暑期一定要keep住功課,否則一定後悔!

Mimi_Ma

原帖由 ALAL 於 09-6-12 07:09 發表
點解你晤三年前POST理個MESSAGE出來,我現在都好後悔!

每年暑假我都分上, 下半場,   前半個暑假溫番上學年的弱項,  後半個暑假開始準備新學年.   每日時間都分上下半場,
上半場溫書,  下半場自由時間,  但都要限定上網時間,  假期休息.

cluk15hon

學校是社會的縮影.

原帖由 winniecarson 於 09-6-11 23:45 發表
返工又點可以同讀書比

cluk15hon

我都同意.

原帖由 ALAL 於 09-6-12 07:09 發表
點解你晤三年前POST理個MESSAGE出來,我現在都好後悔!

fionwong2707

原帖由 Johnnylaisma 於 09-6-11 09:37 發表
我都同意 "一一一"的意見，而且我都打算咁樣做, 阿仔數學科最弱, 我會俾多d練習佢做, 及預習埋小二的數學, 另再同他一起睇多d圖書, 中文和英文都睇, 如想睇電視, 我會給他看普通話版的"多拉A夢" (佢都睇得津津有味嫁), ...

我想問問 普通話版的"多拉A夢" 是那個台及播放時間? 謝謝!

wanwanfubb

keke, 我突然諗起馬季"透"暑, 咁大家估d馬有沒有練晨操啦, kekeke

1. 2 hrs in 補習社
2. 回家講故事我聽 (即要佢睇書)
3. 我另外再買作業, 預每天2 pages for 中英數
4. 夜晚食完飯同佢地玩uno~

Fion_Chan

我咁睇，如果放長假都要做平常既工作，上補習社、做練習，或者補足因為無返學學校唔會派既功課，而形式又類同，都係對住文字，做題目，比人改、有錯再改正、抄寫....，咁真係失去放暑假既原意。

做家長好頭痛既係點樣可以比小朋友玩，又玩得來係學緊野，如果家長懶(恕我直言，希望你地唔介意)只係放小朋友係補習社，擺補充練習要小朋友做，而唔花心思同佢平衡一下平日因為要應付學校功課、默書、測驗、考試而唔能夠做而有益既活動，小朋友學到既只會更少。

其實你地有無漏左學校都有暑期作業比小朋友呢，本暑期作業其實都已經幫到你地擔心小朋友會疏懶既問題。

我都要返工，暑假安排小朋友活動主要係D參觀活動、術科活動(每星期游多一兩次水、打波咁)、camp呀、旅行、睇表演；同埋比佢地砌下Lego(都係之前既聖誕禮物、生日禮物咁，因為大盒花時間，多功課之下無比佢地砌)、去圖書館、捉棋。其實呢D都係簡單既安排，我都係一般媽咪，但就唔鐘意交個仔比補習社。

只要做阿媽唔好阿仔放假自己又放假，因為無返學壓力，其實應該襯暑假做番好親子功夫。

qkhui

其實我又覺得, 暑假玩同溫習都一定要
噉去補習社, 又唔等如日日都要去, 可以一星期2-3天
噉日日去玩個人都一樣會攰.
同埋有很多家庭真係未必會有人手幫忙帶小朋友周圍去
個個家長都知, 都好想同子女玩多o的, 同o的時間做親子活動.
但時間真係一個好大o既問題..

judy

原帖由 stccmc 於 09-6-11 22:35 發表
如果你老細叫你放大假時每日做兩個鐘公司野, 又話比平時好咗好多, 佢仲有大把時間玩啦, 又為咗  keep 住你的水準, 得唔得?

小朋友一年努力, 暑假是他們應得的。 香港父母太多編排, 小朋友很須要有自由自在, 空閒的 ...

同意，都唔明有甚麽可温？

我阿大阿二己升中，咁多年來我未叫過佢地温習(暑期功課幾日做完)，又未見我後侮過。

echan767

我會鼓勵她多看課外書(中英一樣), 和她一起檢討弱項, 強化過去一年所學, 亦會花點時間準備一下新一年的課程。 其餘時間就讓囡囡輕鬆一下吧! 放暑假, 應該是以(有益)玩樂為主嗎。

Mimi_Ma

原帖由 judy 於 09-6-12 16:54 發表


同意，都唔明有甚麽可温？

我阿大阿二己升中，咁多年來我未叫過佢地温習(暑期功課幾日做完)，又未見我後侮過。

呢D係天資問題,  我小女要將勤補拙.

丁丁*

原帖由 stccmc 於 09-6-11 22:35 發表
如果你老細叫你放大假時每日做兩個鐘公司野, 又話比平時好咗好多, 佢仲有大把時間玩啦, 又為咗  keep 住你的水準, 得唔得?

echan767

咁大人同小朋友又有啲唔同。高中學生可能好些, 小朋友真係可以玩到勿都唔記得, 都係要平衡些好。

Fion_Chan

忽然咁諗，如果小朋友一年補足10個月，一個禮拜補足5日，成績都係跟唔上，係咪要趁暑假攪攪新意思，死"lur"佢地暑假都返埋補習社都唔係辦法。

qkhui

我同意一一一所講o既野, 依家好多所謂的補習社, 都巳好活動.
絕不是只會坐定定. 真的會安排很多不同種類的參觀活動.
暑假要溫習/預備來年的課程, 絕對不是有什麼大問題…
我相信小朋友去補習社, 一天最多只會用了2-3hrs.
余下還有很多時間可以給小朋友輕鬆…..

原帖由 一一一 於 09-6-13 01:18 發表
其實有邊個家長唔想陪個仔周圍去,去埋旅行增廣見聞又可親子,不過香港地個個都要搵食,最多都是星期六日同佢去下街

現在補習社的暑期課程都已經唔同以前了,節目好豐富每星期都會帶佢地去參觀博物館和圖書館等,佢地一 ...

judy

原帖由 一一一 於 09-6-12 20:37 發表
你兩個小朋友可以幾天就完成暑期作業,真是天資聰敏又自覺又勤力,相信他們一定名列前茅,真替你高興,咁你當然可以放心給他們一個悠長暑假.

現在已經很少小朋友會咁自覺,不用家長費心,有些真是連暑期作業都要家長三催 ...

天資---只是中中至中上。
勤力---邊個小朋友唔玩。

動物世界中，只有高智的動物才識玩:你何曾見到石斑玩耍，你只會見到海豚玩耍。人比動物高智百倍，怎會不貪玩。暑期是学生在經過一年的努カ拚搏後，停一停玩一玩的大好機會，別浪費大好時間。