2007年8月開學宏福幻兒園既媽咪一齊入來傾下

天藍

hongmimi,

收到同開到啦!!! Thx~~

原文章由 hongmimi 於 07-7-18 12:25 發表


天藍,
無問題，已經再send過俾妳啦!

我第一次係公司都開唔到，返屋企又得，之後係公司又開得番，都唔知點解。

pcdogxx

Hongmimi,
你老公係咪都係中大校外進修讀呀?   我老公揀義工黎做, 都有選擇架..  佢好少去賣旗, 咁辛苦..   佢而家做果間係大窩口社區會堂, 多數招呼d 唐記兒童,   幫手d嘉年華呀, 游水比賽呀, 去下渡假謍咁囉, 嘉年華最so, 半玩半做, 我見有d工作人員自己拎d飛去換禮品添呀..  

係吖嘛..  成日都係我自己帶佢出去行街, 有時佢返shift, sat, sun 可能就唔到出街, 就算放到有時又去左做義工, 仲唔似單親家庭?  有時真係好嬲下架..

做勞作果d我最怕, 我果陣art 好屎架..   不過可能到時幫佢搵資料搵屎囉..  哈哈..  

公司部腦冇乜靚相嘛.. 咪用呢張頂住先囉,  放套衫樣好似好怪咁嘛..  

626mama,
我同hongmimi 個老公都係同學黎架..   所以都好熟...  不過自畢業後冇乜聯絡喇..   如果唔係佢老公當差住埋同一橦宿舍, 可能仲係各散東西..

我都想呀, 第時約埋一齊玩.. 交流心得..  我自己十月媽咪果邊都識左十幾個媽咪, 成日約出去玩, 淨係去飲茶包埋bb, 兩圍枱都唔夠呀.. 幾壯觀, 上個月先約左3個家庭去祈福玩之嘛..  所以bk真係好好, 我個生活圈子擴濶左好多..

阿女個名係搵人改架..   話佢欠金欠水喎, 所以咪鈞渝囉..  阿師父俾左幾個我揀, 其他真係揀唔落手, 好恐怖..  咩清鏵, 清鑫, 嚇死人..  好彩都揀到一個咋.. 唔係就蝕左1000蚊喇..  好貴  
我果陣鍾意晴, 好彩師父話唔夾,  多人用到爆.. 淨係自己班媽咪都有3個用左..
英文名未改呀.. 想諗個特別d, 唔好咁多人用既..  

天藍,
你囝囝個名真係好特別, 真係唔錯..  不過如果我見到個昊字, 我會以為同個"沃"音囉..  哈哈..  其實呢個昊字點解架?

[ 本文章最後由 pcdogxx 於 07-7-18 13:10 編輯 ]

626mama

pcdogxx,
我都係久不久會同青衣媽媽同沙田媽媽出來，
不過多數都係戶外活動，淨飲茶就未試過。

幾年前聽收音機話，遲d會冇晒"警察宿舍"
我見葵芳圍起晒，唔知仲有冇人全呢。
我以為冇晒"警察宿舍"添。

我見妳地小朋友個名都好特別，
所以多口問下。

鈞渝個名好好聽，要成1000蚊都好貴喎。
晴字真係好多人用，我識幾個沙田媽媽，
女仔全都有個晴字。

天藍,
你囝囝個名真係好特別，由其是中文名，
昊字比我見都唔識讀。

至於我呢，我都係比人改，叫卓軒，師傅話剛剛好，
所以可以唔洗就住來改，不過加d水仲好。
我記得其它名有子浚.家豪.跟住那些好唔得，
好唔得，仲有小批命，講佢一生，咩色夾佢，
帶玉好呀......咁。

我之前想用個"熙"字，師傅話筆劃唔夾個姓，所以冇用。

[ 本文章最後由 626mama 於 07-7-18 13:57 編輯 ]

626mama

各位,

我媽媽已經交了相，買埋鞋，
不過舍甫個老板話，
宏福冬天要買三對黑鞋????
運動鞋都要黑，
都唔知佢講笑定講真。

天藍

pcdagxx,

我仔仔個個"昊"字係讀"浩"音,
古時好多皇帝or大官貴人好喜
歡用此字作名字!!!
你早排有無睇無線既王子變青
蛙個套劇, 個男主角係喜入面
個名咪叫單均"昊"咪係用我仔
仔個昊字~~
解: 廣大無邊, 有氣量.....
本來我都想搵人同我仔仔改名,
不過, 我老公講唔好搞咁多野,
咪自己改, 我都知搵人改名都
唔平~~
你女女個名都幾好聽, 都唔錯
唔係太多人用!!!

hongmimi

原文章由 626mama 於 07-7-18 14:05 發表
各位,

我媽媽已經交了相，買埋鞋，
不過舍甫個老板話，
宏福冬天要買三對黑鞋????
運動鞋都要黑，
都唔知佢講笑定講真。

626mama,
O華! 妳好快手o咼! 間舖頭唔難搵嘛? 我都聽過冬天要著黑色鞋，不過唔知要三對咁多。

626mama

hongmimi,

我媽做野好怏手，如果係我，一定冇咁怏，
佢地班小朋友順便一起去街市上便玩喎。
唔知有咩野玩呢。(平時一起係樓下玩d小朋友。)

我媽話，間野好以精品店。
問佢有冇得平，就答冇，
我媽話，聽人講係宏福有得平，
跟住老板話，係呀宏福學生9折。

原文章由 hongmimi 於 07-7-18 14:18 發表
626mama,
O華! 妳好快手o咼! 間舖頭唔難搵嘛? 我都聽過冬天要著黑色鞋，不過唔知要三對咁多。

pcdogxx

626mama,
其實都係有活動順便飲茶囉..   我地幾時攪返個聚會咁呢..  

葵芳果個要拆架喇..  之後要黎做咩就唔知咯.. 果到多人死.. 唔係好多人敢住..   我聽老公講, 話如果01室死.. 對上對落唔知幾多層都冇人住架..

我自己聽慣左都覺得鈞渝幾好.. 果陣仲可以揀鈞潼既..   好似唔係好順口咁..  同埋都係鍾意鈞渝多d.    不過因為我姓吳, 所以舅父仔成日叫佢"吳君如"..  哈哈..    我出去俾人改都係想個安心咋.. 你知啦, 唔怕生壞命, 最怕改壞名嘛..  好迷信..

男仔卓軒都好好聽架..  我好鍾意個卓字, 果陣有諗個阿女岩唔岩用架.. 呢期都多日用軒同熙, 不過熙多d, 我fd裡面都有3個

應該唔會三對黑鞋卦..  運動服點會著黑鞋喎..  應該一對者..
我記得女仔著灰襪黑鞋..

hongmimi

626mama,
卓軒好好聽，好有文采咁，我老公初頭都鍾意個軒字，話要叫宇軒。

pcdogxx,
o岩o岩出世時我成日唔記得鈞渝個名，成日叫自己記著「吳君如」咁就唔會記錯。點知有次我老公問我鈞渝姓o麥，我答佢姓「吳」，痴左線!!

天藍,
個昊字真係好特別! 咁藍都係因為妳鍾意? 定係妳自己個名都有藍字? 昊字真係無o麥人識，妳有無成日被人讀錯個名呀? 匡匡由出世到而家都成日被人讀錯。

各位，
匡匡叫「繹匡」，繹=絡繹不絕，匡=匡扶、幫助。大肚時我地成日去書局睇d改名書同大大本既辭典，兩公婆自己改既。個繹字成日被人讀錯做「澤」字。

英文名想佢跟我同老公一樣用番A字頭，睇左好耐都未confirm，返幼稚園前一定要改到。

hongmimi

原文章由 pcdogxx 於 07-7-18 14:30 發表
626mama,
其實都係有活動順便飲茶囉..   我地幾時攪返個聚會咁呢..  

葵芳果個要拆架喇..  之後要黎做咩就唔知咯.. 果到多人死.. 唔係好多人敢住..   我聽老公講, 話如果01室死.. 對上對落唔知幾多層都 ...

我未搬黎葵蓉前咪住葵芳囉! o個到交通好鬼方便架，食野買野又多選擇。死人既係其中一座o者! d人講跟著有o個味野 周圍就十室九空啦! 我唔係住o個座，不過都好耐之前既事lu，我都係住左唔夠三年就迫遷lu。

626mama

pcdogxx ,

大家有冇興趣提意下。都可以攪下活動傾下計。

我朋友咁樣講過，個個都找人改名，
我唔搵人改，好以對個仔唔住。

舅父仔都好攪笑，聽妳講完"吳君如"故事，都笑左出來。
我更加記得這個名字。

係呀，勁多人叫軒字，大過實話我唔識改名。
我都係鐘意卓字多d。

聽落好以講鬼故咁。
我以前聽消防員講，佢地身上個皇冠圖象，那些野會怕，手搶又怕。咁照計成坐大樓都會出現好多次。唔係會怕咩.......

原文章由 pcdogxx 於 07-7-18 14:30 發表
葵芳果個要拆架喇..  之後要黎做咩就唔知咯.. 果到多人死.. 唔係好多人敢住..   我聽老公講, 話如果01室死.. 對上對落唔知幾多層都冇人住架..

[ 本文章最後由 626mama 於 07-7-18 14:53 編輯 ]

hongmimi

原文章由 pcdogxx 於 07-7-18 12:49 發表
Hongmimi,
你老公係咪都係中大校外進修讀呀?   我老公揀義工黎做, 都有選擇架..  佢好少去賣旗, 咁辛苦..   佢而家做果間係大窩口社區會堂, 多數招呼d 唐記兒童,   幫手d嘉年華呀, 游水比賽呀, 去下渡假謍咁囉 ...

pcdogxx,
唔係呀! 佢讀OU，不過讀到就黎畢業我都唔知佢讀O麥鬼。佢而家都唔係成日做義工，邊有咁多時間呀! 就算做都係同d同事一齊去，唔洗我陪喇! 第日匡匡大左應該又會一齊做，而家d學校要整下d親子活動咁嘛!

pcdogxx

Hongmimi,
個名叫麥鈞渝, 果陣諗一定要改個唔好俾人改到花名既名, 點知之後發覺佢個名係可以改做"墨魚"..   哈哈..

乜你老公有英文名架咩?   我都唔記得左喇..   我都想快d幫阿女改呀, 有冇好提議呀? 原先我鍾意 Chloe, 但係而家太多人改喇..

係喎, 我都唔記得你住葵芳添..  如果果陣唔係咁猛, 真係好方便架, 有d好似話打通兩間, 好鬼大..

你咁攪笑既, 佢就黎畢業都唔知佢讀乜..   咁畢業係咪有得影畢業相架?  佢真係勤力喇..  義工我老公都係同同事去做多, 第時都想鈞渝一齊去做,  可以訓練下佢d責任感

天藍,
原來係讀個浩字... 呢個字好特別..  你咁犀利既..  改到咁好既名..
越黎越鍾意, "如果"我生既話 (:tongue: ), 跟你改呀下..   

626mama,
大家咁近, 得閒約出黎飲茶囉..

hongmimi

pcdogxx,
我老公而家個英文名唔係讀書時O個個，改左好耐啦! 讀中學時亂黎玩之嘛! 我專登同佢改個A字頭名要佢跟我姓....哈哈!!

Chloe真係好多人用呀，妳有無咩要求先? 等我幫妳度下(懶叻! 自己都未諗點.... )

葵芳有d單位真係超大，好似有成99平方米，而家我地d兩房都係46咋!

ElainAiolia

All mami,
唔好意思令你o地誤會晒，其實D學校我未報名，全部我都係諗住先，因為D學校最快要9月份先攞form及交form，所以我而家參考o下你o地o的意見。我個仔個名係揾人改o既(當時我坐緊月又趕住攞出世紙，我奶奶知我想揾人改名，於是佢幫我去o左土瓜灣揾個算命佬改，都成$1,000-)。我個仔叫"陳子聰"(好普通，周街都係)，因算命佬話佢無o野欠，只係比o左呢個名，另外仲有2個，分別係"陳振南"同"陳近南"，我又唔係想佢反清同入黑社會，o米唯有改o左而家個名，寄望佢第日大個娶個老婆有何超儀老豆咁有錢就好。 另外，佢已有英文名叫Paul(佢姑姐幫佢改，好似話好多CEO都叫Paul)，最慘同佢個姓一齊叫變o左"破產"呢， 但我已將個英文名加o左落張出世紙度，唯有等佢大D再決定改唔改過(當我欠o左佢o羅。)。


天藍,
昊藍呢個名好特到，我都仲意亦唔怕同其他人撞名呀(好過我個仔啦)！

ElainAiolia

hongmimi,
我已收到個file亦開得到，Thanks！ 我之前都係住葵芳之後迫遷先搬o黎呢度，係呢，你以前住邊座o架，我住A座o既。我都仲意果度(除o左空氣差之外)，子聰契爺就住係葵芳閣，返阿媽屋企剩係搭一程小巴就到，交通及shopping又方便，我老公仲話果度拆o左再起樓，如果負担得起買番果度o忝。

pcdogxx,
其實我同我老公係同你老公同行，你老公講得好o岩o架，為o左升職無辦法喇(其他人又讀書又做義工，自己無做會扣好多分，真的身不由己。 )，而我讀果個課程係中大校外進修課程。我就好D，二公婆一齊參予，最多放低個仔比印印睇啫(子聰慘D，唔係單親家庭，而係孤兒:cry: )，我老公返輪班，而我就穩定D，好多時放Sun及PH，可以單親家庭咁帶子聰周圍去。
另外，我同事個仔舊年(即2006年)申請荊冕堂士德今年9月入學K1，當時聽士德D講座話佢o地並無同仁立及仁紀掛鈎(即無著數)，而我同事知道咁樣，即刻轉軚去荃灣浸信會報名，現在已經收o左佢個仔(得知收o左後，父母要去幼稚園上4堂課程，若果唔上會唔收個小朋友入學)。聖多默可以上世德或青衣公園近偉景花園果間小學(個名唔記得o左)。
你個女叫鈞渝，都好好聽，寫法幾中性，唔錯唔錯。

626mama,
你個仔叫卓軒，我就仲意個卓字，反而軒字而家多人用o左，不過好過另外果D名，最緊要夾到你個仔，其他乜都無所謂，係o米。好彩你阿媽幫卓軒買鞋時，有講宏福學生 ，如果唔係，個老板一定唔比折呀！

hongmimi

626mama / pcdogxx,
俾妳地講起葵芳d恐佈野，記番起當年去睇單位，只知邊座唔好唔知邊層，原本話左唔睇個座，點知我老公有個伙記朋友住係個座頂層想順便去探佢，搭lift時架lift無端端係某低層打開門但出面無人，探完走時又係咁 … 咁妳地話係唔係個層喇?! 因為我老公唔信有個味野，所以得我一個核核震…..   

hongmimi

ElainAiolia,
原來妳住A座架! 我住C座 ，由結婚開始住左3年唔夠就要搬，妳住左幾多年？其實當時我周圍d單位已經無o麥人住，可能太舊掛。我同意除左空氣差之外，其他都超好 ，返阿媽到又係搭一程小巴/巴士，返工MTR好易就時間。個地點咁好，第日再起樓，應該好鬼貴。因為想匡匡出世即刻有新屋住，05年7月我大住個肚搬入黎葵蓉既，d長輩都反對架，始終大住肚搬屋唔係咁好，但後來一路pack箱搬野，匡匡就係個肚到跳跳跳鬼咁開心 ， 我就知佢都想快d住新屋啦!!

妳有時放到SUN及PH，咁其實妳係咪都係伙記呀? 我老公話好多兩公婆都係架，我就見好多老婆係空姐啦! 唔好講到孤兒仔咁慘啦! 咪放假時多d陪個仔囉! 好似匡匡咁，見我多過見爹地，一見到爹地開心到不得了，好似知道要爭取時間同爹地玩番夠本咁。

"陳振南"同"陳近南"好攪笑，直頭擺明係反清同社團大佬，都係"子聰"最好。:loveliness: 嘻嘻! 我又係陳太o咼!!!

最近我個friend生左個bb女，搵人改俾左接近30個名，全部都係d洗頭水名：采詩、奧芬、研麗… 得一個ok就用左o個個喇! 所以俾人改都有好有唔好，好似迫住要選一個咁。

626mama

pcdogxx,Hongmimi,
我想問有冇話要讀D咩，定讀書同做義工就得。
我都好喜歡葵芳，我同我細妹講笑咁講，
我中六合彩就係葵芳買樓。我妹話我傻。
英文名就未改，都唔知收咩名好。
找日出來飲茶，好呀。

ElainAiolia,
妳講名字那段野好好笑，妳都幾休默。
"破產"

嘩.....都幾咩喎。

原文章由 hongmimi 於 07-7-19 10:48 發表
626mama / pcdogxx,
俾妳地講起葵芳d恐佈野，記番起當年去睇單位，只知邊座唔好唔知邊層，原本話左唔睇個座，點知我老公有個伙記朋友住係個座頂層想順便去探佢，搭lift時架lift無端端係某低層打開門但出面無人 ...

626mama

唉........老細唔知仲乜，行來行去，
攪到我食飯先感上到來。