宣道小學今年中學派位

haloha818

[quote]原帖由 snowy2006 於 10-5-22 12:28 發表
非常認同 chunheimama！

宣道是非一般的傳统基督教学校，非常注重德育及個人品格培飬。因为该校没有直升或聯繫中學，因此每位学生都很上進努力和適應力強，爲未來上中学做好準備。
Snowy2006:
我都非常認同你o既講法，唔係要買花讚花香，但係的而且確宣道真係一間品學兼優o既學校。講成績，係，有好多學都好叻，而宣道就越考越好，以2009年爲例，一百六十幾人，居然全部入晒英中，試問我哋身為家長仲想點？！而大家o既dream school(DBS $ DGS)，宣道由早幾年每間考得兩三個到依家每間都有十三、四個，呢個成績真係有目共睹。講品德，雖然我個囡只係入咗宣道兩年，但已經感受到宣道o既威力，對比其他同年o既小朋友，亞囡係比較乖巧，懂得應有禮貌、遵重別人、爲他人著想、明白事理、懂得分享，從不作粗魯行為（連一般小朋友掛在口邊o既白痴、痴線、低能絕對唔會出自亞囡把口），我唸呢一切一切絕對是學校o既功勞，現今做學生o既，一日裏面對得最耐o既，唔係老師就係同學仔，所以小朋友絕對反映到間學校是好是壞。大家讀宣道o既請繼續努力再為學校爭光。

snowy2006

haloha818,

正確來說，宣道上到P.5 -P.6 仍会有4班，一班大概有36人，全级约有150幾人，以成績分班。加上課外 活動和其他比賽從來都吾小，同学幾乎全部互相認識...所以我話拒地有上進心和適應力強！

六年小学生活，並不是三言两语能够形容。當中笑中有淚，阿仔话最深刻印象是當年既VIP 位和坐飯監呀 ，校長好野，甘都想到！

[ 本帖最後由 snowy2006 於 10-5-22 21:26 編輯 ]

haloha818

Snowy2006:
請問乜嘢叫做坐飯監呢，好有趣喎！

snowy2006

haloha818,

哦，午飯会有當值老師或prefect 陪拒地吃，爲免浪费食物及对各同学健康着想，午飯规定要吃一半以上才可以離開課室自由活動，如果吃得mi-mi-mo-mo 嗰D咪坐飯監囖！

叻既通常一打開飯盒咪用匙畫開两份，吃了一半多D就舉手比老師 check， 然後自由活動囖！好味自然吃得晒啦。

咧D 野你都應該聽過啦！ 我仔仔當年是飯監台柱！

[ 本帖最後由 snowy2006 於 10-5-22 21:38 編輯 ]

haloha818

Snowy2006:
明白！我唸你仔仔都大了，是嗎？

snowy2006

haloha818.

Yes, 已畢業上中学了！你地要加油呀！

suewong

hi, i just pass by.....are u talking about the school at kowloon tong or the one at whampoa garden?

catcatmom

朋友個大仔, 09係宣小派中學, 現在中一學生, 說當年1-80名是BAND1%, BAND3%是很少的, BANDING% 隔年唔同, 這是是年INFO.
但朋友很喜歡九宣, 說是一間很好學校.不過佢最唔鍾意一班太多人, 佢個仔試過一班43人.

原帖由 snowy2006 於 10-5-22 01:33 發表
以我所知，宣道全级有4 班，大慨名次由第1 至130 是 Band 1 组别，第130名 以下 到考第尾都是 Band 2 组别，宣道没有Band 3 学生。每年派位成绩都会在学校web-page 公布。

咦！chichipapa 來了噢！ 由你答就最清楚 ！你囡囡好吗？ ...

[ 本帖最後由 catcatmom 於 10-5-23 19:27 編輯 ]

nyako

很欣賞小朋友品學兼優, 那請問宣小評估,考試是否很頻密? 課程是否都好深? 謝謝!

snowy2006

Hi catcatmom,

09年度 Banding 百分比我吾太清楚，但派位公布我記得系無人去到 Band 3 中学，呢個我可以肯定，而且校方每年都会公布，我講緊九龍塘宣小，雖然banding% 每年吾同，但應該吾会太差，可能而家劲爭大咗，因爲Banding% 系以區域黎排！

我個仔小一嗰年，一班最多都有39-40 人，但一定吾会有40幾人甘多，因爲教统局有限制。一D讀得叻既,或者嗰D跟吾上既，到甘上下就会轉校，所以上到P.5 大概一班有36-37人左右。

haloha818

原帖由 nyako 於 10-5-23 22:26 發表
很欣賞小朋友品學兼優, 那請問宣小評估,考試是否很頻密? 課程是否都好深? 謝謝!

較早前都有post過類似o既問題，你試吓去「小一選校」第三頁，有個heading「葵涌仁立和九龍塘宣道」，你睇完都會略知一二

Schoolbus26

我想問下宣小的老師有無愛心呢?  課程是否谷得好緊要?  功課多唔多, 如果跟唔上, 老師有無跟進及同佢地補下底呀?  要不要出去補好多野???

haloha818

原帖由 Schoolbus26 於 10-5-24 09:28 發表
我想問下宣小的老師有無愛心呢?  課程是否谷得好緊要?  功課多唔多, 如果跟唔上, 老師有無跟進及同佢地補下底呀?  要不要出去補好多野???

宣道老師個個都係基督教徒，見亞囡日日返嚟都講學校o既嘢俾我聽，我唸如果間學校、老師唔好，亞囡都唔會成日講，我接觸過o既老師，個個都好樂意幫助，好好傾同亞囡仲要好friend睇親學校啲活動相，個個都笑得好開心。

谷唔谷、課程深唔深，簡單講，英文教得淺，考得深，數學快1／4個學期，有science都幾深架，如果成績啱啱合格都好，老師都會暗示叫你加油，或者要外面學吓，而到五、六年班，中英數會跟成績分班上堂，聽家長反映都好欣賞，仲要搵最好o既老師教最差o既同學，都算係咁咯。

kakajune

原帖由 goodmama2003 於 10-5-21 23:32 發表




請問佢全級排第幾名呵 ?

全級十名內~~

Daisy媽咪

原帖由 kakajune 於 10-5-24 15:13 發表


全級十名內~~

見到宣小既小朋友成績咁好, 自己都好開心, 因為囝囝被取錄了九月讀小一. 不過我相信家長本身背後都有好多辛酸, 我好擔心自己比唔到支援比個囝,而令佢追唔上學校既要求.

另外我想問學校有幾多次家長日 ? 我可能面對面同老師傾囝囝既學習情況呢 ?

haloha818

原帖由 Daisy媽咪 於 10-5-24 16:44 發表


見到宣小既小朋友成績咁好, 自己都好開心, 因為囝囝被取錄了九月讀小一. 不過我相信家長本身背後都有好多辛酸, 我好擔心自己比唔到支援比個囝,而令佢追唔上學校既要求.

另外我想問學校有幾多次家長日 ? 我可能面 ...

每年得一次，每次7-10分鐘

haloha818

每年得一次，每次7-10分鐘，如有問題可以隨時打俾老師

snowy2006

我是過來人，阿仔已畢業上中学了，但拒依然很懷念宣小，坦言宣小是一所好学校。

宣小老師系吾会罸学生的，上堂發夢嗰D 会即時掉去坐VIP 位直到落堂，即是坐系前排第一個對住老師既位，每當老師發問問题便由VIP 第一個答，人人平等，即使考第一既都坐過VIP 位，试问邊個敢發夢！

德育堂会久不久安排高年级同学到P.1 各班介绍自己看過又最喜爱的 story books 及分组講故事比低年级聽，story books 要自己準備好的。而呢D 低年级生，將來亦会爲拒地D 後背講故事。加上課外 活動和其他比賽從來都吾小，同学幾乎全部互相認識...所以拒地好close，好有歸屬感。

我個仔试過跟個同学爲件小事爭吵，老師没有當面責備，只系問拒地返学爲乜，如果要见家長值吾值得，父母会不会傷心？然後两個细路即刻流晒眼涙，之後老師同拒地一齊祈禱了事。事後班主任私下有打电话比我交代過。

六年小学生活，並不是三言两语能够形容，當中笑中有淚。

金毛B媽

原帖由 snowy2006 於 10-5-24 23:37 發表
我是過來人，阿仔已畢業上中学了，但拒依然很懷念宣小，坦言宣小是一所好学校。

宣小老師系吾会罸学生的，上堂發夢嗰D 会即時掉去坐VIP 位直到落堂，即是坐系前排第一個對住老師既位，每當老師發問問题便由VIP 第一個答，人人平等 ...

請問你囝囝而家讀邊間中學呀

我囝囝今年都考到宣小, 不過好像那位媽媽咁, 怕小朋友跟不上

catcatmom

snowy2009


2009banding%與2010年Banding%已唔同了. 要是年派位的家長, 才最清楚, 學校亦不會向每級家長公佈, 不過低年班既家長可向高年班家長打聽, 我路過..見有家長發言,想提吓我知道既DATA.
朋友是很喜歡九宣, 我都覺九宣係一間好勤力小學, 就算有BAND3學生都係好少, 而且很多直資英中都樂意收宣小成績排好後既學生.

其實九龍城區一間有超過50%BAND1既小學, 已係超班(同區一間男校都無啦! ) 但數一數佢入傳統英中數目可能不只80人, 因宣小派好多TOP英中名學, 係因為佢地學生既才藝, 唔一定係睇成績.

朋友個仔今年就係用運動入了男拔,他不是讀宣小.

BANDING%按中一分班得來, 而分班可以反映一間學校學業水平, 我是十分不同意.

原帖由 snowy2006 於 10-5-24 00:49 發表
Hi catcatmom,

09年度 Banding 百分比我吾太清楚，但派位公布我記得系無人去到 Band 3 中学，呢個我可以肯定，而且校方每年都会公布，我講緊九龍塘宣小，雖然banding% 每年吾同，但應該吾会太差，可能而家劲爭大咗，因爲Banding% 系 ...