民生媽咪會

cherrybibi

tungwai >> 請妳 email 比我. 如果妳搵唔到我的 email
address, 我再 pm 比妳.

ccsze11

Hi All MaMa,

Never give up. Another Senior Official of Education Dept:

Mr Chan, Tel: 27828321

Any complaint regarding the change of MS P1, please call Mr Chan directly.

Never give up.
    

pmama

EvaFong88,
我同你一樣我的小朋友都係今年先讀K1, 一聽消息本來都有諗住搵另外的學校, 但聽個個朋友都話民生好, 才打消念頭, 惟有希望真係唔好加得咁跨張啦, 希望教統局同校長體量我們一班打工仔搵錢辛苦的mama啦!    

happykklam

wwwww 寫道:
你地冷靜d啦, 我都係k2家長, 好簡單, 既然對學校不滿就不用想, 唔讀羅, 都有時間的, 而且, 你地係唔like學校加到3000定係cut到5班先, 如果係like間學校的, 佢加學費, 你都入架啦。  時代唔同, 全日制同小班教學係個勢, 學校係應該在2005年投考2006年k1的, 但如果校方已決定在2006年小一開始, 鬧都無用, 快d找辦法好過係處叫學校加班等。  而且出面好的學校係佢選你, 唔係你選佢, right?  

希望大家唔好同d仔女講到禁慘, 佢地的弱小心靈, 會以為學校唔要佢地架。

wwwww：我唔知其他家長係咪同我一樣諗法！我自己係因為like間學校，所以先報讀，其實學費方面，好多家長都心中有數，反而學校cut 班，令到好多家長陣脚大亂，因為讀得民幼，當然係想小朋友順利升讀民小，最令大家唔開心係點解差不多K.2學期尾先知學校要cut 走一半民幼學生，仲話K.3開學嘅時候就知小朋友可唔可以升民小。試問有邊位家長可以唔擔心，我都希望學校能夠睇到大家嘅意見，睇吓有無辦法盡量加班數。

hikaruichijo

各位民生媽咪,

我個女今年都係K1，我同不少準民幼家長一樣，放棄其他幼稚園而入民幼，希望可以高躭無憂，誰知現在來個大改變，有點驚惶失措。我認為必須通過民幼及民小家長會向校方施壓，或向校董會施壓。因為教統局好衰，要有人比壓力至做野，私校雖然不太受教局管，但一有大事佢地亦不能坐視不理。

除非家長會與校方意見一致，否則可以作為爭取權益的中間人。至於那個好客觀o既非民幼家長，佢o既身分梗係可以好客觀，因為佢係局外人，我好了解佢點解可以口爽爽，佢可以站在高山上向在山下的我們叫喚著：點解你地唔上來？上面D風景好靚，哈哈，你地真係......哈哈！你地上唔到來，唔好喊，我都無話你可以上來，哈哈！！！但我一D都唔會認同佢，因為佢不但不客觀，而且仲有Ｄ講風涼話。我以我建議佢一句：多言多敗。

我們準民幼生已無計可施。民幼實際上亦有其價值，如果唔係我地都唔會放棄其他選擇民幼。願與所有民幼準K1家長共勉之。

:-|  :-|  :-|        :cry:  :cry:  :cry:    

doris_cot

你0地好呀,
    我0係民生0既畢業生, 以前我都係由幼稚園讀起, 一向都有一條龍, 我媽咪都係因為咁先俾我0係民生度讀..! 我睇完你0地0的留言先知而家變成咁..我都覺得好 呀..!!
    都唔知點係要咁樣, 就算係都唔應該咁快就話要實施呀..! 其實可唔可以同0的校董反映0下lei??(雖然我唔知有無用), 因為我覺得間學校都幾怕家長, 如果有多0的壓力可能會好0的, 而且校董會根本唔知家長0既反應..!! 我覺得一間學校唔守諾言係好唔要得..!!
        雖然我0係0個度讀, 不過對間學校愈來愈唔喜歡..

gemini

hi all mama,
唉~~星期六去聽完個家長會真係好失望, cut到得5班都唔知點算, 囡囡日日放學都好開心同我講學校既野, 病都話要返學, 如果真係cut到得5班, 學校又唔收囡囡, 我諗最傷心係囡囡 , 希望學校諗下我地班家長同小朋友既心情, 唔好cut到5班同埋學費唔好太貴啦~~

specialbaby

民生媽咪們,

我同你地一樣, 星期六聽完個家長會之後, 估唔到校長話我們不是一條龍學校, 又話轉全日制cut得5班, 真係感到很失望！囝囝9月升k2, 佢真係讀得好開心, 從來無唔返學, 就正如病都話要返學呀！   
當初唸得太完美了, 回想起之前考左咁多間幼稚園都收而最後選擇左民生, 又點估到佢要大改革呀！ 改固然係好, 優質及頂級, 注重多元化發展, 增聘外籍老師, 但通通都要時間, 讓家長及小朋友適應, 請學校不用太心急, 最後真的希望學校可以考慮我們班家長和小朋友既心情, 唔好cut到5班啦！
這樣我們的小朋友好慘架！
    

LL6684

gemini,tungwai~

我同你哋心情都一樣聽完好唔開心,幾晚訓唔到,我囝囝又係每日都好喜歡返民生幼稚園,未試過唔肯返學,佢話返學好開心,又見到好多佢的朋友仔,我都一樣識到你哋我都好開心,如果小學無得升番原校,我諗我個囝一定好唔開心見唔到佢d同學,我都一樣好唔捨得呢間學校~

  

serenachan

各位媽咪,

雖然我巳決定轉換至另一幼稚園, 但我仍然支持民生媽咪會!各位家長, 請繼續努力吧.

makcyc

another point is ... I don't know why P5 / P6 is also full day program, why the school fee is HK$1,5xx for them .... pls correct me if i am wrong ...

mo-ma

Hi tungwai

Please check your PM.  Thanks

Mo-ma

tingtingma.

贊成!我都會去信校董會表達我既不滿.希望各位家長合作,一人一信向校方表達一吓.

doris_cot 寫道:
你0地好呀,
    我0係民生0既畢業生, 以前我都係由幼稚園讀起, 一向都有一條龍, 我媽咪都係因為咁先俾我0係民生度讀..! 我睇完你0地0的留言先知而家變成咁..我都覺得好 呀..!!
    都唔知點係要咁樣, 就算係都唔應該咁快就話要實施呀..! 其實可唔可以同0的校董反映0下lei??(雖然我唔知有無用), 因為我覺得間學校都幾怕家長, 如果有多0的壓力可能會好0的, 而且校董會根本唔知家長0既反應..!! 我覺得一間學校唔守諾言係好唔要得..!!
        雖然我0係0個度讀, 不過對間學校愈來愈唔喜歡..

doris_cot

係呀, P5 同P6 都無咁貴, 我以前讀(大約7~8年前)都唔係好貴...而且0個時都有外籍老師...我覺得$3000 真係太貴lor, 如果俾得起, 咁點解唔讀間好0的, 要讀佢wor!! 講真呀, 我真係唔覺得間學校真係好似個校長講得咁多lor, 間學校係唔差, 但係唔值咁0既價lor...(其實我都好鐘意間學校, 讀0左咁耐都有感情,不過真係好唔想間學校變成求財多過教學)

Francisma

hi all mama~

我覺得06年小學轉全日要清楚說明學費係幾多囉?只係話$3,000,但未落實,佢話得50%即原有8班減至5班的幼稚園學生直升到上小學,舊制舊小學生不變,對我哋係2000年出生或以後的小朋友不公平,以往係85%幼稚園生可以直升,但而家真係得番一半人可以升,我覺得佢如果要轉制,為何今年k.2 and k.3重開9班呀?有d不負責任囉,對我哋小朋友和家長都有很大壓力和影響.

wwma

agree.

tungwai

講真, 其實我又唔信學校真係只開 5 班, 因我只覺得學校只係對自己有個保留, 若一早就話開 8 班, 咁到時若真的冇人讀, 咁佢地就會浪費好多資源, 若現在只講 5 班, 而之後加班, 就只會有人歡迎, 而唔會有人投訴, 但學費就冇得話減反, 雖然轉全日制及決定是否轉一條龍是必要的事, 但這些事不是呢一年才知道, 而且亦不是小事, 所以我不相信佢地今年才開會傾有關的事, 咁當初為何不一早同我地呢班媽咪提及呢, 又為何連今年 9 月讀 k1 的小朋友交留位費時唔知會聲呢, 又為何今年 9 月的 k1 都照收 8 班呢, 其實開頭見到張問卷, 見到學校說的改變, 我係鐘意, 但一看學費, 點解要咁高呢, 我都知道一間私校的經營成本很高, 但為何出面的私校又不用咁高學費又經營到, 而民小說就算加多超過一半, 學校都要貼錢, 咁出面的私小默要貼好多啦, 其實我都希望學校可以體諒我地呢一班很喜歡民生的媽咪, 希望他真的不要變成一間求財的學校 (點解我咁嬲, 其實係因為我好想個女可以繼續讀上去)

tungwai

各位 5 July 05 k1 註冊的媽咪, 有可興趣下午註冊完後一起去 Tea 呀
tungwai ----- 3

mo-ma

好呀 - 請定時間.   人數已在下列...

tungwai 寫道:
各位 5 July 05 k1 註冊的媽咪, 有可興趣下午註冊完後一起去 Tea 呀
tungwai ----- 3
mo-ma -----  4

pmama

各位 5 July 05 k1 註冊的媽咪, 有可興趣下午註冊完後一起去 Tea 呀
tungwai ----- 3
mo-ma ----- 4
pmama ----- 2