經濟差太貴學校想淸楚

Juho

大摩：香港09衰硬
http://forum.baby-kingdom.com/viewthread.php?tid=1847611&extra=page%3D1

loy211

如果我係公務員,我一定會讀私小,有津貼,不過我唔係,所以都要考慮下,因為始終12年,豈馬有6年要捱.
希望自利收生得左,我就唔駛煩.

pearjadema

原帖由 loy211 於 08-11-13 18:22 發表
如果我係公務員,我一定會讀私小,有津貼,不過我唔係,所以都要考慮下,因為始終12年,豈馬有6年要捱.
希望自利收生得左,我就唔駛煩.

me too ar, 希望自行收生得啦

ting0308

不過經濟差，真係今日唔知聽日事，阿B仲細時，都係一直諗住9年免費教育，捱完幼稚園就可以鬆一口氣，慳番啲，但係今日為咗個小朋友將來好啲，如果自行分配學位派唔到心目中學交，都要俾佢讀私學，唔係話津校唔好，只係想俾一個好啲學習環境佢啫，佢地仲細，有時真係唔識分咩嘢係好咩嘢係壞，學歪咗，就真係好難矯正，所以先至有咁多人寧願俾錢都要俾小朋友讀私校啫，所以為咗佢地將來，寧願慳自己囉！

loy211

我都同意,如果大抽獎真係好差,我都會俾佢讀私小,始終得一個小朋友,想給他一個好的學習環境.

mymelody2003

原來好多家長都好似我咁諗, 私小/津校 真係好難取捨, 每個母親都好想子女讀一個好小學, 令未來既路會好行點, 但我一諗到其它支出真係   私小/直資起碼要付小學6年的學費, 未計往後既路怎安排, 所以我常問自己我究竟可否應付到6年學費+雜費呢? 依家經濟咁差, 難保09年比現在仲要差, 所以真係好難取捨

不過, 我諗私小比直資好, 因為可以待統一派位後才作最後決定, 始終有一間學校在手, 點都有安全感d

littlecat

我有兩個小朋友, 一個讀直資, 一個讀私小, 我唔係唔想佢哋入津校, 但心儀嗰間津校就入唔到, 我又唔想佢哋去D差既學校, 唯有辛苦D比佢哋入讀直資/私小.  其實交學費都唔算貴啦, 而最貴係D課外補品, 可以話貴過D學費. 讀直資嗰個囝囝, 出年升上中學, 都一樣要交學費, 但細嗰個囡囡, 希望佢會考到一間好既津貼中學, 可以減輕我既負擔.

loy211

我識好多朋友,小學讀私小,中學考到band 1中學,可以慳d學費.如果係的話我就捱6年.

minmin

loy211,

如果係私校但D成績一般, 係咪都可以派到BAND 1中學?

loy211

當然成績不可以太差,啟基學校莫校長說他們有畢業生派往聖保羅書院,英華等.

ChiChiPaPa

原帖由 loy211 於 08-11-23 08:59 發表
當然成績不可以太差,啟基學校莫校長說他們有畢業生派往聖保羅書院,英華等.

聖保羅書院和英華書院都是直資中學，唔係津貼中學，因此要交學費。

聖保羅書院有參加統一派位，但英華上年轉直資後，並沒有參加統一派位，所以要考入去，無得派。實力要很好，才可以考入去。

avbee

讀過直資學校想岀去傳統小學較困難

why?

ChiChiPaPa

原帖由 avbee 於 08-11-23 09:26 發表
讀過直資學校想岀去傳統小學較困難

why?

這個問題應該是指新的一條龍的直資中學。如果是傳統學校成立的直資小學，就不會有這個問題。

傳統小學的課程係以六年小學為一個主要的階段，學生完成小學後會升讀另一所中學，因此會在小學階段教授一定份量的硬知識，以幫助學生升讀好的中學。

新的直資設計課程會以12年的課程作全面考慮。12年後才面對主要的公開試，因此初小時的課程會以打穩基礎為目標，不需要教授過量的硬知識。小學時，應該會較輕鬆，學生在小學時轉往傳統小學，就會感到吃力。我估計在這些新的直資，他們的學生在高中時期亦不會輕鬆，因為如果沒有按學習能力的編配機制（例如較嚴厲的留班機制），學生之間的學習能力差異是會越高年級越大的。在高中時要應付公開考試，而學生學習能力又存在差異的話，課程就沒可能會太輕鬆了。