一條龍

virgokaren

熱狗爸：

哈哈哈~~~~看你寫文章，真係賞心樂事。雖然有時要估估下，不過咁至有挑戰性！
----原來係“完亞完”，我估錯左添。
咁黎緊大角咀果間個間等執粒o既小學，轉左直資咪又可以大翻身！
直資係課程科目上有好大自由度，這是受歡迎的原因。
但係佢轉左直資係咪大換血呢？如果唔係，果班老師咪即係由【做又36，唔做又36】時代變左而家【為兩餐乜都肯制】時代？
果時做唔好，而家又做得好？？？
真係唔多明解？

hotdogpapa

virgokaren：
拿，講明先丫，第日“熱狗”出書(狗都識字，仲唔係天下第一書？)一定要捧場呢！幾時？當狗狗再冇得看門口、當狗狗再冇得擔骨頭、當狗狗再冇人養、當狗狗一分鐘可以打出一百字，當狗狗心唔夠口講得快、口唔夠手打得快之時囉...

你所講o既唔係鮮魚行學校嘛？唔殺得架，梁校長革命尚未成功…同志還需努力…梁校長間學校想轉直資，相信都冇咩人蘇佢！校長孤身應戰，祝佢一路順風...

鮮魚行校長梁紀昌先生係值得“熱狗”崇拜o既教育界人士之一！(看官睇完後，睇法如何？)
佢本來是教統局(前教育署發展主任，當了廿年官，月薪一定多過當窮校校長多多聲，又未到退休/有長俸之年…勇氣可嘉…)睇唔過香港之教改而辭職當校長(其實係佢越做越心驚…)，希望以可以有教無類，春風化雨！鮮魚行是一所破舊不堪o既垃圾學校，(當時似乎冇咩人敢寫信應徵，佢與校董之對話“熱狗”忘記了…一定係感人肺腑！)學生多是低下層一群(新移民、綜援人士…)，佢每日第一個返校、最遲一個走人、朝七晚九、年中無休；任何時間小朋友、老師都可以搵到佢傾偈，問問題！佢為了提高學生閱讀興趣，私下請全年閱讀超過一百本書之小朋友“遊直昇機河”！(好多小朋友從未去過過海，唔好講坐直昇機…)甚至小朋友屋企冇錢交電費都可以同佢借住先…o係佢個人同老師努力之下，學生成績明顯地進步，家長越來越喜歡！咁都要殺，公理何在？唔通高官淨係識得睇數字(23人才開班，少一不可！)做人乎？好彩仲有個甚麼“視學報告”(七間小學唯一合格…)救番學校….仲有人幾萬、十幾萬咁捐款…多謝有心人士支持梁校長教學理念！

Virgokaren問：《但係佢轉左直資係咪大換血呢？如果唔係，果班老師咪即係由【做又36，唔做又36】時代變左而家【為兩餐乜都肯制】時代？果時做唔好，而家又做得好？？？真係唔多明解？》…都是醜陋的中國人，“熱狗”都係唔講喇…

答案：跑馬地的寶覺小學透過興訟而獲准自資辦小一、大角咀的鮮魚行學校則通過特別視學而翻生、屯門的道聯會圓玄小學校則獲准與同區的保良局小學合併為直資小學、大角咀的志潔小學也獲准與將軍澳的優才中學結成一條龍直資學校…

virgokaren

熱狗爸：

你出書我一定捧場，只要我到時仲未有白內障，只要我到時仲有一個幾毫，只要我到時仲認得幾個字。
到時你要幫我簽名喎！

我講的是大角咀的x氏宗親會小學。
我最初估錯的就是跑馬地的寶覺小學。

聽你咁講，鮮魚行的梁校長，的確值得讚揚和敬重。我心目中的理想老師就應該是這樣。怪不得他翻生有理！
x氏的校舍都唔係好好，點解梁校長無人支持？
希望這個有理想的校長，不要被人打沉！

hotdogpapa

virgokaren ：
真係要考慮清楚先好諗出書問題：
一)一本書先值一個幾毫，學霑叔出六十四版都唔掂架~點算呢？哈哈…
二)        寫咩好呢？熱狗學貫中西、樣樣皆能，都係諗下先…哈哈…
今年殺校好似廿幾間(六年之後就到中學了…)，得四間可以生存，可悲！
如果呢幾年唔係多得“國內同胞”大力支持，睇怕香港出生率都接近零；到時殺校可能要二百幾間，點算好？
梁校長要有教無類喎~邊有人同佢傾得埋呢？

virgokaren

hotdogpapa 寫道:
梁校長要有教無類喎~邊有人同佢傾得埋呢？

咁又係，直資要$$$$$$$的！
佢不如搵東華三院斟斟，東華三院不是贈醫施藥的嗎？