大抽獎既幸運兒,入黎註冊先啦! 多多指教同提點~

日本便當

我本身對呢間學校唔太了解, 我聽完呢個媽咪既個人意見, 當然會唔開心啦, 但如果單單佢既comment記唔讀呢間, 未免太主覲喇, 況且另外都有朋友說好既, 所以先希望其他媽咪分享吓佢地既想法, 而我最鍾意係呢間學校既地點同係女校. 呢間係個天安排俾我女女, 我當然覺得開心同幸運, 只係唔太了解.....

Joyful-Life 寫道:
日本便當：

我有個疑問？！

您收到「風」話呢間學校咁衰，點解您決定讀o既？

pullip

其實一直都有人同我講呢間學校程度很淺，修女學校+女校

日本便當

Pullip:

好多謝你既回應, 好詳細. 我好同意你既講法, 最緊要因應小朋友既資質而俾d咩佢.所以我好滿意今次上天既安排. 你聽到既意見, 同我d朋友講既大同小異...幾乎一樣. 不過點都好啦, 最緊要女女有一個開心既童年. 好開心認識你!

Joyful-Life

Joyful-Life

我都好同意pullip的意見。

我認為不同的家長對同一所學校會有不同的意見，因為唔同人有唔同的要求，可能家長甲要求高便覺得這所學校淺，而家長乙以平常心看待便覺得這所學校好。

就好似睇醫生，有人話這個醫生好，有人話這個醫生唔好，取決於這個醫生給病人的藥可唔可以配合到這人的體質。又正如拍拖，對情侶夾就可以好開心地組織家庭，唔夾就可能會連朋友都無得做。



而我揀這所學校，真是經過資料搜集，即是在愛囡K2下學期已留意家長們對此校的看法。
平時留意下家長們講述的活動和之間的聯繫，唔多唔少會反映出來，加上我很留意學校的教育理念，我覺得會適合我愛囡。

最後，學日本便當話齋，既然是上天的安排(因為我愛囡太幸運)，我就一定會放心。

stungma

Hi,
我所知道聖家的評價都是好的多過懷,至於學校的程度是深是淺,最重要還要考慮小朋友的能力...相信日本便當已有定案了.

Joyful-Life,
你決定給囡囡坐校車嗎?你有沒有問幾點上車?我老公怕囡囡太早會辛苦,因有時會是近的反而早上車.
至於分班試與畢業典禮撞期,我致電聖家查詢,聖家記下囡囡的名字可另作安排,應該有不少家長向聖家查詢,但當日家長會就要有一位家長出席...父母兵分兩路

K1

Hello ! 各準聖家家長:

小囡現在是一年班的，本人覺得聖家的程度不算淺亦不算深，中文會較深，英交就average啦，數學上 學期比較低b，小囡在聖家讀得非常開心，功課不多(我本人就不喜歡太多功課之學校)，與同學相處愉快。

id00288

Dear K1
多謝你的分享,
小朋友開心上學,
壓力小D,大人和小朋友都好一點

未來一年希望和你多D交流吓

  

Celestine

HI 太家好 !
我同id00288 一樣, 係1st round 年頭入左架, 尋日剛收到學校通告, 我女都會join 校車, 藍田區上車, 唔知有無同路人呢。

WYmom

K1 寫道:
Hello ! 各準聖家家長:

小囡現在是一年班的，本人覺得聖家的程度不算淺亦不算深，中文會較深，英交就average啦，數學上 學期比較低b，小囡在聖家讀得非常開心，功課不多(我本人就不喜歡太多功課之學校)，與同學相處愉快。

I think standard of this school: Chinese is difficult, Maths is OK, English is too easy.

The girls are very good and disciplined, won't compete with each other like in MCS or DGS, most of them are very happy and can be very good friends.  

Teachers : some are good, some are too strict, some are not good...  guess this also happens in all other schools.

Homework:  not heavy in P.1 to 2, getting heavier from P.3 onwards, just like in other schools.

Blythemia

我女讀五年級，當然，有好多野都係度變緊，而家讀緊初小既情況，有ｄ同我地個陣唔同．不過整體來講，我地一家人都好滿意學校．

老實講，好似日本便當聽到既評語，我真係未聽過咁負面既意見．每間學校都有優點缺點．亦唔會有一間完美既學校，但係整體來講，有愛心，校風好，成績大致ｏｋ，我唔覺得重可以要求ｄ咩．正如WYmom所講，老師有好人有惡人，我唔覺好大問題．我聽過某位媽咪講，不知幾欣賞嚴厲既老師，因為佢覺得唔可以時時就哂小朋友．只要出發點係為教好佢地，惡亦有惡既好處．我問過囡囡，佢話其實惡既老師係少數，都係好人既老師多．或者日本便當朋友囡囡咁岩多年都遇上嚴既老師．所以有咁既觀感．不過從囡囡聽番來既事例，我會覺得老師唔係為惡而惡，亦唔係冇事搵事做，出發點都係為小朋友好．不過喜唔喜歡．當然人人唔同．

至於一半小六生另揾中學．我又咁睇．如果我囡好叻好叻，一定揾到比直屬中學好好多既學校，如果成績好差好差，直屬中學亦未必收．雖說係直屬中學，唔代表讀左小學就有責任義務讀埋上去．呢個係好個人既選擇，唔可以從個比例去判斷小學好定唔好．

同學仔之間的關係幾好，因為我地唔係會比成績比家庭背景．小朋友整體來講係幾純品．

所以，各位即將加入呢個大家庭既家長同小朋友，唔駛太擔心．的確，我估你地囡囡讀小一時，冇我囡個陣咁輕鬆，但係學校所要求做到既，都會係小朋友應付能力範圍內．

到校長開家長會同大家介紹學校情況時，相信你地掌握多ｄ，應該會可放心好多．

h2dog1

Blythemia,WYmom

多謝你地分享    聽完後信心大增, 希望兩位再多些上來傾談丫

Joyful-Life

WYmom & Blythemia,

多謝您們的分享！

h2dog1

Joyful-Life

你囡囡係邊間幼稚園讀緊呀?? 唔知我地可唔可以同班呢??   

Joyful-Life

h2dog1,

您好呀！
請多多指教。

小女讀「聖母幼稚園」，她與幾位同學都入到「聖家」。
您囡囡讀那一間幼稚園呀？有無其他同學一齊入到呢？

其實我都想知讀那一班，因為我見有些學校在註冊時已知讀那一班，而我們要等6月30日的評估試後才知。

又要等
真係好心急想知愛囡會唔會同佢好姊妹一班呀！

h2dog1

Joyful-Life

我囡囡讀聖若望幼稚園, 同班既就冇入到聖家, 我都擔心緊佢唔習慣    你囡囡就好啦, 起碼有朋友仔同一間

講到評估, 都有d 驚

h2dog1

Joyful-Life

聖母係唔係荃灣果間呀??? 我地住係葵涌架, 唔知有冇校車呢??

Joyful-Life

h2dog1,

以平常心看待啦！

o黎緊仲有六年，每年兩測兩考俾您有排緊張 (講笑o者)，
放鬆o的啦！校方只想知道各位來自不同幼稚園的小朋友有甚麼程度。

小朋友適應力好強，我相信好快會適應到新生活。
我們幾位入「聖家」的同學都係由家長們在BK網的留言開始。

寓意您囡囡將會成為我們囡囡的好朋友喇！

Joyful-Life

h2dog1,

唔係荃灣o個間，係位於黃大仙的。

乜您未收到學校俾您的通告咩？
有一份係校車部的通告，列出有校車提供的地區，不過我留了在家，幫唔到你睇，我印象中係有葵涌區的，唔駛怕，6月30日去開學校才交，大把時間俾您考慮。

h2dog1

Joyful-Life

OH.....攪錯左tim...我都有份通告, 都係去到荃灣咋, 我要打去校車部問下先得 lu..