將軍澳富康德寶(DEBORAH)

PERRYNMOM

車厘子qt

我個女唔係好白，尤其係同佢去咗3次beach之後, 變咗炭燒朱古力, 不過依家白返小小, 只係黑朱古力啫.哈.
佢個樣似日本娃娃, 我d friend 係咁講.

whyeye
我今日見到你個仔Ryan原來係同我個女一張枱. 不過到依家都仲係未見過你哋d 仔女, 我成日見到的小朋友係Isabel, Joan, Kristy, Mathrad.

Yukmama

車厘子qt

邊個係妳個女呀?  是不是個工人帶同一個"咩"係前面的BB來接放學果個呀?

我個仔都仲有時喊，不過唔係日日

我由明日開始搭校車，又唔知到時點?一定又喊

Whyeye, 車厘子qt

星期六約出來飲茶都好呀! 睇下邊個星期六得呀?

PERRYNMOM

唔記得問你哋會唔會考慮同小朋友報其他幼稚園讀k1?

因為我諗我唔會俾Perryn k1係到讀, 因為學費都幾貴, 如果俾得呢個價錢, 我會想幫佢報培正及民生, 學費+校車都係差唔多, 但係我諗interview時佢一定好怕羞或喊, 另外我都想諗吓tko 的幼稚園 for back up,你哋可否俾d意見邊間口啤好. 我聴聞好似厚德宣道幾好!

Yukmama

Perrynmon

我心態同妳一樣，我會帶 Nick 試下出去考一條龍的學校，因我唔想以後同佢四處找學校，之後在tko揾間學校做 back up, 我諗住揾宣道，不過是茵怡果個，因我參觀過，這間學校給我的感覺好好，有戶外，而厚德宣道看見好多媽咪讚，我都想去了解下

PERRYNMOM

Yukmama

我都聴聞茵怡宣道好早已經有人排隊攞表,都聴聞厚德個間好多人話好, 不過嗰度d媽咪話課程深, 唔知仲有無第2d選擇呢?

PERRYNMOM

Yukmama

知唔知佢哋幾時派表?

Yukmama

茵怡宣道在30/10

whyeye

車厘子qt ,

I haven't seen Ms Holly so far because I did not go to school with my son. That's good to know that she's also a friendly teacher.

My son is OK, not crying in the morning.

whyeye

Yukmama, 車厘子qt & other moms,

I am ok to have tea on Sat/Sun, but not this coming Sat. How about the coming Sun (sept 5)?

PERRYNMOM,

When did you see my son? In the morning when you sent your daughter to school? What are they doing at that time?

fifi

wing530,

多謝你的意見﹗我唸小學我唔會比個女讀國際﹐因為無論寫同睇都係中文難D﹐小學又係學字最重要的時候﹐所以都係學好中文先。到時可能要係屋企多講同學英文啦﹐你會唔會覺得我D係度搵自己麻煩啊

係啦﹐羅到D相啦﹐影得都幾‘青見’﹐唯一唔好係我女的辮仔一高一低﹐好搞野

你仔仔而家係唔係有daddy送返學啊﹐佢一定好開心。雖然只係遲15分鐘﹐但你知啦﹐朝早的時間係遲得一分鐘都好嘛。我而家都堅持送緊女返學﹐最主要係方便同D miss多溝通下﹐有野可以講定先﹐又日日可以知佢返成點﹐如果坐校車﹐就冇咁方便啦﹐所以成日都唸遲D先。如果你臨時有需要幫手﹐出聲啦﹐凡定我D住得咁近。

上星期五﹐有拎D佢返學的畫同手工返來﹐畫得仲差過係屋企畫﹐個miss話係佢見到有D完全唔識畫的小朋友咁畫﹐佢又學﹐我都唔知點同佢解釋﹐你都知D小朋友係有樣學樣啦

HALAHA,

原來我理解錯左你的意思 我買果D真係防走光同驚佢有時週圍坐唔乾淨﹐果D大臂度有橡筋的就好好。不過就真係唔保暖。同埋我覺得學校的冷氣唔算犀利﹐開學咁耐﹐我女的外套仔只著過一次咁大把﹐一路係長哉係書包度。

你女返學有冇搭校車啊﹖定仲係婆婆送

各位媽咪﹐

對學校好/壞的評價﹐我覺得好睇個人意見﹐所有野都唔會有100% 的 perfect﹐只要睇果個壞方面重唔重要﹐或者係你自己睇得重唔重。每個人為自己的小朋友簡到心義的學校都有自己的理由。唔好話德寶﹐就算好多名校﹐都有好多負面的評價﹐所以都要靠自己衡量好與壞的比重來決定。

至於收費﹐我不否認德寶偏貴﹐但以校舍﹐師資﹐環境來講我都好滿意﹐有的學校完全無外籍老師都收成$2000啦。同埋簡學校時價錢應該考慮先﹐覺得自己負擔得起同埋覺得值得負擔先會選擇佢啦。因為D學費唔會因為我D哩D家長覺得貴就減少。同埋﹐最最重要係D老師有冇愛心﹐你的小朋友返學返得開唔開心﹐當睇到小朋友好開心咁返來﹐不停口咁話比你聽學校的野﹐話聽日仲要返去﹐你就會覺得自己冇簡錯﹐麼都值回票價啦。

以上純屬個人意見﹐唔知你D同唔同意

HALAHA

fifi,
我好認同你的意見.我都有同我老公講過換鞋的問題,佢都覺得點解小朋友的play area在門口出入的地方,好似好不衛生咁.但正如fifi你所講,凡事是無十全十美的.我都有同囡囡班主任講過,點解小朋友的茶點,餐餐都是餅幹,面飽,冇通心粉或其他需要用匙更的東西食,咁様可以在學校學下自已吃嘢嗎?
點解我仲未收到相既,其他媽媽收到了嗎?

wing530

車厘子qt,
咁慘~ 無得係公司上網呀, 唯有係屋企先上囉, 不過, 呢d都唔緊要, 最緊要係搬得近唔近屋企先, 會唔會難搭車, 呢d先緊要啊~    嘻嘻.... 你囡囡又係似民初女仔呀, 咁都好攪笑喎, 唔知有無機會見到呢?  

fifi,
你講得好o岩呀!    你唔打算比囡囡讀國際, 咁~ 要學中文喎, 我已scan好比你喇! 而家學到人, 口, 手喇~ 我又唔覺得係自找麻煩喎, 到K2~K3咪轉過o黎做同學仔囉~    

乜你已有相睇喇, 我仲未有喎! 攪到我好心急tim! 今日我地8:55am一齊出門口, 再由保姆送佢返學, 好多謝你先呀! 如我臨時有需要人幫手的話, 我急call你架喇~    好多小朋友返學後, 就好鬼勞氣架, 學埋d衰野返o黎麻~

呢兩日, 仔仔唔係幾肯返學, 佢話比人蝦喎, 因為星期一果日, 佢比個小朋友用手指"督"眼呀, 2隻眼都有, 係學校喊左一陣, 接放學時, 一見到保姆, 已強忍淚水, 一出校門, 已BA BA聲喇! 好似好慘咁呀! 佢同我講話盲左喎, 攪到我都好心痛呀! 昨晚再問佢, 佢話仲未嬲完個小朋友喎! 又話佢係"白組"既, 都唔識佢, 下次唔同佢玩喎~  

小朋友爭玩具, 有時真係在所難免, 不過, 站係母親既角度, 又真係唔捨得, 又好肉痛, 唯有睇佢自己, 等佢慢慢成長, 學懂保護自己啦~

wing530

HALAHA,

如果學校有得食通心粉, 粥, 麵, 都唔錯喎~    不過, 怕唔怕食到成身都係呀?   

我朋友個仔仔, 讀啟思, 茶點係食通心粉, 番茄牛肉粥....等等, 好吸引呀, 不過, 每月除學費外, 仲要比多160蚊茶點費呀, 一年成2000蚊架喇~ 好似好貴咁呀!

HALAHA

wing530, 我次次睇完你同囝囝的精彩對話,都忍不住笑咗出來. 點解個同學仔咁曳曳呀!擢隻眼可大可小既嗎.
我們的貼紙相係今天才派的.我囡囡都是今天才派,不過婆婆話影得麻麻地.
fifi,我仲未給我囡囡搭校車,因為我仲未train到囡囡搭車不昏車浪.開學之前同佢搭的士去聯合醫院,去的時候冇嘔,但返來就不掂啦,所以都不知幾時才可以搭校車.星期一返學下兩,婆婆都不知幾讑盡同狼狽.而囡囡就濕咗條裙,所以我依家都要買件兩褸給佢,但又驚佢不著. 下兩天你們有冇我呢啲問題??

fifi

HALAHA, wing530,

我都有你D同樣的問題﹐點解D茶點餐餐都係餅乾﹐麵包﹐而家已經係第三個星期啦﹐一D都冇變過﹐我準備聽日見到李主任問下佢。如果可以多D花款﹐D小朋友都可以開胃D嘛 不過我都知好多學校唔包茶點﹐一係自己帶﹐一係各個月另外交錢。

如果K3好似李主任所講係一個外國人一個唐人帶班﹐我會幫囡囡轉出去同你D的小朋友作同學仔o既。

wing530, 你8﹕55am出門口﹐唔係遲晒到﹖
係呀﹐返學學到好多野﹐但D衰野都走唔喇。一日返來係度丟野落地下﹐我問佢做麼﹐佢話有好多小朋友週圍丟書噢﹐搞到仲要同佢解釋一大輪。

比‘督’眼仔﹐真係可大可小﹐無論為左麼﹐都唔得啦﹐最好同D miss講下﹐要佢D注意下﹐無怪得佢唔想返學啦﹐比左邊個家長都會心痛﹐班度有個咁o既同學仔﹐就算比佢返左去﹐自己都會提心吊膽啦。

今日我去trendyland 買左摺臺同凳啦﹐本來睇中個pooh pooh的大臺﹐點知羅到出來﹐一個角撞損左﹐要訂﹐我D又心急﹐唯有買張細o既啦

HALAHA, 你講到今個星期一啊﹐我arm arm 送左個女入去(一D雨都冇)﹐出左來就開始落﹐仲沒出到柵就已經橫風橫雨﹐見到有幾個抱住小朋友的翻晒遮﹐搞到好狼狽﹐仲有好多企係對面唔敢行過來﹐果日D雨真係來得好突然同犀利

我準備今個星期五湊女去打流感針﹐雖然上次冇麼反應﹐但D小朋友的野好難講﹐比兩日佢透下都好嘛 你D準備幾時打啊﹖

homingm

各位媽咪>>今日細仔第一日返Nursery，估唔到有咁好表現，送佢返到課室，第一時間就走去拿玩具來玩，對學校環境唔會感到陌生，老師話我o地離開時只係叫o左一聲媽咪跟住又繼續玩，完全無扭計又唔喊

HALAHA

今天聽婆婆講,話一個時常同我囡囡一起放學的男同學仔要轉校啦,因為佢住係我屋企附近,所以時常一起行去搭地鐵.我都有啲不開心,遲啲囡囡就少咗一個朋友仔啦,因為個小朋友好中意我囡囡既. 其實我都好疑惑, 點解咁快轉校呢? 德寶都不是咁差,除咗茶點我不是太满意,其他都O.K. 不過聽佢個工人話,好似係話課程太深,同埋茶點問題. 我問過其他出面的幼稚園,好多都係有通粉同埋粥食既.

wing530

HALAHA,
多謝你欣賞我地d對話呀! 有時仔仔講野都好鬼攪笑啊~     

d學生相睇左喇, 影得唔好, 可以用"肉酸"o黎形容呀, 未見過咁差既學生相呀~ 你囡囡暈車浪, 都幾慘喎, 係咪所有車輛都會暈架? 因為我大伯個女, 剩係暈巴士浪架咋! 會唔會比佢坐多d車, 等佢習慣下, 咁會唔會好d呢?

星期一果日, 我記得係落左一場大雨呀, 果日老公湊佢返學, 話攪到濕哂tim呀! 我都有唸呢個問題, 洗唔洗買對水鞋呢?

fifi, 8:55出門口無遲到, o岩o岩好, 不過, 就好趕囉! 至於比"督"眼仔, 我聽日湊放學時, 會同班主任講下, 怕佢又再比"督", 或者"督"第二個都唔好啦~       唔知我係咪"形"住呢, anson開學以來, 都無喊過, 而家比"督"眼後, 上緊堂都喊喎~

嘻嘻.... 你終於買左摺臺同凳喇, 係咪好靚呢?     我仲未打流感針, 而家仲有少少鼻水, 又唔覺佢感冒喎, 唔知點解有鼻水, 會唔會好似我咁, 係鼻敏感呢?

homingm, 你細仔好叻喎~

hinhinmom, 你病好未呀? 病好就返o黎傾計啦, 等緊你喎~     

wing530

HALAHA,

為茶點而轉校? 好似好跨張咁喎, 可能係學費貴, 課程又太深都唔定呀! 咁~ 你有無問下佢, 轉左邊間學校呀?

fifi, 明天係咪你接放學呀? 不如我地明天見下面, 好唔好呀? 因為我應承左anson明天接放學, 順便比埋隻"碟"你, 好唔好? 我e唔到呀, file太大喇! 我比多隻性教育你, 係家計會出架, 都幾好架~

我明天下午上course, 係健康院攪既3P課程, 你地聽過未呀? 係講小朋友發脾氣果d囉, 查實我都唔係好知係咩呀~     

homingm

HALAHA>>D功課真係好深呀，呀仔剛升上k2(佢而家得三歲半)，見佢上學期要學習寫的中文字真係好深，好似:生，手，商，屋等等，全部都係無線條o架 :cry: