不如組織一個 BK 港版DWE User Fans Club! (教材使用意見/Everyday with Zippy))

Ho_Ho_ma

littleparent,

我想問問妳的工人是否賓賓, 當初我都是這樣對我的賓賓說,佢是每天都準時比我個仔睇DWE,但是佢就無心情同我個仔一同收看, 成日掛著講電話,我放假幾日,我個仔識講的野多過跟佢成個月, 後來我同佢講妳要同佢講多的野, 之後就好的,不過playgroup個miss同我講我個仔的英文有的菲律賓的口音. 遲的我會同個仔返英文併音班,因為我現在的工人是印印,英文口音重差. 激氣. 不過我想問下妳個囡囡的廣東話說得好唔好多唔多, 我個仔的廣東話比較差, 似鬼佬講中文咁. 每晚我都唔知同仔仔講廣東話多的定英文多的,我老公又唔是成日在屋企, 幫唔到手, 而且幼稚園老師話仔仔的廣東話差. 現在只有讀中文的讀寫班, 學多的廣東話, 我就同仔仔中英對照咁講野呢. 做媽媽真是唔易做...

小B媽咪

Ho_Ho_ma

其實你比我好,起碼小朋友係屋企住,我小朋友只係o係星期五晚返屋企住,相對性用DWE機會會比小朋友無咁多,仔仔未返學前,毎晚我都會用半個鐘同小朋友玩DWE.  星期六就同佢返playgroup,上學途中咪係巴士同MTR中同佢講下英文如唱歌仔/講故仔. 只要你能時時刻刻同小朋友講英文,都小朋友大咗自然會有能力講出來.語言呢樣嘢要不停去聽同講至會精.

我唔敢我小朋友英文好了得,只不過佢o係學校老師個個都話仔仔英文程道上係無困難,仲好主動進同外藉老師講話.但係中文寫字上要加把勁.

只要你唔好放棄,三十分鐘都係好好學習時間.加油啦!

littleparent

Ho Ho Ma,

我工人是印印, 英文都是一般, 但廣東話都Okay, 我囡囡約2歲8個月, 都不太懂說話, 英文還叫好些, 單字發音很清析, 終日唱英文歌, 說許多應該是英文, 可惜我都不明白。 至於廣東話, 她說得好似西人說中文, 挍笑得很 !!!

其實我不知對囡囡說甚麼語言, 說廣東話也不知她明不明白, 唯有廣東話說, 中間夾雜英文單字, e.g. 食egg, 食apple, 食orange, 同隻cat玩, 同mummysleeping等等不中不英的語句, 我都不知道如何是好 ??? 幾予盾 !!!   小B媽咪, 您又甚麼高見, 分享一下。

Ho Ho Ma, 您仔仔從幾多歲學DWE ??? Okay嗎 ???

little parent  

YY（芝芝媽咪）

littleparent：
我都有用DWE，已有年多了。因為我奶奶每天都來我家吃飯，所以我要芝芝不但學英文，還一定要跟麻麻講廣東話（之前奶奶曾投訴個孫只會講英文）。目前芝芝懂得很多字的中英文名稱，例如眼耳口鼻手腳、交通工具、顏色、形狀、動物等。中文和英文對答也可。

我沒有「全天候」聽和看DWE，每天只劃定某些時段聽和看，其他時候會聽電台、看電視新聞，晚上陪女玩，我也由得她選擇看書、玩卡、唱歌。

個人意見是，我們一家始終在香港生活，中文和廣東話一定要學好。

Ho_Ho_ma

妳個囡的情形和我個仔一樣, 我個仔由六個月大開始睇DWE, 現在三歲半. 我個仔舊年考幼稚園好彩佢出生個年的出生率底,差的考唔到,要考的出名的中英文幼稚園就fail, 因為廣東話唔好. 妳個囡都是諗住讀國際國校的幼稚園呢,都無咁擔心. 但是唔好一半中一半英咁同個囡講野,囡囡學講中文或英文都會慢的,因為我個仔的廣東話到現在都是外國人講廣東話咁. 學校重差的以為佢有語言障礙,好彩佢的英文音正.(不過佢講國語音幾正). 我現在要同佢返中文的讀寫班, 攪好的中文先至讀英文興趣班.因為我在屋企要同佢玩DWE.

leshita

我囡囡好似暫時都無你地既問題．你用英文問佢，又或者叫佢做野都可以做到．

其實我覺得唔須要太擔心他們的中文程度，始終大家都係係一個中文語系的社會生活，學中文十分容易，廣東話更加易，打開電視機就得了．

其實我反而覺得要小朋友不要用口語作文會難一些．

Ho_Ho_ma

YY（芝芝媽咪）,

我晚上都有同仔仔睇中文電視, 但是佢只識背電視及廣告的內容, 但是就唔識得表達只識背. 去到superｍａｒｋｅｔ就每件產品咁讀．不過我日間就只有印印，佢的中文及英文都唔好，所以晚上只好和仔仔講多的英文，至於中文就為有靠返學及興趣班裹學．　

小B媽咪

Littleparent

"高見"實在太過抬舉我啦!我只係將我自己o既嘢同大家分享.希望你哋用得着!

因為囝囝平日係比親戚照顧,只可以星期六,日或假期才在家中住.所以平時係親戚家中,我會盡量抽三十分鐘同佢用英文講故仔或玩遊戲.不過,有時我會同佢講中文故事,因為囝囝毎星期都會o係學校攞本故仔書返來.通常我再重複呢個故事時,我會問佢一些問題,這樣做可以比囝囝佢練習佢既說語能力.假使佢表達唔到,就比少少提示佢,等到佢答中時,就大量誇張地讚賞佢.久而久之,小朋友會勇於常試講話. 可能當你囡囡差不多到我囝囝咁大時,佢仲會講返故仔你聽添!不過千萬唔好太過高要求,因為講得未必太流利啊!

最後你囡囡都係得嗰兩歲幾,回想返我仔仔嗰陣時都係唔好識點講中文,一講就會將啲字句全部掉轉哂o架!返咗幼稚園就好好多o架啦(除國際班).放心啦!

Ho_Ho_ma

雖然我唔知你小朋友讀邊間幼稚園.如果學校無故仔書比仔仔返屋企,你可以去圖書館借.試下呢個方法行唔行得通,幸好佢係屋止住,唔會好以我咁慘.記住做呢樣嘢要一段時間至可以見到效果,好似用DWE一樣.

大家加油啦!

leshita

你地有沒有人去Christmas Party?好似好多人會去咁，我個親戚去報都話要Waiting List，要１５號先知有無位．

有無人報左？

我去２１號，３：１５分．

YY（芝芝媽咪）

leshita：
我今早打去熱線查詢，知道20/12有得去，但未知是11am（1st choice）還是15:15pm（3rd choice）。

你有沒有報名參加「Zippy under the sea」？

littleparent

Ho Ho Ma,

請不用赫我啦 ??? 平日雖然說話夾雜中英文, 只不過用key word說英文, 但全句sentence是中文, 應該沒問題嗎 ??? 我不致於拖慢囡囡說話的能力掛 !!! 沒有這麼嚴重 !!!

小B媽咪,

我若然是您, 一定掛到自己親生小孩發狂了, 每日相聚時間實在太短, 我想您必定很想您個兒子。 其實小朋友跟親戚住, 多個機會去學語言, 而且您仔仔這樣年幼, 就懂說故事, 的確相當不錯, 當然不能抹剎這個用心良苦的mummy。

致於我真是一個懶說話的mummy, 平日只跟囡囡走走, 跳跳, 抱抱, 親親, 吹泡泡, 踏單車, 游水, 捉迷藏等等遊戲。 說話方面較為小, 反而日常跟囡囡說得最多就是個工人, 說起來真羞恥 !!! 這個懶mummy, 真不要得。 囡囡說話較弱, 我也有部份責任, 也不怪得誰 !!!

little parent

leshita

YY（芝芝媽咪）

我都有打算去「Zippy under the sea」，不過未報名．　其實呀囡好鍾意睇Show，不過我只怕她忍不到９０分鐘咁長，會要走來走去．

你又報左未？

Ho_Ho_ma

littleparent,

我都是聽一些兒科專家及幼稚園老師講的, 這樣會令到小朋友唔知幾時用中幾時用英好, 最好鑰定邊個講中文同邊個英文, 如果唔得就最好全句都是一種話言,唔好一句裹面兩種語言都有.

Ho_Ho_ma

小B媽咪,

我都有用學校的故事書同個仔講故事,問下佢問題, 但是佢一時有心基聽一時就不耐煩,又或者只喜歡睇死一本故事書, 比佢悶死. 不過佢在屋企會講多的,但是在學校對著個老帥就好似唔識講中文.成日好似唔明個老師講什広.但是英文堂就一的問題都無. 成本故事書在學校教完,我再同佢講多次佢好似第一次聽咁. 但是我同佢講完問佢又識得答, 在學校每朝都會叫每個同學的名叫早晨. 都唔知佢點解咁古怪, 今個星期六是學校的家長日我要同佢個老師硏究下.

小B媽咪

Littleparent

你太過過獎啦.我其實真係好掛住佢o架!不過,揾食艱難,老公又相唔過啲賓賓,為有到佢升小學至帶佢返屋企住.哎!佢毎晚見到我都會問同一樣啲 Mummy, go home tonight? 哎!你話個心"up" 唔 "up" 呢?

好老實,我自己都唔係太識同小朋友溝通.謂有用講故仔同佢溝通.有時我會放啲公仔係佢隔離扮同學仔,等佢同啲公仔玩搶答.都幾得意.

大家一齋努力啦!

leshita

Ho_Ho_ma

我同囡囡都係睇死一本書嫁，其實都無所謂的，因為目的都係想佢鍾意看書，同埋會自己去攞書睇，所以邊本都無所謂．對不對？

小B媽咪

Ho_Ho_ma

小朋友年紀細你咁o架．有時我個囝囝無mood都無閃咗．去你又或者試下放幾個公仔扮同學仔，好似我之前個message 睇下有冇做啦．

你小朋友o係學校唔講嘢，未必代表佢係學校唔明老師講嘢．有時小朋友係屋企同係學校係兩個唔同o既人．好似我囝囝咁，喺學校係一個好靜派o既人，佢唔會主動答問題，不過老師細細聲問佢，佢就會答．但係o係屋企就好似隻老虎．

你咪等到家長日同老師傾下，詢問下佢哋o既意見啦！

Ho_Ho_ma

leshita,

但是我有一次聽兒童講座的專家話, 要耐不耐加的新意思比佢. 小朋友要開始比的選擇權佢, 但是要是妳先選兩行然後再比佢選. 如果任佢選,選得妳認為唔好又EJECT, 佢會覺得妳假民主. 所以我個仔近來成日睇死一隻DWE的VCD, 我就開始每次要睇VCD的時侯我都先取兩隻VCD給他,如果唔選就無得睇, 結果OK重睇得幾開心.佢又無唔開心.

Ho_Ho_ma

小B媽咪,

我個仔間學校的老師只張個問題話比我聽,但是又無解決方案比我. 佢只是話比我聽上堂問我個仔的問題, 佢就眼光光望住佢好似唔明老師講什広,當佢用英文同我個仔講, 佢就識得做, 所以佢就中英對照咁教佢. 但是我覺得好似唔是咁好.
另外我都有同佢玩上堂, 但是佢好似唔是好喜歡玩,而且好似唔知我做緊什広. 可能我演繹得唔好佢唔知我做緊什広. 遲的再試下用另外一的方法演繹. 努力!

littleparent

Ho Ho Ma,

聽您所說, 做Mummy都幾頭痛 !!! 您仔仔自幼較少聽廣東話嗎 ??? 您亦較少用廣東話溝通, 對嗎 ??? 若然是的話, 那怕我會舖您後塵。

您仔仔說甚麼語言 ??? 會不會看中文卡通片對他有幫助 ???

對放這方面, 我想我跟您情況差不多, 賜教賜教 !!!

little parent