關於學鋼琴價錢

heifamily

RMA,Andyrain

多謝你嘅回應，我一向都唔想佢考(唔想有壓力，係我驚壓力)，但見佢近期表現真係對佢自已好有要求 (eg.彈錯一個音就由頭嚟過，彈到無錯至得，又自己背譜)，佢話想彈到好似老師咁好。
所以至心大心細。我諗都可以俾佢考試掛！

敢問老師此話何解？

10 個小朋友，真正 enjoy music making o既，我大膽講句一半都冇。

AY2G

都會有例外.
有一類老師, 上堂係自已彈一句, 學生跟住跟一句, 老師彈一小段, 學生跟住彈一小段, 幾堂落黎, 首歌教完學生也彈得七七八八. 跟黎啲老師嘅學生, 多數係快樂學琴的.

10 個小朋友，真正 enjoy music making o既，我大膽講句一半都冇。

[/quote]

heifamily

Ming2,

thanks, 女女e+係第3個老師教，第1個係琴行老師，跟佢學咗1年9個月，佢要去留學唔教；因我要轉時間學而琴行俾唔到，所以去咗第2間可以係果段時間教嘅老師。

而尼個老師(個體戶有琴室嘅)好中意考試嘅，我當時真係唔想考亦話俾佢知，學琴時間亦由30min轉45min，點知每次學得1首歌，重要返到屋企唔記得好似冇學過咁，我嬲鬧女女，女女話上堂時老師好多電話，又請食嘢(係麵)。

咁我打電話俾老師，都只係問女女進度 (絕無質問)，但跟佢學咗6堂之後就俾個理由我，話果段時間教唔到。

所以我至問下各位老師唔會嫌棄唔想考試嘅學生。

But 我e+心郁郁 :

RMA

heifamily,

十個小朋友我敢講有六個都係唔應該黎學琴o既。

被迫o既人太多。所以如果(你)小朋友係珍惜彈琴o既時間，大部分老師 (包括我) 都會好 appreciate。

如果學左兩年都係未考過試，而能力又應付得黎o既，可以去考下。得到正規 / official 組織頒比你o既證書，又有所謂有 QA o既測試。你可以得到一個 '係咁2' o既 report / mark form，就可以知道自己能力大約去到邊。學考評局話，考試評核...... 輔以學習。

無疑，一張一、二級o既證書係對升小學有少少用o既。

咁考試一定係有壓力，但一個正常小朋友都應該要經歷。如果你小朋友真係 enjoy making music，咁佢差唔多一定 pass。合格率 95%...

如果真係唔想考o既，老師通常都唔會迫o既，不過老師邀請你去考，其實都證明左你有實力。Then, y not?

RMA

AY2G,

我會咁樣睇呢 d 唸口王o既學生...

佢地其實都係可憐o既一群，要老師一句佢一句，因為 sight-reading 好/超差。差o既原因有好多...

但我就用 'music 文盲' 黎形容呢班人。同時，亦 regard 呢排人唔係 enjoy music making o既一群。佢地只係受惠緊老師對佢地o既特別優待，因為佢地係 handicapped.

唔好話我衰，只係本來佢地勤力 d 練琴，情況就唔會係咁.

heifamily

RMA,

其實我自己都好難去界定乜嘢叫"被迫"，女女係5歲半之前都唔到俾我睇佢係鐘意學嘅(除咗頭3個月)，每首歌只可以叫佢練3次，彈錯喊，叫佢練多次又喊，睇唔掂d豆鼓又喊，上堂時又搞搞震，叫佢唔好學勒都喊。
都唔知佢想點！可能太細個，連佢自己都唔知想點。

佢都應該係冇乜天份果隻(似我 :cry: )，但e+見佢對自己有要求--唔放棄，努力(力爭上游就唔敢講)，又變得好"自願"咁。

我都好希望女女一路可以保持呢個態度去學，當有日呀女話學琴好慘好辛苦，我會停咗學，我覺得學音樂唔應該有尼d感覺嘅。
(我細果自學口琴結他，吹到口唇爆、手指頭痛都無0爻慘，因為"自願")

RMA

heifamily,

而家呢個 situation, 係最好o既，希望你同你小朋友 keep 住...

年齡當然係問題，6 歲大部份都應該升小學，但大家有冇唸過點解唔定 4 歲、7 歲或8 歲先升小學? 又或者 k3 讀完，升 k4?

好簡單，因為一般人o既 physical 同 mental development o係 6 歲附近都有大變化。細過 6 歲學琴，如果冇天份，好明顯都係半被迫 (即係最少唔係自願o既，唔比佢學亦唔會覺得可惜)。

今年收返黎o既幾個 4、5 歲好好彩全部都有 talent，亦鐘意彈琴o既。

但上星期 interviewed 左一個 5 歲 11 個月o既小朋友，家長o係電話已經表明佢好內向，亦好怕羞，結果半個鐘o既 interview 佢冇講任何一個字。我明白佢家長好想我幫到佢，但見佢小朋友咁慢熱，我就直接講話暫時冇時間，放o係 waiting list 度先。

如果而家就收，可能要搞足一年先可以搵熟，然後教野，如果遲一年先收，已經大 d ，應該可以 more sociable.

太細個學，同大個 d 先學，結果真係可能差唔多。

Paris

RMA

Thanks for your reply.

AndyRain

Hi, RMA

我有個問題關於被迫去學琴 - 如果家長唔俾個小朋友去學琴, 跟本就無法知道個小朋友鍾唔鍾意彈琴的.

我的諗法如下:
1. 未接觸過綱琴, 跟本連綱琴係什麼都唔知道.
2. 佢地咁細, 除了知道想玩及鍾意玩之後, 有什麼他們會真正知道的.
3. 最初佢地學的時候, 只係彈到小小野, 在未有滿足感   唔鍾意係唔出奇的.  最"迫"佢地學一段時間後, 佢地才會有成功感及滿足感, 那時他們才會鍾意彈琴的.
4. 樂器唔一定要學, 所以他們沒有興趣, 沒有天份學那就可以停左佢唔學.  但若是中, 英, 數, 不論你有沒有天份, 有沒有興趣, 你都一定要學的, 因為考試一定要考.  

我以前幫小朋友補習的, 那個小朋友小一時好討厭數學的, 理所當然他的數學每次都低分.  跟住我就專注要操他的數, 到後來他的數學題目成日都做到考試及測驗都8, 9字頭
之後, 他便喜歡了數學.  原因就是我上述所提到的成功感及逃避.  他最初數學不好時, 以逃避的方法去面對, 所以咪唔鍾意數學, 唔想做數, 好怕數.  當他後來做數做得好時, 就覺得多d黎密d手, 見一題殺一題了, 越殺越興起. 更想做一些難的數來挑戰自己.

其實家長都想一開始便知道小朋友鍾意及在那一方面有天份, 然後才給他們學, 其實家長都想小朋友開開心心地學野的.  但, 唔俾佢學好難知道他們鍾唔鍾意的.  其實就算個小朋友沒有天份, 但佢鍾意個樣野, 我想大部份家長就算明知佢進度沒有其他人那麼快, 但都會願意俾錢小朋友學的. 因為小朋友鍾意嘛.

純粹大家一起討論!

RMA

AndyRain,

我完全理解你o既睇法.

但我冇話一開始就唔比佢地學/試。我話被迫o既學生，其實都係...

1. 根本唔會練琴 (唔練，唔係一日練半個鐘，係成個星期只係最多抽空練一個鐘。一定要唉先去，唔叫唔去)

2. 明知自己彈得唔好，冇心機再練，唔會投入都仲要死'雅'時間。我睇過英國皇家音樂學院聯合委員會o既報告，裡面話如果唔到小朋友自願放棄，我地都應該比機會佢地... 睇完就覺得好 business.

試我覺得係應該試o既，不過試一年半載係唔係都應該試夠呢?
明知自己冇心機冇天份仲要被迫學，真係幾慘，原因有好多...

a. 最常見就係家長根本唔知小朋友o既能力，以為自己個仔一定可以勁過隔離屋o既 b 女

b. 起碼講出黎都有得威下... 我個仔有學琴，游水，珠心算，奧數，跆拳道... 下刪兩萬字

c. 老師冇忍心講出 (or on business stand) 呢 d 小朋友有幾唔掂。係o既，或者我都係唔忍心，所以先將上次 interviewed o既小朋友放 waiting list 唔 out 佢。

真係彈得琴o既人，其實係會自動自覺做，未到沉迷，但亦唔需要唉要叫先練。我亦唔否認老師係關鍵，化腐朽為神奇都係老師o既職責之一。教左超過十年，腐朽變神奇都係少數。再講，一個老師自己o既 musical arts 去到某一個階段根本唔會再想收腐朽，日日都要對住 d 唔練琴o既學生，呢 d 野最好留返比有心人 / 年青人做。

一個應該o係彈琴發展o既學生，遇到差o既老師，一樣可以彈得好; 一個唔應該彈琴o既，遇到再好o既老師，都係冇得救。

Susancps

各位,
我個女4歲半,學咗半年琴,都叫鐘意.佢平時坐係度嘅時候都會用隻手係身上或桌上彈D歌仔.最近老師(一個十零歲嘅)話佢可以試吓彈一級歌,於是我就淰不如出年考一級,話哂都有張沙紙.但係練sight  reading 就發覺佢唔係好得.請問是否學嘅時間太短定係佢無天分?其他一般4-5歲小朋友係唔係咁嘅?

AndyRain

Hi, RMA

看完你的回覆, 我現在有了較具體的概念了.

我為了令我個仔習慣自動練琴(因為我知道若一直下去都只是我去叫他才練琴的話, 那就算他將來有8級, 但其實都是很失敗的8級生), 所以用了獎勵的方法.  如果那天他在我開口叫他練琴前, 佢自己先開口, 那我就會獎他一個印仔, 如果那天我覺得他練得好, 那我又獎多他一個印仔.  (其實他要儲夠100個印仔才可以換到一餐麥當勞的) 這個方法試行了兩星期, 暫時他有d改善.  

今天我讚他練得比昨天好, 我完全不發覺他有彈得不順的地方(真話), 但都還需要多練習才可以彈得更好.  他即時表現得很開心, 並表示再繼續練好d.  

我諗大多數都是因為家長無能力去判斷究竟個小朋友是否適合去學琴/或任何一樣野.  我們的專長不是在這方面的話, 那聽到教琴老師沒有說孩子有大問題, 又見到孩子一路都有進步, 那我們便不會諗個孩子是不適合學琴的.  這樣可能便會出現孩子被迫去學一樣他不太鍾意的東西.

倒番轉頭, 除了會自動練琴外, 怎樣的孩子才是在學琴方面有天份呢?

RMA

AndyRain,

第一件事就係要讚你個仔乖，會自動自覺練琴。雖然都係有 d 甜頭先，但都要家長行先一步，個小朋友又肯跟住走先得。

幫我獎多佢一個印仔呀唔該... 因為，唔係個個小朋友都肯陪你玩o既

講講下我就唸左去社會問題。都係唸得簡單 d 先。

係，家長專長當然唔一定o係彈琴，但照計個小朋友彈得順唔順都應該知掛... 每個人 general o既美學觀點真係差咁遠?

如你所說見到孩子一步一步進步，都唔係停滯不前或倒退，呢 d 小朋友冇問題。但如果個個星期 (持續半年以上) 都係敷衍，步步窒，唔順，睇個樣都知唔 enjoy, 又 'pair' 又 'hair'，雙腳唔受控係咁 'fing'，雙手冇力攤哂o係 keyboard 上都仲要比佢學，又算唔算迫呢?

事實係好難聽o既，不過可能係我以前太唔好彩遇著太多棘手o既 case，咁o岩呢班學生o既家長都當我係醫生啫，奇難雜症我真係醫唔少...而家，我真係唔會要腐朽，亦唔要做有心人。

自動練琴算唔算天份呢? 都唔係好緊要，最緊要佢肯捱，彈琴根本就係要捱。天份呢... 我唸 rhythmic sense, musicality, absolute pitch, memory, tone production, expressions, personal involvement, physical ability, aural and singing technique, sight-reading approach 全部都係天份。

RMA

Susancps,

4 歲半o既小朋友你實在唔可以要求得太多。佢鐘意唔抗拒，又實練琴都算係咁啦。

十幾歲o既老師意見都唔係一定唔好o既，我地應該比多 d 機會佢地。

如果用黎升小學，一級證書應該有少少用。sight-reading 呢，一直都係大問題... 一般黎講都係會弱 d (學琴時間亦唔係好耐，慢慢黎啦)。

AndyRain

Hi, RMA

好的, 我今天就獎他多一個印仔啦.  我昨天看到你寫的東西有d驚, 因為有d似我個仔.  但你今天見到你寫個d就覺得好彩, 因為我個仔未去到又"pair"又"hair", 雙腳不受控制咁離諳.  佢只係對自己無mug要求.  佢成日覺得可以由頭彈到尾, 彈完一首歌就代表彈得好. 我已經同他講了很多次, 係要拍子準, 大細聲要

heifamily

AndyRain,

我諗你都講咗好大部份家長嘅心聲，亦係家長所面對嘅矛盾，始終學琴小朋友要付出時間(e+小朋友d時間真係好寶貴)和努力，家長付出金錢和心血，都係希望佢學有所成(尼個就各人定義)。
"失敗的8級生"又有邊個想呢！但佢地鐘意學/肯去學/自願學(唔理有冇天份)，我地都一齊為我地小朋友加油，加油

RMA,
好多謝你嘅分享，我覺得其實你至係有心人。

我諗起上次補習社單新聞:唔理三七廿一收咗家長補習費仲要鬧d小朋友"豬咁蠢唔係都唔駛補習丫"尼D至

RMA

AndyRain,

你知我o係度唔會手軟，有果句講果句，如果得罪任何人真係唔好意思。

前日我睇左一個 tv program 話天津有人幫小朋友 check 腦電波，然後 suggest 呢 d 小朋友循住佢地o既天份發展，唔知準唔準呢... 其實係一件好事，唔駛兜錯路。

(但悲哀 d 唸...不過有天份就唔一定代表有興趣o既。)

好，我地就唔睇佢學琴態度先，先講練琴。咁起碼都要彈到順先好返黎比我執啦，個個星期都係彈果首。係架，我試過半年都係彈緊同一首 a dozen a day piece, 你可能都知 a dozen a day 淺果 d 就係得 4 個小節，佢就 repeat 半年。

我係要求高，但你唔練琴我冇符噃。最慘就係家長出年要考 5 級 (8 歲)。上次人地最尾三個星期先黎求我幫佢小朋友考 3 級，又咁o岩得左，就當左我係醫生醫得返，唔會走，唉... 未到 3 級就要報 3 級。出年仲慘，要去考 5 添。

以我所知你有工作，如果都可以 keep 到小朋友練琴，肯定係你o既功勞。無論如何，要學琴跟本唔要有藉口唔練。練琴就係要捱，人地練游水日日幾個鐘o係泳池練都係咁啦，點解練琴就可以係二十分鐘一日 or even less?

我地做一份工應該對自己有要求。呢份要求唔一定係職責 (義務) 所在，而係自己對呢份工o既熱誠。練琴其實都係一樣，如果只係彈o岩 d 音，其求交貨o既只係做左老師迫我做o既職責。有熱誠，就要付出更多，音色，强弱，速度控制，感情，音樂意思... 會投入，自己都會 feel 到 enjoy 到。咁睇你練琴就會覺得你係 enjoy 緊。

而家收一個學生前我都問你係唔係鐘意彈架? 會比幾多時間練琴先? 奇難雜症唔好黎搵我唔該。我試過六歲學到八歲都認唔到 middle c o既學生，又試過 3 歲半彈單音歌仔，只係用一隻手指彈，其他四隻手指收埋... 5, 6, 7, 8 級學生 sight-reading 冇 2 級o既水平... 大部份學生都有好轉但你話醫好哂呢... 手尾好長，唔係個個都可以斷尾。

睇左咁耐，真係唔覺得你問o既問題傻。起碼你用行動幫你小朋友而唔係得個講字 '練琴啦'。唔係好多家長懂得/願意做多少少 (包括你用遊戲駛佢練琴，要求高左)。但呢少少的確就係幫到個小朋友。

一個小朋友o既發展我敢講同其家長有 80-90% 關係。如果你要求高，你同佢一齊捱，我肯定佢第時一定都係要求高，肯捱o既人。縱使教育過程裡面淚流成河。

kcarol

嘩, 幾日無上黎, 多左甘多messages !!! 大開眼界       

講開練琴, 我自己都遇過d琴照學, 電視照睇, 但練琴永遠久奉既小朋友, 呢d小朋友好快就會學到無興趣

練琴好緊要, 先唔講好玩唔好玩, 小朋友黎學琴, 亦係學習既一部份, 教左既歌要番屋企練, 根本就同番屋企做功課一樣, 所以小朋友無練琴, 就係無責任感既表現, 父母應該要培養佢地有regular practice 既習慣, 等佢地有責任感, 之後既野就會易做好多。

RMA

heifamily,

我但願做一個快樂人，自己快樂，令身邊o既人都快樂。

家長出錢，覺得有合報，學生勤力練琴攞到佢地想攞o既野...
情感釋放 / 記憶力加强 / 技巧 / 對自己要求提高 /
獎 / 盃 / 旗 / 證書 / face / show off etc.

(show off 要彈得好先有得 show 架...)