急-請問觀塘區以下那間學校最好？

KiuKiu媽媽

派到呀, 咁都好好呀, 無所謂, 新同旧小朋友唔會太在意, 最重要系教學素質好, 同老師好, 小朋友都會讀得開心, 多謝您的意見!!

slm_mom

hoilokmama，

多謝你的資料！　每日咁多功課要不要花很多時間做，　會唔會覺得辛苦呀？　學校的課外話動多唔多元化，一星期幾次課外活動, 要唔要＄＄＄？

我想１ｓｔ round都揀番觀塘區因我得ｂａｓｉｃ15分, 基本上没可能入到出面的名校, 所以係區內揀間好來博一博, 博唔到攪珠都大機會啲.  有冇人可以同我分享下.

hoilokmama 寫道:
twinsgirl, slm_mom,

聖馬太確是幾多功課o架，每日最少八樣，最多試過十二樣，尤其是在考試前重多。不過可能功課多，而且考試前老師一定會同他們重溫，所以你反而唔洗在考試前咁緊張。學校幾嚴o架，老師都幾惡。不過就是因為咁，我覺得o的校風幾好，學生都好有禮貌，高年級的學生尤其明顯。學校幾重成績，都幾深，數學科好多時會教早其他學校半年的野，亦會要求你多參加其他活動，如游水、音樂、制服團體等，所有都是為將來升中作準備。聖馬太不是只為學生升讀本區的Band 1學校，他希望學生能升讀香港有名的中學，所以每年都有很多學生升讀如喇沙、皇仁、張祝珊等等的名校。

學校有外籍英語教師，亦有北京的普通話老師，每星期會同他們上一堂。我個仔好鍾意上外籍英語老師的堂，他說好好玩。至於精英班呢，我覺得好睇小朋友la，精英班好幸苦o架。而且不是只有精英班才可派到好的中學，聖馬太一年有50-60%的學生升到band1中學，而精英班只得一班。只要你的小朋友成績在中上，派到好中學的機會都好大。

hoilokmama

chingkiumama

請問聖若瑟英文小學教學質素如何?

因為我從該校的網頁看不到有關資料, 及發覺該校似乎沒有參加奧林匹克數學比賽等校外的比賽.  

該校有沒有聘請業餘教練教授各項運動?又不知道該校成績如何?

因本人心大心細, 請你們給予意見.  謝謝!

chingkiumama

slm_mom,

小兒也只得15分, 在自行分配學位中選了聖馬太(秀茂坪), 結果不成.  接著在統一派位, 甲部分別選了聖馬太(秀茂坪), 藍田循道衛理及德田李兆強, 結果不成.  在乙部首5個志願選了聖馬太(秀茂坪), 藍田循道衛理, 德田李兆強, 李兆強及聖愛德華天主教, 結果被分配到第18個志願---聖公會基顯下午學校.

所以, 我好懷疑聖公會基顯下午學校是否是好的學校, 我把它排到這麼後, 仍然有學位.  

我相信這是由於觀塘區有太多小朋友爭讀好的學校的原固, 而又沒有太多人喜愛聖公會基顯下午學校, 才得了這學位.  

我這樣想不知是否正確,  被派到好的學校真是不容易.  

所以, 我會報聖馬太(秀茂坪)的後補生, 搏一搏啦, 反正不用錢.

而我又想知多些有關聖若瑟英文小學, 是否值得報??

請各位給予指點, 謝謝!

carollam310

我女個同學仔派官塘官立下午,另一個派楊仲明,呢兩間好唔好架,住係藍田都派唔返藍田,同學仔媽媽放榜日喊到雙眼紅紅,佢頭先同我講已經去李兆強報左後備.唔知幾時先知得唔得.佢個女o係約克考頭8名架.我見佢好唔開心.乜官塘官立咁差咩?佢話係垃圾喎,佢都冇揀既,咁都派到?

chingkiumama

carollam,

如果真的是這樣, 我覺得有點奇怪. 我把觀塘官立下午排在第15個志願, 居然派不到, 派到第18個志願, 反而沒選的能夠獲派.   那麼你的女兒同學的媽媽一共選了多少間學校? 我共選了20間.

twinsgirl

Chingkiumama

我兩個女在自行分配學位中選了聖馬太(秀茂坪), 接著在統一派位元, 甲部分別選了聖馬太(秀茂坪), 聖愛德華天主教，德田李兆強，藍田循道衛理及李兆強，結果被分配到第10個志願---聖公會基顯下午學校.，但我考了聖愛德華天主教，結果考到，最反，多位朋友，小學教師，中學教師，兩間幼稚園校長意見，選回聖公會基顯下午學校。而兩位幼幼稚園校長重話，如果她的小朋友派了這間，其他她都不會考慮。
我想知聖愛德華天主教，爲什麽家長會選這校，我朋友說，中學成績普通，進步中。

chingkiumama

twinsgirl,

在我心目中首4個是最理想的, 我都唔記得為什麼把聖愛德華放在這麼前. 不過, 我最近(6月8日)從基顯的網站得知該校的表現是不錯的, 因為之前總是入不到(我之前是從教育統籌局續板入去看, 直至近日才發現該校的網址[www.shkkeihin.edu.hk]是錯的), 又不清楚該校, 所以把它排在後面.

LINUS

我的小朋友在德田李兆強讀書, 功課實在不多,
最多做一個小時, 最花時間只會是中文抄書.
好多時真係45mins. 多數每天要做中英文抄寫, 數學習作.

我知三年班開始有精英培訓. 但是否有精英班就唔知.
中文程度我就好滿意, 老師好有心機教.
有心理準備老師好嚴格.

carollam310

她說只選了三間,兩間李兆強同循道.我見她很愁很擔心,叩左門都晤知幾時有回音.另外那個派楊仲明的冇註冊冇叩門,去聖母度讀.

ling媽

基顯唔係差，不過因為地點問題無嘜人以佢為首選，住得遠唔會揀佢，周圍人口又老化，校舍又舊，有成35年歷史。舊年佢隔離座樓先拆完，沙塵滾滾，不過我囡上年就首階段15分入左呀！ 食左一年塵，宜家有安樂日子過喇 ，個操場仲大左添！我聽主任講，淨係上午班已經有一半人以上係要搭校車返學嫁，佢地話有d人嚴間學校舊喎，但又有人申請插班入去讀喎，我知有個讀樂華天主教嘅，有個讀臻美嘅都插班入去！

xiximammy

各位媽咪! 您們好,

可否告知你們的子女當日是讀那間幼稚園的?
為了入心儀的小學, 你們有否什麼部署呢?

我只有一個女兒, 但什麼都不懂, 所以希望大家多加指教.

謝謝幫忙

xiximammy

carollam310

有人知官塘官立下午好嗎?

kitty

以我所知觀塘官立下午好過上午,因聽我女同學媽咪講(佢個仔讀緊小二)上午冇咩功課,測驗,考試,同埋下午班會在07年搬去秀x坪新校舍~
我女讀果間幼稚園都有人攪珠派去藍田循道,不過我們學校在牛頭角區,所以家長通常揀些比較近的,以我女班同學計,多數揀聖約翰,我就揀基法,而讀基顥的就多數有哥姐讀開跟住入,
不過通常都係揀這幾間,而觀塘官立唔知點解近年口碑冇咁好,反而基顯唔錯,如我家近的話我都會揀~
重有一點就係,我識的同學多數派到第一志願,個個都好開心~

carollam310

唔掛得之我女女同學仔個媽咪喊到雙眼紅晒啦,佢話官塘官立係垃圾,仲話要辭左份工同個女周圍搵學校,今日仲冇比個女學畫畫學彈琴添.唉~~~

slm_mom

chingkiumama,

唔該哂, 聽你咁講觀塘區校網都很大競爭,就算1st round唔得2nd round甲和乙報同一學校都唔等於可以大機會啲,完全睇彩數,睇有冇攪珠命,政府啲制度真係........唉!如果你將聖太放在第18可能已經入左.    咁多bk 媽咪話基顯好你都唔洗咁擔心,希望你成功考入聖太.

Kitty,

好想問你點解會揀基法?  學校的程度怎樣?  功課多嗎?  因我家就在學校附近想了解多啲.  Thanks.

kitty

slm_mom ,
我就係近基法,所以揀佢,同埋以前口碑都幾好,我又問過住我樓上的太太,佢有三個以前讀這間的,(而家十幾歲讀中學)一個女派去聖傑靈,一個仔派去瑪莉諾男校,另一個而家小六我未知佢派去邊,我見D學生都不過不失,又問過幼稚園主任意見,雖然佢地唔可講明邊間好邊間差,但比我感覺OK囉~
我有時同D女去公園玩,聽到住翠平村的家長都話基法好,但好多人嫌佢校舍舊,同埋冇咩設施咁,再加上每級得兩班,入的機會好似冇咁大,所以好多人都冇揀佢~
你小朋友係咪下年先小一呀?

slm_mom

Kitty,

Thanks.  我小朋友出年先小一但係而家已經有啲頭痛,唔知出年會派到邊間. 因為如果哥哥入到一間好o既細佬就唔駛煩啦!  咁基法英文程度點樣?  知不知道會唔會有外藉老師?

kitty 寫道:
slm_mom ,
我就係近基法,所以揀佢,同埋以前口碑都幾好,我又問過住我樓上的太太,佢有三個以前讀這間的,(而家十幾歲讀中學)一個女派去聖傑靈,一個仔派去瑪莉諾男校,另一個而家小六我未知佢派去邊,我見D學生都不過不失,又問過幼稚園主任意見,雖然佢地唔可講明邊間好邊間差,但比我感覺OK囉~
我有時同D女去公園玩,聽到住翠平村的家長都話基法好,但好多人嫌佢校舍舊,同埋冇咩設施咁,再加上每級得兩班,入的機會好似冇咁大,所以好多人都冇揀佢~
你小朋友係咪下年先小一呀?

kitty

slm_mom ,
你睇下佢個網頁,D資料都幾豐富喎~基法

我細女都係出年小一呀,到時基法全轉全日制,我地舊生可揀搬去油塘或留在月華街.

米妮

twinsgirl :

       我囡囡依家o係基顯讀緊小二,佢讀得好開心,好鍾意返學,因為呢間學校係採用活動教學,係真係好活動,會有好多既户外學習,功課量又少,所以讀得好輕鬆同冇壓力,最緊要係呢間學校d升中派位都唔差,好多都可以派到官塘區d英中.
      其實我兩年前o係第一個 round 係揀左聖馬太架,因為我知聖馬太呢間學校d派位好好,可以派到d好出名既中學,我當時諗普普通通都可以入到官塘區d英中啦,所以我好想亞囡讀聖馬太架(當時),不過就抽唔到,之後我發覺我囡囡係唔多鍾意做功課,而聖馬太係出名功課多同幾吹谷架,所以我o係第二個 round 轉太揀左基顯,到依家我都覺得自己揀得好岩架,其實係要睇返個小朋友d性格,同埋最緊要讀得開心囉.