浸會大學附屬幼稚園

yuiyuibb

charlene,

11月的講座你會去嗎???原本我與先生都想去, 但原來當天我們未回港....可惜, 希望你聽完回來與我分享, 感激...

yuiyuibb

zimba 寫道:

很多人都誤會, 以為浸幼很Free, 學生到處走老師也不理. 其實完全不是這回事. 在課室裏, 老師說話時, 學生一樣要坐定定, 專心聽;不能游手好閒, 學生的自由在於: 若當日有教具a,b或c, 他可以決定玩那一樣先, 和玩幾多次.

就係la樣, 我同我先生都好like, 完全無強迫成分, 因為小兒
個人都好free, 唔鍾意人迫, 大多數時間佢都鍾意自己話事(不過佢依家仲細, 遲d唔知係未咁)

至於你話你個囝唔做, 係未佢係屬於內向型la??? 比較怕羞??

yuiyuibb

zimba 寫道:

學校經常強調家長不要幫孩子做功課, 勸家長讓孩子自己嘗試, 所以不用担心這問題.

咁係未無功課帶回家做架???如果有, 小朋友唔識做, 可以幫
手嗎??

charlene

zimba,
Thank you very much for your information.

yuiyuibb,
Will let you know if I've attended.

yuiyuibb

charlene 寫道:
yuiyuibb,
Will let you know if I've attended.

thx~~~

kae

Hi 各位浸幼家長﹕

我今日巳經寄出左05年k1申請表啦。

其實想問下你地學校有無消息關於浸小及浸中的資料呢？
如﹕
幾時開課？學費幾多？課程資料如﹕係IB式、活動教學或傳統教學？幼小中係咪直資一條龍等？

希望你地可以解下我的問題，謝謝。

kae

batryu

我都好想了解多d,正如亞kae的講法,有冇人知呀!可以講多d嗎?唔該.

ka媽

我都係因為2006年佢地有小學, 為家中小朋友轉入K2做插班, 聽講校址在沙田石門火車站口, 而且已動工, 不妨大家有意入讀的話, 可多去附近留意一下, 然後上網互通消息, 未來浸小的校長應徵已在10月中截止報名, 可能很快會定下人選, 我去浸幼面試時見過園長幾nice, 看過那裡環境都OK, 不過覺得學費$3,100很貴, 希望以後覺得係值得的, 另外希望浸小的學費可低D就好啦! 比如$1,500左右或再低  :

earth

我個小朋友是這間幼稚園的畢業生，浸幼係ｋ1係活動教學的， : 而ｋ２都係但係在活動中會加插一些類似project approach的形式小朋友自己討論一些事項如話劇表演要商討如何做道具（在學校做），到ｋ３先全面行project approach，佢地有主題如：運動、食物、太空等等，每一次主題都會出一次outing如：太空會去太空館、香港就乘車環島遊，然後才回校討論，在活動中，幼兒已然不知不覺學識咗好多字。
好似我個小朋友讀高班時，主題是食物，佢地想開餐廳，於是佢地係學校開間餐廳（真係有嘢食）邀請咗其他班小朋友去食，佢地就做伙記呀、侍應呀．．（每日都如是把餐廳開放直到望題完結）返到屋企不知幾開心，而且佢重學識寫好多與食物有關的字，當然你唔好期望佢會寫得好靚啦！
而家升咗一間好傳統的小學，都ｏｋ，無問題喎

ka媽

Hi, earth:
我想問, 如果浸小開得成, 你的小朋友會轉校嗎? 聽講會優先收回舊生, 或者會先睇定D, 又或者不會考慮佢, 從此讀傳統式學校呢?

earth

小朋友而家讀得開心,我想不到有什麼原因要轉,

yuiyuibb

earth,
hi, 多謝你既分享, 我想問你小朋友是否外向型???咁d功課需要帶回家做嗎????麻煩你講下佢地有無得好似其幼稚園咁, 有得踩下單車咁家??? 同你小朋友佢依家讀緊邊間小學呀??係未統一派位定自己考傢?? 唔好意思咁多野問, 因我同先生
都好鍾意la間學校, 希望知多d....thx

earth

唔,我個小朋友不算外向,一般吧... ,佢間小學係自己考的
浸幼每日都有體能時間,有戶外有室內,佢地的戶外操場好正呀,你有機會一定要參觀一下,佢地唔止有單車,重有好多特別的體能活動的~~~
:
佢地都有功課,不過多數是小朋友能力範圍以內,唔需要擔心佢地唔識,當然佢地唔識時,你要在旁"指導而不是幫佢做咗囉!!,不過大部份都係親子的,有時d所謂功課係一些圖書的閱讀,每星期都要借圖書回家閱讀的!!!
其實浸幼學費係貴d,但我覺得值囉,每次出outing都唔洗$$,重可以做家長義工,家長會又多活動,果三年我同我個小朋友都好開心 我覺得絕對值

yuiyuibb

earth,
再一次多謝你, 真係赿來赿鍾意la間學校, 希望可以快d知道
佢既小學,中學既學費就最好la, 起碼有個預算..
出年我囝囝就要報名la, 希望佢考到la....
呀, 你仲記唔記得面試內容呀???比d料黎呀

ka媽

回應yuiyuibb:
你想知浸幼面試內容, 我可以講D你知, 因為我剛見完園長, 是為我囡囡插班k2而去面試, 嗰個羅園長好nice而且原來很後生, 對話中, 佢會瞭解你對兒女的期望或要求, 如果你話要個仔讀小學前就十項全能或識晒中英文字, 而且學校重視親子相處, 如你話工作忙沒時間留給小朋友的話, 口甘結果你估會點

earth

若果你不是插班,應該未必是羅園長接見,可能會是浸大的教師教育部講師見 :
問吓你平日與幼兒的事,好似閒聊一般,沒有壓力下便完成 :

kae

各位浸幼家長﹕

請問知唔知k1會有幾多班及共收幾多學生呢？上年有幾多人報名讀k1呢？以你所知多唔多人中途退學呢？我諗今年重會多左好多人報名添，想爭一籍位都幾辛苦。

唔好意思，我真的太多問題啦。希望你地幫到我啦。

kae

ka媽

據我所知, 佢地只有7個班房, k1有3班, k2有兩班, k3有兩班, 每班25人, 只分上,下午班, 沒有全日的, 比較少人選讀下午班, 所以容易入D, 不過2006年有中,小學接龍, 入讀機會就難左少少, 不過有心唔怕試, 碰下運氣啦! 中途退學一般原因都係不接受學校的教學方式或係怕小學接唔上軌.

yuiyuibb

講開又講, 有無人詳細知道小學及中學既教學概念???中文定英文為主??是否小班教學???

ka媽

其實如果係中文為主都無所謂, 學語言有好多方式, 以前香港長期以英文教學又點啫, 結果普遍人D英文都係水,水,水....  另外, 好多人想入讀喎, 小班教學咪收少D人羅, 唔會呱? 至于教學概念, 應該同浸幼相近似(我估吓咋).
話晒係浸會大學搞出嚟的, 應該有質量保證, 我最擔心係學費收得貴咋 :