番禺會所華仁小學

ms99

    
[size=medium]嚴打重書包    

今日亞仔書包超重極之嚴重，跟車亞叔都睇唔過眼要出手相助。回家一磅，個書包加四本硬皮書有15磅，亞仔食飽晚飯都係剛好45磅。算一算即係體重3份1，太過份了。    本身個書包正正常常10.5磅，亞仔貪心一見有新書就抬番嚟，簡直係不自量力。

ms99

今日有好多功課啊!    
今晚做唔哂唔駛旨意出去玩。

kookooloo

ms99 寫道:
今日有好多功課啊!    
今晚做唔哂唔駛旨意出去玩。

ms99,

我仔都係  

中詞11個﹐英writing 23個﹐謄文1篇﹐數學1-8題﹐G.E, E.W 2pages.....   

仲要在星期二中默。。。星期三英默。。。

我仲想星期日或者星期一帶佢地去海洋公園玩添﹐宜家都唔知去唔去好囉。。。   

麟媽媽

kookooloo,

放３日假比１１個中詞咪好囉！
我仔早幾日(星期三)，第５課寫３４個中詞呀！
我仔最終拎個「丙＋」，因我都無擦佢，寫成百個有多喎！
雖即有D 寫到打風咁，我都由得佢囉！擦佢好慘既。
跟住幾日實在太多節目，BBQ 之前仲有約！
原來是我一個老死生日．．．唔記得左呀！
嗰日上晝踢波，之後去食Brunch Buffet，
６點再同你地BBQ！好充實呀！
所以今日亞仔已差不多完成晒D功課，
除左毛筆同Classroom Handwriting，
可以比佢聽朝又或者星期一先做都OK。

kookooloo

麟媽媽 寫道:
kookooloo,

放３日假比１１個中詞咪好囉！
我仔早幾日(星期三)，第５課寫３４個中詞呀！
我仔最終拎個「丙＋」，因我都無擦佢，寫成百個有多喎！
雖即有D 寫到打風咁，我都由得佢囉！擦佢好慘既。
跟住幾日實在太多節目，BBQ 之前仲有約！
原來是我一個老死生日．．．唔記得左呀！
嗰日上晝踢波，之後去食Brunch Buffet，
６點再同你地BBQ！好充實呀！
所以今日亞仔已差不多完成晒D功課，
除左毛筆同Classroom Handwriting，
可以比佢聽朝又或者星期一先做都OK。

麟媽媽:

嘩 ﹗３４個中詞          比我就C得囉   

其實功課都唔係最大問題﹐最慘就係要中默+英默呀﹗﹗玩完呢幾日﹐肯定物都唔記得啦。。。C得囉。。

你唔講我都唔記得1/10約左人添   

呢幾日都非常繁忙﹕﹕

明天30/9 要返香兒練歌﹐ 由2﹕30 唱到5﹕00, 然後要同屋企人吃晚飯﹐無10﹕30 都散唔到場 :cry:  :cry:     

後日1/10 一早要返主日學﹐下午要去學壁球 和 要同大仔幼稚園班家長聚會。。又係唔洗問。。夜歸。。  

如果係咁﹐星期日都唔知可唔可以去海洋公園囉     已經好耐無去喇﹐仲 promise 佢地添﹐(佢地非常盼望果日來臨)﹐點算好呀 ??  

     。。。。請各位指點迷準。。。。

麟媽媽

kookooloo,

咁你唔好比亞仔訓得太晏，
要佢星期六早上做晒功課先囉！
我都叫亞仔一陣要做晒D 功課，
如果唔係咪使指意有得去海洋公園！

不過，佢可能睇左電視，佢話有D 驚...
又問我有無鬼怪出黎捉佢？
我話驚既，我地只留在兒童王國，
又或者唔好行近D 鬼屋囉！
其實我朋友同埋個女去，我擔心佢多D，
驚佢會嚇親！女仔易喊好多架嘛。

ms99

kookooloo ：

你講得啱!! 功課都可以竊時間做，但默書就真係...玩完連亞爸姓嘜都唔記得。
我又係想星期一去海洋公園，張年証大大話申請咗半年都未去第二次，不過亞仔唔生性，辛辛苦苦同佢溫咗幾個星期嘅英默，竟然    慘絕人寰    ，講咗要佢溫番好先可以有得去玩的，除咗1/10原先定好嘅節目，星期一佢溫唔好都唔會出街，唔想自打咀巴，自說自話。

麟媽媽

各位！要提提聽日係BBQ 既日子！！
大家記得喇喎！我會打比大家confirm 時間，
順便睇下電話啱唔啱，
今日10pm 前都接唔到我電話的，
煩請自動獻身，打個電話比我！

麟媽媽

SINDY-MOTHER,

我收到了！佢琴日6點後先送到，
我個receptionist 話今早見係counter 度。
不過，個courier 無收到錢既？
唔係你幫我比左吓嘛？咁我會好唔好意思架！
Anyways，多謝晒！

SINDY-MOTHER

麟媽媽,
你收到就好啦! 這個速遞是月結, 不用客氣.再有再提供


ms99,
真係好多功課做, 大慨有 9-10 樣.     

felix喵喵

raymond
吓...我都唔太清楚喎,
我個小朋友就3歲學"執筆"晝公仔,
4歲左右開始學寫簡單的單字.

點教好 ????
我諗如果是自己教, 可以從小朋友喜歡的事情著手,
如他喜歡火車玩具, 可先教寫"火", "坐", "上",
"sit down", "go", "train"等,
寫字時可在旁邊加上自繪圖晝.
以增加寫字的樂趣.

我想會是這樣擺.....喵喵

ms99

raymond1981，

我想小朋友第一次學寫字，最大意義不是他寫了一個大家都明白的字，應該是引發他的興趣去寫第二次。我記得小兒大概一歲多便在塗鴉，因為當年我地參加了playgroup，姐姐給了他一張好大嘅畫紙，然後任佢畫。隨後係屋企都照版煮碗，而且任佢係一幅貼上巨型畫紙的牆上畫，佢每日都畫得好投入的，而且越畫越似樣，全家都當藝術品畫展咁睇，只有婆婆柴台話唔靚。點解? 唔係因為畫得唔好，係亞仔所畫的全部在畫紙以外，連梳化，地下，所有傢私都有佢大作。然後，我地又參加了一個執筆班，初時都唔知係嘜，仲知唸住學寫幾個字就去幼稚園面試。上過堂就明白何為執筆了，初初幾堂真係冇掂過支筆，只係不段撕紙，撕好多好多，然後又將成本雜誌紙撕落嚟搓成球狀，目的係訓練小手指肌肉同活動能力，等佢隻手有番咁上下力先開始揸筆。第一個字終於誕生了，真係一個一字，如假包換係一個一字，不過要原諒佢有啲震。就咁慢慢佢就好鍾意寫字，尤其出街帶備紙同顏色筆，佢就有機會出風頭，街外人讚一句好過父母讚百句。小小經驗，希望受用吧。  

麟媽媽

今日邊個去左聽講座？
我老公一覺訓醒已是８：３０am！
所以佢無返到學校呀！
一人講一D 黎聽吓好嗎？

SINDY-MOTHER

麟媽媽,
我有返到學校聽,其實同通告所講差不多只是真人板講返出來,最重要是將中、英文（一）（二）卷再清楚分開幾部分。今次上唔到學校的家長唔用擔心,校長話會將今次會議記錄寫成通告派比每一個家長,所以大家都會清楚坐談會內容。而好多家長都覺得今年比往年嚴緊得很可能是學校想提高質數。

我想問你少爺仔英文默書默幾多頁 我個仔現在每次都默7頁, 隔個星期默,雖然是時間長,多點時間温,但我個人見解為何唔一個星期默2-3頁,這样小朋友更容易吸收

有無２年級的媽咪可以給意見      

ms99

raymond1981 ,

唔駛客氣，少少見解嗻。
小朋友手仔細，手指小肌肉亦未發達。要佢hold支普遍人用嘅筆會較困難的。你大可先訓練佢嘅小手指靈活性，例如執豆豆，米等細小物件，然後訓練手握力量，可以畀張紙佢撕，撕完又大大力揸成球狀嚟玩。到真正用筆時當然要預備粗身顏色筆啦，佢易控制又顏色多。要用鉛筆時就可以買三角筆，市面好多練習簿專for幼童的，裡面全圖畫，但就有虛線引導小朋友畫直線及彎線，從簡單開始啟發執筆樂趣。小兒讀幼稚園時，校長都唔鼓勵4歲以下人仔用寫字嚟形容，因為佢地連執筆技巧都未學好，又何來寫大人要求的字呢? 所以一步步來吧。你咁有心機，將來好快寫一手靚字畀你睇的。  

ms99

SINDY-MOTHER ：

你講兩句都detail過我隻公匯報果D料，問佢有嘜野聽，佢淨係話 "都係咁"，然後就同幾個相熟爸爸竊竊私語，一陣又話個講者將一段說話分三種方式說出來，即由頭至尾講一次，再由尾至頭講一次，然後再由中間番過來說一次。又笑人地問問題好似想喊出嚟咁。 其實我真係唔知佢講過嘜? 唯一清楚係佢同幾個男人係度自顧傾計囉。 你在場有冇見佢地幾個八八卦卦呢? :tongue: 完全攪事份子。 今晚真係要搵個有文路的家長問吓。 不過你話有通告都好，咁大家都明哂。

你話一次默7頁多，我都覺得續少默好好多，但能夠改變嗎?

ms99

今晚真開心，好多on-line朋友都現身出席聚會，大家以後多啲上嚟發表，一齊熱鬧吓啦。
不過要同大家講聲唔好意思，突然收到朋友邀請睇煙花，所以未完場就要鬆人。下次再有聚會一定支持到底。