第一日搭校巴,好嬲

serenacheung

睇到你地講搭校巴, 我都好唔滿意~
我對孖由K1搭校巴, 都好地地無問題, 司機又好, 保母又盡責~  點知今年上到小學就遇著個唔好o既司機同保母!
話說小一個書包好大好重, 佢地星期五放學到站, 又要除安全帶, 又要背書包, 都好狼狽, 但已經唔算慢, 點知工人姐姐話番比我知, 話個保母不單只唔走去幫佢地, 仲要話做咩背唔到個書包, 要搞咁耐, 個個都係咁, 點解你唔得!!! 嘩, 小一咋~  輪到妹妹, 佢一時唔覺, 原來未解安全帶就起身, 於是就要坐低解番再背書包先行到出去落車, 點知妹妹番黎話番比我知, 個保母話佢"慢吞吞", 真係好hurt小朋友架!
夜晚我打比負責人, 佢自己都有跟其中一條線, 不過我聽得出態度都唔係太好, 佢話:"咁係咪要我叫d保母走埋去幫佢解埋安全帶再拖佢地出黎吖, 好啦~"  我咪即刻話, 咁又唔駛, 只不過, 我屋企樓下又唔係停唔到車, 點解唔可以比少少時間佢地落車啫???
如果趕時間, 咪唔好比佢地坐到最後, 坐近門口咪落得快囉!

不吐不快!

fc926

我地都俾D校巴搞到tumtum轉,我地交留位費時話明有校巴才讀N1,學校一直都話到開學時填form再排路線,到開學後,都唔知有無校巴,返左成個幾禮拜,個司機才話排好,然後到有校巴之前兩日,個司機call我話架校巴被人偷左,有無甘kiu呀!最後學校話安排唔到校巴到我屋企,只能載得一半路程,我地只好照坐,並且叫工人姐姐出去接小朋友搭的士返,又複雜,又唔放心,總之就激死!!

np

見到各位呻, 我都想鬧一鬧間保母車...
我上星期同囡囡一齊坐保母車2日, 已經見到好多危險事, 六宗罪如下:
1. 上車後家長及小朋友都未坐好, 就已經開車.
2. 畀錢時明明話有安全帶, 果2日D安全帶只係有, 但用唔到.
3. 個保母不知所謂, 返到學校竟然要求小朋友先下車, 家長後下車, 咁小朋友落到車亂衝出馬路點算呀?
4. 放學時排長龍等保母車來, 有小朋友在龍中間走甩左, 保母都唔知, 要家長同佢講佢先知...
5. 第一日放學時, 個保母同司機講, 今日有8人坐, 但車上只有7個小朋友, 佢竟然數完話齊晒, 可以開車!!! 結果係, 我地家長大叫只有7人, 司機即時停車, 保母返學校再搵....
6. 第二日返學時, 司機見到學校門口停晒車, 竟然在其他車旁邊開門, 畀小朋友落車!(咁危險都得, 你估係N年前的中巴呀?)
我已經打去鬧爆間野, 講明要refund, 今日轉左另一間保母車, 希望ok喇....... 唉!

natalielin

我上星期接2個女放學時行過,見到york既2架校車,係劍橋道停低,d小朋友落車,好似換人咁,不過我趕住湊女,冇睇清楚做咩,不過覺得好奇囉!

irischowys

我冇通知會遲（其實校車早了一分鐘），只是搭lift耐咗，去到校車開走了，我即揮手示意停，才能接我個女，好驚呀，如果我慢一步，都唔知幾時先可接我個女．佢哋係唔理邊個喺邊度落車？我個女只是k1,剛開學，應照顧一下嗎？

aigo

嘩, 原來好多校巴都NG係真正為D細路, 我仲以為係我自己NG好彩TIM. 我個仔返九龍塘N1, 自己都係住九塘, 搭的10分鐘左右到, 見媬母車係返學尾站&放學頭站, 又NG駛工人搭的士, 咪諗住OK LA, 點知...

1. 價錢貴 (=朋友個女由馬鞍山出九塘耀中 - 佢係搭耀中校巴, 而我個仔間學校無校巴, 只係校方介紹媬母車)
2. 返學頭兩天LATE, 媬母車&學校REPLY "頭幾日係甘, 再過幾日無野"
3. 每一天至兩天, 轉司機, 車&媬母 => 向媬母及媬母車公司反映, REPLY 主要係 (i)路程太短, 不能定死一架車, 邊架車放低學生快, 便可以TOU上來接我個仔; (ii)成日轉係為小朋友好, 因為每個媬母&司機都可以FAMILIAR WITH MY SON, 到有個人有時來NG到, 小朋友都NG會NG跟第二個; (iii)公司有好多車, 最緊要小朋友NG會返學LATE
4. 返學AROUND 第三個星期(在8月中已開學), 竟然係學校隔離2條街度轉車 => 嘩, 九塘返九塘咋...
5. 月費計, 8月返半個月俾1個月錢都算, 9月頭收車費BAG時發現價錢NG同, 問老闆, REPLY係＂我地每年都加價＂我問＂甘點解無通告通知＂老闆再ＲＥＰＬＹ＂每年其實都係象徵性調整，加少少姐＂＝＞大佬，個少少已經係4.8%
6. 上星期中開始, 我個仔NG係頭站落車, 架車先去九龍城=>有大人陪小朋友都夠擔NG通知轉路線...如果得小朋友一個, 車去邊先都得啦...我見時間差NG多, 即是架車揸快左停多個站
7. 媬母從學校一手帶4/5/6個學生出校門等校車, 好危險=>今次向埋學校反映: 學校REPLY"會跟進&反映"; 媬母車老闆REPLY"NG 會甘既, 我地D媬母好專業好小心, 就算係學校都會出聲啦"
8. 如果阿仔NG返學, 甘多媬母通知邊個, 問其中一個, REPLY"你通知我地是旦一個OK, 因為佢地會再通知相關既人"=> 9月初阿仔病NG返, 一早7:30打俾A媬母, 8:30阿B媬母打俾我話我(語氣麻麻)架車等左好耐, 阿仔做乜仲未落LAI...=> 有反映老闆, 佢又REPLY"NG會既, 我地D車全部有對講機, 一叫咪, 就通知晒, 可能我個CASE甘岩NG記得..."
9. 問學校介紹第二間媬母車, 唉, 打電話去, FEELING 佢地打聾通, 個阿姐話開學頭係甘, 九塘太近NG接, 我依家個間算幾好, 仲幫佢地講好說話... 最後因為佢講左句"有時大家都會幫下手, 佢地車NG晒/到, 搵我地, 我地車NG晒又搵佢地", 我明晒啦....

現在COMPLAINT幾次後, 司機, 車&媬母好次定左D, BUT返學&放學就一定NG同, 另外聽聞媬母一次帶2個小朋友上車. 至於車程,放學都NG係頭站. 依家考慮緊轉搭的士, BUT姐姐又好似NG太信得過...好煩....

明師奶

我都好嬲呀!
我個仔讀禮賢會,剛開始k1生涯,開左學3個weeks,頭一個week自己湊,第二個week才搭保母車.
1. 無搭一星期都要比成個月費用(仲要A話可扣番,B話唔可以)
2. 無固定車及保母(SO提供唔到司機名,保母名&車牌,mobile)
3. 時間越改越早(8:10-->7:55-->7:45)
4. contact person同司機&保母無溝通,攪到好似我地遲到咁
5. 保母態度差 & 對d小朋友一d都唔細心(大力拉d小朋友上車)
6. 開學初期可跟車又唔出聲
7. d小朋友未坐定及上安全帶就開車

Kendis1

嘩~咁衰, 叫學校更換司機 or 承辦商喇! 話掂搭校車又唔係唔洗 既....

原帖由 明師奶 於 09-9-18 10:16 發表
我都好嬲呀!
我個仔讀禮賢會,剛開始k1生涯,開左學3個weeks,頭一個week自己湊,第二個week才搭保母車.
1. 無搭一星期都要比成個月費用(仲要A話可扣番,B話唔可以)
2. 無固定車及保母(SO提供唔到司機名,保母名&車牌,mobi ...

澄曜媽媽

KV校車都唔得. 無安全帶, 無扶手, 3個小朋友坐2個位. 雖然老師跟車, 但作用只是唔俾小朋友在車上談話同食野. 坐成個鐘車, 我小朋友第一日已經叫苦連天.
之後試過校車遲大到無聯絡方法, 學校話唔關佢事, 叫我等...唉! 心都離埋, 唔知咩事...
又試過等lift, 遲了30秒, 見住校車走. 叫極唔停. 立即打俾學校, 問佢可否打電話俾跟車, 叫佢返來. 學校仍然說: 唔關佢事. 只說校車走了, 就自己送小朋友返來. 激死!!!
結果, 坐了無一星期就無坐了!!!

cherrysino

Hi, 請問你個女係讀邊間學校呀?

原帖由 Charlotte_mom 於 09-9-3 17:16 發表
其實係我女學校對校巴要求高就真! (好彩校長又企硬)
d線要細分(柴灣去北角都有4條線), 一定要有保母, 一人一坐位, 要有安全帶, 買晒第3保意外保, 俾晒牌簿司機身分證學校留底, 每日課外活動後要有另一轉車.......
( ...