如何才是 『 開心的童年』 ??

小木偶媽咪

認同你所講!!
將來既事真係冇人知, 但我作為孩子的家長
只知道我要儘我能力,責任去幫自己孩子鋪好條路
等佢前面既路好行D,絕對唔係一項投資,冇想過有任何回報
只一心想佢將來生活好D,
唔會擔柴憂米,唔會日曬雨淋
我諗所有父母都係想睇到仔女過得安穩,安樂.
呢個就係最大既心願了.

原帖由 黃巴士 於 09-10-7 22:38 發表


依個年代, 無嘢是絕對的了.

elok2009

haha.... take a balance between
don't play too much
don't just focus learning

G-Ma

書係應該盡力讀, 相信大家都會認同知識係可以改變命運, 不過我認為唔係淨係得讀書一條出路, 亦唔認為做高官及專業人士一定係最好.  好多人既才華唔一定係係書本知識方面, 佢地讀書未必好叻, 但係可能係音樂, 運動, 畫畫方面好有才華.  所以如果迫佢地讀書, 攞高分會係一件好痛苦既事.

人生唔係淨係得讀書, 如果孩童年代只係將所有精力時間用哂係書本上, 好可能會埋沒左佢其他既天份.  所以我始終覺得係要兩者平衡, 玩跟讀書係要兩者並重.  

我覺得"成就"有固然係好, 但都要懂得享受生命, 如果每日只係營營役役, 搵到好多錢都未必會開心.

原帖由 小木偶媽咪 於 09-10-7 23:50 發表
係未必..但總有好多機會
我相信冇一個高官,專業人士係讀唔成書吧
但係讀唔成書,就絕對清楚將來條路有幾難行

思想陳舊都要再講一次:
我一直深信讀書唔係求開心,係求知識.


...

黃巴士

原帖由 G-Ma 於 09-10-8 12:20 發表
書係應該盡力讀, 相信大家都會認同知識係可以改變命運, 不過我認為唔係淨係得讀書一條出路, 亦唔認為做高官及專業人士一定係最好.  好多人既才華唔一定係係書本知識方面, 佢地讀書未必好叻, 但係可能係音樂, 運動,  ...

G-Ma

其實我自己成日都不斷反思我地作為父母幫佢鋪好既個條路係咪一定最好最適合佢?  會唔會強加左一個框架比佢, 埋沒左佢其他既天份?

原帖由 小木偶媽咪 於 09-10-8 00:09 發表
認同你所講!!
將來既事真係冇人知, 但我作為孩子的家長
只知道我要儘我能力,責任去幫自己孩子鋪好條路
等佢前面既路好行D,絕對唔係一項投資,冇想過有任何回報
只一心想佢將來生活好D,
唔會擔柴憂米,唔會日曬雨淋
我 ...

grace_xian

先有知識, 再有開心, 先有努力, 才有成果

你講得好實在, 我讚成你所講的

但在呢個過程中, 充滿了各種各樣的挑戰,
家長盡到自己最大的努力也就好了

讓小朋友能够像海線一樣汲取知識, 不會將來後悔,我諗呢個就是開心的童年
當然表現出來的方式是多種多樣的, 結果也因人而异

只要盡力, DO YOUR BEST

原帖由 小木偶媽咪 於 09-10-8 00:09 發表
認同你所講!!
將來既事真係冇人知, 但我作為孩子的家長
只知道我要儘我能力,責任去幫自己孩子鋪好條路
等佢前面既路好行D,絕對唔係一項投資,冇想過有任何回報
只一心想佢將來生活好D,
唔會擔柴憂米,唔會日曬雨淋
我 ...

小木偶媽咪

所以例如畫畫,小提琴,數學既興趣班都有報
小朋友既潛能根本無法預計,只好儘量幫佢尋找出來
我細個想彈琴,但屋企負擔唔到,
而家大部分既小朋友都有"一技旁身"
而家D小朋友真係唔知叫辛苦定係幸福

原帖由 G-Ma 於 09-10-8 13:12 發表
其實我自己成日都不斷反思我地作為父母幫佢鋪好既個條路係咪一定最好最適合佢?  會唔會強加左一個框架比佢, 埋沒左佢其他既天份?

Annabellalaw

HI,G-Ma,

為何你的思維和我如此相似？簡直是心連心了

恨不相逢未嫁時.....


我也經常自我反省檢討,一點不敢鬆懈！

原帖由 G-Ma 於 09-10-8 12:20 發表
書係應該盡力讀, 相信大家都會認同知識係可以改變命運, 不過我認為唔係淨係得讀書一條出路, 亦唔認為做高官及專業人士一定係最好.  好多人既才華唔一定係係書本知識方面, 佢地讀書未必好叻, 但係可能係音樂, 運動,  ...

G-Ma

HI ANNABELLALAW,

大家都愛錫小朋友, 自不然想法接近.

宜家相逢都未遲 !

其實我地做父母都係活到老, 學到老, 大家努力!

原帖由 Annabellalaw 於 09-10-8 13:31 發表
HI,G-Ma,

為何你的思維和我如此相似？簡直是心連心了

恨不相逢未嫁時.....


我也經常自我反省檢討,一點不敢鬆懈！

G-Ma

同一件事辛苦定幸福好視乎用咩態度面對.

原帖由 小木偶媽咪 於 09-10-8 13:29 發表
所以例如畫畫,小提琴,數學既興趣班都有報
小朋友既潛能根本無法預計,只好儘量幫佢尋找出來
我細個想彈琴,但屋企負擔唔到,
而家大部分既小朋友都有"一技旁身"
而家D小朋友真係唔知叫辛苦定係幸福

...

黃巴士

原帖由 G-Ma 於 09-10-8 20:32 發表
同一件事辛苦定幸福好視乎用咩態度面對.

AGREED!!

happyvalley

原帖由 黃巴士 於 09-10-8 20:35 發表


AGREED!!

這個就是怎樣對學科產生興趣的問題 low，頭都痛！

Kanba

日日去公園玩一兩小時有甚麼所謂呢？總比上網打機好吧。

wtma

其實佢地都只是幼稚園小朋友, 好多基本既野都未認識, 在玩既過程中會好到好多人與人相處的方法, 公園玩也有好多有益的活動, 有何不對呢?  

好多家長千方百計要小朋友學多d知識, 但基本的衣食住行,禮貌小朋友都做唔好, 大左做到幾高官叉如何呢?

happyvalley

有所不知，好似我間小學，第一個小一的考試，已經要做三篇閱讀理解，等如我囡半年幼稚園時所學到的內容，真係離晒譜。但係如果讀左陰點的幼稚園，早就讀過晒，無乜問題之外，還升了精英班。

呢個係遊戲規則，要成為精英班一份子，享受學校高貴的優先權教學，就得要在幼稚園時日操夜操，放棄奢侈的開心。如果有過想開開心心的童年，就要做過中間成績的小朋友，唔好意思，我對成績無興趣，，開心回憶比所有都來得重要。

happyvalley

原帖由 stccmc 於 09-10-9 20:42 發表
//
幼稚園時日操夜操，放棄奢侈的開心。
//

幼稚園就日操夜操, 真係愛你變成害你。  家長有冇稔清楚?

我係『公園黨』，我帶住囡囡幼稚園時只會去公園打秋千的家長，默書雖然只默五個字，但都會完全錯晒，放左學去科學館，去太空館，歷史館，大埔火車館，天南地北的圖書館，踏單車，去學游水，去行山。

我囡囡歲半已經懂踏單車，幼稚園時可以馬鞍山踏到去大埔食雲頓麵。

所謂『開心的童年』，就是要小朋友和大自然一起游戲，和鳥兒一起高歌，童真就是小朋友最大的願望，和父母好好的相處，了解，明白，天真好短暫，但就會留下一生的最重要回憶。