選修鋼琴

rabbitpiggy

原帖由 ming2 於 10-9-2 23:57 發表


同意vcom所講,有老師陪佢地食飯,半小時都已經足夠架啦...lunch hour上堂,有機會係老師時間上未能安排到,佢地如果係器樂堂時自修練習樂器,係冇老師陪佢地架,佢地自己係房練習架... ...

我想問係一個小朋友一間房自修, 或是一班小朋友一間房架?

冇老師陪, 應該都會有人看住掛, 唔會unattended 掛, right?

bb108

如果係樂器堂自修而又無老師睇住, 我諗未必會個個好自律咁成半個鐘都坐定定自己練習. 始終係細個.
我都知要係lunch time時間上堂, 可能係老師唔夠或太多人學同一種樂器而分配唔到. 但我自己就覺得, 既然話太多人學某種樂器而分配唔到係常規時間上, 咁係咪學校安排上有問題呢. 當初怎樣預算呢? 斷估唔會一早就諗住要學生係lunch time上堂掛. 唔係應該統計好有幾多人學邊種樂器, 有幾多老師available 咩.  如果唔夠老師分配, 係咪唔好安排咁多學生去學同一種樂器lor. 我諗無人會諗到要用lunch time時間去上正常既常規課掛. 無錯, 老師可能安排學生係lunch time進行其他活動 (可能係表演, 音樂會....), 但應該就唔係用來上堂lor.
學校這樣安排, 令我對學校有些失望lor. 我覺得這安排, 會令學生好攰, 無精神上下午既堂.

[ 本帖最後由 bb108 於 10-9-3 14:09 編輯 ]

rabbitpiggy

原帖由 bb108 於 10-9-3 14:04 發表
如果係樂器堂自修而又無老師睇住, 我諗未必會個個好自律咁成半個鐘都坐定定自己練習. 始終係細個.

我仔現在一定唔得.  我估佢不但不會練習, 仲會左搞右搞.  

不過希望佢慢慢可以學懂自律, 都係一個好机會令佢學習咩叫自律既

88654321

我都要在lunch hour學中提琴,但我並不介意她只得半小時吃飯,我反而極度非常十分不滿要帶2日樂器番學,巳經夠細粒,書包又大又重,仲要加埋個中提琴,搭校巴又要轉車,初初唸住辛苦一日,点知而家要2日.

bb108

我已跟學校反映了. 阿女今日有器樂堂, 但我想信呢半個鐘佢都係望風景多. 佢lunch time上完鋼琴, 就要上中文. 唔知會唔好攰.

88654321

原帖由 bb108 於 10-9-6 10:14 發表
我已跟學校反映了. 阿女今日有器樂堂, 但我想信呢半個鐘佢都係望風景多. 佢lunch time上完鋼琴, 就要上中文. 唔知會唔好攰.

你不用帶樂器已很好,我樂器堂無得上又要帶,到過2日lunch hour上堂又再帶.

bb108

我都知唔使帶樂器已經係好好, 你小朋友要帶2日樂器, 真辛苦了佢, 所以我覺得學校係安排上有問題lor.