如果唔識人係咪等於沒機會入讀名校？？？

hinhinmummy

Bambi

我個女果間小學雖然不係十分有名的名校, 但都歷史悠久, 但係我個女都入到, 我不識人係學校, 亦不係住豪宅, 只係住普普通通的舊樓.

我不知十分出名的學校係不係會甘樣, 但我想信官校一定不會, 因為我交自行派位form時, 連同我個女的profile一齊交, 佢都不肯收!


還有, 我公司有個高級職員, 上年個女派小一, 佢住jardine lookout (半山), title ceo, 報mary mxxx不收, 派位派不到, 如果真係住陽明山莊的第一輪就收, 甘佢又不收?

ballpen

我諗學校都唔會咁傻,單睇地址就收個細路的,因為係人都知,好多家長都會用假地址的.

Rosaline

看過一則新聞, 說很多名校都知道大部分入讀學生不住在同區校網, 但名校多隻眼開隻眼閉. 因為收生範圍擴大遠及他區更為有利, 可較多好學生給其選擇. 我識得不少朋友也用假地址為其子女報讀心儀學校.

我也識得有些朋友因識名校校董介紹入讀, 當然這些朋友有番咁上下家境, 孩子也是名幼稚園出身. 名校收生當然以實力為先, 但對高層介紹也給予情面, 因如學校要籌款時高層助力很大. 不過, 現時小一收生校長少了十分人情分, 要介紹困難多了. 但相信插班生由高層介紹個別情形也會存在.

Mimi_Ma

這是我好友經驗, 點解有錢容易入名校, 她囡囡讀九龍塘 名幼稚園, 學費$6XXX, 在K1開學不久就問家長, 選校情況及教路準備大抽獎, 如她女兒想讀有名教會學校, 就教她'領洗'拿多十分宗教分.

可能多十分宗教分, 她女兒在第一輪大抽獎入了名女校.

麟媽媽

宗教分是5分不是10分。
另外教會亦不是任你話洗禮便洗禮的，我不明白為何有這樣的傳言？
以天主教來說，一定要父母一方是教徒，才可替3歲以下的小朋友洗禮，如果過了3歲，請在4或5歲報讀主日學(唔同堂區收生歲數都不同)，上了一段時間才可受洗，時間可能是一年或兩年，未必在你報校前替你洗禮。如果父母都不是教友，跟本唔會同你個小朋友洗禮，父母都唔信，點解小朋友會信？加上教會認為家庭同學校應共同合作，才可引領小朋友正確的宗教信仰，所以如想仔女受洗，父母要先洗禮，才可替子女安排。試問父母要上一兩年慕道班，仔女又要上主日學，要趕上K.3前做晒所有野，真係咁易？另外我知道如教友要替嬰兒洗禮，父母一定要在教堂行婚配聖事，如果父母結婚時沒有行教堂，仲要在教堂補做儀式教會才替佢地個小朋友洗禮。如果父母一方曾離婚，亦不可在再結婚時行教堂，行婚禮前教會要求文件證明雙方之前是單身，我姐夫是英國人，我記得當年教會要求他從英國拿文件證明未結過婚身份，差點唔比佢地book教堂行禮！
所以真的如有人說是這樣容易嗎？我看未必。

PS: 其實教會都希望多些人可認識天主教，不只是我地呢D一代一代傅下去的公教家庭。主日學是每年9月開學到6月的，現在正是招生時間。有興趣認識天主的朋友們可到你的堂區教堂查問一下，我相信佢地好樂意解答你們的。

Bambi

對! 天主教磪實不易, 但原來基督教可以喎, 我剛有朋友話我知佢囝囝上了4個月主日學已可受洗, 佢重話個牧師知佢要趕住拿果5分而比佢早o的tim, 而佢2公婆都唔係教友.

ballpen

我相信學校真係會抽簽的,因為喺首輪嘅自行分配學位時,我個女就有幸被抽中,入左天主教嘅女校,我報嘅地址好普通,只係報紅磡,唔係高尚住宅區,我兩公婆報嘅職業只係小職員,我個女讀嘅幼稚園,係人都話淺,仲有我唔係教徒,所以我都唔明點解啲人會亂咁傳,話要睇係唔係豪宅,係唔係讀貴價幼稚園,所以我相信只要夠分就有機會抽,同時最重要嘅係睇運數.

反而我覺得會有人係靠人事關係入到名校,因為好多學校都會有啲位係畀人叩門的,咁係呢個時候,識人就真係好好多.

bunfoofoo

多五分宗教分, 抽中機會大好多.  

hinhinmummy

bunfoofoo

無宗教分的, 可以報一間無任何宗教的小學, 我就係啦, 報一間與任何宗教的小學, 個個小朋友平等, 無人會有機會果5分, 甘我個女入到的機會咪大d lor.

bunfoofoo

hinhinmummy :

如果選間無宗教學校, 根本平等好多. 不過出名名校, 大多是有宗教信仰.  
唉 !  我都曾有這念頭, 為入名校, 不過老公話冇謂, 佢話小朋友係聰明去邊間讀都掂.

hinhinmummy

bunfoofoo

好認同你先生甘講, 依家好多官立小學都好好的, 我個女果間就係官立小學lor, 所以無宗教信仰!

如果佢讀得到的, 去到邊都讀到, 我以前讀果間屋村中學, 我果班有幾個會考拿到7,8個A, 轉到其他名校讀預科, 亦有D原校繼續升讀, 都可以考到入大學, 一D入到浸會.

麟媽媽

我自己有小小經驗之談，我相信用功的孩子始終是可以成材的，但選擇一間好或唔好的學校絕對會有影響的。
一般名校學習環境同學習氣氛都比較好，以我以前為例，我地一班有40人，比如說當中有5個是無心向學的，但其餘35個都專心上堂，又唔會互相傾計之類，呢5個人亦唔會自己嘈嘈閉影響他人，至多自己發下白日夢。以前我地班中最差考第尾的都full cert.的。
我有一個朋友，她都是大學生，但她的路難行得多了。她說一班40人，只得幾個人想聽書的，上堂老師有老師講，同學傾計，食野，走堂咩都有！她常說當時無學壞真要還神！她學校中三已無得讀的大有人在，上了中四情況好D但上堂同學們大多都是不專心的。
所以我覺得做父母的，當仔女唔識得選擇時我地應盡力為他們搵一間好學校，之後讀唔讀得成書就一定要靠他自己努力了。

Sindy

我曾經係一間band 5學校度讀,你想像唔到個課室係點既,可以嘈到老師都無法講野,一係就用左一堂黎訓導人,咁既情況好少會出現係名校度,唔係話名校無壞學生,但情況無咁嚴重,要去一間好既中學,好多人都係小學已經著手,所以好多人都安排細路既前途,古有明言:近朱者赤,純粹都係回應

Zen

Sindy

我讀過間band 11~~~~既中學，隔離位係度割手腕，後面係度pak丸，教物理個老師仲攪笑，叫我地唔好咁勤力讀書，否則會讀到好似佢咁痴痴地，每日有半班同學點左名就走去隔離茶餐廳食早餐，臨放學返黎露個面．好彩我讀左一年咋，我阿媽同我都驚到陣．哈哈∼∼∼∼∼．

所以話而家讀書，唔係話一定要讀名校或band 1學校，但一定唔可以係band 3，因為入左band 3，成長條路真係好難行架．

hinhinmummy

我亦想信學習環境會好有影響, 我只名校的意思係'拔x', '喇x', 果d, 當然我亦不會蠢到比我對仔女去讀d band5學校.

估不到一句'如果聰明, 係不係名校讀, 一樣讀到書' 令到甘多媽咪甘大反應.

Sindy

最鬼衰既係有邊間好校風既學校可以隨時等你入去呀可？都要最小由小學開始舖定路

話時話呀，名校同校風好既學校我都唔係幾識分呀？有無人幫到手呀   

stccmc,

你既格言都係我對仔女既宗旨