留班!

aknchan

原文章由 Umi 於 08-6-30 20:06 發表
aknchan

如果係你, 你會點決定? 會要佢轉校留一年定尊重佢唔轉校呢?講真, 真係幾驚選擇錯.

先問, 為甚麼轉校一定要留一年?
再問, 為甚麼一定要轉校?

囡囡”同意”新學校比舊學校好嗎? 好多少? 值得留一年?
沒有囡囡”同意”,執行起來會出現許多問題

tingchichi

goodfuture,

妳有冇同囡囡傾過 ?
如果有一個機會俾佢將已經所學的知識發揮得更加好, 佢願唔願意 ? 不過就要重讀一年小四.
如果佢堅決唔想重讀多一年. 咁妳就試下再搵校長傾.
因為如果小朋友自己唔願意讀多一年, 即使重讀小四一年, 成績都未必好. 而且有可能會破壞已經建立了一段時間的自信心.
我想問下, 妳囡囡果一班得妳囡囡一個有主科唔合格咩
其他同學全部可以升班

Yukyuk

DEAR goodfuture,



留 班 即 用 多 一 年 的 資 源 去 協 助 孩 子 重 新 打 好 基 礎 我 覺 得 是 一 個 好 的 機 會.

在官津小學來說,是很矜貴的機會!
在私校來說, 家長似乎要俾多一年學費, 但實際是:-

我大囡的同班有同學在小四時是重讀生, 重讀後成績真係好左好多, 呢個係事實!  

另外, 我覺得留到中學先俾佢留班係會遲左, 會影響升中派位, 早發現早糾正唔係更好?

原文章由 goodfuture 於 08-6-30 22:58 發表


囡囡一路都不致於好唔掂, 再者我見過留班也不是有莫大改變既小朋友, 所以好想將呢個機會留待日後日子, 譬如中學, 另一方面希望佢漸漸長大, 跟大佢半年的同學距離拉近, 問題會減少. ...

[ 本文章最後由 Yukyuk 於 08-7-2 23:06 編輯 ]

Martina

真的P5可以留班?  那麼呈分試怎解決?

因為我女之班主任(津校)告訴我P5, P6都唔留班的.  
P1 & P3就盡量不留的.

Nymph_

p.5&p.6如冇特別理由係唔會有得留班(老師,主任都係咁話)
我個女都係重讀p.4,但佢今年成年嘅成績都好好,起碼科科合格,都有7,8字頭以上.全班考第三,全級40名.(呢年仲要轉曬課程)
舊年讀p.4,科科都唔合格,得3,4字頭,全班考第尾,全級由尾數上.
如果小朋友肯合作,留一年係好,相反小朋友唔合作,留一年會徙大家時間

hinhinmummy

官津小學, 無特別必要, 係吾會留級

好多人好抗拒留班, 但我自己, 小四時就科科紅, 要留班, 但果一年, 我真係的起晒心肝去溫書, 之後順利升上小五, 升上之後兩年, 還要年年都考第一, 還要有埋獎狀(上台拿獎果隻)

如果個底打得吾好, 比你個女升到上小五, 都係吾得甘點? 到時先留? 但佢可能連小四的課程都未catch up 到, 甘留小五又點? 小四既野佢都未識得晒

我個女都係小四, 9月升小五, 我自己都看到由小三升上小四呢一關, 四年級, 真係突然之間深左好多

ssaa

原文章由 goodfuture 於 08-6-30 13:47 發表
我小朋友讀緊私校小四 (邊間唔想講), 佢係細女, 12月尾出生, 同班比較一路都係猛車邊, 名次中下, 科科緊緊合格.  今年小四, 功課多了, 佢又做得慢, 上學期計平時分既中文默書都唔合格, 數同英又唔合格, 班主任叫我地 ...

人生裡面，最植得留班的黃金年是 P4、F2及F4.

一、二、三年級學唔太多，唔值得留班；五、六年級已經冇得留班。

四年班留班的好處是打好基礎，升上五六年班派位非常有利。

“知恥近乎勇” ，有時留一留班，小朋友會更加努力。

難得學校比佢留，我反而覺得呢間學校好有心。

可唔可以比大家知係邊間學校？

goodfuture

之前我地同校長增取, 校方最後答應比多一次補考機會囡囡, 呢個星期囡囡好努力, 我地將佢大意問題既地方每樣訓練, 終於在補考裡取得八十幾分了, 好開心, 我地仲plan左暑假既溫習時間表, 一於勤勤力力, 迎接小五.....

Yukyuk

Hi goodfuture,

Congratulations!

繼續努力!

原文章由 goodfuture 於 08-7-14 16:26 發表
之前我地同校長爭取, 校方最後答應比多一次補考機會囡囡, 呢個星期囡囡好努力, 我地將佢大意問題既地方每樣訓練, 終於在補考裡取得八十幾分了, 好開心, 我地仲plan左暑假既溫習時間表, 一於勤勤力力, 迎接小五..... ...

aknchan

原文章由 goodfuture 於 08-7-14 16:26 發表
之前我地同校長增取, 校方最後答應比多一次補考機會囡囡, 呢個星期囡囡好努力, 我地將佢大意問題既地方每樣訓練, 終於在補考裡取得八十幾分了, 好開心, 我地仲plan左暑假既溫習時間表, 一於勤勤力力, 迎接小五..... ...

好高興聽到囡囡的努力得到回報!!!

goodfuture

yukyuk, aknchan,

好多謝兩位的鼓勵, 在這個星期內, 囡囡真係進步左好多, 佢好認真地溫習, 個幾兩個鐘頭冇離開過張椅, 錯左又黎過, 之前成日搬字過紙都搬錯, +/- 唔上心, 錯埋一些大意地方, 再加上好多野唔熟, 而家佢真係謹慎左好多, 我估佢得七十令分, 估唔到佢可以攞到八十幾成九十, 囡囡昨天講, 辛苦都是值得的, 仲話而家好有自信喎!
我地即刻訂立左個暑期時間表, 今早做左個半鐘暑期作業, 佢而家過左隔離屋玩了!
好希望囡囡將佢既呢次經驗, 用在日後的學習路途上.

gillian19

好叨呀!

Yukyuk

世上無難事,只怕有心人.

原文章由 goodfuture 於 08-7-15 16:08 發表
yukyuk, aknchan,

好多謝兩位的鼓勵, 在這個星期內, 囡囡真係進步左好多, 佢好認真地溫習, 個幾兩個鐘頭冇離開過張椅, 錯左又黎過, 之前成日搬字過紙都搬錯, +/- 唔上心, 錯埋一些大意地方, 再加上好多野唔熟, 而家 ...