買新書包及文具

rat

原文章由 fan5354 於 08-7-14 22:15 發表
smallmama
請問小一學生做數學題時,要不要做完每一題都要橫垮工課簿間一行線然後做另一題呢?如果要的話,那麼6吋間尺咪要間兩次才可在簿上從左至右劃一行線low???其實6吋間尺是否真的夠用呢?因為小一的嘢我 ...

這個我唔知妳小朋友的學校情況如何，但如果係數學，我己經收到書，同幼稚園都差不多，如果係加減數，佢己經係印晒所有橫線，只係填答案，其實我估間尺未必有到，就算係都可能用於勞工上，或畫圖上，所以6吋應該夠。

smallmama

是下學期才要用的, 上學期比較小用, 因為下學期一般都開始有文字題, 所以用薄做才會要隔線, 我小朋友就沒有買過8寸嗰d間尺, 而且佢都要求我唔使買新筆袋比佢住 (因為佢用緊thomas, 佢好鐘意), 所以我個人認為6寸ok囉.

fan5354

多謝各位家長意見,我想我會買放得6吋間尺的筆袋了,大家巳解了我的擔憂 Hei Hei
如果刨好铅筆在筆袋,回到學校他們要否再刨一次呢?

rat

原文章由 fan5354 於 08-7-15 20:04 發表
多謝各位家長意見,我想我會買放得6吋間尺的筆袋了,大家巳解了我的擔憂 Hei Hei
如果刨好铅筆在筆袋,回到學校他們要否再刨一次呢?

唉...這個就係我今天再逛教協的原因，我諗初初三枝鉛筆都ok，再放個鉛筆刨，但不能買太大，太細又無蓋，我怕d碎係筒跌出來，搞到個筆袋污漕，其實我想找單筒有蓋因為一個筒通常都係細size d，不過真係無，買咗個雙筒有蓋，size 好似一般插頭那樣大小而且唔係太厚身，相信夠佢刨...........仲有我都話驚佢唔見筆套...但都買咗幾個番來，仲要係得"包剪x"(唔好意思唔記得點寫)那三個筆套，真係怕到時佢玩猜包剪x....

[ 本文章最後由 rat 於 08-7-15 21:56 編輯 ]

smallmama

我係放8支铅筆及刨刨 (作後備用), 但都見佢唔使點刨, 所以其實可以放多小小筆咁就唔驚佢無筆用啦, 不過擦膠要買定多小小係屋企, 因為小朋友都好大頭蝦, 好多時會唔見 (雖然我仔未試過, 不過佢就試過攞黎分屍 -- 分開幾件), 所以我屋企會入定小小貨仔.

原文章由 fan5354 於 08-7-15 20:04 發表
多謝各位家長意見,我想我會買放得6吋間尺的筆袋了,大家巳解了我的擔憂 Hei Hei
如果刨好铅筆在筆袋,回到學校他們要否再刨一次呢?

rat

原文章由 smallmama 於 08-7-16 09:22 發表
我係放8支铅筆及刨刨 (作後備用), 但都見佢唔使點刨, 所以其實可以放多小小筆咁就唔驚佢無筆用啦, 不過擦膠要買定多小小係屋企, 因為小朋友都好大頭蝦, 好多時會唔見 (雖然我仔未試過, 不過佢就試過攞黎分屍 -- 分開 ...

我仔就算現在做功課(幼稚園)，佢時時唔見，昨天仲找擦膠，找到十點，我話如果佢找唔出來，扣五元零用錢，當係買擦膠錢，我同仔仔講如果係佢用完就唔同，因為佢真係日日都要找，我話佢好多次，佢有個大筆袋(keroro)，鉛筆，間尺，筆刨，剪刀，擦膠放晒入去，我己經今年年初就訓練佢要有"手尾"，但隔幾日就要找某一文具，擦膠我買咗一盒(約30-40件)，係教協買，係pilot 的氣泡擦膠，係文具店那職員話這個幾好用，擦出來的碎會一條條，咁用過幾好，教協買2.9元一件。施得樓有一類不易斷鉛筆，市面賣一盒13元，教協賣10左右。不過就係環保木色。

fan5354

我都打算將鉛筆,間尺，筆刨，剪刀，擦膠放晒入去筆袋裏,免得佢唔見嘢,又或唔記得帶嘢,所以要買一個唔好太大,怕佢過重,又唔好太細的筆袋,怕佢唔夠放,做媽媽真難了,hei hei..... 那麼小的事都要考慮咁多嘢.
rat
我買了一個筆刨是長方形的,都是雙銅的,都好方便,在奇趣天地買的,不過$18一個,應該唔會有碎碎出來的,而我囝囝都應該少唔見嘢的.

rat

原文章由 fan5354 於 08-7-16 22:58 發表
我都打算將鉛筆,間尺，筆刨，剪刀，擦膠放晒入去筆袋裏,免得佢唔見嘢,又或唔記得帶嘢,所以要買一個唔好太大,怕佢過重,又唔好太細的筆袋,怕佢唔夠放,做媽媽真難了,hei hei..... 那麼小的事都要考慮咁多嘢.
rat
我買 ...

我買那個係$3.5元，仲買多咗一個放係屋企，係施得樓單筒有蓋，好似餐廳牙籤筒咁大，$16元。話妳知我放棄那個筆袋，要買過筆盒算吧，因為放埋剪刀，間尺，5枝鉛筆後，筆刨後，就好難拎番d東西出來，如果拎筆隨時要拎咗其他兩三樣才拎到出來，這個筆袋會放係奶奶處，好在仔仔鐘意寫字，佢去奶奶(每晚去食飯)處都會寫下字，做下課外習作等.......今次一定要慢慢選，要輕要能放齊咁多野...我仲發覺....今日睇咗佢地小一書本同習作，真係要另帶顏色筆..........

tky9802

買了7seven護脊書包！雖然貴D,但超輕..書包約1磅多D,Dr kong And SPI...未放書已很重，怕影了小孩！而且聽很多家長說seven護脊書包很好...一個用三年以上也像新一樣，貴買平用！價錢和SPI也差不遠，所以諗了一晚，就走了圓方買了！
唉.....宜家小朋友用的真貴，他們真幸福！

ulgyduck

Dr. Kong書包好似話唔錯,而文具就唔知,其實小一要用什麼文具?

smallmama

dr. kong對小一生都ok, 文具一般都係：铅筆, 間尺, 擦膠, 刨刨, 槳糊筆, 木顏色筆, 剪刀等等.

原文章由 ulgyduck 於 08-7-17 00:52 發表
Dr. Kong書包好似話唔錯,而文具就唔知,其實小一要用什麼文具?

fan5354

如果用筆盒會唔會重D呢?我又怕他返學校掛住玩筆盒,唔專心上堂.

tikanson

原文章由 fan5354 於 08-7-17 23:29 發表
如果用筆盒會唔會重D呢?我又怕他返學校掛住玩筆盒,唔專心上堂.

Hi fan5354,
我都會買筆盒，除非筆袋夠大個，否則取東西都麻煩 .
你仔仔最後叩門結果如何呀？順唔順利呀？
仔仔幼高下tikanson's mum