想請教如何令小孩有上進心?

Jane1983

回覆 homeuser 的帖子

你女仲細，你而家再調整方法都吾遲。個個小朋友都吾同，做父母都係邊做邊學，你聽完大家意見，有改良的心已經係好開始。

eviepa

greentea000 發表於 17-3-2 23:53
我一直認為我對阿媽既反抗老豆多少有教唆。

係小六升中一既暑假有傾過，老豆無承認亦無否認，係 ...

看過妳的文章，我很有共鳴。

「天下無不是之父母」，千百年來是小部分極之不是之父母的擋箭牌。在EK，我所看過，會去力數父母之不是的，記憶中除了我自已外就只有妳這一次。

人類文明要進步，過去的錯就不要再犯。如果我們用「天下無不是之父母」、將孝道提升到教條一樣的「百行孝為先」，不肯批判自已父母的倒行逆施，到自已成為父母時，就容易用最寬鬆的標準對待自已，用最嚴苛的標準對待子女，將上一代的錯誤一代一代傳下去。

Tintin926

Jane1983 發表於 17-3-5 10:12
回覆 homeuser 的帖子

你女仲細，你而家再調整方法都吾遲。個個小朋友都吾同，做父母都係邊做邊學，你聽完 ...

但睇佢的回覆，佢個心似係改良怎樣將個女再搾乾d喎！

miujoey

如果我個女唔使好用力好輕鬆咁可以考到九十幾分我已經好滿足， 仲可以強求啲乜嘢

homeuser

wan_sosin 發表於 17-3-5 09:26
本帖最後由 wan_sosin 於 17-3-5 09:27 編輯

現實係有在父母老師面前扮乖嘅小朋友，呀媽話做練習就去做 ...

呢d小朋友我都見過，係好得人驚，但片中小朋友係想父母死， 攞佢地身家，仲得人驚

homeuser

Jane1983 發表於 17-3-5 10:12
回覆 homeuser 的帖子

你女仲細，你而家再調整方法都吾遲。個個小朋友都吾同，做父母都係邊做邊學，你聽完 ...

好多謝你， 可以具體切實感受到你係好識鼓勵和包容， 你的女女們，甚至你身邊的人都很幸福

homeuser

IloveJJ 發表於 17-3-5 10:32
其實係咪你覺得你女好似唔係好肉緊，好用力，咁你就想佢有盡力既感覺。但你女可能本身都好叻，唔係好出力 ...

係生活態度，我怕我一放手， 佢就頓失分寸，所以好想佢可以係自己要求自己，冇我係身邊，一樣做得好

little_yolky

homeuser 發表於 17-3-5 00:48
我其實對佢要求真係唔算太高，佢如果可以在8點15分前完成功課， 就可以去公園玩，完成唔到就留在家，但唔會 ...

我都覺得自己要求唔高, 仲覺得自己係象媽, 但就唔係好明白, 大家都覺得我係虎媽而已。我對小朋友, 外人個個見到眼睛都閃閃發亮, 就連唔上進既阿細, 家長日連班主任都話, 如果佢第日自己個小朋友好似佢咁乜都自己嚟, 保持到咁既成績, 佢都十分滿意。咁我係唔滿意, 有咩辦法, 但我知道佢哋係咁, 一個資質問題, 一個性格問題, 我甚至唔揀間升B1率高既小學, 所以我真係覺得自己要求唔高, 不過唔知點解大家都覺得我要求太高。咁, 我都吾日三省吾身, 始終人哋雖然係外人, 但旁觀都清, 當局都迷, 自我反省, 自我調節教育方法同期望, 係我不時都有做既。

我要求真係唔高架。

greentea000

homeuser 發表於 17-3-6 00:37
係生活態度，我怕我一放手， 佢就頓失分寸，所以好想佢可以係自己要求自己，冇我係身邊，一樣做得好  ...

你女仲細，未領略到自我要求咁高境界，快既都要小五、小六佢先會思考呢個問題。

greentea000

little_yolky 發表於 17-3-6 09:42
我都覺得自己要求唔高, 仲覺得自己係象媽, 但就唔係好明白, 大家都覺得我係虎媽而已。我對小朋友, 外人個個 ...

要求高唔高要睇同咩比較。homeuser係要求分數，個女自己同自己比較，比上次進步就可以。我媽係要我考第一，同全級比較，相比之下要求更高。全級可以有N個95分，但只有一個第一。

little_yolky

greentea000 發表於 17-3-6 10:45
要求高唔高要睇同咩比較。homeuser係要求分數，個女自己同自己比較，比上次進步就可以。我媽係要我考第一， ...

拿, 自己同自己比呢樣嘢又係自己呃自己既。今次95, 下次94, 咁咪退步囉。今次100, 下次99, 咪退步囉。所以, 我阿女舊年考級69, C6同阿女講, 哇, 真係好喇, 考到中間, 有人叻過你又有人差過你, 而且, 你有68名進步既空間, 無咁辛苦, 如果你考第一, 年年都諗住自己要考第一, 做人會好辛苦架。

我响旁邊聽到O晒咀。但佢又不無道理。That's why响佢既眼中, 我係虎媽嚟, 但响EK既媽媽中, 我堅覺得自己係象媽。

little_yolky

homeuser 發表於 17-3-6 00:37
係生活態度，我怕我一放手， 佢就頓失分寸，所以好想佢可以係自己要求自己，冇我係身邊，一樣做得好  ...

咁你要早D放手, 因為初小分數係no big deal, 不過, 放手之餘緊係要遠遠望實, 又唔好俾佢知你望緊, 唔好俾佢知你著緊。做得好表現好開心, 做唔好就唔好有大反應, 叫佢下次再努力, 等佢知係自己既事嚟, 阿媽唔會理你。呢招我由小一開始做, 阿女都要到小三至掌握得好, 今年小四仲會預習添。最緊要係唔好俾佢覺得皇帝唔急太監急, 所以要早D做, 到高小要呈分, 你就無勇氣再做了。

little_yolky

IloveJJ 發表於 17-3-6 11:00
睇返你呢段野，我覺得你女唔係有無上進心既問題，係唔想用腦既問題。如果佢咁容易就攞到90分，佢唔出力都 ...

呢樣又真, 用腦要由生活開始, 阿細由細到大用腦整蠱家姐, 所以佢做數一講就明, 要用腦果D反為好D, 簡單加減就死得最轟烈。中文就最鐘意做重組句子, 叫佢抄寫佢可以做45分鐘。

greentea000

little_yolky 發表於 17-3-6 10:59
拿, 自己同自己比呢樣嘢又係自己呃自己既。今次95, 下次94, 咁咪退步囉。今次100, 下次99, 咪退步囉。所以, ...

自欺欺人呢招我好早就用過，上學期特登考差D，跌出頭20，自制進步空間，下學期正常發揮，入返頭10。咁咪搏得阿媽表揚有毅力有上進囉，唉！力係我度，出幾多力阿媽鬼知咩！

little_yolky

greentea000 發表於 17-3-6 11:17
自欺欺人呢招我好早就用過，上學期特登考差D，跌出頭20，自制進步空間，下學期正常發揮，入返頭10。咁咪搏 ...

所以, 我咪話你阿媽over咗囉。我唔覺得我自欺欺人架。我細個讀書時, 我攞唔到100分係唔會滿足的, 但我係自我要求, 唔係父母要求, 我阿爸阿媽唔理我架。我唔會接受自己有能力但考得唔好的。但係, 對於小朋友, 佢係另一個個體, 我去考就科科一百分啦, 但佢唔得丫嘛, 所以, 我會根據佢哋既能力調整我既期望。其實我真係無乜要求架, 我唯一既要求就係盡力而為。咁家姐都好盡力既, 阿妹個進步空間就仲有好大。

我無教佢哋自欺欺人, 我係教佢哋知足者貧亦樂。唔係下下要考第一, 下下要考滿分既, 自己能力係咁, 盡咗力就得了。不過, 呢個諗法可能會削弱咗佢哋以後响社會向上遊既能力..................唔好理咁多, EQ萬歲！