個個小朋友都咁叻，點解我2個就....

julietta

原文章由 emiluihk 於 07-11-29 12:59 發表
唔知大家仲記唔記得
人比人 , 比死人
雖然唔係咩佳句, 但請自問,假如你身邊没有出現你所講的另孩子,你會否用自己的孩子作比較呢 ? 爲何要用自己的寶貝與人的比 ?
老實講這對孩子真的很唔公平 ...

天生我才必有用
...

唯有一句, 共勉之。但願你和孩子都過著快樂嘅日子, 融合嘅家庭對孩子嘅成長都好重要, 只要佢哋長大, 可以自己養活自己, 過著平凡但自在嘅生活, 都係一般人夢未以求。

wyl

其實點先叫做「叻」呢？係咪一定要十優狀元定還是要斐聲國際，抑或要好似哈佛女孩咁先叫叻呢？做人唔係淨係睇單方面，讀書成績好，又或者琴棋書畫運動精唔代表佢將來一定會高人一等、飛黃騰達。小朋友將來會有多成功，除了天資和努力外，多少還要靠運氣，作為父母只要盡了自己的責任便足夠。千萬不要把小朋友們拿來比較，要比較就與自己比，每次都有進步的話便足夠了。

我囡成績都唔係幾好，但佢幾歲人仔聽話孝順，自理能力又高，又能夠明辨事非，與同伴間相處、待人接物也不錯，這樣的女兒還有什麼可抱怨的呢？想想那些生病的小朋友，父母雖心力交瘁但仍然不離不棄、費盡心血的只希望自己的子女能活下去。我多感謝主賜我一個身心都健康的女兒！只要自己的子女健康平安快樂，其他的事還有什麼好計較的呢

P-Ma

wyl

很羡慕你有一個乖巧的女兒呀!我都想要一個呀!
我都不需要她/他成績好，但我卻想要一個像你所說的孩子呀!
我小時都是這樣的。
可惜我兒完成遺傳不到這些優點!

rubymo928

原文章由 emiluihk 於 07-11-29 12:59 發表
唔知大家仲記唔記得
人比人 , 比死人
雖然唔係咩佳句, 但請自問,假如你身邊没有出現你所講的另孩子,你會否用自己的孩子作比較呢 ? 爲何要用自己的寶貝與人的比 ?
老實講這對孩子真的很唔公平 ...

天生我才必有用
...

100% AGREE U  

emiluihk

hahaha 其實好多野都有兩面睇, 只在乎父母自己點睇啫

一個較爲活潑的孩子 向好方面睇可是愛探險,實務型;壞的方面看咪就係人所說的坐唔定無時停唔聽話囉

一個看似聽話的孩子 好的方面看咪家長好好做 小孩子咁聽話唔駛勞氣 ; 但亦可以說是呆板, 唔識變通, 你叫佢做乜佢就做乜,無主見

哈哈 咁你地話係咪 點講都得呢 ?! 我都好想好似xx成咁有錢, 但佢亦有佢既苦我地唔知啫 ... 唔好羡慕人地努力活好當下,知足常樂喔 !

原文章由 P-Ma 於 07-11-29 14:22 發表
wyl

很羡慕你有一個乖巧的女兒呀!我都想要一個呀!
我都不需要她/他成績好，但我卻想要一個像你所說的孩子呀!
我小時都是這樣的。
可惜我兒完成遺傳不到這些優點! ...

丸媽媽

hi~好耐冇傾過計你都仲記得我,如果冇記錯你大女好似小五?!

a961115

原文章由 丸媽媽 於 07-11-29 20:59 發表
hi~好耐冇傾過計你都仲記得我,如果冇記錯你大女好似小五?!

今年小六~要揀中學啦~

littlesister

我個女都係咁喎, 文又唔得武又得, 我D朋友既仔女又係好叻架, 又資優又讀名校, 咁啱既

不過都要認命架, 見佢現在日日開開心心返學, 又年年升班, 咁咪算囉, 唔好同人比啦, 人比人比C人架

原文章由 JCMum 於 07-11-28 21:14 發表
身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

BB豬佬

我之前都開個一個類似的topic, 而且好媽咪都鼓勵我,所以千祈唔好氣餒,今日以為佢係蟲,他日原來係條龍

wyl

haha P-Ma, 首先多謝你讚我囡乖巧先。其實我好贊同emiluihk的講法。每種性格都一定有利有弊，正所謂「針冇兩頭利」，冇話絕對好定唔好。但既然佢天生性格係咁，做家長的都只可以接受，學識放大佢的優點去鼓勵他，缺點就儘量提點他修正。其實最初我見自己個囡的成績麻麻時，都會忟憎。但後來諗深一層就覺得人生咁長，成績真係唔能夠代表一切，慢慢就學會調適自己的心態。今時今日做家長真的不容易，唯有邊做邊學

mum-LCC

原文章由 littlesister 於 07-11-29 22:11 發表
我個女都係咁喎, 文又唔得武又得, 我D朋友既仔女又係好叻架, 又資優又讀名校, 咁啱既

不過都要認命架, 見佢現在日日開開心心返學, 又年年升班, 咁咪算囉, 唔好同人比啦, 人比人比C人架

...

我地要接受人人嘅資質係唔同, 我屋企亞二都係文又唔得武又唔得, 亞大同亞三就唔知幾醒, 冇計, 同一出品都一樣有咁大差別, 唯有接受啦。正如另外d 媽咪話, 咪欣賞吓佢嘅優點囉, 希望一路大一路有進步啦!

mum-LCC

原文章由 wyl 於 07-11-30 11:55 發表
haha P-Ma, 首先多謝你讚我囡乖巧先。其實我好贊同emiluihk的講法。每種性格都一定有利有弊，正所謂「針冇兩頭利」，冇話絕對好定唔好。但既然佢天生性格係咁，做家長的都只可以接受，學識放大佢的優點去鼓勵他，缺點就儘量提 ...

非常同意!

晴B媽

真正叻的精英, 只係好少數。

大部份都只係d阿媽阿爸吹牛

好似張柏芝咁,3個月大的bb依依哦哦, 佢就同講: bb識講野啦!

Kittymummy

睇開d拉.....人生唔只係有讀書 ! 每班學生一定有叻 有唔叻的學生拉. 何況小學讀得好又唔代表第日. 我d家姐小學年年都試升, 又唔合格, 當年中學派左band5學校(打架上報紙都好幾次). 中學之後好努力讀書, 會考有27分拉.

下下要比較就死拉 ! 但求健康, 唔好學壞先係最重要. 都係果句拉:讀書呢家嘢, 唔係你話迫就迫到.

mcmung

不要擔心，我小時候也是蟲一條！媽媽常說我一事無成，最尾幾名少不了我的份兒！後來在中學，遇見了良師加嚴師，開始讀書，現在也不太差啦！我的媽媽後來承認看扁我啦！ : 努力！別對自已的子女失望！

berryivyee

JCMum :
Agree.
小朋友有d會較遲開竅，不要過早失望！也不用比較，每個孩子都有個人之處架！加油！

原文章由 mcmung 於 07-12-1 06:46 發表
不要擔心，我小時候也是蟲一條！媽媽常說我一事無成，最尾幾名少不了我的份兒！後來在中學，遇見了良師加嚴師，開始讀書，現在也不太差啦！我的媽媽後來承認看扁我啦！ : 努力！別對自已的子女失望！ ...

Bambi

大把唔叻既唔講ｊｅｒ！
努力！

Yau_Cheung

Healthy & happy are most important.

navigator

原文章由 JCMum 於 07-11-28 21:14 發表
身邊朋友/同事既仔女個個都好叻，文又得、武又掂。點解我個2個就文又吾得、武又吾掂   係吾係我吾識教佢地呢?  有時唸唸下真係好傷心

錯了！不要這樣想了！人比人都是自尋煩惱的，因為一山還有一山高，強中自有強中手。況且每個孩子都有自己最強的一面，有時我們真不知道或孩子仍沒有發揮出來而已。只要是我們的孩子，流着我們的血，不論是天才或白痴，我們都要愛他/她，希望他們永遠健康快樂地成長。曾幾何時我也怪責過女兒不爭氣，拿她與她在3年幼稚園裏一直坐在旁邊的同學薇薇比較：大家年紀只差一個月，但薇薇讀書卻很棒，為人既專心又細心，直到現在，她都能保持每次考試的名次不是全級第一就是第二... 然而我的女兒的讀書成績卻未能達到最TOP，她專注力較弱，人又比較心散，很喜歡玩.....但當我有一次看着她可愛的面孔和不斷努力嘗試作出改善時，我就恍然大悟了：不論她的真情性如何，她始終是我在這世界上最寶貝女兒。