日點, 佢話7:30, 又睇下點.
不過放學真係超快, 12:30已經去到中環ifc喇.  好采我老公今日早到, 原定係12:40, 如果吾 ...

polarbb

我重遠過你,柴灣都係12:50分到,你居然要1:30,一定係好多個垃,真係慘

原帖由 ttyy 於 10-9-3 10:28 發表
羡慕之極兼流埋口水！ 我哋天后北角呢區要一點半先到。提早上課之後，我真係變得對時間“分分計較”。試想如果兩程車可以少用20分鐘，囡囡每日練琴的20分鐘就有了。還是那句，希望學校和校車公司可以體諒一下我哋的父母心。
...

ttyy

所以咁多怨言lor。其實我連搬屋都考慮過了，就係想幫囡囡節省時間。但學校附近好難搵到適合我哋D普通收入又有小朋友的家庭居住的屋苑，僅有的也根本沒有租盤。而家唯有等大家適應新環境新時間表之後情況會有好轉。

polarbb

你要過幾鍾至返到黎又真係誇左D,我個時重諗過搬去天后北角個D再近個女返學多D,宜家唔駛諗,太離譜,真係同住東涌個D冇分別,可能佢地重快過你返到屋企.

原帖由 ttyy 於 10-9-3 11:02 發表
所以咁多怨言lor。其實我連搬屋都考慮過了，就係想幫囡囡節省時間。但學校附近好難搵到適合我哋D普通收入又有小朋友的家庭居住的屋苑，僅有的也根本沒有租盤。而家唯有等大家適應新環境新時間表之後情況會有好轉。 ...