旺角基督教服務處雋匯幼兒學校

fionkwok

waiwaichu2003,

我之前都買咗隻猪仔公仔俾佢, 又係覺得大得濟! 唔通又要買過? 我可能縫條手巾就算啦! 因為我女訓覺鐘意攞住手巾來訓架!
係咪2張都要縫個公仔 --- 我都唔知喎!   
我妹話有d底衫係有d細"龍"仔架, 個d都好快乾喎! 仲有, 如果你想用毛巾仔, 有一隻款你雙面既, 一面好似bb紗巾咁, 另一面就係毛巾仔咁, 好用d架!  

YENCHAN

waiwaichu2003 & fionkwok,

我老細真係賠償我地就最好啦...不過佢呢d人為左慳得1蚊得1蚊...所以唔多唔少都要我地蝕d比佢架喇...如果唔係蝕太多,我地都唔想搞到咁煩...更加唔想等1年先收到錢啦...
唉~~如果佢太過份...呢1年都要捱下先喇...

waiwaichu2003 寫道:

YENCHAN,

咁你而家返工,仲駛唔駛做野ga?

做野架~睇野黎做law

係la!我琴日做左name label喇!想問除左2張被,床單及被袋外,仲有d咩要寫名ga?校服,運動衫褲,底衫褲,毛巾..,要嗎?

要架~~如果小朋友瀨左尿尿...冇名驚撈亂呀!!

仲有呀!返學要帶幾條毛巾仔,size幾大度呀?

方巾仔都得架喇...帶2條,一條攝係背脊,主要索下條頸d汗,同埋熱起上黎,嬸嬸會用黎幫佢沬汗架!!另一條方係書包外格,比佢自己拎黎用架!!

waiwaichu2003

fionkwok,

咁搞笑ga,縫條手巾係張被度,我聽人講有d小朋友喜歡握住媽咪d頭髮瞓覺,莫非果d媽咪要剃d頭髮貼係張被度,哈哈哈哈哈~~~大人有大量,講笑啫,不過,既然你囡囡喜歡,冇辦法la!

waiwaichu2003

YENCHAN,

明白晒,thanks!
咁你有冇開始搵工呀,既然可能要拖到咁耐先settle到,騎牛搵馬先la,加上黎緊又有一批畢業生出黎搵工,要快馬加鞭la!

waiwaichu2003

收工la各位,明天見!

YENCHAN

哈哈~~我個仔由細到大都好鍾意攝隻手係我條頸後面訓架~~咁我咪要切條頸出黎law :tongue:
嘩~~哈~~哈~~     

fionkwok

yenchan,

咁又唔好! 我地仲未相認架! 遲d啦! 遲d等我地相認咗, 而你又覺得有咁既須要, 我地都唔會反對既   

YENCHAN 寫道:
哈哈~~我個仔由細到大都好鍾意攝隻手係我條頸後面訓架~~咁我咪要切條頸出黎law :tongue:
嘩~~哈~~哈~~     

講笑咋! 唔準嬲架!

10396

我連續陪女女返左三日學,佢好似開始習慣,而我亦教左99一d方法,例如見到佢想喊即刻引開佢注意,同佢唱歌,同佢傾其他野等,今日開始由99帶佢返學,已經無喊la,辛苦左三日終於有成果喇!

zimba,您個小朋友都好乖,最後都冇喊, 仲同您講bye bye tim,

zimba, fionkwok多謝您地關心

zimba

10396,
恭喜你呀!女女唔喊真係安落哂!你教你99個d方法真係有效架, 我朝早同小b返學前都會講返佢返學時d搞笑野, 等佢諗起返學d開心gei事. 不過我諗最主要係佢哥哥係裡面, 佢有時都會話我知佢係學校搵哥哥架.
小b今日係第2日返全日呀, 希望佢係學校ok啦!

我多口一句,建議你地準備返2歲班gei小朋友, 可以試下開學前一齊玩幾次喎, 等佢地返學時冇咁驚.

fionkwok

10396,

真係好啦! 小朋友返學唔使喊啦! 咁就唔使擔心啦! 所以我覺得好多時都係父母既態度問題, 只要大人下定決心, 小朋友係feel 到既! 不過, 講係咁講, 到自己個女返學, 唔知會唔會好似你咁, 個心都係唔舍得呢?   

fionkwok

YENCHAN,

今日同老細傾成點呀? 希望有個好結果啦! 有消息就通知我地啦!

fionkwok

waiwaichu2003,

我頭先都去咗做name label啦! 佢原來做埋今日咋, 好在今日去咗, 明日佢地已經搬去 causeway bay 啦! 我做咗兩樣, 一條名字織布, 一款貼紙! 係啦! 尋日睇過原來校服入面有個label係可以寫名架, 不過運動衫就冇得寫, 我諗住有得寫果d我就用不退色筆寫, 冇位果d至縫label, 費事釘咁多, 因為我d手勢都係麻麻地!

twins,

我地都做曬name label 啦! 你點呀? 你之前真係好多野未做喎, 去咗bodycheck 同打針未呀? 公司仲未忙完呀? 幾時出現呢?

waiwaichu2003

早晨呀!

10396,

恭喜晒!你就好la,囡囡咁快就適應到返學,希望我囝囝好似你囡囡咁叻就好lu!

fionkwok,

咁你啫係會縫label係邊豎呀?
係la,我決定縫今期McDonald d公仔落張被度,d size差不多,你覺得呢?
不經不覺,仲有三個禮拜,阿b就要返學la,心情有d緊張,唔單單係佢要適應,我每日個Schedule都會有轉變,希望一切順利la!

Twins,

仲忙緊呀!唔緊要la,你有時間睇下我地d post,update下我地d近況就ok ga la!
呀! 如果我下晝去pg時記得既話,我會帶埋d name label比你睇下!

YENCHAN,

點呀!同老细講數講成點呀?見你琴日冇上黎,緊係佢又有d哀野"激"親你la!希望我估錯la!祝萬事 順利!!!

zimba,

咦!coming有2個星期既假期,你諗住點同大小b安排節目呀?

YENCHAN

waiwaichu2003,

你真係醒呀~~我真係比佢激q死左呀!!
佢地尋日都唔係同我地講點賠償,而係話我地失職,總之就數臭我地啦...最過份佢話我同另一同事有路,我只係普通傾計之麻...又話我風騷,仲走去叫我老公話下我喎~~真係痴q線...我真係好嬲 一大埋莫須有...屈得就屈...咁樣損我地聲譽...真係過份!!

我呢兩個星期都要好小心...可能連上網都唔得...佢地想整死我地...

我遲d再上黎~~

Twins

Hello ALL, 我又蒲返出o黍Lu………

Zimba,
你覺唔覺好多老家都唔鍾意比小朋友返全日架?
一陣又話好陰公咁長時間係學校會好牛逗, 一陣
又話食野佢地唔識照顧自己, 一定唔會好似係屋企
有人餵咁足, 我都聽到覺得煩.

10396,
你囡囡而家幾多個月呀? 係咪剛剛兩歲到呀?
我記得我個friend係佢個囝剛兩歲既時候就比
佢讀全日, 當時佢囝囝都係日日喊唔肯返學, 終於
攪左成差唔多兩月佢囝囝先至冇野咋. 所以你囡囡
喊係正常既, 可能太細個未能及時適應o者, 唔洗
擔心既.

fionkwok, waiwaichu2003
話樣野你知啦, 果日返PG見到waiwaichu2003個囝呀,
原來幾有型同幾靚仔tim架, 下次叫你囡囡睇下o岩唔
o岩feel?
Mud原來你囡囡咁早訓架, 我囡囡成十一點幾先至肯去訓,
真係羨慕C我啦~
我仲未做 name label呀, 死啦, 原來搬左去HK side,
點好呢?
我同左囡囡body check, 而打針仲未bor.
我想問你地會唔會比抵衫小朋友著返學架?
係呀,係呀~~~我個friend話小朋友所著既衫同手巾仔都
要寫上名, 仲有鞋喎, 諗起都好似好多野要做咁.

YENCHAN,
見到你寫左公司咁多惡行, 佢地對d員工實在太過份, 遲到扣薪已經係唔得, 遲過7日出糧更加唔得, 冇遣散費更更加唔得, 仲要損你個人聲譽話同另一位同事有路???究竟係一間咩公司o黍架?
點都好, 我希望你順順利利攪掂哩件事, 加油呀~      仲有,祝你老公早日康復!

10396

twins,waiwaichu2003
佢而家返學無喊,但另一難題又出現:
佢一定要在片片處痾尿尿,令願死忍,都唔肯在小便盆處痾,有無辦法?

Twins

fionkwok, waiwaichu2003, 10396,

講樣開心事你地知, 我囡囡應該終於介左片,
因我哩兩日同佢出街都冇用片, 佢肯坐街外d塔塔啦.
其實我都一向冇話要專登要佢介片, 只係平時同佢講
下著片會好痕架, 同埋當佢肯坐痰罐既時候佢實話痾
唔到,咁我咪比本相簿佢睇, 叫佢慢慢坐多陣先至有,
咁樣就不經不覺佢就痾到, 有左第一次成功之後就
一定順利架啦~10396希望可以幫到你啦.

waiwaichu2003

kinkicheung88,

你好呀!
可以申請ga la!我上年都係咁上下時間係以下既website下載份form,填完寄返去幼兒園度就ok!

http://www.hkcs.org/edcb/dcc/dcc.htm

至於學費-每月$2090,冇雜費,只有冷氣費唔記得幾多la,連學費大約$21xx!
考試會點考-行平衡木,砌積木,配對,..最後問家長小朋友既日常生活方式,好簡單,no pressure, take it easy!

fionkwok

YENCHAN,

你個老細係咪人嚟架? 咁既說話都講得出架? 咁你老公點講呀? 既然你老細都冇心同你地傾賠償問題, 咁不如同佢講已經報咗勞工處, 有事叫佢自己同勞工處解釋, 唔賠就叫佢洗定八月十五囖, 衰人!     而家d老細一d良心都冇, 幫佢搵錢既時候就好似對你好好咁, 一有事就連賠償都唔想俾, 都唔知係冇野世界啦!