終於考完試喇... 好開心

Little_cy

polar
係呀, 做練習真係好緊要

原帖由 polarbb 於 10-1-15 14:47 發表
冇辦法,為個女前途著想.
我都係比佢做練習,中英數都係

polarbb

題外話,聽講學校唔派番考試卷比家長,死啦,個小朋友咁細,錯咩都唔識/唔記得返黎講,我會打比學校反應下.

原帖由 Little_cy 於 10-1-15 15:19 發表
polar
係呀, 做練習真係好緊要

Little_cy

then i dunno ar.
我個女都係第一年係到讀, 不過似乎又真係喎, 佢早兩日話派左英文卷, 不過老師收番, 冇得帶番屋企.  我仲問佢, 吾駛改正咩?  

咁又真係吾好喎, 點知個女錯咩, 又可能計錯分呢??

原帖由 polarbb 於 10-1-15 15:27 發表
題外話,聽講學校唔派番考試卷比家長,死啦,個小朋友咁細,錯咩都唔識/唔記得返黎講,我會打比學校反應下.

花花公仔

I also have interests on this school. How many quiz, test and exams a year? Is the workload heavy?

Little_cy

2 tests 2 exam for the whole academic yr.
quiz, around twice a week, sometimes once per mth.

homework, must hve ka

原帖由 花花公仔 於 10-1-15 16:52 發表
I also have interests on this school. How many quiz, test and exams a year? Is the workload heavy?

Little_cy

vanessa
大家一齊努力.

今日阿女都話派左math, 成績都係得8字頭, ma ma dei 啦, 要再努力

原帖由 VANESSA1109 於 10-1-14 11:41 發表
學校28-29/jan 放假喎 !!! 你們的女女好叻呀 !!! 我個女英文成績不理想 要再努力過啦....

sfcssfcc

無記錯的話，不派考試卷是因為教育局規定五，六年級呈分試的試卷要保留作抽樣檢查，再加上防止有補習社將學校考試卷作為招徠學生的手段，因此只在考試後與學生對答案及解釋普遍的錯誤。若個別學生有疑問亦可向老師提出，也是培訓學生主動學習的其中一個方法。

當然，為保障試卷評分合理，除一名老師改卷外，另會有一名老師重審。但若家長認為囡囡考試分數有很大偏差，亦可向學校提出，要求閱卷，但必須親往學校，亦不能將試卷取走或影印。

據知校長，副校長亦會抽樣審閱試卷，盡量避免出錯。

最後，引用校長曾在家長日的一番話作結，大意是雖然考試相差一至兩分，尤其是默書方面一點一撇的爭拗，對學生的整體成績影響實在不大。學生的成長和得著，並非在乎那一分或兩分，而是在學習過程中的態度和自我尋找失敗原因的積極性，而家長在這方面以身作則的表現更為重要。

原帖由 polarbb 於 10-1-15 15:27 發表
題外話,聽講學校唔派番考試卷比家長,死啦,個小朋友咁細,錯咩都唔識/唔記得返黎講,我會打比學校反應下.

chmanpong

Hi sfcssfcc,

          Thank you for your sharing . Yes, 以身作則 is very important.

chmanpong

polarbb

其實我唔係在意個分數，只係一年級學生第一次考試，講真，錯咩佢都返到黎都唔記得，如果自己唔教返佢，佢下次又係咁錯，你話佢已經３，４年級唔派我唔介意，５，６年級唔派我當然知點解啦，因為要呈分。我地幾個一年級媽咪都講緊佢個女返黎都講唔到自己錯左Ｄ咩，連問老師都唔識，要知道錯左就要教返啱佢，老師有時都解釋唔到咁多，個個理解力亦唔同，最好就係父母自己講解下，佢地始終都係一年級。我知好多學校都唔會比考試卷家長，不過佢地都會派返比家長一日等佢地望一望教下個小朋友，對於我黎講分數唔重要，重要係個小朋友明唔明自己錯咩，識唔識改返啱。我好相信老師改得就一定啱，讀書唔係求分數，對我黎講個小朋友盡左力就得，分數o既野有咩所謂。好似個女Ｄ測驗卷派番黎我有時見Ｄ作句老師都會話佢唔啱扣佢分，作句好睇個人，不過我又唔會同老師講，因為老師要扣米扣。唔係個個想拎返份卷都係唔信老師或想check分，我就一定唔係，因為分數我唔覺得重要，重要係我個女有冇盡力，盡左力都考唔好都冇辦法，係佢資質問題，我只係想睇返佢錯咩再教返佢，始終都係一個剛６歲小朋友，老師改咩佢米睇咩，有Ｄ自己錯咩點解會錯都唔會明，更何況要佢地自己問老師？

原帖由 sfcssfcc 於 10-1-15 23:16 發表
無記錯的話，不派考試卷是因為教育局規定五，六年級呈分試的試卷要保留作抽樣檢查，再加上防止有補習社將學校考試卷作為招徠學生的手段，因此只在考試後與學生對答案及解釋普遍的錯誤。若個別學生有疑問亦可向老師提出，也是培 ...

[ 本帖最後由 polarbb 於 10-1-18 01:51 編輯 ]

hayleyrenee

絕對同意，跟我心聲一樣，只係想知道囡囡錯係邊度，可以再同佢温多d。
提外話，請問polarbb的女兒係讀1A班嗎?

polarbb

英文有到我都要問返老師,因為個女都講到唔清唔楚,我驚佢下次又係咁錯. 其實宜家好多家長都唔會因為想 check分數而去睇卷,好多都真係想知錯咩教返個小朋友,我等校車時同好多一年級媽咪傾計,大家都有問返個女錯咩,不過佢地只講到30-40% 同埋我自己都想知係米我教錯個女,宜家小學D課程同我地以前唔同左,好似好多中文字寫法都唔同左,我都係同個女一齊一路學update下自己

原帖由 hayleyrenee 於 10-1-18 14:17 發表
絕對同意，跟我心聲一樣，只係想知道囡囡錯係邊度，可以再同佢温多d。
提外話，請問polarbb的女兒係讀1A班嗎?

sfcssfcc

我們這些過來人當然明白你們一年級生家長的心情。事實上，當年我也是經常拿著各式答案卷，例如測驗卷等，特別是中文默書簿問囡囡錯什麼，也是沒有得到任何答案。其後亦試過影印字典，甚至乎將學校當年推介，現已絕版的一本手寫中文字形書內的字放大，再交給老師，結果也是沒用，因為老師手上可能有相同的書，而錯的原因可能只是筆畫方向，例如點是由左至右，而囡囡卻寫成由右至左，因此屬錯字。

雖然老師在小學階段捉字甚嚴，但囡囡明顯地對筆順的掌握較其他同齡的一般孩子為高，這或許是日積月累的結果。

再者，經驗告訴我，縱使一而再，再而三將某字的錯誤告知囡囡，例如聽字，耳字下應是撇然後加個土字，但囡囡在初小時總是寫王字（部分原因是字體不端，看來像是王字），結果扣分完又扣分，直至高年班的某天，或許是某個同學提出，又或許是突然清醒，才不會再錯。

雖然家長在考試後十分希望取得試卷，然後再教導囡囡，但這與老師的做法實為差不多。只是家長可以教一次，教兩次，教三次，而老師只會教一次。但是，在教三次後如何，對我來說將是大發雷霆，拿著試卷問囡囡為何會不懂。但事實上，她們真的是不懂，無論我們再教多少次，她還是說不懂，結果，一場親子溫習時間變成哭哭鬧鬧收場。但請放心，願意不斷學習的孩子，不多久便會自然懂過來。

面對天資聰敏的孩子，家長或老師只要講解一次或兩次便會明白，學校派考試卷對她們來說最有幫助。但是，先派考試卷然後在翌日收回，我可以肯定的說，不論是什麼班級，必定有會有學生表示遺失試卷，因為不少家長簡單至遵守校外雙白線的交通規則也不做，又怎會理會學校的通告。既然會引發不必要的紛爭，學校便以安排家長回校閱卷的方法取代派試卷。

事實上，過去亦有家長為求對囡囡在考試時的錯失有更深入的了解而要求閱卷，這在學校方面是十分歡迎的。當然，學校也不會拒絕那些只為一分兩分閱卷的家長，但無疑會為學校帶來不少人手安排問題。

原帖由 polarbb 於 10-1-17 21:38 發表
其實我唔係在意個分數，只係一年級學生第一次考試，講真，錯咩佢都返到黎都唔記得，如果自己唔教返佢，佢下次又係咁錯，你話佢已經３，４年級唔派我唔介意，５，６年級唔派我當然知點解啦，因為要呈分。我地幾個一年級媽咪都講緊佢個女返黎都講唔 ...

[ 本帖最後由 sfcssfcc 於 10-1-19 21:33 編輯 ]

polarbb

其實又唔係,因為佢地好多時錯個D野係真係唔明點解所以錯,最主要係佢地錯左不過老師冇比返個答案佢地,依我女所講,學校派卷時大家雙手放枱,唔可以拎任何野出黎,老師X左的不會有個答案比返佢地,咁即係話佢地唔識都好,最後都係唔識,不過佢地唔識D咩返黎都唔識講,好似中文個女返黎同我講有個錯左標點,個"呢"字後面佢用!號老師話錯,但佢又講唔返個句子比我聽,我有打返學校問,老師亦講返比我聽,我再同個女解釋佢就明白左,又好似英文有到,佢見到係toy cat佢寫 it is,老師話錯,要用 she is,不過之前書係冇教,因為佢地作業所有 toy cat, toy dog 都係用 it is,咁唔通我地由佢錯都唔好打去學校問? 我知老師用得she就一定係用 she,不過點解用,咩時候用我都要同個女講返,我個女都有試卷寫錯字,老師都X佢,不過我又唔會去質疑佢只係寫得唔清楚點解老師要X,對我黎講,我只係想教返佢知唔知點解會錯同錯咩,我個女成日寫錯中文字,我覺得情有可原,因為中文字真係幾難記,今日老師好好人講返試卷錯咩比我聽,不過我話唔駛啦,我只係想知個題係點出法等我教返佢,其他個D分數點扣我唔在意. 宜家最大問題係老師一方面唔駛佢地改正(都冇所謂),問題係咁個答案係咩老師都冇講,如果個女已經二,三年級我會要佢自己問返老師,自己搵答案,不過宜家佢係一年級重係第一次考試,如果真係因為佢資質低而由佢啦,你明就明唔明就算啦,咁就係我地父母責任.
至於捉字問題,我又覺得唔嚴,我見個女中文默書返黎D字都寫得唔係好靚,不過都次次一百分,老師都唔會特別去捉,可能重係一年級老師唔會太嚴住,不過可能下學期開始就會嚴返D,不過我都同個女講如果係因為佢寫得唔好而比人扣分就係佢既事,講真宜家好多家長真係唔會為左個一兩分同學校拗,大家都係想教個小朋友佢唔識 o既野.
到宜家為止,個女每次評估,測驗派返黎個D卷佢錯咩我都唔會話佢,因為我知佢盡左力,我亦同個女講佢盡左力就OK,真係考得唔好都冇辦法,我唔知人地個D小朋友係點,不過我個女就係講解左佢就會明,所以我知今次考試佢錯個D野如果我唔同佢講一講,佢都唔知點解會錯,咁下次又會犯同一個錯,我唔想佢錯唔係因為分數問題,係因為學習係求知識,如果錯就由佢等佢自己慢慢明啦,咁我地點解要比佢返學讀書,點解要同佢溫書?等佢自己自修都得啦,始終佢地重細,要佢地自己明都唔係一年級可以的事.
我又好小同個女因為讀書而發脾氣,佢派D野返黎有錯我會睇佢錯咩,係唔小心定係唔識,唔小心個D會叫佢下次小心D,唔識個D就會同佢講解返,有時會一齊討論,我教佢係用返小朋友的心態去教,因為用大人心態去教就會下下覺得點解咁都唔明架,但係睇返自己細個果時都未必會明啦,所以我個女係响毫無壓力下讀書.要知道教小朋友唔係淨係學校責任,家長都有責任,要同學校互相配合.
宜家好多家長真係唔會為左一兩分同學校拗,同上一代個D媽咪唔同,大家都比較讀多左書,唔會咁失禮為左一兩分同學校嘈,阻住老師,大家都係明事理的人,想睇卷都係想知小朋友錯咩再教返佢地,起碼我身邊好多媽咪都係,不過就我所知,好多學校都有派卷,不過就會第2日收返,有D學校重會叫家長自己copy留底.
再重申,唔係個個媽咪想睇卷都係為左同學校去拗無聊的一兩分,唔係個個都會為左一兩個字就同學校拗,不過身為家長,要身教,有錯就要追尋答案(真係問題要有答案個D,唔係錯別字)而唔係要資質好就教,唔好就等佢自己大左慢慢明.
不過點都好,E間真係一間好好學校,校長同所有老師真係好好人,我覺得好好彩冇比個女讀私校.

原帖由 sfcssfcc 於 10-1-19 21:29 發表
我們這些過來人當然明白你們一年級生家長的心情。事實上，當年我也是經常拿著各式答案卷，例如測驗卷等，特別是中文默書簿問囡囡錯什麼，也是沒有得到任何答案。其後亦試過影印字典，甚至乎將學校當年推介，現已絕版的一本手寫中 ...

[ 本帖最後由 polarbb 於 10-1-20 09:55 編輯 ]