小朋友於06/07年度升小三的家長們 - 兩年時間轉眼過，得閒入o黎傾吓笑

lcf

好彩有人在家截到咋，整親人就煩la。

我個女都跌損左個knee ar。

Easy媽咪

想緊當時情況呀~~嘩~~真係好驚驚呀~~    
可能我住得低啦~~我屋企一d事都冇呀!


[quote]
LULU-MAK 寫道:
呢個風不單只整爛我把傘, 吹跌我個囡, 噚晚姐姐仲話比我知...廚房出面既涼衫架吹跌左一邊, 當時我好驚, 驚個架真係跌左落天井會整親人    跟住打電話落管理處叫晒救命    , 佢地即刻派兩個人上

Easy媽咪

比妳笑死喇~~   

[quote]
AE_bb 寫道:
講開半夜起身抺水, 我都試過一次好好笑, 話說當時冇工人, 又唔記得關

麟媽媽

講開做家務，今日好無心機呀！
賓姐早幾日返左祖家放假，
琴日星期日咪要做家務囉！
洗左兩機衫，之後掠左出去，
收左D 衫摺好，叫亞仔放入房時佢問︰
媽咪！點解 T 恤咁「巢」既？平時姐姐燙好直架！
我話係咩…？！之後咪係度燙衫，好鬼多！
燙完又要吸塵….有幾隻碟亞仔話不如幫我洗，
咁我話好喇，吸完塵入廚房…見亞仔除晒衫！！
天啊！！我成個地都係水呀！亞呀….攪咩鬼？！
我都無氣講左聲︰「洗完拿？唔該晒喎…」
之後亞仔好開心走左出去，我執起佢件濕既睡衣。
橫掂都濕晒，不如抹埋廚房同個地喇…
抹完地之後坐一陣…..弊！仲有兩隻貓喎，
之後又去清砂盆，倒晒D 砂又洗擦乾淨，
D 貓好怕烏糟，佢地個御廁一定要乾淨架！
整完晒都差不多兩、三點，我早餐都未食，
亞仔就食左大大碗粟米片，我老公仲訓緊呀！！

琴晚我隻右手好酸痛呀！半夜都痛醒…..
都怪我平日少運動，咁樣郁吓隻手都攪到咁，
而家都仲痛，個肩膀又好鬼攰....賓姐你幾時返？

[quote]
AE_bb 寫道:
講開半夜起身抺水, 我都試過一次好好笑, 話說當時冇工人, 又唔記得關

肥仔媽咪

LULU-MAK,

今次呢個風真係唔講得笑, 好彩打唔正, 打正重敝呀!

麟媽媽 寫道:

琴晚我隻右手好酸痛呀！半夜都痛醒…..
都怪我平日少運動，咁樣郁吓隻手都攪到咁，
而家都仲痛，個肩膀又好鬼攰....賓姐你幾時返？

想當初我們很抗拒請外籍傭工, 成日怕有個唔係自己族類的人在家行來行去, 但現在相信很多媽咪冇得用工人就   

Easy媽咪

肥仔媽 & 麟媽媽

對呀~~工人放假, 我地就慘喇~~~   
我工人同我地生活左咁多年, 佢做多3年話唔再做, 果時我就知味道    想起都驚驚地     

肥仔媽咪

Easy媽咪 寫道:
肥仔媽 & 麟媽媽

對呀~~工人放假, 我地就慘喇~~~   
我工人同我地生活左咁多年, 佢做多3年話唔再做, 果時我就知味道    想起都驚驚地     

佢話係咁話, 到時或者又會繼續做, 香港咁好, 點捨得走呀!

LULU-MAK

麟媽媽,

我都鄧你可憐!    呢D日子, 我相信遲D我會體驗到.   

AE_bb

我記得我工人5月放假時, 我簡直想 c 呀
除左做家務之外, 仲要朝朝6點起身   
我記得佢走左3日到, 我已經日日掛住佢, 希望日子快d過, 佢就快d返   

Charitymami

我諗我工人放假個兩星期, 我就:

唔會用吸塵機, 只用掃帚掃地, 跟住拖地就算數

用洗衣机洗完衫, 唔會熨衫, 面衫會摺好放係佢間房, 等佢番黎熨

煑飯, 如果和阿女一齊食, 就會簡簡單單, 如果老公都番黎, 就會出街食。

ha ha, 好期待佢快Ｄ放假。     

梁媽媽

嘩, 而家先見到呢個 topic, 即時諗起以前 "老虎樂園" 的朋友仔, 即刻上黎登記番先, 我女都係黎緊3年班啦, 回想之前仲好似好細個甘, 而家已經有少少 婷婷玉立的味道, 真係有時都好回味佢小朋友時的得意的, 又有少少唔捨得佢長大, 又會諗, 到佢真係大到上中學時, 又唔知點了。

Charitymami

今日經過新都城, 見到有個科学、 環保、 創作展覽。

Ｄ展覽品有好多係機械人, 機械車........等等,  大多數都係中學生的作品, 但其中有一件係小学生的作品----->培正小学, 係件"放大剪腳甲器", 意念應該係來自十蚊店的放大剪指甲器, 都幾 surprise, 話晒都係小学生自己製造。

肥仔媽咪

梁媽媽 寫道:
嘩, 而家先見到呢個 topic, 即時諗起以前 "老虎樂園" 的朋友仔, 即刻上黎登記番先, 我女都係黎緊3年班啦, 回想之前仲好似好細個甘, 而家已經有少少 婷婷玉立的味道, 真係有時都好回味佢小朋友時的得意的, 又有少少唔捨得佢長大, 又會諗, 到佢真係大到上中學時, 又唔知點了。

梁媽媽,

很少跟你碰到面 , 有陣子連老虎樂園個topic都唔見埋, 依家仍有嗎? 係呀, 個個小朋友好快已經唔再係BB, 還好現在他/她們仍肯俾你攬攬抱抱, 相信遲些連這種親密行為都會抗拒呢!

Easy媽咪

le排我攪緊屋企簡單裝修呀, 日執夜執, 而家間屋已八八九九喇, 總算企企理理咁啦!今日有人上門安d燈, 過2日師傅油完油就完成喇  


梁媽媽
講起 "老虎樂園" 我以前都入去傾下架, 而家係咪冇左喇   
我個仔都大個左好多, 見番佢d bb仔相都唔似咁喇, 但我仲想佢快d大, 唔洗我勞氣呀      

梁媽媽

嘻嘻, 唔駛搵 "老虎樂園" 啦, 呢度傾咪係 "升級版" 羅。
經過一輪狂谷之後,我女終於都升上小三, 今個暑假好開心, 我唔比甘多野佢去學, 等佢真真正正的在家中抖下, 因為之前溫書真係好辛苦。 希望黎緊的三年班, 過到骨啦。

HKmami

期待已久的日子終於到了, 昨晚工人終於放完假回來, 一家大細都很開心!  最初都覺得很輕鬆, 家裏少了一個人, 老公放假一齊去街, 喜歡便在外吃飯或在家裏玩煮飯仔. 一星期過去, 老公已上班, 又經過打風, 看見窗門的污積  又吸塵又洗衫(雖然用洗衣機)又掠衫又要執屋, 最重要是帶兩個寶貝去暑期活動, 出出入入已要命, 回到家簡直散哂 於是越來越期待工人回來, 現在輕鬆哂! 雖然仍然要出出入入(我很享受帶他們的日子), 但起碼回到家不用立即開工, 仔女踏單車前不用考慮回來後又做餐飽, 連老公都話舒服哂!    

Easy媽咪

今日帶左個仔返公司, 唉...lunch time 班同事打機, 攪到呀仔好鬼開心, 真係以為返工原來咁鬼feel    , 而且班同事全男班, 玩d games 合哂佢心水!   
死路, 平時咪唔可以講"媽咪返工咁辛苦lu"   

Charitymami

下星期姐姐開始放大假, 好彩阿囡Ｄ暑期活動差不多完結, 到時我都要帶女返工, 我公司冇 game 玩 ga. 真係返黎要做 office girl, 幫手遞下文件, copy & fax ar.  

AE_bb

咁你話佢知淨係 lunch time 先可以咁 free 架咋, 平時個個做野好專心, 靜到蚊飛過都聽到 law   

Easy媽咪 寫道:
今日帶左個仔返公司, 唉...lunch time 班同事打機, 攪到呀仔好鬼開心, 真係以為返工原來咁鬼feel    , 而且班同事全男班, 玩d games 合哂佢心水!   
死路, 平時咪唔可以講"媽咪返工咁辛苦lu"   

AE_bb

我個大仔黎過我 office 都好好奇, 成日問我呢樣問我果樣

Charitymami 寫道:
下星期姐姐開始放大假, 好彩阿囡Ｄ暑期活動差不多完結, 到時我都要帶女返工, 我公司冇 game 玩 ga. 真係返黎要做 office girl, 幫手遞下文件, copy & fax ar.