關於集團
集團品牌
presslogic-logo
廣告查詢
工作機會
用戶登入
用戶名稱:
密      碼:
搜索
教育王國 討論區 小學雜談 升上小一已三星期啦!請問有無48網的家長可分享下學校生 ...
樓主: twinsgirl
go

升上小一已三星期啦!請問有無48網的家長可分享下學校生活,功課量等等。 [複製鏈接]

Rank: 6Rank: 6


7553
21#
發表於 04-9-23 12:39 |只看該作者

Re: 升上小一已三星期啦!請問有無48網的家長可分享下學校生活,功課量等等。

我個女都係48網小學讀P.1 ,她是下午班的,每日返來都6:00PM , 佢每日
6:30PM 做功課
7:00PM 洗澡
7:45PM 食飯
9:00PM 睇電視
10:00PM 同妹妹玩
11:00PM 睇圖書,睡覺
我都覺得冇咩時間用,星期日就諗住比她學琴,但又要返主日.
佢學校都唔算多功課(暫時) 通常 中,英,數 每日都有一樣,有時常識堂就多樣,她已默了一次書(中,英各一)而家都要背下金句....
不過星期六長週就返7:40分,唔係好慣,所以而家都唔安排課外活動在星期六~
我家有對雙子公主

Rank: 3Rank: 3


236
22#
發表於 04-9-23 12:48 |只看該作者

Re: 升上小一已三星期啦!請問有無48網的家長可分享下學校生活,功課量等等。

Hi, 各位,

我都係48網的mommy,我有兩個仔讀小學,大仔四年級,細仔今年一年級。唉!開學咁耐,我就忙足咁耐,好辛苦呀!

細仔都唔算好多功課(比起哥哥一年級),可能剛剛開學,每日大約七至八樣,他都能應付。但大仔今年比上年就唔同了很多,上年三年級他多數在我回家前已做完功課,平日默書小測亦要他自己溫習,我不會同他對功課,只會在大測驗及考試前同他溫習,他成績都可以。因我同他說,要他學會自己顧自己,細佬今年讀小一,我要照顧細佬多一點,無咁多時間理佢。但升上了四年級,一來課程深了,他又在精英班,老師可能教得比較快。我每天回家時他都還未完成功課,佢重有好多都唔識,每樣都要教一次。最慘係佢除了功課外,每日老師都要他們預習明天的課業,已教的又要問書。好多時做完功課都九點了,邊夠時間做預習和溫習呢。昨天,老師終於給了他一個 “極懶”,因他有史以來第一次默書不合格。老實講我真係唔覺得係佢懶,佢由朝早六時半起床上學,三時半回家做功課,直至睡前才可休息,足足十五個鐘頭,其間只有半小時吃飯,無電視睇,無得同細佬玩,真係好辛苦。他已說了好多次:「媽媽,我想你在家教我做功課,老師好多野都無教,你教完我至明白,我唔洗浪費時間,我想可以有時間睇電視。」佢其實已經好乖的了。

唉!我可能真係要考慮做全職媽媽了,遲o的兩個仔再多o的功課我真係唔知點好la。

Rank: 3Rank: 3


369
23#
發表於 04-9-23 13:20 |只看該作者

Re: 升上小一已三星期啦!請問有無48網的家長可分享下學校生活,功課量等等。

hoilokmama ,

      我都係48網的,我囡囡三年級,我都覺得依家 D 小朋友讀書真係好辛苦 :cry:  :cry:  每日功課又多,做得完功課都冇時間溫習,你大仔四年級都開始好深啦....仲要係精英班,你間學校算唔算係好"吹谷"個隻呢 ???? 十幾個鐘不停咁做真係好辛苦架.....電視都冇得睇就好似唔係咁好,做得耐點都要放低休息一陣.....

    我囡囡學校其實功課都唔算多 4-5 樣,不過囡囡就比較心散,做得好慢,每日做完功課都仲要做課外習作,所以基本上放學後,全日都o係度做功課同溫習,所以有時見到佢做到冇停手,都覺得好似好慘.....:cry: 不過我一定會比一個或個半鐘頭佢休息同睇電視。

Rank: 6Rank: 6


5009
24#
發表於 04-9-23 13:23 |只看該作者

Re: 升上小一已三星期啦!請問有無48網的家長可分享下學校生活,功課量等等。

我都覺呀,
呀仔今年升小二,
開始每日都要備課,又開始要背書.
功課都要做 3 個鐘,
邊有時間溫書,
睇電視, 真係唔好諗啦.

想問下全識媽咪平時仔女係咪自己可以應付功課呀 ?

你們要將一切的憂慮卸給神,
因為祂顧念你們
彼前 5:7

Rank: 3Rank: 3


236
25#
發表於 04-9-23 13:59 |只看該作者

Re: 升上小一已三星期啦!請問有無48網的家長可分享下學校生活,功課量等等。

米妮,

我兩個仔讀路德會聖馬太學校(秀茂坪),間學校出名多功課架la。我都想佢快o的做完功課,睇o下電視,可以relax o下。我希望佢慢慢可以跟得上,做快o的la。

我有一日有事放了假,早了回家。他有問題可即時問我,那天他就早了完成功課,可以看電視。所以我覺得我做全職媽媽可能會好一點。

hoilokmama

Rank: 2


56
26#
發表於 04-9-23 17:41 |只看該作者

Re: 升上小一已三星期啦!請問有無48網的家長可分享下學校生活,功課量等等。

見到你地返工/全職的媽咪都很辛苦,原來小一是個開紿, 小三,四,。。。。最辛苦。
各位有排辛苫, 請問各位媽咪你們間學校是活動教學定用傳統教學, 有無統計過用前/反者升中派位是最好。
KITTY, 你個女讀其顯定其法?

Rank: 3Rank: 3


369
27#
發表於 04-9-23 20:28 |只看該作者

Re: 升上小一已三星期啦!請問有無48網的家長可分享下學校生活,功課量等等。

hoilokmama,

      原來你兩個仔仔都係讀"聖馬太"架,呢間學校真係出晒名功課多同好"吹谷"喎....你大仔好叻仔喎     入到精英班,繼續努力呀........

      其實我之前o係第一輪選校時,我係揀 "聖馬太(秀茂坪)架,不過抽唔到,之前我周圍去問d朋友,有關呢間學校既,功課量,升中派位成績等等......又去 d 補習社問,個個都話呢間學校有好多功課做,都讀得幾辛苦架.........不過升中派位就非常之好,可以派到好出名既名校,我聽到可以派到名校喎,咪好想我囡囡讀呢間學校囉,咁抽唔到都冇辦法啦......之後我就發覺我囡囡係好懶同唔係好自動自覺做功課喎(o係幼稚園既時候),我再諗清楚我應該要同囡囡揀間咩類型既小學先至適合佢呢.....最後係第二輪,我選擇咗"基顯",亦都好順利咁派到,我覺得我當初係冇揀錯學校,因為我囡囡比較活躍,所以"活動式"既學校先至適合亞女,到依家囡囡都讀得好開心同輕鬆。 :

      你仔仔辛苦多兩三年,到升中就可以派到 d 好學校,先苦後甜,係好值得架....... :  : 努力.....加油  :  :

Rank: 3Rank: 3


199
28#
發表於 04-9-23 22:26 |只看該作者

Re: 升上小一已三星期啦!請問有無48網的家長可分享下學校生活,功課量等等。

米妮:

妳囡囡讀上午班呀,咁出年會唔會申請留返原校呀?我囡囡今年讀上午二年班,今年已經比上年有進步,唔使我成日打電話返屋企摧佢做功課。

6:55am 起床
7:20am 出門上學
1:00pm 放學食飯
2:00pm 做功課及溫習
4:00pm 自由時間
(有時要背書、串字及溫默書)
7:00pm 食晚飯
10:00pm 上床

只是我最近工作比較忙,有時要成8、9點先返到屋企,匆匆食完飯就要睇功課簽名等,都無嘜時間剩!好彩學校唔多功課,有時會叫囡囡串定d生字,唔使等到要默書時成課一次過串晒咁辛苦。今年開學後發覺囡囡d普通話拼音唔係好掂,比個聲母同韻母佢就唔識拼埋一齊讀,我都唔知點教佢好,講極都唔明 不過一句講晒,亞囡真係讀得好happy呀!

Rank: 3Rank: 3


369
29#
發表於 04-9-24 09:09 |只看該作者

Re: 升上小一已三星期啦!請問有無48網的家長可分享下學校生活,功課量等等。

ling媽 ,

   你好 : 我出年唔會留返原校呀...新校好得多喎,設施各方面都會好好,你上網睇下講到新校舍好”正”好”靚”呀...對小朋友嚟講係件好事嚟架,我囡囡知道出年有新校舍,都不知幾開心,佢話間新學校好大架,佢想快d到出年喎
你唔想去新校咩???你想申請留返原校???

   每朝係咪你湊囡囡返學架??咁放學邊個湊佢呢?我就會每朝湊囡返學,之後返工,下午2:00放工就去奶奶度湊女返屋企....我囡好鐘意返學架,不過就唔鐘意做功課 :cry: 叫佢做功課真係勞氣呀...
   我想問你囡囡舊年一年級時,中文用咩教法架??我囡舊年二年級已經係用普通話拼音開始教啦,佢話全堂老師都係講普通話教,初初我自己都跟囡囡學埋,我係完全唔識拼音架,所以我都唔識教囡囡:cry: 不過亞女好有興趣讀普通話,所以我就報咗公文(中)比佢學,依家囡囡都掌握到d拼音嚟自己讀同埋發音都讀得好準,我都教唔到佢呢方面,因為我自己冇心去學拼音呀,覺得好難 :cry:  
  

Rank: 3Rank: 3


236
30#
發表於 04-9-24 09:13 |只看該作者

Re: 升上小一已三星期啦!請問有無48網的家長可分享下學校生活,功課量等等。

米妮,

你囡囡讀基顯架,基顯都好好喎。當年我搬去秀茂坪都唔知邊間小學好,幼稚園校長就話基顯好,我最初都想揀基顯架。不過後來知道聖馬太會搬去秀茂坪,而我又是聖馬太的舊生,唸住機會大o的,米讀聖馬太law。我都唔知當時聖馬太多唔多功課,程度深唔深,入o左先知大件事。

我個仔都唔算好叻,不過就幾好記性,老師教過的他都記得好清楚。但佢理解力唔係特別好,今年可能他在精英班,老師覺得他們的程度比較好,好多野都唔係講得好清楚,要他們自己去想,所以他都幾驚呀。

hoilokmama

Rank: 3Rank: 3


274
31#
發表於 04-9-24 09:21 |只看該作者

Re: 升上小一已三星期啦!請問有無48網的家長可分享下學校生活,功課量等等。

睇完hoilokmama的發表真係好感動,o甘細個竟然o甘生性,我o念o個次佢默書唔合格已經好唔開心了,我想如環境許可下,hoilokmama真係要o念下全職教仔了.

我都係因為要陪太子讀書先唔做野,因為佢唔係自動自覺ga人 我個仔係一個超級坐唔定ga人,開學之後,老公話佢好似生性o左,鬼o羊!,又要做功課,又要溫書,又要自己執書包,又要網上閱讀,有時又要睇圖書,(由返到屋企到訓覺得四個半鐘,仲計埋食茶點,沖涼,食飯,大大)仲邊到得閒比佢玩比佢嘈o即,而家佢仲愛上o左捉象棋,一有d空檔就捉,真係唔知做得邊樣,唔好話小朋友緊張啦,連自己都好緊張,好似開學二個禮拜,我輕O左四磅,快過纖體呀,所以我建議無論大人小朋友幾忙都要搵時間RELAX下,唔係太辛苦喇

Rank: 3Rank: 3


236
32#
發表於 04-9-24 10:14 |只看該作者

Re: 升上小一已三星期啦!請問有無48網的家長可分享下學校生活,功課量等等。

twobabymami ,

我都好想做全職媽媽,奈何老公唔贊成。他成日講做得一日得一日,今日唔知聽日事,儲多o的錢好o的。佢又話如果唔做,而家就話睇仔,但第日佢地升上中學,唔到你理,你想再做野都未必有人請。所以我都唔知點決定好。

hoilokmama

Rank: 3Rank: 3


199
33#
發表於 04-9-24 10:15 |只看該作者

Re: 升上小一已三星期啦!請問有無48網的家長可分享下學校生活,功課量等等。

米妮:

d老師同囡囡講到間學校咁正,亞囡緊係話要讀新學校啦,但我住牛頭角,好難取捨,我仲未決定係咪留原校呀!

亞囡返學同放學都係搭保母車,由工人接送,我諗住遲d天氣涼就叫亞囡行路返學,而我就要返工,跟唔到咁多。囡囡都係由幼稚園開始已經鍾意返學但唔鍾意做功課,如果我做全職媽媽,我諗我會頂唔住,比佢激死!

我囡舊年P1用廣東話教中文嫁,我知基顯係舊年先開始由二年級用普通話教中文,今年都係,我諗P1新生要識應期,所以唔用普通話教呱!我囡幼稚園時已經用普通話上課,所以佢講係無問題,不過宜家係由拼音開始,聲母韻母分開讀就得,硬係拼埋唔識讀,死未!不過我就識拼音,講就嘛嘛,音調唔準,同亞囡岩岩相反!

[quote]
米妮 寫道:
ling媽 ,

   你好 : 我出年唔會留返原校呀...新校好得多喎,設施各方面都會好好,你上網睇下講到新校舍好”正”好”靚”呀...對小朋友

Rank: 3Rank: 3


274
34#
發表於 04-9-24 15:13 |只看該作者

Re: 升上小一已三星期啦!請問有無48網的家長可分享下學校生活,功課量等等。

hoilokmama,
不如試下去補習社或者請返屋企教啦,起碼唔駛要個仔等你返黎教,自己又唔識做,真係好忟架,到時佢覺得讀書真係好唔開心的話,後果真係好嚴重,到時你想教佢都唔鍾意聽就慘喇,難得佢比心機去讀,犧牲一d野又有咩唔得,佢呢段時間真的好緊要啊,時間唔會等你,等你應為儲夠錢時,可能太遲喇(粹屬個人價值觀),我唔做野教好都要節衣縮食架,老公仲要梗努力工作,不過我就認為值得囉,無論佢日後成龍成蟲,我都已經盡o西力,唔會後悔囉!(he..多咀o左tim)

Rank: 3Rank: 3


369
35#
發表於 04-9-24 15:40 |只看該作者

Re: 升上小一已三星期啦!請問有無48網的家長可分享下學校生活,功課量等等。

hoilokmama,

     我都同意 twobabymami 所講,真係考慮下請個補習同仔仔補下,又或者去補習社都好架,放咗學去補習社搞掂晒 d 功課,等你夜晚返嚟可以有多 d 時間同佢溫習,真係好難得佢肯比心機去讀囉.....做父母為咗d仔女真係要犧牲好大,我舊年都係為咗要教好囡囡,所以決定辭職唔做,不過公司好好,留我做半日工,都有成年lu..... :

Rank: 3Rank: 3


236
36#
發表於 04-9-24 15:50 |只看該作者

Re: 升上小一已三星期啦!請問有無48網的家長可分享下學校生活,功課量等等。

twobabymami ,

大仔小一時曾經去過補習社做功課,但他極不喜歡,日日唔肯出門口,成日淚。到而家本來學校有得補習,我問佢參唔參加佢都係唔肯,重好抗拒。而我有請補習老師,不過唔係教佢做功課,主要教普通話同中文。因為中文是他最弱的。

做全職媽媽本來唸最快明年才考慮,因他升上小五要交分了。但而家可能要早點唸了。

hoilokmama

Rank: 6Rank: 6


5009
37#
發表於 04-9-24 15:56 |只看該作者

Re: 升上小一已三星期啦!請問有無48網的家長可分享下學校生活,功課量等等。

各位,
我都有送仔仔去補習班,
但真係祇可解決每日功課問題,
成績方面就唔好指意大進步,
因補習班人多, 好難集中嫁 !!
你們要將一切的憂慮卸給神,
因為祂顧念你們
彼前 5:7

Rank: 3Rank: 3


369
38#
發表於 04-9-24 16:02 |只看該作者

Re: 升上小一已三星期啦!請問有無48網的家長可分享下學校生活,功課量等等。

ling媽,

         我都係住牛頭角喎,我每朝就湊囡囡返學搭小巴。我個女都係咁同我講,話好鐘意返學,不過唔鐘意做功課  :cry: 所以我睇佢做功課就真係把鬼火 :evil: 非常勞氣......

         我就係冇辦法啦,個囡剩係驚我同老公,以前係奶奶度湊開......亞女唔驚老爺,奶奶,係奶奶度好曳,唔聽話.......激到奶奶死......成日被投訴  :-x  返到學校都係好曳,所以我先至自己教返個囡囉.....咁你囡囡係咪都幾活躍架 ?? 我女就唔悶得,手多腳多,冇時停,把口又係講唔停,不停咀,有時真係比佢問到煩晒 ,忟晒呀      :evil:  

Rank: 3Rank: 3


274
39#
發表於 04-9-24 16:06 |只看該作者

Re: 升上小一已三星期啦!請問有無48網的家長可分享下學校生活,功課量等等。

試下請返屋企教佢,睇下得唔得再去唸啦!

Rank: 6Rank: 6


7553
40#
發表於 04-9-24 18:54 |只看該作者

Re: 升上小一已三星期啦!請問有無48網的家長可分享下學校生活,功課量等等。

twinsgirl,
我女女是讀基法,你女女呢?
我家有對雙子公主
‹ 上一主題|下一主題
返回列表
發新帖