番禺會所華仁小學

happy5

raymond1981 寫道:
嗰時係學校有無垃圾老師?
無。  

老師係咪好盡力教你地?
係﹐英文老師有教拼音和文法。

嗰陣時d老師會唔會唔教書就叫你地回家做功課?

Dear Happy5

聽你敢講﹐你對學校非常不滿﹐你應該向校長反映﹐或者同個仔轉校﹐你有無諗過係唔係你個仔自己上堂唔尊心呀 。

Raymond  

我都唔會聽我仔講片面之詞,我有問吓d網絡唔錯,識幾多其他家長嘅媽媽,我先至敢係度講.否則,一定會比人話我不盡不實啦!我發現只係今年嗰d老師係年紀較大及沒太大耐性對小朋友.往年小一時d老師都好好嫁!

另外,我覺得係度留言嘅家長對學校都好正面.我諗其中嘅原因係1)很幸運遇到好老師2)很看得開,甘願為理想的中學付代價 3)息事寧人 4)唔知有發生老師對學生有唔合理要求嘅事件,以為自己仔仔唔努力  5)補習社已代勞,應付有餘.

我係對學校有不滿,但我一定會搜集吓資料先落決定.此處唔係最好嘅平台讓大家交流囝囝嘅學習或學校生活嘅情況咩?
但我自看有此平台後,我親身與家長交流及在此處看到的留言,似乎有很大分別呢!可能我仔班際遇唔好掛.

我已有些行動計劃,但始終驚影響囝囝日後的日子.所以會很小心處理.但我真的覺得此校的學習環境不是想像般理想.如果我解決不了對學校的不滿,最終真的可能會轉校.

真諷刺的是新區津貼學校設施好,老師有熱誠,但碰上的是家庭背景較複雜的學生;名津貼學校家長有質素,自幼把愛子好好栽培,但某些老師卻放慢腳步或冷冰冰地對待學生.家長真係好難選擇學校!

happy5

jackjackma 寫道:
麟媽媽,felix喵喵:
我教完亞仔擬人法後,叫佢自己做中文習作,自己又唔記的check佢,點知得一題正確,其他就.....仲比老師寫無用心做.....唉...我咁用心教,佢就無用心做. 好想知道亞仔的資質係咪差成咁       

你唔好咁快判佢資質差啦!咁你會好無心機教佢嫁.我覺得今年中英文書嘅課程都深咗好多,老師要求又多咗.你同其他家長交流吓先至判斷係咪自己仔上堂唔專心.以我班為例,以往成績好好嘅同學嘅媽媽都話阿囝今年d英文功課跟唔到,老師只係讀咗,但無教點做喎. 咁我會諗究竟係邊個問題呢?

睡公主

麟媽媽 寫道:
我發現D仔根本好倚賴，媽咪教咪有得持囉！

我完全同意，
以前亞仔讀幼稚園初初學寫字，
我媽媽話如果你扶住佢隻手寫一個字，
咁跟住的每個字佢都會嗌唔識寫，
我咪叫我亞媽應該係用另一張紙教佢寫，
你寫一筆然後叫亞仔跟一筆，
完全跟住你的筆劃次序做番喺本功課簿度，
佢咪冇藉口話唔識寫囉！

其實講真倚賴呢樣野唔止係細路，
這跟本就是大多數人的通病！
因為我都唔弱架！
如果駙馬喺屋企，
我就成日都聲控佢做野！
我都知衰架，
不過冇計，
有時好難改！
唯有一年檢討一次啦！

happy5

唉!成日講衰野,講番d好野緩和吓啦!阿仔個中文老師雖然cool咗d,但係我睇到阿仔明白老師講嘅野喎.起碼我試吓叫佢講比我聽老師教嘅野,都叫做講到d學習重點,唔會一舊雲咁吖!

happy5

睡公主,

你阿仔唔係7號生日咩?今日係正日呀! 祝睡王子生日快樂,身體健康.

麟媽媽

佢老公生日至真！
happy Birthday！！

happy5 寫道:
睡公主,

你阿仔唔係7號生日咩?今日係正日呀! 祝睡王子生日快樂,身體健康.

happy5

麟媽媽 寫道:
佢老公生日至真！
happy Birthday！！

[quote]
happy5 寫道:
睡公主,

你阿仔唔係7號生日咩?今日係正日呀! 祝睡王子生日快樂,身體健康.

[/quote]

啊!!咁都祝睡駙馬生日快樂,身體健康啦!

睡公主

睡駙馬吩咐我同大家講聲 "多謝"！
係呀！今天（26/9）係睡駙馬的生日，
如果以農曆計算，
每年農曆八月我都破產，
不單睡駙馬同睡王子係這個月生日，
我亞爸，細佬同細妹都係農曆八月生日，
當然點會少咗亞媽嗰份，
因為少少地都要俾啲錢佢做節逗佢開心嘛！

kookooloo

麟媽媽 寫道:

我發現D仔根本好倚賴，媽咪教咪有得持囉！
我上個星期先醒左個仔一餐！
琴老師教晒佢點彈scale，但佢練琴又話唔識，
係要我彈佢先睇黎記住，一個星期如是，
下個星期又係咁！佢根本諗住指意我，
學琴時係度發晒夢，去左雲遊！我幾鬼炆！
之後我唔教佢，我寧可晒一堂，叫佢自己同琴老師講，
佢無聽入腦！要從新教過！
今日要學琴佢都死死地自己彈，我邊理得咁多？！ :evil:

麟媽媽 :

原全同意你的講法﹐當年我大仔又係咁﹐佢樣樣野都闊佬懶理 諗住指意我﹕﹕﹕好似你咁﹐我唔埋琴﹐佢就一尾話唔識﹐C都要我倍。。我唔埋書桌﹐佢仲(黑人曾)到連功課都唔(囉)出黎﹗﹗﹗    淨係叫我囉手冊出黎自己睇﹗﹗十問十唔知。。。。好彩今年終於(暫時)學會自己有少少主動做功課喇。。真係感謝主啊﹗﹗   

可能佢係第一個﹐我又過份緊張﹐唔識掌握﹐所以味害倒佢同我自己囉

所以到我細仔時﹐除左小一上學期﹐我已經全部Off hand 喇。。。功課全部唔check , 只係睇下佢完成味。。平日溫書叫佢自己溫﹐(測驗。考試除外)  

我同佢講﹕爸爸﹐媽媽細個果時都係無人幫喎﹐點解我地都OK呢?     你唔係唔得﹐只係做事未夠認真﹐細心﹐上堂未夠認真留心聽課。。。

所以佢宜家都唔洗我勞氣﹐會自動自覺做功課同溫書﹐雖然有時都會偷懶﹐so far OK(家)

happy5

raymond1981 寫道:
jackjackma

Don't be upset about it.  All kids are different and it doesn't mean that your son is not talented enough to understand the subject.  Some develop faster than others.  But, the problem is: the Hong Kong education system does not fully cater for all levels of students.  

My suggestion is: be patient and tell your son that he is stupid, 'cause this will hurt his self-esteem.

Cheer up!

Regards
Raymond

完全同意Raymond嘅講法!仲有得教嘅!嘗試多方面諗諗阿仔唔明白課堂內容嘅可能性吖!加油!!

麟媽媽

Happy5,

其實如果你真係咁不滿，你應該同學校反映，
尤其是如果發生係個仔自身上既，理應出聲架！
我認同學校同校長既方針，但個別老師能否執行呢？
舊年亞仔發生左一事故，呢度一、兩個家長都知，
但為著對老師、學校同埋我個仔各方面都持平，
我無係BK 公開講過，因為咁樣會有Bias。
我最先向班主任反映，佢唔係當事人，但我覺得佢需要知，
之後再同當事人老師傾，得到共識最好，當中仍有誤會，
咁我便要去到校長方面了，林校長係一個明理的人，
佢唔會只聽我片面之詞，佢亦有同老師及其他同學了解，
最終事件得以清楚明白，我同呢位老師都得到共識。

呢位老師係舊派老師，可能無新派老師般細心熱情，
華仁幾十年傳統教學，我地入得都預左有呢類嚴厲型老師。
佢仍然有教我個仔的，但放心，佢無針對過我個仔，
怕人針對個仔，只要佢無野比人捉到，呢個唔係憂慮。
發生事件後約半年，亞仔有次病無返4-5日學，
有日佢無心機，話拎左個足球無得踢！我問點解？
佢話原來呢位老師兩個小息都唔比佢落去，
只因留在班房，老師教番晒佢無返學教左既書。
呢件事無人提過，亞仔唔係投訴無波踢我都唔會知，
但呢件事令我明白，殺人王般既老師都有佢可取既一面。

happy5

Thanks!Raymond.Pls Check PM.

happy5

麟媽媽 寫道:
Happy5,

其實如果你真係咁不滿，你應該同學校反映，
尤其是如果發生係個仔自身上既，理應出聲架！
我認同學校同校長既方針，但個別老師能否執行呢？
舊年亞仔發生左一事故，呢度一、兩個家長都知，
但為著對老師、學校同埋我個仔各方面都持平，
我無係BK 公開講過，因為咁樣會有Bias。
我最先向班主任反映，佢唔係當事人，但我覺得佢需要知，
之後再同當事人老師傾，得到共識最好，當中仍有誤會，
咁我便要去到校長方面了，林校長係一個明理的人，
佢唔會只聽我片面之詞，佢亦有同老師及其他同學了解，
最終事件得以清楚明白，我同呢位老師都得到共識。

呢位老師係舊派老師，可能無新派老師般細心熱情，
華仁幾十年傳統教學，我地入得都預左有呢類嚴厲型老師。
佢仍然有教我個仔的，但放心，佢無針對過我個仔，
怕人針對個仔，只要佢無野比人捉到，呢個唔係憂慮。
發生事件後約半年，亞仔有次病無返4-5日學，
有日佢無心機，話拎左個足球無得踢！我問點解？
佢話原來呢位老師兩個小息都唔比佢落去，
只因留在班房，老師教番晒佢無返學教左既書。
呢件事無人提過，亞仔唔係投訴無波踢我都唔會知，
但呢件事令我明白，殺人王般既老師都有佢可取既一面。

麟媽媽:

多謝你嘅分享!我講嘅事件都係希望引起其他家長嘅關注,大家交留吓.希望多d家長發表吓關於學校嘅意見吖!

麟媽媽

happy5，

我都覺得個別老師做得好，有D 真係不敢恭維！
不過既然入得呢間學校，個仔便要學識點樣面對，
華仁既細路讀到上小六，個個都自律，
絕對唔會面皮薄，只因見識過無敵獅吼功呀！呵呵~~
細路既自閱理解力亦高，呢樣上到中學最有用，
我自己都係由所謂名女校出身的，靠老師？靠自己好D。
我愛華仁那種可培養孩子成為謙謙君子的魔法，
將來做人做事成功與否，好多人覺得關鍵在學業成績，
我舊老細搵大錢，但個人風度修養奇低，不敢苟同！

felix喵喵

見到麟媽媽提及"謙謙君子的魔法", 這點令我感恩惠.

當初我選擇此校, 就是希望培育囝囝成為一位有品德修養, 敢於表達自己的人. 一年多前, 正值選校階段, 我專程探訪我的心理輔導員朋友, 詢問有關將來的社會變遷, 對小朋友的要求是什麼? 她說現在或將來的社會環境, 須要一些懂得靈活變通, 社交能力強及知識廣博的年青人. 只懂死讀書的學習態度已經過時. 她亦贊同此校的發展方向, 由其在小朋友的個人修養培育.

與她的這番對話, 令我的信念更加堅定, 也給予我信心. 因我相信, 只要身為家長的願意付出, 在天主及聖神的帶領下, 定能走上正確的道路.

祝 各位主佑平安, 主恩常伴

麟媽媽

我諗眾舊生見自己被形容為「謙謙君子」定必沾沾自喜！
不過我眼見的，世伯輩、我老公既同學、後生一D既，
都有著一種特質，佢地都謙恭有禮、處事客觀及對家庭盡責，
一句到尾…真係幾好仔既！亞駙馬及Raymond 係咪有D  開心？！

chelsea

港華已不可能排除轉直資的可能

Quote

"不排除「平民直資」
香港華仁堅持「服務貧苦」

文章日期：2006年9月27日


【明報專訊】香港華仁書院校長譚兆炳

最認同政策﹕新高中學制，將高考及會考合二為一

最不認同政策﹕升中派位組別五改三

教育改革經過八載，傳統資助名校紛紛轉為直資，爭取更大自由度、收生自主、一條龍等。老牌名校香港華仁書院在天主教耶穌會「服務貧苦大眾」的宗旨下，憂慮學校貴族化而未有轉直資，唯有每年大筆撥款增聘人手支援學生學習，維持水平，造成學校沉重的經濟負擔，新一年（06至07學年）預算赤字高達180萬元。校長譚兆炳說﹕「時移世易、制度轉變，港華已不可能排除轉直資的可能。」

增人手支援 料赤字180萬

教育改革下，學生不止是讀書，亦需發展美術、音樂、體育等才藝。譚兆炳覺得，教改帶來新氣象，學生不再只顧讀書，但教改另一方面令學校收生差異極大，除學術成績、語文水平相去甚遠，學校需按成績分班。他坦言，神父管理華仁以來，學生輔導一直「毋須太多」，現在卻不可或缺。他說﹕「教改之下變化極大，8年前從未想像過今天的情

麟媽媽

睇黎老一輩既修士，敵不過殘酷的大勢所趨。
轉為直資，付得起的當然開心，無後顧之憂，
但$200 學費真係得？我倒希望一些窮家子弟都有機會，
我記得華仁既motto 好似係︰
Men with and for others (以前睇過吓，唔肯定)
可以做到最好，我母校都轉左直資，無奈是現實的。
其實佢地有無諗過搵舊生資助呢？
中學重建都有比form舊生每月自動轉賬捐款 (自願性)，
我相信好多舊生都願意咁做，集腋成裘嘛。