估唔到牧愛上午校都咁多人考....

tomatowu

heihei1998,

你所講內容,另我對這間學校充滿信心,希望我的仔仔將來和妳的女兒能夠成為校友.Thanks!

Enchante

估唔到牧愛上午校都咁多人考....

of course lah, she is a famous brand one school woh

好好爸爸

最初都怕只係校長片面之詞....
睇左咁多好評....心動了~~

就係今日...收到牧愛取錄通知書!

不過仲有少少憂慮....
牧愛會唔會漁翁撒網式收小一生?

Amyony

I believed that's a good school.  However it's true that they are 漁翁撒網式收小一生 at first round.   I think most of the applicants are accept in the first round.  Please advise if you received a reject or waiting list letter.  I never heard this before.   Around 50% will give up at the end.   I don't mind the building of the school but even the surrounding area is not good, too close to the market.    We have not choice to face the system and I think that's an acceptable school if you have not better choice.  This is my own experience and idea only.
Amy
  

kinmom

我相信大部份二線 (希望不要介意)私校的收生方法都是這樣，剛剛放榜的崇真小學，我相信大部份在 30/9 去面試的都收了。最重要是你認為學校的教育方針是否你可以接受，和你是否 afford 到學費和其他雜費。

ballpen

好好爸爸,

學校收你個小朋,點解你要諗係學校漁翁撒網呢,你要對你個小朋友有信心先得格,雖然私校大多會在頭輪收多過學校學位嘅學生,但都不代表佢哋會亂收學生的,你想吓,香港有幾多小朋友?我段估唔會只有幾十個係叻掛,所以佢哋覺得係可做之才就收囉.

噢!唔記得恭喜你添,恭喜!恭喜!

好好爸爸

入學通告話11月5日之前交留位費,時間OK啦,

校長話可以揀埋政府抽籤派位結果先作最後決定...
好多直資私小如果收左小朋友就要放棄"大抽獎"既權利呢....

而家最想知道牧愛學生留係學校上溫習班既人數多唔多呢?
自己同太太要返工,佢地咁多考試測驗真係怕"家長"應付唔到
校長話溫習班約五點半放學,足夠做晒所有家課及重溫所學,

咁返到屋企咪可以全時間天倫樂囉~~

好好爸爸

ballpen 您好,

因為之前幼稚園校長同我講過,
半日津貼半日私立既小學好容易考入.....
所以我先出呢個標題....同埋諗係咪漁翁撒網式收生.....

仲有問過牧愛上午校校長,
佢都話未知今年小一會收幾多學生或者預算開幾多班...
所以唔知道仔仔係幾多個小朋友裏邊揀出黎或駛唔駛揀...
雖然唔重要,而且冇將呢諗法個同其他小朋友比較,
只係想知佢地收生有冇準則囉....

另外...仔仔係咪叻...做家長好難有客觀答案的...

ps.多謝您,希望每位小朋友都入到理想既學校啦~~

heihei1998

好好爸爸,
小女在校參加功課輔導班,每天完成所有功課才回家,同時於測驗默書前, 功課班都會有預測或預默, 讓家長心中有數, 了解自己小朋友的成績再加以輔助,家長會比較輕鬆, 但不代表能完全放手... 因我們的小朋友都有不同吸收進度, 個性,興趣,習慣,家長對小朋友的期望也不同, 所以,上輔助每個小朋友出來的效果都不會一樣,

平時做完功課或有空檔的時間, 老師會讓小朋友到圖書架取圖書閱讀而非讓小朋友自由活動, 而功課班的老師只會輔導小朋友做功課而絶不會給答案小朋友抄, 小朋友在輔導班裡只能老老實實的完成自己的功課,而不會馬虎做完功課去玩..

我的經驗來說, 小朋友在校已完成所有功課或温習後, 我不用每天和她糾纏在功課上, 多了時間在親子時間或進行總複習,效果事半功倍, 小朋友的學習壓力減少了, 雖然功課和測驗默書不少,仍然開開心心上學去..

雖然最終你未必會選此校, 我仍樂意與你分享經驗..

你住那一區?

好好爸爸

heihei1998 ,

謝謝您意見,
呢個輔導班實在係我地貼身既安排....
比起揀其他間學校,又要另外報補習班好好多...
雖然要比定額奉獻,但合理既...出去報興趣班都咁上下啦~

我住小學35區的....

tomatowu

據聞07年全香港小學轉全日制,請問牧愛上下午怎樣安排?

lamba

heihei1998,


想請問:

1. 佢地好似係小班教學, 每班有幾多人呢?
2. 老師一般教得好唔好? 係唔係幾關心學生架 ?
3. 功課多唔多呢 ? 每天有幾多樣 ?
4. 佢地好似冇球場, 咁係邊度上體育 ?
5. 小一學生難唔難適應英文教學 ?
6. 一般學生的品行又怎樣架?

唔好意思, 咁多問題 , 麻煩你 !

by the way, 你兒/女 係唔係 98 年出世既細B黎架?
而你尊登比佢讀遲一年做大B ?
如係既話, 請問效果係唔係好 D ? 是關我個都係年尾出世既細B !

lamba

好爸爸,

我都係 35 區既, 第一階段自行收生你報左邊間學校啊? 係唔係區內架 ?

統一派位諗著報邊幾間啊? 你知唔知黃埔宣道, 奉基及奉基千禧呢幾間小學質素如何啊 ?

我好背架, 有機會多D交流小學資訊啊, 謝謝!

好好爸爸

tomatowu 您好,

07年開始,牧愛下午校會搬去另一個新校址
(不過我唔知搬去邊度....)

上午校就用現有校舍,而且轉埋全日制

好好爸爸

Hi~ lamba ,

諗住既然有一間好學校收左仔仔,
我就垮區報DBS大抽獎喇~~

其實我一直都打聽緊黃埔宣道, 奉基及奉基千禧架啦,
不過都冇具體資料及口碑....
我甚至走入佢地學校,睇過張貼出黎既成績,
都係好平均...名校...普通...甚至幾差既中學都有學生派到...

另外, 35區仲有間 聖堤摩太 曾經都試過80%升上英文中學
所以亦都係我後備之選...
但今年佢地公布既成績唔知點解突然差左好多....

如果再有消息就大家分享下丫~~

lamba

>>>>>諗住既然有一間好學校收左仔仔,
我就垮區報DBS大抽獎喇~~

but in Part B , we have to choose those schools in our net 35 !

which one will be your 1st choice in Part B ?

thank you , good luck !

heihei1998

Lamba,

Lamba,

1) 每班大約有廿多人
2) 私校這方面一般做得不錯,班上的同學都很愛戴老師
3) 每天都有3-5項功課,可到牧愛的網頁看看,我每天中午都會看看那天有什麼特別事項,提早作出安排
4) 禮堂己裝修完畢, 有空調的, 我女為舞蹈班, 學校會租借土瓜灣市政大廈的跳舞室排練
5) 開學一個月後,英文課全用英語教授, 小孩的適應能力比想像中強,由於小班教授, 孩子不懂的話,老師有較多時間
照顧,雖小一己教小二的英文課程,小女應付還算輕鬆,我尚未為女兒安排上英語班
6) 如我先前提及,學校的德育做得不錯,全校每月有特定訓導主題, 十月是自律..我女於小息時,會和其他小一同學往
找高年級同學玩和請教,還時常送些貼紙什麼的給低班的小弟弟小妹妹,故我女返學個多月已完全適應..

我女98年7月出生,是適齡小一學生,班上還有98年底生的,年紀較小學習上相對真的有些不足，你需考慮一下女兒的學習理
解力是否能夠應付,因自信心對小朋友而言是非常重要,若他們感到學習吃力的話,會對學習失去興趣,家長也會很辛苦.

lamba

>>>>>班上還有98年底生的,年紀較小學習上相對真的有些不足，你需考慮一下女兒的學習理解力是否能夠應付


多謝回覆!

我都有D擔心佢心智發展較遲, 追唔上別的同學, 不過如比佢讀多一年 K3, 又好似浪費了一年光陰 !

好好爸爸

lamba ,

我真係未決定本區揀邊間....
想睇多D資料先....因為仲有好多時間嘛....

係呢heihei1998,
請問您小朋友係牧愛至今,有幾多項費用要交啊?
我怕之後會失預算呢....
輔導班...英語班...仲有其他活動,係咪逐一收費或奉獻呢?

heihei1998

好好爸爸,

額外費用不多, 小女參加了中,英朗誦比賽,由老師培訓,只須交報名費, 舞蹈班也只須二百元跳兩個多月,導師是來自香港舞蹈團..