07-08年宏福幼兒園媽咪繼續入o黎傾~(PART 4)~歡迎新朋友加入

ElainAiolia

hongmimi,
多謝你尋日o既款待，我o地好開心，子聰番到屋企係咁叫我o地同佢玩多拉A夢副棋，完全唔訓覺，成10:30 p.m. 先肯去訓o乍。

pcdogxx,
尋日走時係o米我o地行得快得制，定你想同渝爸想靜靜地拍拖，所以行行o下唔見o左你o地o既？

626mama / 天藍 / pcdogxx / rplyan,
今日去旅行開心嗎？D小朋友有冇曳呀？

rplyan,
你千祈唔好比旻旻知到匡爸份正職，若果唔係，你就無o野治到佢la。

hongmimi

Rplyan，
我要多謝妳地一齊黎玩就真，亦多謝妳對匡爸既讚賞，俾佢知道實好開心(同埋鬆毛鬆翼)，妳地而家知道點解匡匡「咁鍾意」佢爸爸啦?!

呵呵~ 講真我地真係好攰~ 不過好enjoy! 多謝妳地俾機會我地~~

ElainAiolia，
多謝妳既幫忙，過程有部份亂左d，希望妳地見諒!

匡匡都一樣唔肯瞓晏覺，可能個腦玩得癲一下子停唔到落黎，但夜晚就瞓到C豬咁~

唔洗羨慕我地個個有功課做，遲d到妳就知味道… 哈哈哈! 不過子聰大d定d應該無大問題既…

咁係先入為主定真係謝老師比較好呢? 我覺得可能人夾人，匡匡比較受佢果套，佢捉到匡匡條「路」。

天藍，

嘻嘻~ 匡匡同昊藍兩個都「半斤八兩」架喇~

妳既方法都幾好，thanks~ 俾佢做完一部份休息一下就做，佢超級無耐性可能真係要咁先得。獎勵禮物等對佢都唔work，因為佢實在太多玩具零食等等~~

626mama，
原來生日會軒爸都黎玩，我仲以為佢要返工添! 妳地一家三口黎齊晒我真開心呀! 嘩! 妳地既米奇裝好襯! 可惜當日我無搞全場「最合襯衣著家庭比賽」，如果唔係，妳地實win梗~

pcdogxx，
吓~ 照計渝爸識路唔會盪失路喎…梗係妳地靜靜雞去左拍拖啦!!

626mama

hongmimi,

星期六生日會軒軒玩得好開心，多謝晒。
仲有禮物收添，真係多謝晒，d野都好好食呀。


rplyan,  

多謝妳比我果d印花，我買夠數，訂了個"加厚底高身雙耳煑"。我仲想要換埋個"雙耳五層萬用鍋"同"加厚底單柄煑"。一陣得閒走去二手市場搵搵有沒有萬寧印花先。真係多謝晒。


pcdogxx,

今個星期六，到鈞渝攪生日會，妳係咪好緊張呢。


ElainAiolia，pcdogxx,

我地個導師成72歲男人，睇佢好鐘意吹水講以前D，希望講一堂好喇，唔係悶到比佢悶死，咁我會早走嫁，我主得遠丫嗎。


天藍,

都有一段時間冇見昊藍，佢高左好多喎，唔知妳確唔確呢。

仲有呀，原來我妹妹都有一個多士盧多左出黎，咁我要我妹妹果個得喇，妳的多士盧留反來整野比昊藍食啦。不過我都好多謝妳。


各位,

妳地幾日咁多留言，真係追死人，睇都未睇晒，希望一陣有時間回啦。

天藍

hongmimi,

匡匡生日會個日玩得好開心, 多謝你既邀請!
多謝你送比我地既禮物, 昊藍返到屋企好,
但都要急不及待拆盒多拉A夢棋玩, 先肯去
食飯訓覺, 可想言知昊藍好鍾意你送比佢盒棋,
今早起身話要同我玩一鋪先出門口, 我話校車
o黎啦! 趕唔切啦! 昊藍先依依不捨盒棋出門口,
係lift口仲叮囑我今晚要我同昊爸同佢玩盒棋,
真係好多謝你, 我地又多一樣親子遊戲玩, 下棋樂~
我好同意rplyan所講, 匡爸真唔似做個行, 因我都
識有幾位亞sir朋友, 都比較嚴蕭, 未必咁受小朋友
歡迎, 但匡爸就好有愛心, 係玩遊戲個到見到, 連
昊藍都會主動走去同匡爸傾計, 可見匡爸幾有善,
怪不得匡匡咁崇拜匡爸啦！真係一位好爸爸


ElainAiolai,

昨天我地一日遊玩得好開心, 天陰陰又無落雨
又唔曬, 有點涼風, 玩得好開心~
昊藍好鍾意同希旻同軒軒一齊玩, 如你地去埋
就更加好玩, 下次就到時間可以一齊去玩, 我
地今個星期六慶祝鈞渝生日又可一齊玩, 1/11
我地既BBQ又可一齊玩, 真係好開心!
小朋友一齊玩開心, 我地大人一齊傾計又好開心,
真好期待快d又聚會!

原帖由 ElainAiolia 於 08-10-13 00:13 發表
hongmimi,
多謝你尋日o既款待，我o地好開心，子聰番到屋企係咁叫我o地同佢玩多拉A夢副棋，完全唔訓覺，成10:30 p.m. 先肯去訓o乍。

pcdogxx,
尋日走時係o米我o地行得快得制，定你想同渝爸 ...

天藍

626mama,

你唔要我個多士爐啦! 咁我睇下有無其他人要先~
因我好少食多士, 我地一家人比較容易熱氣, 故在
家會少食炸, 焊既野怕食得多喉嚨痛, 所以部多士
爐前年換返來到以家都無用個。
昨天一日遊玩得好開心, 軒軒比起之前講好多野, 仲
同我傾計, 最值得讚係你行開, 我比糖軒軒食, 軒
軒好乖咁同我講, 我咳唔食啦! 多謝你我唔要啦! 真
係低讚你唔係到都咁自律可唔要同唔食糖, 真係好乖
仔~
平時我對住仔仔就唔覺佢高, 但近排天氣開始涼,
我搵番昊藍上年d長褲同長就衫出來, 好多都變
短褲同四個骨褲, 真係唔覺唔覺昊藍又高~
我都覺得軒軒高, 但就瘦, 軒軒要食多d野唔
好食野食咁耐, 咁就very good !

rplyan,

昨天一日昊藍同旻旻玩得好開心, 昊藍返到屋
企仲掛住旻旻, 仲問我旻旻去邊? 點解咁早落
車唔同我地一齊坐車, 仲問我下次幾時再去同旻
旻玩, 所以下次聚會你一定要出來, 我地個個都
好鍾意同旻旻玩。
申請學校個到你記得係截止前交, 如有任何問題
你可隨時打電話比我問都ok o架! 我都好想昊藍
同旻旻會再做同學仔。

原帖由 626mama 於 08-10-13 11:09 發表
hongmimi,

星期六生日會軒軒玩得好開心，多謝晒。
仲有禮物收添，真係多謝晒，d野都好好食呀。


rplyan,  

多謝妳比我果d印花，我買夠數，訂了個"加厚底高身雙耳煑"。我仲想要換埋個"雙耳五層萬用鍋"同"加厚底單柄煑"。一陣 ...

hongmimi

626mama，
萬寧印花我都有三個咁大把係咪Buppolo果d? 唔知幫唔幫到手?!

天藍，
多謝妳對匡爸既讚美，今晚番去同佢講，佢實開心到飄飄然~

我都發現小朋友無論邊個年齡，男仔又好、女仔又好，原來都好鍾意多啦A夢… 昊藍都鍾意玩棋仔就好喇~

昊藍同旻旻申請咩學校? 小學呀? 咁快?? 妳地星期六吹水時講架….嗚嗚~ 我唔制~

各位，
鈞渝生日會我地又見到面喇~ 小朋友又可繼續玩~ 我就好想同妳地一齊吹水呀! 見妳地上星期六傾得咁開心幾想加入呀~ 不過我掛住招呼d小朋友無時間，要妳地爸爸媽媽們自己招呼自己實在唔好意思…. 我又好想聽下天藍分享興趣班既事…妳地有無講到? 唔知鈞渝生日會果日可否再傾呢? 好期待…

carcar418

唔好意思呀, 我係新手媽咪呀, 我見大家對宏福幼稚園既評價都好好, 所以都好想我既囝囝入讀呀, 請問國際班同local班既分別大唔大架? 如果讀國際班, 第時升local小學會辛苦吃力嗎?

面試會考d咩呢? 難入嗎?!?!

626mama

天藍,

昊藍11月開始/後每星期有三日會有家課，
聽落都幾好丫，不過妳就要辛苦D喇，
媽媽永遠都係最偉大。

626mama

pcdogxx,.

多謝妳比我開終圓櫈的意見。

11月上午鈞渝冇報到，所以沒有撞期。
明白晒。

鈞渝由11月22開始先有堂上，
咁妳11月8同15陪我地過，22.29妳地去反學啦，
我睇下同軒軒去邊度行下。妳地要上堂都冇辨法啦。

原來如此，咁我就唔客氣要晒妳的麥當勞杯喇。多謝晒。

張message chair 軒爸沒有興趣，所以唔洗幫我問妳大伯喇，THX

原來荃灣街市都有$2檔，之前我朋友都帶我去睇過，
不過係灣仔，真係幾多野買嫁喎。好，我地遲D一齊
去睇下丫。

1號果日到時妳叫埋班朋友去都好，多D人玩開心D丫
嗎，而且佢地仲好好人，好友善，感覺好舒服。

我之前的剪髮用具，影左D相比妳睇下。
http://hk.myblog.yahoo.com/shirb ... =2043&next=2048

妳反完學仲有心機去整鬆餅，真係好精力，我回
家都死死下，只訓係度睇電視。
鬆餅個樣好好食，好得喎。

626mama

ElainAiolia,

子聰check完眼，最後要做四眼雞丁/哈里
波特，要戴眼鏡都都冇計啦，阿Q精神，
早發現好過遲發現。
醫生費 $760-加埋上次$120.都$880，真係
好貴呀。

0希....搬屋日子日開始近，不過仲未識得
訓著都會笑醒，我都仲未過我果D黑暗日子，
好日子排第二炸。日日笑醒的日子留反去新
屋做，到時笑到隔離屋聽到都唔嚇啦。最多
隔離以為我係痴線婆，訓覺笑得咁大聲。

有關櫈o既問題，多謝妳的意見。

OK 我約PCDOGXX 去睇立雜o野時，叫埋妳，
如果妳唔洗讀書的話，一齊睇丫。

同妳有同感呀，見到佢地個個有功課做，軒軒
就好以好得閒咁，我細妹都買了兩本練習比
軒軒做，都係ABC大栺一本，細栺一本。
好得意，佢唔係由A寫起，是由I J 簡單筆
劃寫。暫時只係寫了I炸。

匡匡生日會走時，我同pcdogxx 行得後，行行下
唔見晒妳地，聽pcdogxx 講，佢跟主會"咪奇"
個倉行下。所以妳地唔見佢。

pcdogxx 昨天沒有去報去旅行，
鈞渝生日都唔得閒啦。

昨天去旅行都幾好，之前話會下雨最後都冇，
又唔太曬，佢地都玩得好開心。

626mama

hongmimi,

明白有關B貨的問題，多謝妳話比我知。

冷氣方面，我都未知會否要買，因為上個
業望會留三部冷氣比我，我要買落才知洗
唔洗買過。我到時有需然再告知詳情。
真係唔該晒妳。聽妳咁講，如果真係要搵
師傅安庄及做野，真係搵反佢地的技工好D
及專業

星期四反學個阿伯教真係...好攪笑。

原來匡匡而家學校通告好似水蛇春咁長，
下次妳真係要腸真D喇。
舅父"警告"妳有家課果日，要妳返黎自己。
我妹妹都係，話有通告之款東西叫我自已攪，
話唔知點解自已做,左家長。

原來匡匡鼻敏感發作，軒軒都係，睇醫生，
醫生開了廿幾日藥比佢早晚食。

見妳地小朋友有家課做，軒軒好以好得閒咁。

......我地既米奇裝比妳發現左添，通常人
地從後睇才發現，或著了好多次才有人發現，
呵呵....高調三個一齊著，低調唔比人發現。
我仲以為PCDOGXX才發現到添。

係呀，係Buppolo果隻印世呀，三個萬寧印花當然幫
到手呀啦，咁我唔客氣要晒佢喇，呵呵...大家唔好同我爭OKAY。

pcdogxx

Hongmimi,

你幫匡匡攪既生日會超級有心思..    真係好似當年結婚擺酒咁呀..   又有相係門口睇, 又有播video,  又有小禮物...仲擺左兩圍添..  哈哈...     你咁樣我好大壓力架喎.....    不過鈞渝果日玩得好開心... 返到屋企係咁學匡匡敬禮... 好攪笑..   我地又食又拎真係唔好意思.  多謝晒..   鈞渝都好鍾意玩多拉A夢棋, 不過佢未係好識玩...   打左"色"仔, 唔識點行...

我地仲有兩次gathering 既機會,  大把時間我地可以再吹水啦.. 唔使驚....

死喇.. 你果個電剪要插濕電架?  學校唔知有冇得插電呢..  等我呢個星期返去問下先..  我有排都未使用住..  最尾果兩堂先會教架.. 所以唔急架...

626mama佢地一家著晒親子裝咁..  真係超正呀..   渝爸一定睬我都傻..  哈.

天藍,
我果日帶左部DV去, 但係原來冇晒電, 所以乜都影唔到添.. 哈哈.. 等我今個星期再錄過..  鈞渝生日會果晚要黎做畫班特輯先..  

軒軒咁乖話咳唔食, 仲識多謝你..  真係好有禮貌喎....

ElainAiolia,
我同626mama 一路傾一路行.. 轉個頭已經唔見左你地喇.. 你地梗係行得好快喇..   之後我去左長沙灣Trendy開倉咋..

佢地尋日去果個戶外遊冇我份架喎.    哈哈....

rplyan,
旻旻諗住K2轉校呀?  你地兩個收收埋埋傾....   係咪想俾我地打呀?

pcdogxx

Hongmimi,

你幫匡匡攪既生日會超級有心思..    真係好似當年結婚擺酒咁呀..   又有相係門口睇, 又有播video,  又有小禮物...仲擺左兩圍添..  哈哈...     你咁樣我好大壓力架喎.....    不過鈞渝果日玩得好開心... 返到屋企係咁學匡匡敬禮... 好攪笑..   我地又食又拎真係唔好意思.  多謝晒..   鈞渝都好鍾意玩多拉A夢棋, 不過佢未係好識玩...   打左"色"仔, 唔識點行...

我地仲有兩次gathering 既機會,  大把時間我地可以再吹水啦.. 唔使驚....

死喇.. 你果個電剪要插濕電架?  學校唔知有冇得插電呢..  等我呢個星期返去問下先..  我有排都未使用住..  最尾果兩堂先會教架.. 所以唔急架...

626mama佢地一家著晒親子裝咁..  真係超正呀..   渝爸一定睬我都傻..  哈.

天藍,
我果日帶左部DV去, 但係原來冇晒電, 所以乜都影唔到添.. 哈哈.. 等我今個星期再錄過..  鈞渝生日會果晚要黎做畫班特輯先..  

軒軒咁乖話咳唔食, 仲識多謝你..  真係好有禮貌喎....

ElainAiolia,
我同626mama 一路傾一路行.. 轉個頭已經唔見左你地喇.. 你地梗係行得好快喇..   之後我去左長沙灣Trendy開倉咋..

佢地尋日去果個戶外遊冇我份架喎.    哈哈....

rplyan,
旻旻諗住K2轉校呀?  你地兩個收收埋埋傾....   係咪想俾我地打屁股呀?   

pcdogxx

626mama,
荃灣街市都有好多賣雜貨既舖頭...   我果陣搬都好鍾意去行, 有時d野都幾平架..

1號我d朋友唔去喇.. 因為上次最細果個小朋友2號生日, 佢地1號攪生日會..   所以我去唔到佢個生日會lu, 佢咁遲先決定果日攪..  我都約左你地喇..

嘩.. 原來個電剪係咁既..  成四百幾都唔平喎.. 我問過老公, 佢話佢唔會俾我剪喎.. 所以我買左都唔知要黎做咩....

個鬆餅要即食先OK囉..   凍左唔脆就冇咁好食..


各位,
尋日我係屋企都幫鈞渝攪左個生日會.. 不過攰到差d想死.. 因為好多野食都係自己煮所以玩左我一日一夜... 但係好開心架..  不過全部都係簡單既野.. 你地唔好期望咁高喎..        尋日大人有13個, 小朋友5個,  真係有d迫...  希望到時你地唔好介意啦...    同埋我想知道你地大慨幾多人黎, 等我預食物果陣, 唔使過多或者唔夠食..   

同埋真係要麻煩子聰同匡匡帶d玩具上黎充撐下....  唔係悶親幾位小朋友就唔好啦..  哈哈..  幫手就唔使喇..   大家到時早d上黎玩啦..

hongmimi

626mama，
喂~ 岩岩醒起我細佬成日去萬寧買野，咪 問下佢有無印花啦~ 佢話無記錯好似有6-7個，不過唔confirm，要今晚返屋企數下先知，d印花佢無用，有幾多都好，我攞左星期六一次過俾妳，ok? 妳仲爭幾多個到? 我可再周圍問下人有無...

原帖由 626mama 於 08-10-13 14:47 發表
係呀，係Buppolo果隻印世呀，三個萬寧印花當然幫
到手呀啦，咁我唔客氣要晒佢喇，呵呵...大家唔好同我爭OKAY。

626mama

pcdogxx,

妳地小朋友個個都好鍾意玩多拉A夢棋，我一回家
收埋左，軒軒見都未見過，我間房細，又唔可以
放出廳，等我搬左新屋才攞反出來玩LU。而家攞
出黎會比表姐攞左。

我去左長沙灣Trendy開倉，後尾有冇收獲呀?

荃灣街市都有好多賣雜貨既舖頭，我唔淑，搬左去
沙田都好小出荃灣，到時就拜託妳帶我行來行去喇。

妳老公話佢唔會俾妳剪個頭，妳就唔好買喇，
妳都係想平時幫鈞渝剪，女仔唔係好用到電剪。
我以前學都冇買，我個電剪都係軒軒出世才買。

星期六我地一家三口，三個到齊，到時就打攪晒喇。

Pcdogxx, 天藍,

軒軒病左好幾日，佢自已好介得口嫁，話左唔食
就唔食，我地通常都會應該佢好反買比佢地，
但係千祈要記得，唔係...佢會追瘦我地。
軒軒識得話咳唔食同識多謝天藍，都係姨姨教，
姨姨企得好硬嫁，罵到佢偏晒咀喊晒都要佢講，
過了成日都未講都追佢講，所以佢成日話自已點
解好以人地家長咁，真係要多謝姨姨。

[ 本帖最後由 626mama 於 08-10-13 16:03 編輯 ]

626mama

hongmimi,

如果妳細佬有6-7個，妳3個都有9-10個，宏福果邊有個媽媽比27個我，(唔計rplyan比17個我，訂埋添。)保守計落都係差4個，咁我等下先去二手市場果邊post喇。

再有才考慮埋個水煲。

多謝同唔該晒妳呀。我自已昨天去萬寧兜左好耐才買到三個印花，可能屋企野唔係我買啦。

原帖由 hongmimi 於 08-10-13 03:39 PM 發表
626mama，
喂~ 岩岩醒起我細佬成日去萬寧買野，咪 問下佢有無印花啦~ 佢話無記錯好似有6-7個，不過唔confirm，要今晚返屋企數下先知，d印花佢無用，有幾多都好，我攞左星期六一次過俾妳，ok? 妳仲爭幾多個到? 我可再周圍問下 ...

626mama

天藍,

睇下大家有冇興趣要妳個"多士爐啦!

原來妳地一家人比較容易熱氣, 故在家會少食炸,
昨天我仲買了包蝦條比昊藍添，真係唔好意思。

係呀，舊年我褲都吊晒腳。

個個見到軒軒都係講，軒軒都幾高，眼大，跟望實係
話佢好瘦，軒軒可以多食野就好，我成日都係咁諗。
瘦到手腳逞落去都唔粗。

rplyan,

唔好意思，軒軒昨天都比左好多蝦氣旻旻食。
佢真係好為食。

hongmimi

pcdogxx，
妳真係好鬼衰...諗到匡匡個生日會好似結婚擺酒咁...不過我同匡爸都有同感...整呢樣整果樣...越搞越似...開頭阿妹仲叫我整張大生日咭放係近門口張吉檯等d來賓入黎簽名，好彩我無騷佢唔係仲似。但我地真係搞得好開心好enjoy...搞完感受到好深既親情同友情

妳唔會有壓力...咩型式又有乜所謂，至緊要係玩既人開心啫~ 我都唔會年年搞，下年求求其都唔定買個餅切左去就算，或者下年等妳搞個勁既哈哈哈~

敬禮? 即係video最尾匡匡講多謝時敬禮咁? 咁搞笑? 鈞渝當日真係好留心上堂~哈哈哈~

匡匡都係，而家暫時只識數"色仔"既一、二、三。

長沙灣廣場Trendy果個倉唔係成日開架~ 星期六果日有開呀? 咁妳地有無買到野呀?
咁我等妳通知要唔要個電剪 隨時ready~

星期六我梗係一家三口+玩具啦~ 個廚房仔鈞渝都有我唔拎上黎啦，或者我會拎套燒烤玩具，d食物同個廚房仔好match架~ 仲有睇下拎咩咁~ 我要承機教下匡匡要分享玩具先~

[ 本帖最後由 hongmimi 於 08-10-13 16:41 編輯 ]

626mama

hongmimi,

匡匡生日會，我最有印像匡匡講，我而家唱完喇，
佢用隻手指仔指主成班小朋友，而家到妳地唱反
比我聽喇。~~~正~~~

長沙灣廣場Trendy果個倉唔係成日開架，我次次去，
佢地都唔同晒，我記得第一次去果陣時在對面馬路
我工廈，真係成個倉來的，而家以精品店，之前
我仲考慮好唔好買小熊維尼個水煲同個"獲"添。

多謝定匡匡分享玩具大家一齊玩。

原帖由 hongmimi 於 08-10-13 04:26 PM 發表
pcdogxx，
妳真係好鬼衰...諗到匡匡個生日會好似結婚擺酒咁...不過我同匡爸都有同感...整呢樣整果樣...越搞越似...開頭阿妹仲叫我整張大生日咭放係近門口張吉檯等d來賓入黎簽名，好彩我無騷佢唔係仲似。但我地 ...