1C Homework

ANNAFRIEND

原帖由 wongkaka 於 11-10-23 01:38 發表
今日我同SCARLETT一早起身由11點至5:30PM上堂, 之後我同佢仲去左圖書館惜書, 只有靠在街上和隨時地方(EG. 食飯, 坐車, 沖涼時), 叫她見情景作句子, 其餘的書內容冇溫過
唯有靠明天返完主日學和彌撒後, 午飯後才開始 ...

嘩!Scarlett上咩堂, 要由11點上到5:30呀? 中文我都唔知點溫呀, 我比d改寫句子練習佢地做下ja. 造句有圖睇都仲寫倒, 如果就o甘比1個字, 要你造12個字既句子, 我兩個女 . 不過我都唔理甘多啦, 始終有第一次, 又唔計分, 唔好睇得甘重. 只有盡力而為.

我女女都未起身, 我今早打算同佢地出去食個靚早餐, 行一陣先返黎繼續. 琴晚我地都同女女行下超市, 買佢地鐘意食既糖, 然後返屋企比佢地睇一陣電視, 做每日一篇, 沖完涼再做一陣練習. 行開一陣真係好有用, 心情放鬆左. 我明白我地大家都似一條橡筋, 拉得太行會斷.

klkkchan88

到這一刻，我同呀囡都仲好迷茫，唔知點溫，尤其作句

ANNAFRIEND

原帖由 klkkchan88 於 11-10-23 13:46 發表
到這一刻，我同呀囡都仲好迷茫，唔知點溫，尤其作句

係呀, 中文科我真係覺得最難. 就算我女女識背哂識寫哂5課書又如何, 最緊要係識運用麻. 閱讀理解真係要明先有得做.造句就睇佢平時詞彙有幾多, 同埋想像力豐唔豐富, 仲要識寫幾多字. 我女女冇咩training, 造句真係比較弱. 我都係果句第一次測驗當係拿經驗, 如果成績唔好唯有下次再努力. 唔合格始終有第一次(我當然唔想), 不過我希望我可以抱住平常心去面對呢次測驗. 我想講我想比d時間女女去進步. 我想老師都知冇可能要小朋友一步登天, 如果唔係今次測驗學校都會計分啦. 我唔想再好似上次o甘對細女, 佢會變得冇哂自信. 老師留意到佢冇開學時o甘開心 , 而家好少笑. 問我細女女在家情況. 我可能迫得佢太緊要同成日鬧佢, hurt佢. 我呢個媽咪都好失敗

ANNAFRIEND

我終於決定cut左星期日既課程, 想比返d時間兩個女同公公婆婆飲茶. 尊敬長輩都係教育的其中一環. 呢個月轉左返星期日課程巳經冇同老人家飲過茶. 公公婆婆都好掛住佢地. 我老公都話星期一至日冇停過, 可唔可以比返d空間大家. 我最後支持佢.

ANNAFRIEND

細女女手冊寫27/10帶回中默, 作文兩file. 係咪剩係帶兩個空的file就得啦 . 我巳經將細女女的大作file起哂啦.

wongkaka

好吖有一日family day 好開心呀！
我個女星期六學四堂
11-12am MJ & hiptop dance
12-1pm jazz dance
呢兩堂是連續冇休息，係佢的至愛及係佢要求MJ, 同我講絕對應付到
2-3pm 數學, 佢話it is so easy
3:45-5:15 phonic 係佢在暑假前話我知，佢覺得英文唔叻，我安排給她，課程好活動用比賽形式，所以佢好開心
星期日是安息日，所以返主日學和彌撒，之後與Scarlett 輕鬆一下



uote]原帖由 ANNAFRIEND 於 11-10-23 15:19 發表
我終於決定cut左星期日既課程, 想比返d時間兩個女同公公婆婆飲茶. 尊敬長輩都係教育的其中一環. 呢個月轉左返星期日課程巳經冇同老人家飲過茶. 公公婆婆都好掛住佢地. 我老公都話星期一至日冇停過, 可唔可以比返d空 ... [/quote]

ANNAFRIEND

原帖由 wongkaka 於 11-10-23 15:44 發表
好吖有一日family day 好開心呀！
我個女星期六學四堂
11-12am MJ & hiptop dance
12-1pm jazz dance
呢兩堂是連續冇休息，係佢的至愛及係佢要求MJ, 同我講絕對應付到
2-3pm 數學, 佢話it is so easy
3:45-5:15 phonic  ...

Scarlett真係好鐘意跳舞喎, 有時我見女女轉圈扮跳舞. 但係問佢地想唔想學, 又話唔學. 興趣我由得佢地, 而家一樣興趣班都冇, 只有上數學班, 互動英語, 希望補佢地既嚴重不足. 我都想佢地玩下呀, 所以星期六返學校既跳繩班, 好過冇羅.

ANNAFRIEND

原帖由 wongkaka 於 11-10-23 15:44 發表
好吖有一日family day 好開心呀！
我個女星期六學四堂
11-12am MJ & hiptop dance
12-1pm jazz dance
呢兩堂是連續冇休息，係佢的至愛及係佢要求MJ, 同我講絕對應付到
2-3pm 數學, 佢話it is so easy
3:45-5:15 phonic  ...

我轉課程去星期日, 其實我先生係有怨言架. 當時我冇考慮比女女休息, 只想佢地補補補. 經過今個月之後, 我覺得真係要有家庭樂. 留起星期日早上時間, 起碼我可以做我地鐘意做既事. 我女女好鐘意公公婆婆, 我媽咪而家間唔中黎學校幫手接孫女先見到佢地, 公公就完全見唔到. 老師同我講細女而家好少笑, 更令我警覺. By the way, 我地既囡囡真係好有福, 有好關心佢地既老師 .

klkkchan88

救命呀，我決定放棄啦，真係學Anna 話齋識寫又唔代表識用，平時書又唔係睇得多，唉，睇係做化

ANNAFRIEND

原帖由 klkkchan88 於 11-10-23 16:37 發表
救命呀，我決定放棄啦，真係學Anna 話齋識寫又唔代表識用，平時書又唔係睇得多，唉，睇係做化

我都只係重點溫返呢5課書的字點寫. 題目點出, d字深唔深, 阿女識唔識讀, 識讀仲要識解先有得做. 真係要睇做化.

klkkchan88

各位早晨，祝測驗順利

QOOGIRLZOE

You too!
我個女失左聲做人生第一個測驗, 希望可以達標啦!

今旱個srl 6年班姐姐話, 閱讀 : 有量詞, 標點符號, 詞運用, (有答案揀的), 有3篇閱讀理解, 作文 : 重組句子, 做句...等等....姐姐重話應該上星期四和五會幫她們溫習的, 不過小女沒有返, 她說一切就要睇她的做化了!

原帖由 klkkchan88 於 11-10-24 07:13 發表
各位早晨，祝測驗順利

klkkchan88

下溫習，我囡無講過，可能又發夢中。不過溫左幫助都唔大，因為考嘅種類咁多，一定要靠平時練習，臨渴掘井死硬

mvbb2009

唉.. 中文對我女來說係超級難... 因為佢最唔LIKE寫中文字, 我見佢筆劃都成日錯.  佢就算識做都可行會寫錯字..我都驚驚地佢...真的要睇佢做化啦..

原帖由 klkkchan88 於 11-10-24 10:33 發表
下溫習，我囡無講過，可能又發夢中。不過溫左幫助都唔大，因為考嘅種類咁多，一定要靠平時練習，臨渴掘井死硬

klkkchan88

呀囡話佢有很多冇做，因為唔夠時間媧

wongkaka

我個女話佢識做, 只得兩條唔識, 但佢都有盡力寫答案, 佢話佢有信心合格
我問佢足夠時間做嗎? 佢答我夠可以睇番自己之前做果D岩唔岩
佢話要看圖畫三幅造句子, 每句子不少於10個字, 我個女話佢作左14個字, 另外兩句夠10個字 (其中一幅是DANCING)

攪好左中文, 到SCARLETT面對大CHANLLENGE 英文科!!! 都係果句盡力而為

**我個女話冇姐姐幚佢地溫習喎

[ 本帖最後由 wongkaka 於 11-10-24 13:55 編輯 ]

QOOGIRLZOE

今天大家總算盡左力, 今晚再努力, 明天再戰!
加油呀! 一齊努力呀!

ANNAFRIEND

原帖由 wongkaka 於 11-10-24 13:34 發表
我個女話佢識做, 只得兩條唔識, 但佢都有盡力寫答案, 佢話佢有信心合格
我問佢足夠時間做嗎? 佢答我夠可以睇番自己之前做果D岩唔岩
佢話要看圖畫三幅造句子, 每句子不少於10個字, 我個女話佢作左14個字, 另外兩句夠1 ...

我女女又係話有3幅圖, 要做不少於10個字句子.另外有重組句子, 閱讀理解, 量詞我問佢地有冇佢地又話冇, 可能巳經唔記得左. 我問佢地做唔做得哂, 佢地話做得哂. 話就話做哂, 不過可能亂做. 因為我教佢地唔識都要試下, 可能比佢地撞岩呢. 我問佢地既時候全部都用好唔好玩, 鐘唔鐘意玩黎問. 因為我一認真問佢地肯定收哂聲, 唔講真說話. 我都冇問佢地識唔識, 我怕好似上次甘, 未派都判佢地有罪. 婆婆今日黎接佢地, 好掛住佢地, 我地巳經成個月冇同老人家飲茶, 我應成佢地星期日早上同公公婆婆飲茶, 下午先用黎溫習.

ANNAFRIEND

原帖由 mvbb2009 於 11-10-24 10:43 發表
唉.. 中文對我女來說係超級難... 因為佢最唔LIKE寫中文字, 我見佢筆劃都成日錯.  佢就算識做都可行會寫錯字..我都驚驚地佢...真的要睇佢做化啦..

中文對我女女都難呀, 所以我唔敢對結果奢望, 合格巳經好開心. 始終第一次, 比空間佢地繼續進步.

ANNAFRIEND

原帖由 klkkchan88 於 11-10-24 12:56 發表
呀囡話佢有很多冇做，因為唔夠時間媧

我女女話就話做哂, 但好可能係亂做ja. 或者漏左都唔知. 派返黎先知啦 .