女兒的Maths補極都沒有多大幫助，有無計？

hotdogpapa

哈里波波講得好o岩~真不愧為“熱狗”之偶像！

數學要從根開始，尤其是女孩子，比較難掌握原理！單係操練之“有效時間”非常短促~應付考試後就全部忘掉了！
不過數學好鬼麻煩~升一級就重複一次加深一d！如果佢地細細個分數攪唔好，到混合式時就再惡教一點…

所以我自已用“熱狗式”教囡囡數學：
所以我囡囡好細個時就成日同佢“數青蛙”(一隻青蛙一張嘴，兩隻眼睛四條腿，卜通跳落水…)，數到佢手指腳指都唔夠數咪要用心算囉…倍數好快就上手了…
到囡囡學代數時，咪搵d橙、蘋果同大餅出o黎，放o係地下做算式，搬下搬下又明白了…
六年級時同佢玩估數字(分八張有數目紙，佢揀邊幾張出o黎就可以估中佢o既數字…)，就係咁樣教佢二進制…佢而家中一咪合埋眼都識囉…
等比數o既威力：有次搵左一大張發泡膠番o黎，同囡囡講，我地上太空好嘛？我話：“將發泡膠對摺後切成一半，重複做一百次就夠高度出去宇宙邊緣了”(1cm X 2一百次方 )…當然界左幾刀就已經放到天花板了…不過小朋友就明白等比數o既威力了…
囡囡二年級之時，一次竟然無喇喇整張“全港數學校內賽”優異獎狀番o黎，我仲同老婆講：“發達啦！”以為囡囡數學有d天份添，點知細時了了…大左唔係想像中咁掂…
不過佢雖然計數唔快，不過好定好定~尤其考試時！一步一步o黎，刁難題目都唔會受影響，一般夠鐘前才剛完成！不過差不多冇咩錯~六年級三次考試分數：99、98、100而取得三次學科優異獎！(“熱狗”升中時，我記得好快就做哂d試題，再check一次都仲未夠鐘，不過就一定有錯…)我到而家都莫名其妙，平時佢o既表現絕非如此！所以班中四位數學天才仔都話佢係出貓喎…  
*數學天才仔：
其中一個叫人肉計數機，顧名思義，一般加減乘除快過計數機
另一個叫奧林匹克，拿過奧數獎，單憑獎狀已經入左喇沙

哈里波特

Hotdog,
失敬! 失敬!
That's why, 人夾人.  你配令千金, 簡直一絕.  
我地呢d粗人, 一味得個急字, 又無耐性, 玩兩野唔掂, 我就"火都黎", 教細佬, 真係好多心機.  所謂打好個底, 好彩一年半截, 唔好彩 N 咁多年都唔掂.  多作嘗試, 總好過坐以待敝.  只要有希望, 凡事可成真.
所以, 我會盡力為小女尋覓一所好的中學, 直到明年七月的那一天, 不會讓hotdog你獨專.  簡直羨慕又"羨慕". 哈哈....

各位家長們, 努力呀!
明早11:00am-12:00am St. Paul Co-ed 見

Cheers,

virgokaren

哈里、狗爸：

我無你地咁才高八斗，數學對我來說是一個"謎"，自己都解唔掂，識鬼教咩我！
(可唔可以乘機賴我小學個數學老師架？ )

一個爸爸

賴完小學個數學老師,都又係要自己教,鬼叫佢係你o既細路咩!!

virgokaren 寫道:
哈里、狗爸：

我無你地咁才高八斗，數學對我來說是一個"謎"，自己都解唔掂，識鬼教咩我！
(可唔可以乘機賴我小學個數學老師架？ )

hotdogpapa

哈里波特：

波特兄今日之SPCC一行，收穫如何？
你讀完U都叫粗人，咁“熱狗”中學都未畢業，叫咩人好呢？唔好潤我啦…叫你一聲大佬喇！
有邊個比你更了解你o既孩子？點會唔夾？可能唔係你無耐性！亦唔係你火爆頸；可能係你太認真…同小朋友唔可以時時咁認真架…入唔到佢地諗o既野裡面、聽唔到佢地心底話、溝通好容易出現問題架；放鬆一點…嚴謹時嚴謹、耍樂時耍樂…小朋友其實好簡單…工作時遇到o既奸人不是難對付百倍嗎？
“熱狗”囡囡只是狗屎撞馬掍才一矢中的；不用羨慕！憑實力於自行分配取得學位，才是名符其實！
我睇唔使等到七月了！非派位直資一般都提前公佈…有好消息，記得給“熱狗”一杯“哈里波特咖啡”就可以了…就此謝過~今天不是感恩節乎？

hotdogpapa

virgokaren：

才高八斗一定冇我份(哈里波特為人敦厚也不會認！)！我只想做一個好爸爸，足矣！
數中國歷史人物中最自大o既人，“熱狗“認為一個為晉朝詩人謝靈運，佢話：天下才有一石(十斗)，曹子建（曹植）獨佔八斗，而其餘兩斗，一斗天下人均分，一斗佢老人家喎…不過謝靈運有咩才華，“熱狗”就唔識了…
一個為毛潤芝(澤東)；《沁園春》：“…江山如此多嬌，引無數英雄競折腰，惜秦皇漢武，略輸文采！唐宗宋祖，稍遜風騷！一代天驕，成吉思汗，只識彎弓射大雕；俱往矣，數風流人物，還看今朝！”…呢個人雖然目空歷代帝皇！不過的確係一個軍事天才，其他仲識寫下詞咁啦…老左就痴痴呆呆，俾人擺上檯都唔知…一世英名盡喪！
話你知，“熱狗”細個好鬼死懶架！屋企又冇人理：成個野孩子咁、小學時周山跑、上堂時就搵周公、從來唔讀書架！(最差成績考尾二！)所以老師幾叻同我無關，我成績唔好都唔會賴佢架！o係升中關頭唯一買過一本甚麼“數學303”o黎做o羅，(有哂答案架！唔岩答案咪自己再做一次囉…)，做完就上戰場了…

答案：“熱狗”心目中之叻女歌手~Karen Mok (Morris)也，同你同名都唔識，抵打也！
佢中學就讀DGS，會考取得五優三良成績後，拿獎學金(獲選第一屆十大傑出女學生獎)去義大利和英國讀書，精通英、法、中、意…多國語文…才女也！走入娛樂圈，怪哉也！與周星馳、任賢齊、王力宏之花花霧霧…side料也！再來一個馮德倫，“熱狗”不樂觀也！

哈里波特

Hotdog,

唔好潤我啦, 你老眼昏花, 我邊有U呀, uncle (unclassified) 就有幾個.  可能到六十歲時, 好似霑叔咁重入校園就有機會U.

你好吟 -- 吟詩個吟.  利害.  今日去埋浸大聽何文匯教授講"粵語正音", 對我地呢 d 市井, 簡直有莫大的得益.

St. Paul Co-ed 當然正啦, 最正到 F6 & F7 每人會有一位師兄師姐做你個mentor.  佢地勁人咁多, 你想讀醫, 有個醫生做你個mentor, 你想做律師, 有個律師做你的mentor.  前人種樹後人享福.  

初中, 中. 英. 數分小組上堂, make sure 不會因人多影響進度.  到高中分科, 只要有 around 8 個人就可以開班.  唔似我地以前讀書, ABCD 班, 似吃套餐, 你可選擇唔食 (drop the subject), 但唔可以自選.  呢個世界就係咁現實, 平民無選擇權.

我都係平民, 今日只係去陪跑, 主要目的想比自己及小女知道呢個世界"麥"野叫做好野.  做人要有個目標.  我的目標係---若佢唔知點解突然發力, 成績好似坐火"前"咁, $我死都死比佢.  做到的你咁多, 其他自己餃掂.

各家長, 共勉之!

virgokaren

噢！原來哈里波特係"兄"來的，失敬！失敬！
BK 越來越多 PaPa，唔知 auntie 係咪得我一個呢？

熱狗爸果真一文人雅士，我果d書包拋極都吾起！

係喎！人地叫karen我叫karen，差咁遠嘅！
她媽咪都係有識之士來的喎，係嘛？
讀得書叻，果真同家庭背景和支持度有關。

St. Paul co-ed 果然識得人盡其材，名校能延續下去，就是有此優勢！

hotdogpapa

virgokaren：
其實“哈”君都沒有直接承認是男是女！只是“熱狗”按哈里波特之腳仔撲撲...而猜度；如有估錯，還請哈里波特原諒！(不過哈君可能佢係個小美人，所以不便道出來，難道佢唔驚“好淫”之“熱狗”乎？)其實是公是“也母”也沒關係，最重要的在於關心“下一代”…
越是有才學之人越會收斂才華，越是不學無術之士才會班門弄斧！“熱狗”就是那些口袋插上半打筆充有識人士之徒！
Karen的確是書香世代；爺爺是英皇創辦人之一，老爹前朝高官也，晚年以鬼佬之身研究甚麼“易經”；一旦學有所成，黃面佬又一次汗顏了！

hotdogpapa

哈里波特：
睇o黎老狗都要配老花眼鏡了！
唔怪得SPCC人均摘A率(2.09個)為全港之冠！原來大把水大把條件作“小組教學”！其實每一間“百年老店”總有其成功之因素！昨天報紙報導：“DBS創校135週年籌款晚宴有二千人出席…其中不乏城中猛人云云…”囡囡之學校亦將有校慶，一來門票似乎過高(一家三口二千多元似乎非平民百姓可及！)，二來“熱狗”撿之“骨頭”近來又跌價…三來“熱狗”不習慣面對四方猛人…考慮考慮中！
哈哈…粵語正音？又o岩“熱狗”傾啵！而家d學生(老師亦不見得準確…)在粵音上之錯誤弄算是常嚴重！單單日日聽d懶音就聽死“熱狗”隻狗耳了！
如：過連時，我去左趕島間痕身銀寒o羅錢，然後同表弟抗角缸上港州，再去買左一d剷俾舅母，夜晚仲一家人睇一筆out銷！
***過年(nin4)•過連(lin4)、港(gong2)島•趕(gon2)島、恒(hang4 )生( sang1)銀行(hong4)•痕(han4)身(san1)銀寒(hon4)、鄺(kwong3)國(gwok3)光(gwong1)•抗(kong3)角(gok3)缸(gong1)、廣州(gwong2)•港(gong2)州、橙(caang4)•剷(cann2)、一筆勾(ngau1 )銷•一筆out(au1)銷。n/l不分，gw/kw冇哂w音，g又唔見哂…唉！
我都有諗過叫何教授搵d有錢佬捐錢出o黎，教授就出隻“正確廣府話”vcd，逐個小一生同入職老師派發；不過諗諗下又唔掂，因為個個有錢佬都講唔正d廣府話啵~潤佢地咩！
至於讀錯音，情況還算好一點！起碼電視台之新聞報導這幾年間不再要“熱狗”老人家受罪！而我亦藉機教囡囡也…其他節目就唔好講唔好講…
係唔係學校應該教“粵音拼音”呢？
唔好咁孤寒啦，梗係要你先俾左錢(囡囡)，佢先o羅幾支火箭(A)俾你架啦！
哈里波特，快d掉左塊手寫板佢啦，冇d誠意就一世都打唔到中文字架啦！想當年我都係問個文員：“點樣學打中文？”佢話：“唔使學…a係日，aa咪昌o羅、b係月，bb咪係朋o羅…”我答：“就係咁容易？”等我又試下先…o羅張報紙出o黎，每日午飯打一鐘…唔識就問，冇得問就由xa打到xz，唔信搵唔到你…搵唔到就用聯想字…咁就畢業了！而家唔算快，不過除非你用倉頡，否則一定快過你！

哈里波特

好利害的熱狗, 連我打中文有困難都比你睇到.  做正經事的時候, 我會問個女用縱橫輸入法點打, 但呢d私人野, 最好自己來.  由其你無發現我時常開夜車咩.  有佐 BK 之後, 電費多佐幾百蚊.

你其實係唔係何教授? 我個日都有發問, 你見我唔到咩!  唔使驚, 我個女個喫姐係你個女d師姐, 佢話 existing 有二個新聞報導員係佢d同學, 怕且十幾年之後d水準唔會差好遠 je.

我係你, 我唔會參加學校呢個 function, 太貴.  等佢高中先, 當係一個 social event, 識下d老師&同學.

hotdogpapa

哈里波特
一)雖然二岸三地輸入法各有特色，不過我都係跟從主流；起碼去到邊可以打到邊(香港only)；囡囡話中二要考速成、中三要考倉頡啵…
二)唔好開咁多夜車了！一百幾十事小，冷落嬌妻事大…
三)哈哈…何教授何許人也？咁得閒上網發up瘋？佢唔好諗下點推動“正宗粵語？”
四)雖然有識之士越來越多，但等到佢地全力推動粵語之際…睇怕政府又要o黎一個“真正母語教學”了…難道你認為“小小人口”o既方言、繁體字…可以抵擋十三億大軍乎？
五)岩！八百蚊一個未計衣著…都係遲下d先，都未知佢讀唔讀得上…

virgokaren

速成、倉頡係主流，間間中學都係考呢款。
我都好羨慕識打速成的人，去都邊都打得。

我就懶，用快碼，貪佢易上手。
一旦上左手，而家唔願學其他了！

熱狗爸：
我希望香港繼續保持用繁體字，我覺得繁體字靚好多，而且，懂繁體字的人會懂得看簡體字，相反就未必得了！
就等於你懂倉頡便懂得速成，相反又未必識喎！

買件踢死免，可以著足七年，無人察覺架！

哈里波特

Hi Hotdog,

何教授 - 何文匯博士 (很多字典的粵音審核 by Dr. Ho).

我個女P3已經學會倉頡, 但多數用速成.  後來因有個免費course, 1 hr 學會縱橫輸入法, 仲免費送軟件, 自此之後, 佢就很少用速成.  除佐去圖書館時無辦法就用啦.  Her faster speed 17 words/minute, ok 唔錯.  佢去年P5做佐好多電腦project, 用flash, marcomedia, powerpoint. 成日做到1:00am midnight, 所以成績都退步了, 太沈迷, 成日話自己係 IT 人.

virgokaren,
繁簡體我都支持, 講真, 我很少買繁體字的書比我個女, 家中用$買的全是簡體字書.  我d女從小開始雙向發展, 無辦法, 大陸書真係平好多.  我個女最鍾意Harry Potter, 我本想買HK版珍藏, 但連個女都話唔值, which is $149 Vs $39.  今日報紙話將會有間她大矩模的大陸書店會在灣仔開業, 裡面有coffee shop "tim", 平平地坐一日, 都唔錯的好去處.



  

virgokaren

哈里波特：

近年我都係買簡體字書多，除左因為它們印刷精美左(拍得住港台)，主要係價錢平兼種類多！但我不敢俾我外甥女看，怕她學壞師。不過聽聞而家中學都唔係咁執著，我估可以開始俾佢接觸下。
我今日都睇到報紙，除了大陸書店，仲有一間台灣書店會開，到時又多個好去處了！

hotdogpapa

virgokaren、哈里波特：
一) 何教授，“熱狗”當然有少少認識(又係教導囡囡時~方知不足而強讀書時而神交也…)，不過佢老人家幾十年o黎o既努力同收成唔成正比！最好佢老人家搵個“靚女”、再搵個贊助商，每日一句“笑談廣府話”…o係無線播出，或者仲有一線生機…
二)“咩都要識，咩都要試、咩都要學…不過唔可以沉迷！”“熱狗對囡囡之要求。
三) 想學就要學，“一日一個鐘，幾日就成功，速成好輕鬆！”
四) 其他輸入法唔係唔好，不過有時執筆忘字 / 或者唔肯定o既字就有“速成”之聯想字幫下忙，冇咁失禮人…
五) 簡體字一問題，牽涉到文化大革命…不談也罷！不過老毛佢簡完又簡(驚死中國太多文盲乎？)，簡到我十歲回鄉之時，對住“毛泽东万岁！”五個字，竟然四個唔識，死未？繁體字不單靚d、而且仲有字義、有根有據、有跡可尋、“熱狗”雖然一番努力下(返完鄉下回港後，一口氣睇哂成套簡體版十萬個為甚麼！)，不過：
有d打死都唔識寫：例如憂鬱(忧郁)…
有d又唔知點解轉下唔轉下：辦(办)法~因為“辦”字其他四個朋友又唔變(辨瓣辮辯)…
有d又風馬牛：觀、戲、鄧、難→观、戏、邓、难…
有d又睇死狗狗~皇后後來死了！(皇“后”“后”来死了！)、蘇聯經濟復甦了！(“苏”联经济复“苏”了！)唉，一隻狗狗太多十萬個為甚麼！得閒都係去下國內聊天室“泡泡妞”先…
六) virgokaren好攪笑~踢死免？你好想見識下“披住兔皮o既狗”咩？

“熱狗”題：點解廣東話不能成為中國官方語言？

哈里波特

virgokaren,

你話而家中學都可以用, 錯哪!  我當年直程鼓勵你用 (文學課).  我當年曾complaint老師抄書在黑板上, 全都係簡體, 佢話--你唔鍾意, 咪drop佐佢羅.  當年我都想, 但實在drop無可drop, otherwise HKCEE 都唔使考.  

MomMom

“熱狗”兄真是博學多才，對學習又認真，又懂得教女。真的令人羨慕。我拜讀了你很多留言，也忍不住要讚讚你。
我成日係到默默偷師。學吓如何教女。我真不相信你說的--你是中學都未畢業。

MomMom

哈里波特

唔係喎！我讀書果陣好似唔可以用簡體字。所以我都唔係全識睇。唔通我地有代溝??   

哈里波特

MomMom,
你有無讀文學呀! 我肯定我會考份卷一定有寫簡體, 因我有某些繁體字已經唔記得點寫, 當時我地抄黑板抄到暈, 唔寫簡體唔掂.  我當年個文學老師而家都在元朗某中學教緊, 佢好鬼串架, 等我見到佢時問下佢其實是否作答可以用簡體, otherwise, I may get higher grade if I used complicated Chinese.