中默生字記唔緊!

emiluihk

早晨呀各位,


      我諗中默困難係小一生既通病
但我贊同不宜過多抄寫功課, 這樣會給小朋友
厭倦功課, 反而練習形式他們會樂此不疲。可
能因為有變化及需思考吧 ！

      個人認為每個生字抄寫三次已足夠,因為
功課只係老師教導小朋友的附屬品,她們可從
中給小朋友介紹這個字如筆劃,寫出時比例分
配等 , 至於記入惱這吓真的要家長多多幫忙

e.g. 小女前陣子寫過生字後, 第二日問番她
這是什麼字, 原來她根本不知道那字是怎麼
讀,什麼意思 ... 雖然她已把字的寫法記了入
腦,但功課只是爲交功課而做的 . 所以就算
寫幾多次,懂得寫也没意思,因她當老師讀出
此字時, 她也不懂

      hehe 求學不是求分數,這絶對贊成,雖
則小女嗰間係傳統學校, 但唔明的話,根基打
得不好的話,強加壓力只會把事情歪了。雖
然小女之中默成績每況愈下, 但我也没有責
怪她,因我已知道她的問題所作, 現在正從
協助當中挽回她的信心 , 慢慢協助她加強,
這些都不是一朝一夕所能做到的, 所以大家
也不必太計較什麼分數, 現在才一年級啫,
只要幫她一把,相信唔駛幾耐大家就唔會再
擔心呢個問題了 ( hehe 話唔定學年
尾仲可以攞到進步奬添喎 ...講笑啫)

      oh ! 順帶一提,前排有位家長提到,小
朋友默書 or 生字錯乜都未知 , 會唔會係
錯筆劃 ? 因為有d 學校對於筆劃是否正確
執得好緊 (如小女的) 一的那裡要分筆,那
裡要掦剔、彎、鈎,一筆一劃都要做改正架
所以攪到我而家都唔敢隨便教女寫字 ,
每次做生字前都要給她先查字典 不過
那未嘗是壞事既, 一開始辛苦少少學好正確
總比遲吓要更正印象易得多。

       各位 加油 加油  耐性  耐性

wyl

我囡默書都OK，但只要過一段時間，無論中定英都會唔記得D字點寫點串，所以一有造句、不供詞填充、作文等，就一定全軍覆沒

khmama

我通常同阿女默書都係用白板默既,冇咁徙力,阿女又覺得有趣o的.其實很多中文字都很形象化,用手做的就剔手邊,同水有關的就三點水,再加埋拆字去記,用圖象加深印象 (例如字裏面有個'日'字,就畫個太陽代替,'目'字就畫隻眼),都是可以考慮的方法.

lillymarie

原文章由 khmama 於 07-10-18 22:30 硐表
我通常同阿女默書都係用白板默既,冇咁徙力,阿女又覺得有趣o的.其實很多中文字都很形象化,用手做的就剔手邊,同水有關的就三點水,再加埋拆字去記,用圖象加深印象 (例如字裏面有個'日'字,就畫個太陽代替,'目'字就畫隻眼 ...

我都係用呢個方法
另外, 我會叫個仔先預默一次, 等佢知道自己識幾多, 等我知道佢唔識幾多, 然後先溫唔識果D字, 最後再默唔識既字
要佢背課文, 咁讀默就算聽唔切, 都可以自己背番出黎.....

召藥師

mms://wmedia.hkedcity.net/archive/etv/2/chkla007_450k.wmv

默書新路向

OJ=A

我要我個仔讀完再抄,有時發覺他抄也會寫錯字,eg(聲)他會將耳寫左目,我會跟他說聲音要用耳才聽到,用眼(目)會得嗎？幸好,我兒子到目前默書都能90分以內(我也知求學不是求分數 ,但學校還有我奶奶佢地令到好似仍覺求學是求分數 ),我幫他温中默也是好辛苦 ,eng反而easy好多.

emiluihk

hahaha 係呀
佢地好多時會睇住都抄錯
我諗始終係能力所及LA
唔好嬲LA 佢地已經好努力架喇
言論自由人人都有, 你咪當你 99 係路人甲,
佢講乜野有佢自由,你亦控制不了,
唔好咁介意佢講既野, 我借隻聾耳陳既耳比你喇
放鬆D ,開心D , 平常心面對分數
咁樣個仔都讀得開心D , 效果都好D LA

加油~~

原文章由 OJ=A 於 07-10-22 00:22 硐表
我要我個仔讀完再抄,有時發覺他抄也會寫錯字,eg(聲)他會將耳寫左目,我會跟他說聲音要用耳才聽到,用眼(目)會得嗎？幸好,我兒子到目前默書都能90分以內(我也知求學不是求分數 ,但學校還有我奶奶佢地令到好似仍覺求 ...

Jocelyn

phoebapanpan,

Alison 大約每二星期有一次中文默書,如果她肯抄默書課文兩次、詞語五次,基本上就不會有很多錯字。但問題是叫她抄一次,我都差不多嘔血。
但她又不是太討厭中文,她自己喜歡作句‘作詩(雖然不大通順),但她是喜歡創作。一句講完,就是不喜歡抄寫。

原文章由 phoebepanpan 於 07-10-17 23:40 硐表
hi 各位,
我仔認得好多字, 寫就麻麻地, 作文時來來去去用d好簡單既文字.
今日老師要阿仔抄默書範圍兩次, 共200個字左右,  我心裡暗喜,  起碼好過只靠我同佢溫(我要嘔幾盤血先得 )
好彩今日我放下午回來陪佢溫 ...

daphnemama

原文章由 OJ=A 於 07-10-22 00:22 硐表
我要我個仔讀完再抄,有時發覺他抄也會寫錯字,eg(聲)他會將耳寫左目,我會跟他說聲音要用耳才聽到,用眼(目)會得嗎？幸好,我兒子到目前默書都能90分以內(我也知求學不是求分數 ,但學校還有我奶奶佢地令到好似仍覺求 ...

昨晚我個仔看著書抄詞語都一樣抄錯, "提醒"個"提"個 "是" 在"日"下面沒有 寫"一" , "醒" 字在"西"字內沒有寫"一",
每天都寫錯詞語, 都是看著本書抄的, 問你看到死得未?

808280

小女都係一寫字就死下死下,昨日做中文功課,因好多字
寫,佢居然做左一個鐘.
中/英黙書叫佢抄黙書當溫習,英文只肯串,中文要逼先肯
寫.

OJ=A

原文章由 daphnemama 於 07-10-23 12:41 硐表


昨晚我個仔看著書抄詞語都一樣抄錯, "提醒"個"提"個 "是" 在"日"下面沒有 寫"一" , "醒" 字在"西"字內沒有寫"一",
每天都寫錯詞語, 都是看著本書抄的, 問你看到死得未? ...

我個仔經常發生的事情,睇少眼就死

OJ=A

原文章由 emiluihk 於 07-10-22 17:29 硐表
hahaha 係呀
佢地好多時會睇住都抄錯
我諗始終係能力所及LA
唔好嬲LA 佢地已經好努力架喇
言論自由人人都有, 你咪當你 99 係路人甲,
佢講乜野有佢自由,你亦控制不了,
唔好咁介意佢講既野, 我借隻聾耳陳既耳比你喇
...

我冇嬲 我一向選擇岩聽ge就聽
不過教仔温書真係好苦:( 佢又唔肯去補習社,叫佢抄書就即

Terry280905

原文章由 OJ=A 於 07-10-23 16:05 硐表

我冇嬲 我一向選擇岩聽ge就聽
不過教仔温書真係好苦:( 佢又唔肯去補習社,叫佢抄書就即

我仔又唔肯去補習社,
所以我恐嚇佢不合格 Mon-Fri 要去.
仔仔就肯去溫dictation la.

emiluihk

嚘~~ 你個仔幾大呀 ?一年班咋喎
咁快要去補習 ? 佢地番左成日學好累架喇
唔好咁殘忍la ...

原文章由 OJ=A 於 07-10-23 16:05 硐表

我冇嬲 我一向選擇岩聽ge就聽
不過教仔温書真係好苦:( 佢又唔肯去補習社,叫佢抄書就即

OJ=A

原文章由 emiluihk 於 07-10-23 17:25 硐表
嚘~~ 你個仔幾大呀 ?一年班咋喎
咁快要去補習 ? 佢地番左成日學好累架喇
唔好咁殘忍la ...

我想佢去補習社主要是不想因做功課和温書而勞氣傷感情,佢對住d老師會乖同專心好多,唉！我都知返左成日學會好累,唉.......

phoebepanpan

各位,
昨日派左默書回來,  在我努力之下..... 都仲差5分先合格

有d 全個字唔記得,  有d 記得一半唔記得另一半

月尾測驗,   親子搏擊時間係時候開始啦 !

OJ=A

原文章由 phoebepanpan 於 07-10-23 21:38 硐表
各位,
昨日派左默書回來,  在我努力之下..... 都仲差5分先合格

有d 全個字唔記得,  有d 記得一半唔記得另一半

月尾測驗,   親子搏擊時間係時候開始啦 ! ...

唔好副佢咁緊要,慢慢尼,我個仔因為唔會自動自動溫書so我每日要副佢溫1 hr我個仔31/10 Exam la, 明天eng oral exam

[ 本文章最後由 OJ=A 於 07-10-23 22:03 編輯 ]

phoebepanpan

OJ=A
如小朋友肯自動自覺溫書 , 依D 簡直係福氣.
我唔會迫得個仔緊, 因為學校課程都唔係讀高一級果種,
你小朋友每日肯溫1HR 咪乖囉.
FRIDAY 數學小測頭先叫佢溫習, 又話倦又話識, 又話連休息時間都冇日日都要溫習, (查實爭論多過溫習), 總之籍口多到不得了.

[ 本文章最後由 phoebepanpan 於 07-10-23 22:10 編輯 ]

Jsmami

Phoebepanpan,
I thought you said your son needed 5 more marks to get full marks :  I think it's advisable to get our kids used to having a good habit (studying) early in their school life.  Add oil!

shirley1509

本來我個女都補習架，由開學到而家，補咗兩個月啦! 好慘架，一放學就即刻去 差唔多6 點先返嚟，朝 6 晚 6 都好慘 ， 開頭以為返到屋企可以抖下，原來唔得架，有啲功課你真係要同佢執漏架，有時未做晒添呀:( ，見到補習社啲默書部全部都唔合格，咁你見到夜晚咪死地地同佢再溫過, 又係溫到11點幾 ，所以都唔係咁有用架咋。

原文章由 OJ=A 於 07-10-23 21:20 硐表

我想佢去補習社主要是不想因做功課和温書而勞氣傷感情,佢對住d老師會乖同專心好多,唉！我都知返左成日學會好累,唉.......