取消中小學考試名次制度

shadeslayer

ANChan59 發表於 22-11-2 08:35
我對IQ有不同見解，很多人認為一次IQ測試高分就代表有天分，我唔係咁睇。因為測試結果跟年紀，思維及知識 ...

可能好多神童細個時候好叻，大個都唔見影，可能就係你講嗰個原因

呢度我用IQ 有啲似係天份的代名詞。

IQ 同職業的關係一定有，但張圖顯示其實分別唔會好大。

barque

beastiebistro 發表於 22-11-2 13:06
Indeed.

I have three children and none of them are the same. Not in terms of personality, not in te ...

想回應和分享一下關於被人Judge這個問題。女兒讀初中的時候，試過參加過幾次校內課外活動領袖的面試，結果都是落選。當時見她有點悶悶不樂，有找她談天。言語之間聴見她有說過不喜歡面試，因為她不喜歡被人Judge的感覺。我當時想你長大後大把機會要比人去Judge. 但又不知怎樣去和一個12，13的小朋友去解說這個問題。只是安慰她，慢慢試吓就知習慣的。現在見她面試都能處理得好好。

beastiebistro

barque 發表於 22-11-2 14:46
想回應和分享一下關於被人Judge這個問題。女兒讀初中的時候，試過參加過幾次校內課外活動領袖的面試，結果 ...

我諗to be judged同埋to have been passed judgement on有啲啲唔同。我同Shadeslayer兄講嘅，嚴格嚟講應該係小朋友未必喜歡to have been passed judgement on，即係唔喜歡「旁觀者依牙鬆槓」（或者可以話家長式訓示）。但係又同面試／比賽接受評審唔完全一樣。

不過無論如何，可以輕鬆面對都係好事。

Yanamami

barque 發表於 22-11-2 14:46
想回應和分享一下關於被人Judge這個問題。女兒讀初中的時候，試過參加過幾次校內課外活動領袖的面試，結果 ...

我好直腸直肚，兩個女好細時已成日同佢講，好多情况，唔係你鍾唔鍾意既問題，係需唔需要既問題。好多野我都唔鍾意(舉例ABCD)不過都要面對。所以佢地一早已俾我植入左呢個概念。人在江湖呀~好似佢個游水教練話齋，每次操完，肌肉酸痛，代表你既肌肉又强壯左啲，所以嘛，有好多野，咬咬牙就過，過左自己又强左多啲啲，每個經驗，不論成功與失敗，都係造就現在既你。咁同女講就可以了。12、3歲都會明。

barque

beastiebistro 發表於 22-11-2 15:26
我諗to be judged同埋to have been passed judgement on有啲啲唔同。我同Shadeslayer兄講嘅，嚴格嚟講應該 ...

我覺家長式的訓示已經不太適合，對於小朋友亦都不太好。除非是一些原則性嘅問題一定要和小朋友講清楚之外。其他的都按小朋友的興趣和特性從旁引導，自己相信家長過份的參與反而局限左小朋友的發展。當然每個小朋友都唔同。

beastiebistro

barque 發表於 22-11-2 15:43
我覺家長式的訓示已經不太適合，對於小朋友亦都不太好。除非是一些原則性嘅問題一定要和小朋友講清楚之外 ...

我就認為「參與」同「干預」有好大分別。參與都可以係從旁鼓勵引導（都要參與先引導到㗎），只要提醒自己唔好干預小朋友，唔好主導小朋友思想行為就得喇。
我唔會完全否定任何做法，某啲情形下某啲問題上需要家長式訓示嘅話，我絕對唔會手軟。但冇需要我當然唔會咁做...

shadeslayer

barque 發表於 22-11-2 14:46
想回應和分享一下關於被人Judge這個問題。女兒讀初中的時候，試過參加過幾次校內課外活動領袖的面試，結果 ...

從小父母保住，甚少失敗的孩子，長大才失敗較難處理。如果從少讓孩子參加不同的活動比賽選拔，自然會嘗到失敗多過成功，他們慢慢意識到失敗係好普通的事，家長也先不要太緊張。話雖如此，重要的事情在前，唔緊張就假。訓練有素的孩子，也容易一點處理自己的情緒。

barque

shadeslayer 發表於 22-11-2 16:30
從小父母保住，甚少失敗的孩子，長大才失敗較難處理。如果從少讓孩子參加不同的活動比賽選拔，自然會嘗到 ...

同意！小朋友要識得處理失敗，亦都要明白有時贏有時輸都係好正常的。

barque

Yanamami 發表於 22-11-2 15:38
我好直腸直肚，兩個女好細時已成日同佢講，好多情况，唔係你鍾唔鍾意既問題，係需唔需要既問題。好多野我 ...

女兒整個中學時期都有參與有系統式的游訓練，每星期二天的游泳訓練，再加－天的跑步練習。參加校內的游泳比賽和陸運會都可以有獎拿。但是參加多年的學界比賽從未贏過，只有一年試過入到其中一項的決賽。她從身邊的朋友中看到亦認識到天份加努力才能拿到好成績。她亦懂得欣賞自己游泳和越野跑每年都保持住前10%成績。

Radiomama

shadeslayer 發表於 22-11-1 18:53
我的拒絕，和你的拒絕，沒有衝突。

現實只有三幾個百分點的學生可讀醫或律師或國際金融，我只拒絕相信三 ...

兩位嘅意見雖然不同，不過又睇唔到點解有衝突。

孩子能力各有不同，而就算有「某些」能力，隨時可能在程度上未發展成熟，所以有時會錯過咗機會。表現出來嘅情況就係，父母驚佢入唔到好嘅學校/學系，第日出嚟搵唔到份好工。

當然也會發生不幸嘅情況，就係父母「要」孩子滿足自己嘅慾望去完成某些tasks。不是說別人，我只是講自己曾犯嘅錯。阿仔對鋼琴無興趣，最後在完成八級琴試後還多彈了兩年才結束。而身邊有些朋友則會希望仔女讀醫科，完成自己的宿願等等。


天份、能力、興趣和機會，要相輔相成，但要搵啱呢條路，真係談何容易。

beastiebistro

Radiomama 發表於 22-11-2 20:32
兩位嘅意見雖然不同，不過又睇唔到點解有衝突。

孩子能力各有不同，而就算有「某些」能力，隨時可能在程 ...

得閒用吓腦，整理下思緒，邏輯哋討論下，有咗減低腦退化...

Yanamami

barque 發表於 22-11-2 20:03
女兒整個中學時期都有參與有系統式的游訓練，每星期二天的游泳訓練，再加－天的跑步練習。參加校內的游泳 ...

中學學界的都是港隊人，每週兩天操水是不足夠的。我女小學時都每週操四天，游完中一，升中二已退隊，因她說不想入港隊，要朝早操完番學，放學再操，太非人生活了。

Yanamami

Radiomama 發表於 22-11-2 20:32
兩位嘅意見雖然不同，不過又睇唔到點解有衝突。

孩子能力各有不同，而就算有「某些」能力，隨時可能在程 ...

細Y一句KO我啦。
有次游水比賽，我好casual講句：呀，如果可以快一秒，個排名就可高幾個位啦。佢亦好casual咁答我：你自己落去游下吖。我即時收口。

Radiomama

Yanamami 發表於 22-11-2 22:10
細Y一句KO我啦。
有次游水比賽，我好casual講句：呀，如果可以快一秒，個排名就可高幾個位啦。佢亦好casual ...

真係，我呢個阿媽得把口「叫」人做，自己乜都唔識。

ckh689

Yanamami 發表於 22-11-2 22:10
細Y一句KO我啦。
有次游水比賽，我好casual講句：呀，如果可以快一秒，個排名就可高幾個位啦。佢亦好casual咁答我：你自己落去游下吖 ...

下次佢嫌你煮嘢唔好食，你叫佢自己去煮下 。

barque

Yanamami 發表於 22-11-2 22:05
中學學界的都是港隊人，每週兩天操水是不足夠的。我女小學時都每週操四天，游完中一，升中二已退隊，因她說 ...

她沒有打算入港隊，只是按自己的興趣去玩。她之後IGCSE都有選讀PE.

Yanamami

ckh689 發表於 22-11-2 22:25
下次佢嫌你煮嘢唔好食，你叫佢自己去煮下 。

佢從唔嫌我任何野，無聲出。

shadeslayer

barque 發表於 22-11-2 17:19
同意！小朋友要識得處理失敗，亦都要明白有時贏有時輸都係好正常的。

講到輸，女兒真係專家，16歲前學術上墊底已經夠衰，非學術技能又麻麻，除了球類活動頗好。有兩個特別例子：

1. 小太空人：有些網友可能聽過，女兒參加幾次小太空人選舉，年年有進步，到最後能進最後二十名，但落選後哭到天塌下來，父母怎不心痛。下年，她要再參加，父母不忍，我們勸她不要再參加，說甚麼小圈子選舉。但女兒堅持參加，我們只好全力配合。最後完成心願，我兩老暗地裏無地自容。

2. 從初中開始女兒玩 debate，無論每週導師費，一年幾次本地外國比賽，花費不菲，但次次輸到無影。幾年下來，高中又要考試，要堅持嗎？阿女要堅持。後來才發現，女兒在 debate adjudication 方面原來甚好，as a judge, not as a speaker ，18/19歲已經收費在 debate tournament 做評判。

Yanamami

shadeslayer 發表於 22-11-3 01:53
講到輸，女兒真係專家，16歲前學術上墊底已經夠衰，非學術技能又麻麻，除了球類活動頗好。有兩個特別例子 ...

"那些努力過，卻還沒有開出花的日子，叫扎根。"

beastiebistro

shadeslayer 發表於 22-11-3 01:53
講到輸，女兒真係專家，16歲前學術上墊底已經夠衰，非學術技能又麻麻，除了球類活動頗好。有兩個特別例子 ...

作為一個高度「參與」嘅家長，我又分享少少。

我非常同意小朋友需要經歷失敗，先有韌力去面對人生各樣挑戰。我非常同意家長唔應該保護小朋友，令呢啲天然嘅能力漸漸消失。

我從來（literally從來，由嬰兒時期開始）冇因為小朋友跌倒撞親擦傷等呵佢，亦從來唔俾其他人（例如長老，幫傭，朋友）做（其他時候我哋當然非常親密攬攬錫錫）。所以我嘅小朋友幾乎冇因為任何身體損傷喊過，出去同其他人玩或者比賽，佢哋一定係笑住玩到最後個幾個（未必會贏），從來唔會發脾氣發爛渣唔玩。其實當然我都心痛啦，不過我知係為佢哋好所以忍住唔呵（老婆又聽我點，長老又唔敢多口），結果我練就咗三個超resilient嘅小朋友。

另外，我選擇喺好細個嘅時候就同佢哋講兩個道理俾佢哋：
1. 所有嘅競爭／比賽其實對手都係自己，要自省。贏，諗下點解贏，係咪自己做得好？定係好彩？輸，諗下點解輸，係咪自己做錯咗啲咩？下次點做好啲。考試默書我從來唔問其他人幾多分話我唔想知，只係想知佢哋比起上次有冇自己做好啲，下次會點做好啲。
2. 比賽輸咗，一定因為對手做啱咗啲嘢。咁究竟係對手好彩？定係把握到自己嘅失誤？定係有咩高招（可唔可以下次納為己用）？對手準備充足啲？佢聰明啲？咁有咩可以學到令自己好啲？

所以我啲小朋友從來唔會因為失敗而喊或者發脾氣。基本上玩完就淨係掛住analyse過程同部署下次點做好啲。我個仔由K3開始玩圍棋，基本上開頭嗰幾年勝率都唔過30%，但係從來冇一次因為輸棋而喊，只會話下個禮拜再嚟我唔會再行錯嗰步，或者我會用佢贏我嗰招咁。

當然呢啲係我個人經驗，個個家庭唔同，個個小朋友都唔同。純粹分享下唔同方式。