06年9月入讀蘇淅幼稚園K1既家長, 入唻交流下啦!

CanKan

joeytcy,

我個女第一次搭飛機唔覺佢驚，我驚 d，驚佢耳仔唔舒服，所以飛機一起飛就係禁叫佢飲水，唔覺得佢有咩野唔舒服；反而佢第一次搭飛機我地係跟團既，坐正係機尾，好熱同好焗，唔知係咪禁樣焗親，去到目的地既第一晚有 d 發燒，退左燒第二日就冇麥野。自始之後我同佢去親旅行一定會記得拎平安藥。

cankan

CanKan

十月媽咪 / joeytcy：

亞女細細個我已經俾喉棗散佢食，而家屋企重 keep 住有存貨，有時佢唔舒服睇左醫生，食哂 d 西藥通常都重有少少手尾，我就會俾佢食返一兩日清下，我覺得都唔錯播！

cankan

CanKan

好！一於攞定假去睇我地 d小朋友表演！

ｃａｎｋａｎ

joeytcy

好............到時睇下我會唔會變左黑肥田先...

wewetwet

joeytcy,

今日湊女,見到你囡囡排緊隊上校車,我囡和你囡,和其他小朋友還不停揮手說再見呢!

我都好想去下埃及呢!一生人都想去齊世界七大奇觀,目前只去過萬里長城和泰姬陵.

另外想問下大家,有冇俾小朋友食有機嘢,其實覺得有冇甘既需要呢?

joeytcy

ccffcc
甘係主流班定係國際班呀...

joeytcy

wetwetwet

有機食物我就覺得無需要特登比佢地食lou......

CanKan

wewetwet：

我個女係搭褓姆車放學，所以我地咪一放學就走人，或者睇下我地係十二月小朋友表演果日有冇機會大家可以傾耐 d。

我冇特登俾有機食物亞女食，反而前排報紙話有 d食物含致癌物質就攪到我鬼禁緊張，因為其中一樣 x x 動物餅我一向都有俾亞女食開，而家屋企重有一包全新未開過，睇怕都要拎番公司自己食埋佢囖。

係喎，你住邊區架？

cankan

wewetwet

CanKan,

我住太古城!所以不需坐校車呀!

我加左新相呀,看看吧![img align=right]http://www.imagestation.com/picture/sraid218/pd960073d41b0e1afea8790620ad534da/ec3b5e37.jpg[/img][img][img align=left]http://www.imagestation.com/picture/sraid218/pe82f42a6873e790798999eae2ee56e1c/ec3b66f9.jpg[/img]

joeytcy

wetwetwet

第二張相好攪野.............hahaha

CanKan

wewetwet：

嘩！第二張相好過癮呀！

你住太古城，平時邊個同佢返學呀？係咪搭地下鐵跟住行鈄路上黎？

今日輪到綠組可以去後面果個 area 玩，我見倒 d 小朋友玩得好開心，不過就望唔倒彤彤係邊。

cankan

CanKan

十月媽咪：

你最近忙咩呀？唔見左你既？今日 anson 去唔去跳舞？我同奶奶講左若果佢地想玩一陣，就等佢地玩十分鐘先走。

上次你同我講話想俾 anson 學唱歌，諗住係邊度學？課程內容係點架？

cankan

CanKan

各位媽咪：

你地有冇同 d 小朋友去睇過話劇？之前暑假有個‘兒童綜藝合家歡’，其中一個節目係話劇表演，係俾 d３歲以上既小朋友睇，我同左個女去睇，成套話劇差唔多兩個幾鐘，只係中間有15分鐘休息時間，我原先都擔心亞女會坐唔倒禁耐，但出乎意料佢可以全場坐定定，唔知係套話劇吸引倒佢，抑或係因為有其他小朋友係度，不過有幾幕佢都識得笑。其實每套話劇背後都會有一個主題，黎緊12月我會再同佢睇一套，睇下係咪真係傳送倒個主題俾亞女，如果係既話就再話俾你地知。

cankan

十月媽咪

cankan,
如果意外, 今日阿女都會去跳舞的, 不過佢依然有咳有痰, 好鬼煩, 但放心啦, 我一定會幫佢戴住個口罩先上堂架!

呢幾日, 忙到我陀陀轉呀!

事緣星期三我就跟胡叔叔車, 送完阿女返學, 就去左西環買海味, 跟住接左阿女放學, 就返左馬鞍山, 一唻拎d海味畀阿媽, 二唻同阿女睇醫生, 三唻我都要睇牙!

星期四由馬鞍山坐巴士接左阿女返學, 我就飛快返屋企做家務兼煮定中午飯等阿女返唻食, 阿女放學後, 同佢食完飯, 我就幫個friend打左五集港台既稿 (呢段時間阿女瞓左覺), 到阿女醒左, 我又要湊佢去學畫畫, 佢畫畫呢段時間, 我就飛番屋企煮晚飯! 然後又趕去接番佢, 再同佢響會所玩左一粒鐘, 至返屋企食飯沖涼! 搞得唻, 咁又一日, 天黑lu!

今日一早交左個女畀胡叔叔, 就趕出九龍塘, 因為應承左個friend幫佢拎cckg既form, 咁我見排得咁辛苦, 都順便幫阿女拎左張, 不過睇完張form既內容, 又無乜意慾報名面試, 都係等隻佬返唻再決定! 拎完form, 個friend又call叫, 問我幾時返屋企, 事關又有兩集亞視既稿要趕住打! 咁我又飛返屋企, 吸塵抹地後就開工, 打打下, 又要接放學, 咁湊左阿女返屋企之後, settle down佢兼打暈佢之後, 我又要開工, 啱啱打起無幾耐! 打完就去左洗奶樽, 而家煮緊個雞扒, 咁今晚食果陣, 翻熱就食得! 再淥個生菜, 好簡單! 所以趁個雞扒焗緊呢段時間, 可以偷雞上唻留個言喇!  

joeytcy

cankan.........

都有興趣喎...........到時彈d料黎啦...thankyouthankyou


尋人啟事.....尋找一名k1團成員...十月媽..overover

十月媽咪

cankan,
仲有仲有, 你講呢d合家歡劇, 我都諗過帶阿女去睇架, 不過final都係唔敢呀, 一唻我驚佢無耐性聽足全場, 二唻佢好怕d忽大忽細既音響聲的, 實會大叫大喊, 好鬼麻煩兼搞到我好鬼尷尬, 所以一直都唔敢帶佢去睇呀!

12月份有乜好介紹呀? 如果anson同kelly一齊去睇, 唔知會唔會好d呢?

至於唱歌果度, 我之前係睇中熊熊的, 但熊熊要星期六早上十點(唔知有冇記錯), 而阿女星期六下午又要上音樂班, 我又唔係太想搞到佢好似好忙咁! 另外都有睇過香兒, 香兒響將軍澳廣場比諾幼稚園入面有分校, 但又係星期六, 仲要同阿女個音樂班撞鬼晒d時間, 所以而家仲物色緊呀!

十月媽咪

joeytcy,
你話我幾慘, 呢頭上到唻留個言, 撞鬼佢, 個女果頭就彈起身, 扒響度望住我! 我家下唔鬼理佢, 由得佢響張床度碌下添!  

joeytcy

忙時忙..最緊要有休息時間

十月媽咪

joeytcy,
我咪就係諗住響度偷完雞, 跟住就入房眠一眠囉, 點不知, 而家唔駛望喇! 唯有頂到今晚啦!