協恩面試!

妹豬

YinYuMami

唔使咁灰心,SC收咁多學生,一日未知結果,都仲有機會.我有個問題,我囡好似同你囡係同學? :

CatMak
你有無試下打去kentville問遲少少去見得唔得,又或者你明天早d去heep yan, 可能早d見,早d完,跟住即刻飛的士去kentville, 遲少少無所謂啦!始終都多個chance呀!

YinYuMami & CatMak
雖然我囡今日interview SC 表現都算ok, 不過SC唔係我心目中的學校, SC同kentville 其實有無分別呢,有人話kentville 的程度深好多.........唔知真定假. 不過我會係平常心,考到到時先諗,明天11:00am考kentville, 3:30pm考 heep yan 都唔會抱太大期望,因為係我囡午睡時間,都唔知會唔會失控, 不過都會試下當比機會佢.
祝大家好運    

cherrybibi

all >> 我個囡是今朝比較早的一批面試, 在一間房,
有3張桌, 每張桌一位老師負責人.
第1部份 ~~ 生果, 有紅蘋果,青蘋果,檸檬,鴨梨,貢梨,
橙, 約共7個. 問小朋友喜歡吃那一個, 小朋友選好後,
問佢那是什麼生果, 再叫小朋友比一個老師選的生果給
老師.
第2部份 ~~ 眼耳口鼻, 有個人頭, 已貼了眼和耳,
叫小朋友在眼耳口鼻裡搵, 人頭欠缺的部份, 放回面上,
再問小朋友眼耳口鼻是什麼.
第3部份 ~~ 顏色, 有條方形珠縺, 問小朋友方珠是咩
顏色, 是橙色和紅色, 另外, 再有3條珠縺, 排序不同,
叫小朋友搵返一條排序與老師之前問顏色那條一樣的
珠縺.
完結.
預祝妳們成功.

ShannaMaMa

請問有沒有問家長問題?

Shannamama

cherrybibi

無家長問題, 請放心. 但我睇唔到佢地有用紙筆mark分,
是我睇唔到 or 有其他方法 ?

ShannaMaMa 寫道:
請問有沒有問家長問題?

Shannamama

ShannaMaMa

那麼怎樣平分呀!

  

妹豬

cherrybibi

嘩!第三部份都幾深,要咁細個小朋友分到形狀同顏色真係唔容易喎

cherrybibi

妹豬,
可能我表達得唔太好, 唔使分形狀, 只是分顏色和排序.
協恩是我考3間之中, 題目最難的一間.

jazzmama

interview this morning.

with 3 parts, but I feel more comfortable than SC.

As i said before, not so big pressure.

But I wonder why my girl know green apple and lemon le.....  Better than my expecation.

妹豬

jazzmama

你個小朋友好叻呀,我囡只係識蘋果橙,有一個綠色的梨,我覺得問個得2歲的小朋友算深,我估佢地都係想收d大囡,我見有d係第三part問到cry........真係慘.

cherrybibi

jazzmama & 妹豬 >>
我個囡在第2部份將個鼻哥洞向上放, 老師問佢眼耳是咩,
佢都唔答, 可能因為個老師年齡比較大, 又不太有笑容,
佢是識眼耳口鼻, 但唔答真無計. 第3部份問佢紅色和
橙色都答黃色, 佢平時一定答到橙色. 我出左去之後
勁唔開心, 因為個囡太...   . 反而佢下午去
到 kentville 又好合作  

YinYuMami

妹豬 ,

Which school does your daughter studing? My daughter joins the playgroup at Fanny's workshop almost a year and now she is studing in Lutheran day nursery..

The performance was not good as well... The questions was too difficult for a two years old children and the teacher no smile at their face, seems they just want to finish their job... I have no expectation in this school..

妹豬

YinYuMami

我囡就係返Fanny's Workshop. 我識你囡個名係因為我工人成日講,話你囡好可愛,好得意,我工人好鐘意佢,其實我未見個你囡架

協恩我囡應該考唔到,希望根德收,如果根德收,我諗我會收工唔再去考其他幼稚園,今日去左兩間,我見我囡好累,今日一早就訓.....

妹豬

cherrybibi
根德 d 老師 nice 好多,我諗要d小朋友合作都好睇老師問問題的態度,d小朋友的直覺好勁,佢覺得個老師好,佢地鐘意的話自然會表達得好, 我問我囡鐘唔鐘意間學校,佢話好鐘意,叫佢係到讀好唔好,佢答我好,又驚佢地唔收,收左又驚d 程度會太深咋.

YMandy

Hi Cherrybibi,
我個囡同妳個囡差不多, 但我個囡只是第3部份答中橙色和紅色問邊條珠錬相同就無反應,最後問佢是否呢條珠錬才點頭,最醒就係攞糖,攞完即走,bye!bye!都唔講.之前第1,2部份就全無反應,完全無分,簡直令人失望,佢已經係大B, 應該會好Ｄ但是衰到貼地, 問佢叫嘜名佢都唔答,第1部份最後仲拎轉面和背着老師,其實做完第1部份巳經心中有數可以out得,其實入到房見到佢test d 道具都好開心,生果,眼耳口鼻,應該完全 no problem,第3部份就不知佢做嘜?:evil:  :evil: 我們出左去之後一樣勁唔開心,直頭想殺死佢,可能希望越大,失望越大
現在改變戰略,在15天內改變佢害怕默生人的心情,再戰培正.
培正仲難考無家長陪同.呢次完全無期望,所以不會有失望,祝大家下次好運.

cherrybibi

YMandy,
我好明白妳的心情, 因為我考完時好嬲, 我唔明點解識都唔
答, 我上到車再問佢邊隻是眼, 佢重指完左邊指右邊. 但過
左一陣, 我自己冷靜左之後, 我明白今次考試是考我, 唔是
考亞囡, 因為, 如果之後佢在學校面對其他考試, 但佢是
應該識, 點知佢無答或其他原因攞唔到分, 唔通我又應該
嬲咩, 個囡都盡左力. 感謝主比這個機會我反省. 所以到
左下午去到 kentville, 我唸佢連歌都唔會唱, 點知佢又
做到   , 雖然是細細聲,但我都知道佢已盡力  .

sara

我非常之明白大家既心情!因為我都係 :evil:  :evil: ,我個女在屋企咩生果都識,去到就一個都唔識,連最鐘意既apple都唔講,只係最後老師叫佢拿lemon,佢就拿俾佢! 第二part全對,但第三part我個女堅持自己拿住串珠同老師拿的一模一樣,但係其實係錯既!   
不過跟著in完後再in啟思小學幼稚園及kentville,我就更  :evil:  :evil:  :evil:  :evil: !
有咩理由三間幼稚園在同一日interview,攪到我同個女全日在九龍塘呆等,無晒心機!

ShannaMaMa

我睇到佢地有用筆mark分在申請表上,

我個女第一part, 選了紅apple , 老師叫她取lemon她也成功給一個 lemon 給老師, ok..
part 2 , 她 選錯了nose , 她未見過
沒有鼻樑的鼻子???所以選錯了, 但其實她是識分的.
老師再問她口用來做什麼? 她答食嘢?
都OK la....
part 3 我就最滿意, 因她竟然一想了一吓就立刻取到正確的珠.. 不知真識定假識?

不過是否一定要全對才有機會入到校?
(我聽過其他人說就算答對所有問題都不收wor?
真定假?????
不知她們的平分標準??
ShannaMaMa

ShannaMaMa

Nonna

唔該, 我想問兩位家長一齊到學校, 是否一位家長陪小朋友入去in呢! 老師一齊問問題, 還是問完小朋友再問家長, 家長多數問怎麼, 我覺得考小朋友d 題目都唔容易,有d深!

cherrybibi

Nonna >> 無家長問題. 可以2個家長一齊入去 interview
的房間, 但只有1位可以陪小朋友坐在桌前答問題.