係我做錯嗎???

呀儀!媽媽

原文章由 zoebaby 於 07-11-16 01:41 硐表
今日去接囝囝放學,佢班主任同我講左半個鐘,佢話囝囝情緒波動,會整估同學社交方面好差,成日叫囝囝做野,要叫好多次先得,其他小朋友成日投訴佢,排斥佢,我個仔曳,老師叫我同佢去上治療情緒親子班,我接受,但我班主住講緊 ...

首先我想問你小朋友係讀邊間學校架因為我見你既問題唔係一般既普通問題..我想清楚知道左成件事先可以幫到你因為我自己曾經都做過幼稚園教師我諗我都可以幫到你小小既!

Aurea

Hi , Zoebaby-ma,

千祈唔好怪自己同bb , 試問邊個小朋友唔調皮,好動... 呀!起碼佢係吱吱喳喳, 好活躍.. , 掉返轉頭諗, 如果佢一粒聲都唔出, 唔郁, 你咪仲驚仲擔心..  
其實我都認為你轉校好d , 既然學校都開到聲, 咁都明白佢意思啦, 如果真的免強讀落去, 對你小朋友唔係咁好, 可能老師上堂時唔會點理佢 or 罰佢出走廊企直至落堂費事disturb 其它小朋友 (我唔係誇張, 我個亞姨個囝就係咁(不過係小學1年級), 老師日日叫佢出去罰企, 又罰留堂, 根本無得上堂, 個囝返屋企話俾亞媽知, 開頭唔信以為佢唔想返學, 點之有日係校長親自見, 講明亞囝過份調反, 唔適合呢度.... 梗係轉校啦, 佢現在讀得好開心 , d老師好有愛心同耐性教佢..)所以我覺得你應該揾間以活動教學形式既學校 , 從而提高你小朋友既學習興趣.

Aurea-ma

25660859

轉校好d

呀儀!媽媽

原文章由 Aurea 於 07-11-18 00:42 硐表
Hi , Zoebaby-ma,

千祈唔好怪自己同bb , 試問邊個小朋友唔調皮,好動... 呀!起碼佢係吱吱喳喳, 好活躍.. , 掉返轉頭諗, 如果佢一粒聲都唔出, 唔郁, 你咪仲驚仲擔心..  
其實我都認為你轉校好d , 既然學校都開到聲,  ...

我有小小認同你既講法!其實間學校既老師講得出口你再留低都冇意思只會另到d老師繼續針對你既小朋友講真架我以前做過幼稚園教師見過好多你呢d問題再衰d既做法都有

graceshumwy

zoebaby

唔好意思! 啱啱睇到個topic, 所以睇吓你咩事唔開心...
你介唔介意講黎聽吓你邊間幼稚園呀?
睇完你段苦水, 我發覺d老師有問題(唔好介意我咁講, 都係個人意見啫)
第一, 咁細個小朋友又點識排斥係咩? 又點識成日投訴佢呀?
第二, 點解第二d家長又會知道你個囝囝有問題, 想佢調組呀? 唔通老師唱通街?
第三, 做幼稚園教師係好應該有耐性同愛心, 連咁基本要求都做唔到, 點做幼稚園教師呀?
我覺得你無問題, 亦唔可以講你做錯, 有時d嘢唔試過又點知好唔好呢! 但我見議若間學校咁樣, 我都贊成你轉校囉, 幼稚園雖然就唔係好重要, 但對個小朋友成長都係好緊要, 你可以試問吓囝囝返學開唔開心囉, 若佢唔開心, 倒不如同佢轉校好過啦, 再讀落去d老師都唔會變番有愛心同耐性啦, 對你個小朋友都唔會好, 反而我覺得老師排斥佢, 多過同學仔排斥佢囉. 而家個印象對老師都唔好, 一路讀落去都唔會好啦. 早轉校早解決!

原文章由 zoebaby 於 07-11-16 01:41 硐表
今日去接囝囝放學,佢班主任同我講左半個鐘,佢話囝囝情緒波動,會整估同學社交方面好差,成日叫囝囝做野,要叫好多次先得,其他小朋友成日投訴佢,排斥佢,我個仔曳,老師叫我同佢去上治療情緒親子班,我接受,但我班主住講緊 ...

zoebaby

老師之前曾講過,因為囝囝唔合作,所以會照顧左其他小朋友先,再照顧我囝囝,我尋日再同老師傾過,我問佢囝囝係咪真係曳到需要調組?老師又話其實唔係,其實囝之前都冇乜野,係前幾日比較曳,事源係囝囝同個同學嘈交,有個同學仔唔鍾意俾人話,就番屋企同媽咪講,跟住個家長又唔鍾意個仔比人話,就再同老師投訴,要我個囝調組,就係咁啦,但係呢d說話老師前日冇講過????我唔明老師想點??想我囝囝走???定係根本老師小題大做呢???

呀儀!媽媽

原文章由 zoebaby 於 07-11-18 02:52 硐表
老師之前曾講過,因為囝囝唔合作,所以會照顧左其他小朋友先,再照顧我囝囝,我尋日再同老師傾過,我問佢囝囝係咪真係曳到需要調組?老師又話其實唔係,其實囝之前都冇乜野,係前幾日比較曳,事源係囝囝同個同學嘈交,有個同學 ...

其實件事好簡單個老師而家同你投訴希望你返屋企會同個小朋友作出訓話而且又可以等個小朋友上堂既時候就會乖乖地囉!而佢呢因為係既老師關係佢唔可以對你小朋友作出處罰所以就直接向你投訴喇~!

呀儀!媽媽

原文章由 zoebaby 於 07-11-18 02:52 硐表
老師之前曾講過,因為囝囝唔合作,所以會照顧左其他小朋友先,再照顧我囝囝,我尋日再同老師傾過,我問佢囝囝係咪真係曳到需要調組?老師又話其實唔係,其實囝之前都冇乜野,係前幾日比較曳,事源係囝囝同個同學嘈交,有個同學 ...

再唔係既你直接問學校係咪真係有需要你小朋友轉校!如果學校真係要你個小朋友轉校既話咁真係好大問題喇!之但係如果係要調組的話咁我覺得你又唔需要咁緊張既!

w_y

deleted....

[ 本文章最後由 w_y 於 07-11-18 14:57 編輯 ]

維豬豬

係唔係個老師感覺到你想轉校所以講法就即刻唔同左呀?

IWAT

唔好唔好心住...

好多新聞都有播導部分(另類)資優兒年幼時都容易被人誤認為係特別頑皮...

你可以了解清楚先再決定下一步啦!

用戶

原文章由 aknchan 於 07-11-17 23:35 硐表


我真的不明白??!!??   
做人哋呀媽就不可以客觀同自我儉討
甚麼道理 ????

做父母要學理智分析, 老師投訴了多少次? 可信嗎? 孩子有問題嗎?
不要說 做人哋呀媽 就好難客觀

誰說做人呀媽容易 !!!   ...

路過講兩同,駛唔駛咁大反應.講真你同我都唔係第一身,点知果小朋友同D老師係点.但係好明顯樓主只係想借個位申下,揾下Support.唔係都唔會posted 出嚟.意見可以俾,駛唔駛wordings 咁strong 呢. 其實做人呀母,身邊每日都有唔同嘅人,唔同嘅事令你日日在想"我有沒有做錯""係唔係應該做得仲好d".我相信上得嚟bk架媽咪都係識諗架.

aknchan

原文章由 用戶 於 07-11-18 21:59 硐表


路過講兩同,駛唔駛咁大反應.講真你同我都唔係第一身,点知果小朋友同D老師係点.但係好明顯樓主只係想借個位申下,揾下Support.唔係都唔會posted 出嚟.意見可以俾,駛唔駛wordings 咁strong 呢. 其實做人呀母,身邊每日 ...

您話我大反應 ???

您quote 我 D post 話:

你駛唔駛咁講.如果做到可以客觀同自我儉討,就唔係人哋呀媽啦...

算唔算大反應? wordings 算唔算 strong?

就是因為你同我同大家都唔係第一身,点知果小朋友同D老師係点...所以我叫 op 先自我檢討一下
不要輕易轉校
j

aknchan

原文章由 zoebaby 於 07-11-18 02:52 硐表
老師之前曾講過,因為囝囝唔合作,所以會照顧左其他小朋友先,再照顧我囝囝,我尋日再同老師傾過,我問佢囝囝係咪真係曳到需要調組?老師又話其實唔係,其實囝之前都冇乜野,係前幾日比較曳,事源係囝囝同個同學嘈交,有個同學 ...

看來喺老師怕家長投訴 小題大做 ...

birdbird

原文章由 zoebaby 於 07-11-18 02:52 硐表
老師之前曾講過,因為囝囝唔合作,所以會照顧左其他小朋友先,再照顧我囝囝,我尋日再同老師傾過,我問佢囝囝係咪真係曳到需要調組?老師又話其實唔係,其實囝之前都冇乜野,係前幾日比較曳,事源係囝囝同個同學嘈交,有個同學 ...

zoebaby

就咁睇你兩個message, 其實幾難知道你囝囝在學校真正的表現. 但我先唔會建議你轉校, 因為 -

1) 你係媽咪, 老師同你講你小朋友有問題, 你會好容易就將個問題放大, 因為果個係你個仔..... 你試下跳出黎睇下, 其實小朋友上堂唔合作, 同小朋友有爭執, 好平常. 老師話你知你小朋友有咁ge情況, 仲suggest你帶小朋友上 eq 班, 其實都唔係壞事丫, 等小朋友學好控制自己情緒, 對佢日後學習交友都有好處.

2) 老師因應小朋友的性格及表現, 而作出調組, 其實好平常, 好多時老師作此調動而唔需要話比家長知. 今次老師話你知, 可能佢都係想搵人呻下(有家長煩住佢!).

3) 個別老師的態度可能令你懷疑老師係唔係討厭自己小朋友, 但係根據你的留言, 老師肯花時間和你討論問題, 我覺得老師唔係想放棄你小朋友. 另外, 有個家長因為自己小朋友跟同學有爭執就向老師投訴兼要求老師為小朋友調組, 那個家長可能在老師眼中係麻煩家長, 老師之後未必會積極跟那個家長討論佢小朋友的問題, 因為怕被纏或要應付進一步要求. 你囝囝的老師係唔係用心教你囝囝 & 其他學生, 你要比多d時間觀察.
　
4) 如果因為呢件事而轉校, 轉校係唔係會再冇呢d事發生? 究竟問題出在小朋友, or 係老師, or 係多方面? 搵到問題的徵結先至可以有解究方案.

總結, 你要比d時間幫囝囝改善情緒問題, & 比d時間再觀察老師 & 學校係唔係適合囝囝, 再作決定.

多d同囝囝傾下學校發生ge o野, 比囝囝帶d糖果/貼紙 返學校派比其他小朋友 (或者同組果d), 小朋友之間自然會建立友誼 (佢地雖然人仔細細, 但係行為思想好實際!)

[ 本文章最後由 birdbird 於 07-11-18 23:50 編輯 ]

kahei_mam@yahoo

在廿十年前,我母親大人都畀相同話話過~~
我細佬細細時唔乖,不聽話,可能比你個囝重唔乖
當時我母親大人重可憐,無人幫~~~~
但現在我細佬比任何人都愛我母親大人,
係因為我母親相信自己的兒子~~~~

未必是這學校不好,只是和你兒子不夾.
轉一間活d教學~~~~
我有朋友住元朗區,但佢個囝讀一間大埔幼稚園都不錯,加上有免費校車~~~好像係活動教學