閱讀派的完勝、練習派的潰敗、未來香港語文的大躍進

Vanadium

回覆 sarahdad 的帖子

閱讀當然好，但你感受到你把閱讀的題材收得很窄了嗎?

不斷只種甚麼，就只有甚麼種出來，不斷讀英文書當然英文好，但會不會就真的只有英文? 大量閱讀不是問題，但大量閱讀全是英文，全是英文童裝故事，閒來還重播仍是英文故事朗讀本，我在想....長大後的結果會是怎樣。

其實我是實實在在見過不少這種結果的，在此不想多說。 當然，社會需要一班英文好的人，但很難想像社會全是由小到大經過大量閱讀英文文學作品而有高英語水平的人。

閱讀是小朋友吸收知識相當相當重要的途徑。還是這句: 讀的是甚麼，將來也會懂些甚麼。

我個人極支持閱讀，自己小學時已把公共圖書館其中一整排櫃的書全看過了一遍，但幸好父母不識字，沒指定或引導我要看甚麼，我可自由選擇，我自問年少時閱讀速度極快，但不是為語文，而是體會書本是知識的寶庫，每看一本書，就懂多一點東西，對世界明白多一點，很開心。

公共圖書館大都有小朋友區，我見到今天，就像我童年一樣，不少小朋友都在打書釘，小的有父母陪伴或伴讀，大一點就自己隨意找書看，我子女大一點也會帶他們做相同的事。

sarahdad

Vanadium 發表於 17-1-5 20:31
回覆 sarahdad 的帖子

閱讀當然好，但你感受到你把閱讀的題材收得很窄了嗎?

其實女兒讀的是以中文為主的小學, 吸收知識以中文為主, 女兒亦會涉獵各種題材的中文書籍,
女兒剛滿八歲, 我暫時覺得以閱讀英文小說的方法，去學習英文沒有不妥，而且效果很好。

shadeslayer

jumphigh 發表於 17-1-5 17:39
得罪講句，只要有讀過書的人，誰不知道阅讀的好處？？就是家中只有小學程度的長輩，也懂自少叫我们多看書 ...

得罪講句，全人類也知減肥最正確方法，係多做運動，正常飲食。但奇怪地，一些減肥秘方，減肥療程，減肥成藥，減肥手術，減肥食品，推脂搣脂套餐，十分受歡迎。推廣減肥產品的人經常說，不要神化「多做運動，正常飲食」，不是適合所有人的。

Doray

jumphigh 發表於 17-1-5 21:36
我未聞有推廣減肥產品的人會反对做運動喎！反而會表示配合適量運動則效果更佳喎！
...

佢係用梗借喻，話閱讀比做練習對提升語文能力有更佳效果。呢點其實我是認同，尤以英文為甚。

Doray

Vanadium 發表於 17-1-5 20:31
回覆 sarahdad 的帖子

閱讀當然好，但你感受到你把閱讀的題材收得很窄了嗎?

其實我是實實在在見過不少這種結果的，在此不想多說
我反而好有興趣知道是什麼结果……

Doray

jumphigh 發表於 17-1-5 17:39
得罪講句，只要有讀過書的人，誰不知道阅讀的好處？？就是家中只有小學程度的長輩，也懂自少叫我们多看書 ...

話雖如此，身邊親朋全部都是讀過書，但真正能effectively 引導小朋友愛上閱讀都唔係個個得，其實真係好花心機同時間，而眼見能夠係小學能愛上閱讀，turn out 中學或大學均十分出眾。

Doray

jumphigh 發表於 17-1-5 21:56
我當然知佢想比喻，我就正係指出佢的不恰當

咁樣樣Push 到咁Extreme 都唔得恰當

Doray

jumphigh 發表於 17-1-5 22:07 咁即係你身邊的人都知道阅讀的好處，而不是eviepa「發現」啦！

其實Eviepa 都係引起大家討論的興趣，講真，尤以宜家小學的癲的程度，要真正keep 到小學仲有閒情逸志去閱讀都唔係容易㗎……

Vanadium

回覆 sarahdad 的帖子

我沒意見的，即使最後真的有人要子女把大部份時間閱讀英文故事，其實也不是問題，每個人都不同，個人取向讀故事並無不妥，但此post推廣為提升英語而大量讀英文故事，若然成功，就不是每個人都不同，反變成每個人都一樣，就是英文童裝故事人，個人感覺挺可怕。
8歲不小了，其實很多知識都能明白，再大一兩年若不喜歡天文科學，大都會對歷史故事有興趣，我還記得我9、10歲時都看過三國演義等小說，當然是少少漫畫版，當時覺得真的很好看，未上中學已是金庸、衛斯理迷。當然，若女仔真的只愛看想像式的英文故事，那其實也沒必要改變，亦未必改變到。

sarahdad

Vanadium 發表於 17-1-5 22:17
回覆 sarahdad 的帖子

我沒意見的，即使最後真的有人要子女把大部份時間閱讀英文故事，其實也不是問題，每 ...

金庸的射雕英雄傳, 原版的西遊記, 女兒早已看過，不需你操心。

// 每個人都一樣，就是英文童裝故事人
有什麼可怕! 全球有幾億人看哈利波特, 可怕嗎? 幾億人有共同話題, 不是更好嗎?

serinac

jumphigh 發表於 17-1-5 17:39
得罪講句，只要有讀過書的人，誰不知道阅讀的好處？？就是家中只有小學程度的長輩，也懂自少叫我们多看書 ...

你係侮辱緊其他家長吖？定係講嘢太離地？香港由1971年開始實行小學6年免費義務教育，到2009年擴至12年免費義務教育，即係話衣宜家40歲或以下的父母，絕大部分有小學至中學程度，佢地有冇讀過書？但係小學裏，主張做練習或補習的家長還是佔主流。阿媽係女人，相信冇乜人會懷疑，閱讀對讀書有幫助，他們也大多知道，點解佢地唔去選擇？

比較大路嘅理由係，只要肯比錢，做練習和補習既省力又見效快，閲讀？講就天下無敵，做就有心 無力⋯⋯你話呢班父母，算唔算功利？我有時係餐廳食lunch 時，都會聽到阿媽囉嗦啲仔女，講：「都叫你睇多啲書架啦！又唔睇。」「你啲讀書報告做左未呀⋯⋯」，甚至有啲比手機小朋友玩，我心諗：「你有冇自小培養小朋友閱讀興趣和習慣啊？自己有冇只掛住睇電視玩手機，由得小朋友自己做功課呢⋯⋯」

現今社會環境同三十年前比，家庭富裕得多，小朋友物質、資源豐富得多，同時誘惑也多，那些家長不要再說，自己以前點清貧、爸媽不識字，靠自己努力也讀得上大學了⋯⋯現實係小學競爭大，升中程分時，真係一分都不能少，才有機會保留B1位置，保留自行時的選擇權，才有機會入心儀中學。上星期我才見一直資小學校長3rd in, 他問：「乜宜家K3 數學已經教到雙位數加減單位數喇？」我答：「係呀，因為宜家小一面試啲題目越嚟越深嘛⋯⋯」

所以閱讀興趣越小培養越好，成效越高班越明顯。如果能有多啲家長分享自己的實踐經驗，相信對有心的新手家長來說，實在大有裨益。

Vanadium

回覆 Doray 的帖子

講一個很近的實例……朋友個女，經常一齊食飯。她很喜歡英文，自小看書、睇電視、聽歌全英，英文水平當然非常高，中四考IELTS，全線8.5至9分，要強調，家庭絕對廣東話家庭，一句英文都唔講既。

但此同時，中文水平差就必然，但一直主要看英文故事書，對中國歷史及人物可謂近毛澤東都未知邊個咁濟，更唔好講天文科學，佢係完全理解唔到果隻。讀文科，因語文底好成績唔差，考DSE相信會考得好，但若討論時事或人文學較複雜慨念，唔知係咪唔識，因實情係無諗過。

其實我識唔少係咁，但同樣識唔少人係全面得多，即使我幾10歲人，同部份朋友同樣中四既仔女可高談闊論，佢地講d points可以令我覺得有見地、有思想有深度，真係即使英文差少少，但好唔同既感覺。

當然，呢度EK既家長仔女，或就係最全面果d，又英文勁又知識廣闊，我講果d只係個人覺得極端之例子。

(後記: 諗諗下果位朋友個女雖然讀九龍一間津貼英文中學，但英文都可以咁好，幾勁，但諗真佢又唔係成日英文小說書不離手，都成日睇電視睇電影，不過必定英文.....除左閱讀，似乎都有其他方法學英文可以學得好。)

serinac

jumphigh 發表於 17-1-5 23:12
主張做練習、去補習的是主流？？主張阅讀的就只有eviepa等人？？？你这结論何來？？？？我已講過，正常讀 ...

//主張做練習、去補習的是主流？？主張阅讀的就只有eviepa等人？？？你这结論何來？？？？//
真係唔知你點理解我嘅說話？還是我詞不達意？我有講係小學裏（係全港小學呀，唔只係直私），做練習/補習係主流，但冇講過「主張閱讀就只有eviepa 等人」。相信係你心中所想，但唔好偷換概念，強加我頭上哦⋯⋯

//正常讀過書的都知道阅讀的好處//
言下之意，唔知閱讀好處的就冇讀過書？咁香港政府自1971年開始的6年免費義務教育，就真係浪費納稅人的錢喇

//你不是也知道阅讀的好處吗？我眼見好多學生有做練習又愛看書喎！！可能你唔好彩見唔到掛！//
我女兒和她的同學，既愛大量閱讀也做少量練習應對考試，只係我也認識很多朋友、同事的小朋友在官津小學讀書，他們看到的，主張做練習、去補習的是主流，呢點先前也有其他網友在另外的post提及。或者你可以認為我只看到事情的部分，不是全部；又或者我孤陋寡聞，認識少。不過，有一點我承認，我真的只靠感覺，沒有確實統計數字給你印證

Vanadium

回覆 serinac 的帖子

其實小學老師點唔知閱讀比做練習好...........我可以好肯定講，over 90%佢地係迫於無奈做練習。

呢度成個post討論最唔到位，就係唔明白個人或家庭，同社會所有人既分別。呢度主張得閱讀既，一來肯定家庭唔係基層(即英文都唔識多個果D)，二來都有心教仔教女既。 學校唔同架....學校係社會縮影，特別津校，咩人都有，講閱讀、仲要英文? 講叫屋企講少句粗口、呀爸呀媽嘈少句交都難呀。 OK....無功課/少功課，叫小朋友返屋企睇英文書，實唔睇啦! 屋企有邊個管及教住佢地睇? 佢地唔睇又如何? 點評核佢有無睇過? 一少功課少練習，部份小朋友仲唔去左打機? 果D家長識管佢地....投訴學校咁少功課，小朋友無野做添呢。

麥明詩話佢間女拔好，少功課，比佢好多閱讀既時間......我識人教女拔，佢話....D學生莫講少功課，上堂你唔教書都得啦，個個有紀律、好學、高能力、有高尚家庭照顧，根本同普通津校兩回事。

呢度不斷有人話閱讀學英文係高效能，真係恕不能認同。 閱讀英文故事/小說要用幾多時間? 讀一本書要幾耐? 幾個鐘....幾日...幾星期? 其實一D好既練習或筆記，若個小朋友係好認真去做去理解，真係或可以更短時間掌握精要，做到唔錯既效果(講學日文、韓文、咩文都好....何嘗唔係咁做?)。但要去到更高層次，越要花更多時間(近似經濟學上既marginal cost)，如閱讀咁。 所以，做練習同閱讀，做練習或可更有效去到某個位，但要更上一層樓，非多睇多聽多說不可。所以，講到底最高效能學英文，就係係一個純英語既自然環境，即英語國家，行到邊講到邊睇到邊，全部英文一個中文字都無，真係自自然然、比你有抗閱讀症，英文都唔會太差。

好多學校強調做練習，就係呢D原因，對無家庭支援、無心閱讀(即懶)既學生，又要佢地有一定英語能力，做到D英語基本野，做練習可以話係惟一出路。

若講公開試，單用筆記、記精華、背句子、睇範文、做練習，即使一D都唔睇英文小說，的確都有機會DSE攞到5或以上成績，5*、5**都見過，講效率，即以 成績除以時間，其實做練習真係未必輸比閱讀，個人主觀覺得有唔少機會係贏。 (但強調英文真功夫一定比長遠閱讀既差...)

係呢個post講左好多了，其實真係講得太多，過埋今晚都要收一收，有興趣既大家繼續。