請問粉嶺上水區小一派位?

hinhei

係呀!惠州都功課都迫得幾緊要架!不過佢現在實行小班教學,所以都值得考慮.同埋可能因為佢下年先轉全日,所以今年選校都唔會選佢囉!

鳳溪,太多新移民啦!同埋佢個條一條龍,有等於無.啲家長會唔會想個仔女第日讀一中或二中呀!!

virgokaren

現在新一代的父母對仔女真是關懷備至，以前果套唔合時了！傳統學校真的要改革一下。
我以前唔揀惠州係嫌佢校舍細和太傳統，原來現在也是一樣功課催谷果種呀！但派位係咪都算幾好的？
鳳溪其實真係哂左個咁靚的校園！二中今年已經不收中一了，好似留個校舍俾小學轉全日制。

astrid：
正慧個校園都相當唔錯！
英文課本是用邊本的？深嗎？
佛教學校的宗教色彩濃厚嗎？

Astrid

依家鳳溪最好個間中學係 "廖萬石堂", 一中 d 質數都唔多掂 .....



virgokaren,

其實佢地既宗教色彩唔係太濃烈 .... 不過, 打招呼就 "合十" , 一個星期一堂佛學課!!

至於英文書, 佢地用 longman 既 "intergrated primary english - toc edition" , 有 listening , 仲有一些 rhyme , 遲 d 可能要做閱讀報告, 今年 target 話每人要睇 15本 story book

Astrid

問開又問 ..... 粉嶺上水邊間中學比較好 d ???

我見依家 "心誠" 好左好多 !!! 同我讀中學時比, 多左好多間中學 ...

*Polly*

hinhei 寫道:
係呀!惠州都功課都迫得幾緊要架!不過佢現在實行小班教學,所以都值得考慮.同埋可能因為佢下年先轉全日,所以今年選校都唔會選佢囉!
-(

惠州小班教學?從那裡知呢?  佢今年第一輪收生好多位wor. 上午班  96位  &  下午班  80位.  但今年無識人報這間學校 ar.

聽人講  鳳溪下午校 轉小班教學 唔知系唔系呢?      

hinhei

我係睇佢哋派發的單張得知的!

wandyfok

Astrid 寫道:
問開又問 ..... 粉嶺上水邊間中學比較好 d ???

我見依家 "心誠" 好左好多 !!! 同我讀中學時比, 多左好多間中學 ...

astrid,
我聽我個前褓母講話北區好似得兩間英中，其中一間就係"心誠"，另一間就係"鄧顯"喎，唔知係咪呢?

virgokaren

Astrid：
合十打招呼，幾得意！小學生讀佛學要讀些什麼？ 會不會悶的？
好似多數小學英文科都是用longman，longman是不是有分target 和 welcome English 的？知不知邊本深些？

"心誠"聽說現在校風比以前好左好多，但成績我就不太清楚。粉嶺上水連 "心誠"在內只有四間英中，所以好多間中中都是band one學校，也有些辦得不錯的新理念的中學。
其實，讀書環境來說，我覺得粉嶺上水的中學算幾好！

wandyfok：
四間：鄧顯、甲寅、陳融、心誠。

Astrid

wandy,

唔計"心誠", 上水應該有3間英中 : 甲寅 / 鄧顯 / 陳融 , 粉嶺我就唔清楚 ...... 心誠係要交學費, 不過, 政府會同佢地買位, 如果係派入去就唔使俾, but 自己考入去就要交學費

Astrid

virgokaren 寫道:

Astrid：
合十打招呼，幾得意！小學生讀佛學要讀些什麼？ 會不會悶的？
好似多數小學英文科都是用longman，longman是不是有分target 和 welcome English 的？知不知邊本深些？

講下佛教既禮儀 , 佛祖既人生經歷 , 一些做人既道理 , 以故事形式去講; 其實, 同耶穌既聖經差不多 .....

至於英文書, 我又真係唔知點分 ......

我對學校村個間風采中學有興趣 ..... 想了解多 d

我見白普理開左個奧數班, 你有無興趣呀 ??  

virgokaren

心誠是直資，中一至中三學費只是$250一個月，我估可能係最抵讀的直資學校。

風采是教育評議會辦的中學，又是新校，所以校園好靚。
今年學校話收到60% band one 學生，以此形勢進軍 band one 中學糸列。不過，他是新校，仍未有會考成績作參考。

因我曾參觀過學校和講座，我估他是會幾著重成績的，因名譽优關嘛！

astrid：
你囡囡只是小一，有排啦！到時再睇下邊間冒出頭來，咪揀佢囉！
奧數對你囡囡會有用，考中學會睇。但不妨三年級至開始。
看看她是不是對奧數有興趣才開始也不遲。
至於我外甥女就不適合讀奧數了。

Astrid

我只知風采要做響個名 .... 佢地要 f.1 做起, 只收 f.1 學生, 唔收其他插班生, 只會由原校升上 .... 到今年, 好似得 f.1-f.3 既學校 .....

(希望我無收錯料     )

hinhei

Astrid
你真係好心急!仲有六年先到你呀!到時乜形勢都唔知啦!

HINPA

有同事個仔今年剛升上中一，根據佢本升中指南所寫，北區(包括上水及粉嶺)共有3間英中，分別為鄧顯、甲寅及陳融。心誠因為係直資英中，無包括在內。
根據統計，北區約每9.x名小六學生爭一英中位，而大埔區因有6間英中，約每4人爭1位。

Kemah

舊年北區升中的Band1學生大概有千五名,而Band1英中只得六百個位,就算計埋中中的李家誠,馬錦明&田家炳,都重未夠分配.

virgokaren

Astrid:
你無收錯料！風采今年只有中一至中三，兩年後的會考生就是他們的第一批產品。

Kemah：
就是因為只有三間英中，所以北區都有好幾間中中是100%band one。心誠雖然是英中，但也不是100% band one。
所以北區的中學都幾平均下！

Astrid

多謝哂你地 d 料 ......

hinhei, 八下八下 .... 好快就 6 年o架啦 .....  :  :

Yatyat

照大家所講,既然大埔多英中,請問中一可唔可以跨區呢?

朗媽

無上o黎幾日，呢度變咗 "請問粉嶺上水區中一派位?"嘅？？？     

Astrid,

我 last thur 有去正慧嘅"擴立新校開幕典禮"，你有冇去呀？？？

hinhei

不過我哋咁八吓八吓,好快就到...........十一月十五號!!!!!!