九龍塘聖家小學

vvmakyy

Mandy23,

恭喜你囡囡入到聖家, 你囡囡讀邊間聖家? 其實我想知聖家是否可以話叫做中上的小學

vvmakyy

Mandy23

我囡囡讀九龍塘聖家小學,我都是在BK這裹知道這家小學,好多媽媽都説這家小學好好,都算BAND 1 小學. 自己再問一問,看一看的資料. 大多數都給好評. 所以我選了這間．

Blythemia

March 寫道:
請問你地所講的聖家小學,係咪=嘉諾撒聖家小學?有分2間,一間註明為[九龍塘]一間則無;其實2者有乜分別呢?

另外一間係聯合道.以前上下午校共用聯合道校舍.大約三年前上午校搬去九龍塘.下午校留係聯合道.有乜分別?其實除左辦學團體相同之外,好多方面都唔同,因為上下午校其實係兩間學校.教職員唔同,時間表唔同,教科書都唔同.你既問題就等於問聖家小學同聖心小學有咩分別.

vvmakyy

Blythemia

咁即係話此兩間學校雖然由上下午校分開而搬往不同地址, 咁但係兩學校是否有關係, 你認為邊間學校好d!

vvmakyy

Blythemia

vvmakyy,

關係當然係有既,亦應該比同一修會其他姐妹學校緊密.但係究竟係點,我就唔清楚,我淨係記得校監係同一位修女.

邊間好d,我真係唔識答.因為我只可以講到自己小朋友讀緊個間既情況.或者你可以分別上 o下兩學校既網址先睇睇,再問埋兩間既家長,咁樣應該會全面d.

Cheung

Hi Mandy23,

我系第一輪抽唔中!初時唸住第二輪唔中就報私校,結果好好彩竟比我o地抽中. 慳返唔少學費!明天就要開家長會有o的緊張. 不過我的朋友問我點解要比個囡囡入讀齋校,怕唔怕陰陽不調. 不過我都有少少擔心. 但我唸問題唔大! 你呢有問唸過呢個問題?你買著書包比個囡未?我個囡囡細細粒粒都唔知買咩書包好.市面上書包背起來比我囡囡總要大.   

Blythemia

Cheung,

唔介意我搭句咀丫麻?我個女又係好細粒,一年級開學前買左個背囊俾佢,當時市面只係有標準size(都成二百蚊),但係因為佢人細,個書包去到patpat位,直情成個龜殼咁.後來有一日朝早返學撞到校長,夜晚班主任打電話來,話我個女書包太大,睇下可以可以換個細d既俾佢.我估係因為校長見到佢人細書包大,對佢脊骨唔係咁好,所以叫老師打電話同我講.後來終於俾我見到spi有細碼,真係幾fit細粒既身形,而市面上亦搵唔到近似既大小,所以肉痛都買左.

至於女校,冇耐前都有唔少媽咪討論.你睇下搜唔搜尋到.我自己都讀左十幾年女校,我唔覺呢個係問題,我諗大部分讀女校既媽咪都會咁諗.女孩子之間既友情,實在又係好可貴既.

spi書包亦有媽咪討論過,試下搜尋丫.

Cheung

Hi Blythemia,
當然不介意啦!同埋好多謝你再次給我意見!你的意見對我這個糊塗媽媽來說相當有用.我期待的明天即將來監!想知明天會不會有spi 的sales來推銷?我個囡囡真激人5多年以來總是不長肉. 人人都話她似讀K3! 你囡囡系唔系升小二啦!看過你在其他資料發表,你是個好媽媽!你的囡囡有你這位善解人意的媽媽必定是個好幸福的小公主. 另外,我想八下!你系唔系得一粒囡?希望你不介意我這麼八.

Blythemia

Cheung,

唔好意思,琴晚冇時間上網,而家至覆到你.相信你睇到時已經開完家長會.

你太客氣喇,我地邊個唔係盡力而為丫,多d耐性,多d從小朋友角度去感受佢既世界,自然就會相處得融洽.我係得一粒女,夠哂皮喇,雖然佢都好乖,亦算可以自理,但要我照顧多一個我一定做得差過而家,所以一個起一個止咯.見好就收   .

我女升小三喇,話佢小一都有人信架.佢小一時似K2添咋.高矮肥廋唯有隨緣,最緊要健康愉快o者,係咪?

咁我又八下,開會家長會覺得點呀?有冇問題想問下我?

Cheung

Hi Blythemia / 各位:
唔好意思! 我這2天較工作忙碌所以冇上來! 我於26號開完家長會啦! 大致上都好滿意學校各科講解.由其是邵修女比我感覺非常好! 個日都搞到好忙,成1點半至辦妥校服. 致於當日個囡囡考o地咩?我都唔知,我試過問囡囡,囡囡只系話考中/英/數. 致於內容她冇講,她話"她將的o野飛晒入腦, 講唔到出來!"我見她講得咁好笑,就唔再追問她. 反正考咩都唔緊要最緊要系個囡囡開心咪得.
Blythemia:
      好多謝你! 我唸我暫時冇o野問. 希望我日後有o野問你時,你會回覆我. 謝謝你!

Mandy23

MOTHER 1

我只是跟張ｆｏｒｍ填, 沒有額外填其它資料如囡個人技能.(比如鋼琴,游泳.畫畫.......)或者其他名人的推藨信.

你個女讀哪一間幼稚園?成績係咪好好呢?
我個女只是讀普通幼兒園,成績都算ok啦.

Mandy23

個囡囡入讀齋校,怕唔怕陰陽不調. 我沒有想過這個問題,不過我看過在這裡的媽媽討論,應該不是大問題. 因我囡囡份人太過粗心大意和有些粗魯,我唸讀女校可能會幫到他有些改善.
一早已經買了書包(因行街見到)比個囡. 是他自己choice,是holle kitty書包.

你囡囡是否坐校車返學? 他們可能同一輪校車． 因我住觀塘,我見校車表好似觀塘同黃大仙同一輪校車．　

我囡囡同我說,家長日當日考他們的串字，黙字和計數． 我囡囡說計數他識，中文大部份都識，但英文就識少少． 真是給他激親．
　

Blythemia

Cheung 寫道:
我唸我暫時冇o野問. 希望我日後有o野問你時,你會回覆我. 謝謝你!

當然冇問題喇.
我都好鍾意邵修女.坦白講,我大大話話讀左十幾年修女學校,未見過一位好似佢咁親切真誠而熱心教育既修女.

Cheung

HI MANDY23,
我唸住唔比個囡囡坐校車,因為我們只是一個站!我系TST返工唸住送完個囡返學順路返工!系呢,我想問你會唔會比個囡讀埋8月份(幼兒園). 我以家心大心細,又想讀埋8月份又想唔讀另找些模擬小一課程比她讀! 我至今仍未收到幼兒園通知何時會有模擬小一堂上. 你個囡囡開著畢業禮未? 我o地系7月17日開. 唔知她們o地到時會編到A.B.C.D那一班?果日我o地系C班!你哋呢?

Mandy23

我現在都在考慮當中是否比個囡讀埋8月份(幼兒園). 　不過我囡囡間幼兒園現在已經開始上模擬小一課程比她讀，而８月份他們也是以模擬小一課程上堂．
囡囡會於７月１５日開畢業禮. 果日我o地系Ｄ班!
你不坐校車，放學怎樣？　

Cheung

放學由工人接,原本以前比個囡囡讀幼兒園系想慳返工人錢,後來發覺只得一個囡,她比較靜同埋被動!後來決定為她添個細佬妹,等她冇咁靜.去年秋天多個妹妹,以家請著個本地工人,好貴,請外佣我又放心唔落! 所以我唸緊唔讀8月份可以慳返hkd2,500多. 個囡囡又可以趁機輕鬆下. 但又想比多o的機會她同幼兒園小朋友仔聚聚. 好煩!

Mandy23

我都是有2個女. 你請本地工人多少錢,做多少個鍾呢? 原本我都是請個本地工人,可能因我出人工不高,所以許多只做幾日不做．　現在請了個印印，都算ＯＫ啦．
我囡囡也想和幼兒園小朋友仔多些聚聚. 因我問他如8月不返幼兒園好不好,他說想和幼兒園小朋友仔玩多些.
你囡囡有沒有學鋼琴或其它樂器呢?

S

I like 邵修女 too.  Not only nice, but also caring and professional.

On my girl's first day of school at P1, I was waiting for the school bus to take my girl home.  For some reasons, the bus was late for over an hour.  邵修女 was all the time at the gate seeing if things were going smoothly.  When almost all students, parents and staff had left, she approached me and asked if I needed any help.  I can't have a more caring principal!

Your P1 girls would be in her good hands, I believe.

Cheung

我個囡囡3YEARS OLD原本系毛妹學芭蕾舞,後來我發覺她冇埋天份,跟住再就冇再學. 都想比她學琴,但系爸爸話先學英文. 你個囡囡有冇學其他o野?我個工人系親戚關系,所以置放心!返工時間9:00-6:00(5日半)放公眾假,人工HKD5,000.00好肉痛!
你個細囡幾大?我個B囡8個月大啦!