基華OR奉基千禧, 你地會選擇邊間??

喧嘩

嘩，我應該係85年讀小一, 91年畢業, 畢業果陣麥永生己經好老啦, 而家仲好記得佢d歌喉, 仲記得每日返學都要手楂本黃色詩歌集

原文章由 bunnycatcat99 於 07-10-3 23:18 硐表



我耐d喎, 我82年畢業架

見到另外個網友阿simon話 [黃衛華校長], 我就記起當年我都係入去係佢, 畢業係麥校長呀!   (低年級d野真係唔多記得...我可能有癡呆症...哈~~~ ) ...

bunnycatcat99

原文章由 喧嘩 於 07-10-3 23:32 硐表
嘩，我應該係85年讀小一, 91年畢業, 畢業果陣麥永生己經好老啦, 而家仲好記得佢d歌喉, 仲記得每日返學都要手楂本黃色詩歌集

oh sorry呀我打錯左!!  我係70年出世, 76年讀小一至真呀!!!!

嘻, 我反而唔記得佢d歌喉, 但記得佢好好人, 果陣校內有活動, 佢會黎同我地玩埋一份, 又好笑容

肥嘟媽

楊主任是楊柏雲主任，單看佢個樣已知佢係訓導，記得小五小六佢教我地班英文，要求好高

細個時見過馮文正主任，但好像二三年級時佢就轉了去第二間學校做校長，所以無乜印象

麥校長，印象好深，老師請假佢有時會做代課，一年級見佢在黑板左右手同一時間畫圓寫字，覺得佢好叻，梁淑貞老師話麥校長移了民

至於體育老師，許xx，那時見佢常上電視，好像是甚麼教師會的主席（也許當年年紀少，都唔知乜title)，見佢圓碌碌，都唔信佢教體育，講起體育，記唔記得楊龜，坊間有很多傳聞，所以有幸我無比佢教過

至於陳x邦同學，我無乜印象

ChowOY

Hi!我係80年基華上午校畢業生! 當年都派得唔錯呀!我班有人入英皇,英華,德愛,彩虹天主教,我的中學同學有些是80年下午校畢業生(我想是你們的師姐):

bunnycatcat99

原文章由 肥嘟媽 於 07-10-4 00:31 硐表
楊主任是楊柏雲主任，單看佢個樣已知佢係訓導，記得小五小六佢教我地班英文，要求好高

細個時見過馮文正主任，但好像二三年級時佢就轉了去第二間學校做校長，所以無乜印象

麥校長，印象好深，老師請假佢有時會做代課，一年級見佢在 ...

你好好記性呀, [楊龜] 呢個名我都唔記得左啦, 就係佢, 我地低年級時, 成日趁我地排隊上課室玩 [逐個抱] - 真係抱起d妹妹仔架 (我都俾佢抱過...死未!!!)!!!  你係咪講緊呢d傳聞呢?  佢呀...都算好眉好貌...

楊柏雲係我一或二年級班主任, 佢好惡架, 我地好驚佢架, 但你說得對, 佢就係對英文要求高, 所以至train到我地d英文有番咁上下.

麥校長好和藹可親, 記得有次活動, 用匙羮載住個乒乓波走一轉, 我走走下跌左喎, 佢埋黎同我執番等我繼續玩呀!  當時做小學生, 校長幾咁高尚架嘛, 我幾驚喜呀!

bunnycatcat99

原文章由 ChowOY 於 07-10-4 00:38 硐表
Hi!我係80年基華上午校畢業生! 當年都派得唔錯呀!我班有人入英皇,英華,德愛,彩虹天主教,我的中學同學有些是80年下午校畢業生(我想是你們的師姐):

果陣上午校d成績仲好過下午校架, 所以嚮校內都聽到上午校有幾多學生入左什麼中學.

你係我地師姐喎!  

我阿哥家姐地就仲耐 (佢地都係下午校), 阿哥係76年, 家姐係72年, 佢地都入左名校架 (佢地勤力過我好多).

喧嘩

喺我個年代, 德愛, 彩天係band 2,3的學校, 德愛都好多人入左, 我都好想知最近通常派到邊間中學, 我想同個女舖下路, 我都好記得楊龜, 佢個花名當時個個都識, 不論係我個年代, 不過記起果位師兄, 真係好記性, 勁ar, 好攪笑, 板主本來打算問學校, 但係比我地攪到變左基華舊生會

原文章由 ChowOY 於 07-10-4 00:38 硐表
Hi!我係80年基華上午校畢業生! 當年都派得唔錯呀!我班有人入英皇,英華,德愛,彩虹天主教,我的中學同學有些是80年下午校畢業生(我想是你們的師姐):

simonkawah

原文章由 喧嘩 於 07-10-4 23:04 硐表
喺我個年代, 德愛, 彩天係band 2,3的學校, 德愛都好多人入左, 我都好想知最近通常派到邊間中學, 我想同個女舖下路, 我都好記得楊龜, 佢個花名當時個個都識, 不論係我個年代, 不過記起果位師兄, 真係好記性, 勁ar, 好 ...

[楊龜]是我二年級班主任,傳聞傳足三十年.

計埋我我的家族total有10人在該校畢業,中學派去英華,何明華銀嬉,龍官,德望,男拔等.希望小女係第11個.

首名子女同父母/兄姊舊生在同一組別,只可選擇一樣. last year 15分要抽.

肥嘟媽

我屋企只係得我和二哥係基華下午校產品，佢79年畢業，我就79年入小一

其實楊龜事跡，我只是聽聞，不過班男同學常說他鹹濕，因為他有對超矇的矇豬眼，但現在回想，可能佢近視深

去年基華派位情況不錯，有不少派了去九龍塘／何文田／黃大仙區的BAND 1英中，因為舊年基華剛搬新校，所以學生可以兩個校二擇其一，而囡囡去年揀小一，所以我有上網睇，但今年派位，我就沒留意了

肥嘟媽

補充一句，如果小朋友是首名子女，父母又是舊生，已有20分啦

bunnycatcat99

樓主: 我依然推介基華, 因為搬左去英華舊址, 校網真係好好多!  

喧嘩, simonkawah, 肥嘟媽:

係啦, 我都覺得唔好意思, 攪到變左基華舊生會聚會

楊龜係近視深, 亦可謂 [非傳聞], 因為佢真係好鍾意抱d低年班女學生架!!  果陣我應該小一咋, 都...  自始之後就好怕佢, 覺得佢好似金魚佬 (雖然當年學校對面真係有個金魚佬)!!!

我同我三個兄姊都係下午校, 佢地全部去晒名校!!  呢幾年又咁啱有朋友太太係上午校  (遲我4~5屆), 又有朋友老公係下午校, 而兩個阿哥就上午校)

simonkawah, 你邊屆架?  會唔會同屆唔同班呢 (82)???

其實如果區分問題, 選番基華上午校都好架, 話晒佢地咁多年成績仲好過下午校!  不過要update下基華上午校而家成績唔知有冇變囉

[ 本文章最後由 bunnycatcat99 於 07-10-5 13:16 編輯 ]