我個囝份卷比人"柴"o左4個鞋印........

klyie

快d了解件事.等妳消息.

師奶

我好開心知道真相啦！份數學卷係老師派,吾係班長派的,老師話由於我擦左鞋印,冇得對鞋印但會了解下,睇下係同學有心還是吾小心踏到，遲D會比電話我。摘名方面：佢解釋這位同學年紀比其他同學大,處事比較嚴,也提點過這位班長摘名前要比一次警告,這位班長現在改緊。
老師話我囝上課時留心,但轉堂時會傾計同埋多咀。另外老師話英文paper紙比另一位同學o罹左返屋企，佢話一、二年級小學生,有事會賴吾認係正常的，這件事情可能係你個囝誇大小小。你個囝在學校同同學相處冇問題，但我會留意下,叫我放心。
好彩我冇信晒個囝，如果吾係實比老師覺得我麻煩家長。

Bluestar

個老師的回應+態度好似都幾好o播。
誇大小小，似乎是小朋友的通病？

klyie

咁了解左件事米安樂晒啦.唔洗訓唔到覺. :

kittymail

師奶：
要多些同囝囝溝通下。要打開話題，先問下佢開心事，學左什麼？如數是他強項，就讚下佢先，不要一開始就問佢有無比人記名。會令佢不愛番學，講又作大來過你個關。

Vin

師奶,
你記住以後都要多啲同個仔傾下偈~
留意下佢嘅情緒~
因為佢可以講一件事講到喊~
証明咗可能真係有啲嘢困擾住佢/受咗委屈~
同埋佢之前用"唔記得咗"嚟做答案~
好明顯佢係唔多想講番喺學校嘅事~
唔可以俾佢繼續係咁,
如果唔係佢第日可能慣咗咩都唔同你講~

肥仔媽咪

師奶,

咁咪好囉, 有了小朋友我們真是好像重新再學做人咁, 唔緊要啦! 有乜問題上來這裡講好多人會有好提議的, 我也是在這裡學到好多嘢!

師奶

個囝放學後主動話搵返英文paper紙,仲話班主任吾當欠交功課，仲話班長冇摘佢名，見佢開心左，我解釋比佢聽班長只係客你等你吾好傾計，佢話知道會記住吾好傾計。我會多D同個囝傾下計,了解下點解要講大話，可能我關心得佢吾夠,我會改過的。
我在親子王國學左好多野,大家吾相識你地都咁關心,真係好多謝，如果吾係得到你們提點,我一定會等到派成績先算，現在解決左,冇針對係誤會 ，今晚一定睡得好。

Vin

師奶,
小朋友講大話多數都係因為怕受到責備~
有可能係你平時同佢傾偈時用咗啲唔係幾好嘅語氣而你自己冇發覺~
好似佢上之同你講話班長同幾個同學一齊玩佢個筆袋~
你問佢係唔係因為佢自己對人唔好~
可能佢已經覺得你係責備緊佢,唔信任佢~