請問跑馬地同東區有冇好既nursary介紹呀?

03baby

kae, thanks for the info.

I'll probably apply for next year instead of 插班.
Coz I let my girl going to playgroups in the mean time. And I'm going with her.

erikalo

Wing,

我對蘇淅都好有興趣, 我個女今年2歲半, 今年九月, 佢會係屋企附近既一間幼稚園讀n1, 係全英文既, 無中文學.

我本身都曾考慮蘇浙, 因有國語學, 中文底會好d, 不過另一邊, 我又有d 擔心佢既英文會唔係太好, 因為有d 人話蘇淅英文一般.

我想問, 你小朋友既英文可以嗎, 同埋, 佢初返學時, 聽唔明國語, 又有無問題… 仲有蘇浙小學又好唔好…

sorry, 好多問題..

kaka mom

wendyc

please tell me where is 蘇淅. thanks.

kae

wendyc
ck地址: 北角清華街30號

kae

03baby

你係想下年做插班嘛，咁你可以唔洗咁急，到今年開學後先去報名啦。

kae

kilam

kae,Wing(婷婷媽咪)

我本來打算明慧或衛理,但現會放棄衛理,考慮蘇浙.
但屋企無人識國語,同唔打算上佢小學,甘好唔好呢?
另想問下蘇浙有冇得申請學費減免呢?

kilam

kae

erikalo 寫道:
又有無問題… 仲有蘇浙小學又好唔好…

erikalo
以上問題由阿wing答你啦，因我囡囡今年先開始讀n1。而小學問題可以答到你少少啦。

該小學校風都不錯呀，因我識的人是在ck小學教書的，從佢口中得知學校幾好，學生的國語都好好，中文底子比一般學校好，p1-p6都係以目標為本活動教學，中文堂、音樂堂、體育堂係用普通話授課，其它用回廣東話，英文堂係外籍老師授課。只是學校一向比較低調同埋係一所私校，所以唔係咁多人知，學校派位都唔太差的，派到band 1的有六十幾內%。需則係活動教學但都會保留番考試及測驗的。

而我對該老師的感覺好好，言談有禮，有學識之士。所以同佢傾完偈後同埋朋友的經驗，便決定比囡囡入讀此校。

希望以上資料可以幫到你啦。

kae

kae

kilam 寫道:
kae,Wing(婷婷媽咪)

我本來打算明慧或衛理,但現會放棄衛理,考慮蘇浙.
但屋企無人識國語,同唔打算上佢小學,甘好唔好呢?
另想問下蘇浙有冇得申請學費減免呢?

kilam
衛理都好好架，只不過我唔鐘意佢太淺之嘛，佢都有普通話學，不過無ck咁多，衛理都有小學的，小學都唔差的，又係六十幾%派band1架，但因小學係津貼的，所以要等派位，如你係住14區或有20分以上的話便多數入得番該小學啦。若讀ck的話，到時派得唔好都重可以讀返ck嘛。不過要比6年錢law。但我本人覺得ck學費公道，私校黎講ok唔係太略水個種。

我本人覺得屋企無人識國語唔係問題吧，等於有d小朋友讀國際學校但屋企一樣無人同佢講英文的，因驚教錯佢嘛。

至於ck有無學費減免，我都不太清楚，你可上政府網頁睇下，但我想私校應該沒有學費減免掛。

kilam

kae,

我都係唔鐘意衛理太淺,除非到時囡囡讀過(蘇)之後,唔鐘意先轉返落去(衛理).但我仍考慮中,明慧或蘇浙.
我都唔知自己住呢道係第幾區呀?!

Wing(婷婷媽咪)

Hi各位,

老實講, 我自己都未試過同其他學校比較, 因為我個囡只係讀過蘇浙nursary, 所以唔可以話邊間好邊間唔好, 但我覺得如果每一間學校學既野都差唔多而價錢亦都差唔多既話, 點解我唔選擇間有一樣野係較為突出既呢? 例如國語

我屋企都冇人識國語, 小朋友初初返學當然聽唔明老師講乜啦, 所以初初老師都會夾雜廣東話既, 到差唔多下學期老師唔單只用全國語仲有要求小朋友都用國語, 例如我個囡食點心時如果佢想再添佢要用國語同老師講先有, 如果佢用廣東語既話老師會教佢用國語講

我當初比婷婷讀蘇浙都係諗住讀一年架咋, 之後就去考其他k1, 因為我住九龍想佢考返九龍學校, 咁我又淨係考左培正點知唔收, 咁我就一心諗住繼續讀蘇浙, 因為我覺得佢學到既國語真係好好, 好純正, 後來考到st.paul我都考慮左好耐先放棄蘇浙, 如果諗住讀到k3去其他小學都冇問題, 因為蘇浙派位唔差, 婷婷而家離開左蘇浙我仲要搵人去補國語, 希望可以keep住啦. 至於英文程度, 佢地每日都有20-30mins外籍老師上英文架, 好似話每年加d, 例如n1上20mins, k1上25mins, k2上30mins, k3上35mins, 我覺得每日有得上已經好過好多學校, 婷婷由最初好驚外籍老師同而家在地鐵見到外國人可以好主動同人say hello, 人地問佢野佢都識答我覺得已經好滿足架啦, 以我所知, 蘇浙小學既英文係比出面高一年級架, 即係1年級已經讀2年級既英文架啦, 咁我諗都唔係好差既

hoichun

Wing(婷婷媽咪)

想問你女女 係 '蘇浙 '讀書時 教 的老師 好嗎 及 教學會否死版呢 ?  謝謝!!!

Wing(婷婷媽咪)

hoichun,
唉, 我頭先打左好大段回覆你既問題, 點知出唔到, 激死我啦.   

老實講, 我未試過同其他學校比較, 真係唔知死唔死版, 但我個人就覺得已經算唔錯, 我個囡有隻體操歌, 共有40句歌詞連動作佢都記得, 係國語歌喎, nursary我冇乜期望, 我只希望佢學習到群體, 獨立就ok, 其他學到既野我視為bonus, 所以我覺得好ok架, 至於老師, 我個囡個班主任好好架, 有乜事都會同我講, 然後我又會返屋企同我個囡傾, 我覺得佢呢一年黎成熟左好多, 獨立左, 起碼學識扣紐同除紐我就覺得老師好勁啦, 你叫我教我都唔知從何入手呀

CYmom

wing,
could u tell me how old is your girl when she goes to n1?  I'm also wondering whether to let my girl go to a mandarin school in Tai Wai.  Tks

Wing(婷婷媽咪)

CYmom,

我囡囡2歲就讀n1架啦, 初時實有唔慣會哭架啦, 不過我覺得最緊要信任老師,學校同埋自己要忍得唔好心軟, 好快就得, 我囡囡上左幾個月d國語已經進步左好多啦, 小朋友d語言能力好強唔需要擔心佢地聽唔明架

CYmom

Wing,
Tks for your sharing.  But is it difficult for your girl to travel from Kln to HK to study n1?

Wing(婷婷媽咪)

CYmom,

我每日親自揸車接送囡囡返學放學, 車程只係20-25分鐘左右佢一啲都唔辛苦, 仲快過搭校車返九龍塘既學校呀, 不停站, 哈哈   

CYmom

真羨慕死我了！  

Wing(婷婷媽咪)

我就真係好羡慕唔洗親自接送既人呀 : , 我都唔知幾想送左小朋友返學可以返屋企"訓"多一轉, 我每日都要在香港等到婷婷返學先返屋企, 好在佢返學既幾個鐘我都有野做如果唔係真係死唔掂   :-|