子女的期望 vs 父母的期望

greentea000

回覆 little_yolky 的帖子

仔女呢D開行turbo時間眞係唔多，父母唔好煩住晒，默默支持就好。

wan_sosin

greentea000 發表於 17-3-25 07:33
回覆 wan_sosin 的帖子

我呢行都係搞出人命高危類別，安全措施捉得特別嚴，雖然都無可能零意外。不過1次罰 ...

小心咗都唔可以0意外嘅，有些事未必完全估計到，但有些大人都慣性大意，一句話唔小心，覺得別人一定要接受，這同一個小朋友有什麼分別？
所以都係從小教，最少要知道要為自己的大意負責任。

greentea000

回覆 wan_sosin 的帖子

我會根據個"唔小心"既後果去決定我既態度同處理手法

YanKanMom

wan_sosin 發表於 17-3-25 00:20
現在才有空細心看你真誠的分享!

上代好多人都不憧如何愛家人,但就造就子女更憧事和成熟,最後你媽媽向你道 ...

仇恨是很可怕的, 也見不少親人或朋友與配偶父母子女之間因種種恩怨勢不兩立. 我都有一個不愛家人只愛自己的爸爸, 童年已知道何謂貧賤夫妻百事哀. 幸好媽媽是一個隨遇而安的人, 否則我們生活得更苦.因自己成長於困苦的家庭, 我希望子女明白生活無憂不是必然的, 除了要自己努力, 也需懂得知足感恩.

greentea000

回覆 YanKanMom 的帖子

知足感恩 <<< 不能理解，感覺係萬金油

自己無宗教信仰，以前係有宗教信仰既人比較多咁講，而家似乎更普及。

wan_sosin

YanKanMom 發表於 17-3-25 10:45
仇恨是很可怕的, 也見不少親人或朋友與配偶父母子女之間因種種恩怨勢不兩立. 我都有一個不愛家人只愛自己的 ...

我媽媽原本性情都應該唔錯，但因為我爸及生活各種壓力，變得怪僻，我的出生是她的百上加斤，"我想你養唔大！" 是我媽媽親口所講。但到今天，我每天都仍照顧緊佢老人家，有時都會想，好似今日我照顧佢多過佢當年照顧我。
種種事情都已是過去，今日我還是過得不錯，每人都會為自己生命負責任，上代人有佢哋的困難，佢哋都唔想人生這樣。

greentea000

今日一落街就見成班小學生賣旗，朝氣蓬勃！
自己中學時中四先可以賣旗，仲要抽籤！

wan_sosin

greentea000 發表於 17-3-25 11:06
今日一落街就見成班小學生賣旗，朝氣蓬勃！
自己中學時中四先可以賣旗，仲要抽籤！:joy ...

我個仔幼稚園都已經跟過我去賣旗，可惜佢又唔太鍾意，反而鍾意跟我去探訪獨居長者。

YanKanMom

wan_sosin 發表於 17-3-25 11:01
我媽媽原本性情都應該唔錯，但因為我爸及生活各種壓力，變得怪僻，我的出生是她的百上加斤，"我想你養唔大 ...

非常好的示範: 放低包伏, 重新出發. 好多時人會傾向對自己不好的人懷恨甚至報復, 這一來先苦了自己, 二來將負面思想散播下去, 我常跟孩子說: 可以由你自己開始截停負能量, 將正能量傳出去. 雖做不做到都幾視乎個人性格, 但最少希望他們有這個方向.

greentea000

回覆 wan_sosin 的帖子

而家義工服務多元化，已推廣到幼稚園，雖然唔知咁細個明唔明同自唔自願

見親戚仔女參加食物拯救隊，每次都好開心！

wan_sosin

YanKanMom 發表於 17-3-25 11:21
非常好的示範: 放低包伏, 重新出發. 好多時人會傾向對自己不好的人懷恨甚至報復, 這一來先苦了自己, 二來將 ...

原諒，是人生很需要，很重要去學懂的。無人唔犯過錯，別人不原諒自己時又會如何？我是基督徒，返了教會二十多年，人生唔只要學習，還要改變，知道了唔去變都無用。現在有些人批評基督徒，因為講一套做一套，當然，一定有這類人。
生命，要去改變，才是真正基督的精神！
唔好意思，離了題！

YanKanMom

wan_sosin 發表於 17-3-25 11:47
原諒，是人生很需要，很重要去學懂的。無人唔犯過錯，別人不原諒自己時又會如何？我是基督徒，返了教會二 ...

Amen!

greentea000

我成績算比較平穩，20名內上落。不過偶然我都有某Ｄ科倒退10分，中學計係失好多分下(跌1個grade)，阿媽會表現得好擔心。佢果種想鬧我又唔敢鬧我既矛盾，我強烈感受到，並唔係佢唔出聲我就唔知，呢種都係我既壓力。阿媽會叫老豆同我傾，因為佢知我唔會同佢傾。老豆其實無咩講，通常都係傾其他野，風花雪月一番就當交左差！然後就翻篇

October.

greentea000 發表於 17-3-25 14:34
我成績算比較平穩，20名內上落。不過偶然我都有某Ｄ科倒退10分，中學計係失好多分下(跌1個grade)，阿媽會表 ...

唔通男人寬容d？ 古人話養不教父之過， 但我發覺現代阿爸好好做，我老公同幾個親戚朋友老公都係咁，唔理仔女考咩分數返來，照單全收，鬧都無一句，有時我睇唔過眼阿仔係道hea, 同老公單眼，要佢叫仔去睇下書，我老公當睇唔到我無件事。

greentea000

回覆 October. 的帖子

老豆既價值就係同阿媽有唔同睇法。

我見同事既家庭，仔女教育極少數係老豆有話語權，一直都係阿媽包辦。老豆一出聲多數都俾阿媽話太寬鬆/唔識教，兩人一係爭吵，一係阿媽叫老豆唔好理，久而久之，老豆為左家庭和諧就放手(放棄)。到阿媽理唔掂就推個老豆出黎，或者怨個老豆唔幫手。

greentea000

一個長期無得理仔女問題既老豆，突然被阿媽推出去做炮灰，個心係好唔情願既！

正如無啦啦要你執個爛攤子，唔通你會好開心好著緊，梗係話之佢啦！

October.

greentea000 發表於 17-3-25 15:06
回覆 October. 的帖子

老豆既價值就係同阿媽有唔同睇法。

哈哈。。。
可能男人比較理性惜言，不輕易開口鬧人及批評，對仔女尤其兒子既榜樣作用係潛移默化的，我老公好肯同個仔傾偈交流，天文地理咩都講一餐，仔考IS返來覺得一題被“陰”咗，都搵老豆討論，倆父子仲經常一起做運動一起四圍去。我老公本人中意睇書， 但唔會要求個仔都睇多d書，考試分數無論高或低分，返來都接受，我經常講，咁既老豆當然不會得罪仔女啦，醜人都係阿媽當。

greentea000

回覆 October. 的帖子

男人睇重自尊，唔係咩大件事大原則係比較少鬧人既，尤其對方又係男仔。我覺得阿媽鬧我就好無節制，用字又刻薄，似係發泄佢自己情緒多Ｄ。

你老公做到求同存異，非常好。大家都有興趣運動咪一齊做囉，自己愛睇書又唔勉強個仔。成績既成事實，唔接受又可以點？再講你老公唔鬧你都會鬧，唔通兩人一齊鬧下次成績好雙倍？


有時阿媽鬧完我叫老豆都話下我，老豆就話唔做醜人，阿媽就更嬲轉去鬧老豆。我都幾感激老豆架，無鬧埋我一份又幫我擋煞。所以如果我有時表現過左火位，只要老豆望下我，未出聲我已經收斂。

shadeslayer

父母一凹一凸剛剛好。

greentea000

親戚女Y終於做左初步測試，屬於"行為衝動">>>患者的自我規管能力較弱，在玩耍或說話時往往無法自我抑制， 因此經常騷擾別人，亦難以安靜地輪候。
Y既小學無參加學習行為輔導計劃，係咪唔同學校講住比較好？