比華利幼兒園.

littleeva

HKTT   & IRON

我仔今早發燒. 冇比佢返學. 今次我工人都發覺唔到.  老公發覺佢有發燒.   我都好失望工人發覺唔到. 老公都有話佢.
最後我覺得好係父母才會細心D.  工人此終係工人.  去睇醫生話有喉嚨發炎.  希望明天會好D.

晚上仔仔唔肯食飯, 我叫工人COOK  NOODLE  比仔仔食,  我唔識講 通心粉 的英文. 以為佢會明白. 點知佢 拿了個出前一丁出來.

您地話既竟是否我的指示唔足 OR 佢 有問題.?


IRON 您仔仔今天玩得開心嗎?希望能有機會見下您仔仔扮相的相啦．　

ＨＫＴＴ　囡囡好了未呀．　今次到子軒病．　佢地兩個真是有緣．我仔發燒一樣玩，一樣講野．　但是做媽媽仍然有擔心．　希望佢明天不燒．

IRON

hi littleeva,

哎, 又輪到妳仔仔病, 返左學原來真係咁, 希望妳仔仔同hktt女女快快無事, 齊齊返學啦.

我試過本地, 賓賓, 家下呢個印印, 真係無個掂, 之前以為對佢地好d佢地就會將心比心, 但都係勞鬼氣; 所以妳一定無問題, 係佢地太唔掂當, 朋友話齋可以搵到個好工人係要好夠運. 我老公同我講就黎可以有買樓津貼問我買唔買, 我諗過度過都唔囉, 因為買左我就要出去做野, 時時刻刻擔驚受怕仔仔有咩事咪仲衰, 不如食少d著差d, 陪住仔仔成長, 希望係佢既童年記憶永遠都有溫馨感受. (而家我問仔仔最鍚邊個佢會答媽媽, 我抱佢行街同佢講媽媽好倦佢會即刻咀咀咀 *0*)

仔仔扮相好普通, 人地畫晒大花面, 我只係用左2個鐘幫佢整d公仔落件衫度, 仲驚死佢唔肯著, 好彩放學都著緊.

今日家長日妳好早(我睇張紙); 見到有幾個軒, 幾個睛, 幾個......何主任話有好多同音既名, 英文名都有4個一樣, 妳仔真係叻, 真係有個英文老師叫michelle, 我仲同佢係門口傾左一陣.

IRON

hi yinyinma,

妳仔仔咩名呀?? 會唔會今日見過妳??

IRON

hi hktt & littleeva,

妳地仔仔女女好返未呀?? 今日有無返學?? 今日轉季就熱到死, 我仔仔又唔識搞條褲都唔知點去尿尿, 睇怕今日都係成包濕野羅返黎囉, 唉......

hktt, 有無睇到呀??

hktt

littleeva & iron,

真係唔好彩，星期三晚已去了睇開個兒科睇左啦，第二日重退左燒tim(幾開心呀)，但到左下就6點媽咪打比我囡囡突然成身好熱，燒到成39.8即104度左右，嚇到我呀!終於咪左醫院law，醫生話佢係急性中耳炎同喉嚨發炎，已住左四日啦，醫生話應該聽日會出院。

囡囡今次又參加唔倒學校的活動啦!!真係可惜!!

hktt

littleeva,

呢D緣真係唔係咁想啦!

算啦始終工人就係工人，真係唔好指意佢地呀!不過佢地離鄉別井又幾可憐的。

係呢D時侯真係唔想返工，係屋企揍小朋友呀!起碼唔洗成日咁擔心呀 (如果得就好law)!

我已打左比何主任啦，囡囡就算出院，呢個星期都唔返學，費時又野倒。

hktt

IRON,

你個兒科係邊度嫁?唔洗食藥，要唔要收診金呀?

hktt

IRON & LITTLEEVA,

你地家長日有無講左D咩呀?可否分亨吓?

因囡囡入院我忘記了打比你朋友約第日，不過你朋友都好似無打比我，唔知賣左未呢?

hktt

IRON,

因囡囡入院我忘記了打比你朋友約第日，不過你朋友都好似無打比我，唔知賣左未呢?

IRON

hi hktt,

乜妳女女咁大鑊呀真係要小心照顧呀, 聽人講話中耳炎之後如果唔保養好就成日小小事都會感親好易病架. 我仔仔個醫生係紅磡叫"聶敏榮", 係皮膚科+兒科, 仔仔出世十幾日就去俾佢全身檢查跟到而家, 開頭果年有少少事就去搵佢(pat pat疹, 紅粒粒, 氣管有聲, 玫瑰疹, 發燒......) 試過玫瑰疹佢只係開退燒藥60蚊, 叫我日日去比佢check bb心肺耳鼻喉至佢認為無事, 日日佢check完都叫我地快d走診所好多菌, 終於第五日佢話d疹退左7成ok啦唔駛再黎, 我同老公心諗呢鑊仲唔甘, 袋定2千銀都唔知夠唔夠, 但佢都係叫我地快閃, 成個過程就係收左果60蚊. 而家睇發燒感冒就310俾4種藥(貴唔貴??)

家長日見到妳未到, 仲以為可以見到妳同女女, 但何主任講妳女病左唔會黎, 仲心諗妳點解自己唔黎, 原來係咁...... 果日等左成粒鐘先見到miss lau, 其間同何主任已傾左好多野, 但等到miss lau講之後我同老公都覺得佢地講仔仔某d野有出入, 都唔知點解; 不過大致上都知仔仔比初初有進步; 鍾意英文堂多d, 仲敢出去答問題(我地唔多信喎, 呵); 有專注力會自己坐定定睇書玩玩具; 食野飲野好好; 不過仲未講句子只係講d單字, 未識分顏色...... 我地都相當滿意架啦.

我老公話果個人都唔熟(開頭佢連人地姓乜都唔知), 所以先叫妳地自己聯絡, 如果唔岩都唔打緊啦, 如果佢有咩仲可以鏟佢tim, 唔駛客氣架, 呵.

yinyinma

hi iron,

我仔仔叫柏賢呀 ! 禁橋住埋同一座大廈 , 得閑帶埋傲揚一齊黎玩!


hi hktt,

我個係仔仔, 4 月 出世架!


yinyinma     

littleeva

HKTT

您囡囡而家好番未呀?  出左院未呀?  您都要保重身體照顧囡囡. 希望她早日康復.

HI IRON

我仔今天已返學. 昨天他話要返學. 我唔比佢返, 想他在家休息多D.  
我問過何主任: 換季有一個星期的適應期. 我仔連試都唔肯. 何主任話如果佢真的唔肯著條褲就放在書包, 返學校時再由老師跟他講.

家長日老師話子軒最鐘意同柏軒,希希玩.  您話點信仔仔講野 ! 老師話果幾個小朋友語言發展好D. 子軒鐘跟他們玩.
另外他話子軒唔會發脾氣.情緒.  喜歡聽故事. 也肯發問. 同初來是不同了. 最近開始 LIU 同學傾計. 要老師叫佢安靜.
大至上都幾好. 也很投入學校生活.

yinyinma

您好. 我仔仔叫子軒呀 , 唔知同唔同柏賢一組呢 ? 老師話全班有20 人 分兩組. 希望以後您多D上來傾下計.大家交流下.

IRON

hi yinyinma,

係啦咁岩一齊喎, 呵. 不過我地座大廈有d人真無良呀, 最近我地層樓有家新裝修, 係上幾樓搬落黎既, 尋日我睇住佢張袋垃圾(好多汁又無縛個袋口)放去垃圾房, 今日我見到清潔阿姐, 佢話成地都係汁濕晒, 哎, 佢唔羅落樓下都算啦, 仲要唔縛好袋口, 搞到衛生環境差晒, 阿姐仲話有人係後樓梯開大tim呀!

妳仔仔返去有無講學校d野俾妳聽架?? 我果個問佢就答"嘿", 真係俾佢激死.

IRON

hi littleeva,

仔仔好返真係好啦, 希望hktt女女都無事.

子軒又話人地推佢......哈哈哈, 可能最好既朋友就係最大既"敵人", 細路仔係咁架啦.

尋日何主任話仔仔好似大哥哥咁用張紙巾幫小朋友擦眼淚, 上左車我笑佢仔仔你自己返學都喊仲可以幫人擦眼淚?? 佢即刻"嘿"(好重鼻音果只), 哈哈哈. 尋日居然無all濕褲, 不過唔知佢點all, 因為我睇過個位置都唔岩"小賓"既.

littleeva

hktt

還未見您留言, 有點擔心您囡囡. 希望她早日康復.

IRON

傲楊好叻仔. 幫小朋友擦眼淚.  返學真係另到小朋友學到好多野.

我仔平時都唔著吊帶褲. 今早要他著到要和他角力一番. 希望他今早見到同學仔都著, 另佢覺得"安心"D, 星期5 不用 TUM 佢著.  至於小便的問題, 有機會我都想問下何主任 .
我都唔明如何"去" ?   

hktt

littleeva & iron,

囡囡琴晚終於出左院啦。

不過就覺得醫院的服務比較差law (政府醫院好過佢)，連醫生吩咐要出院佢地都無通知聲，要我地有懷疑先講，重鬼咁多藉口tim，所以成好夜先出倒院呀!

呢個星期都唔返學住啦，下個星期先返!我驚佢食左咁多藥，身體可能比較弱d。

yinyinma

hi iron,


d人真無公德心, 就敢放係垃圾房,應該羅落樓下dum嗎!

我仔仔有講學校d野比我聽架 , 會講下學校玩左d麥野,最鍾意唱普通話歌!


yinyinma
      

hktt

yinyinma,

我兒生都係叫柏賢呀，不過佢今年已十五歲了。

點解賢仔咁遲至返學呀?

IRON

hi littleeva & hktt,

呀~~~~~~仔仔尋日返學分開果下第一次無喊呀!!! 我同老公都好興奮, 佢終於開始適應學校生活啦. 希望下一次俾我地既驚喜係識講學校生活, 唱下歌仔, 講下同學仔......或者呢d對妳地黎講好平常, 因為妳地bb一早做到, 但我地就好似中左獎咁, 希望快d中頭二三獎呀, 呵呵呵.

littleeva, 係啦, 爹地都研究過佢自己點識係個洞洞度搵到出黎all all, 但係條褲又無濕喎, 如果妳問到何主任就話埋俾我知. 子軒試多幾日就ok啦佢未慣者.

hktt, 女女入邊間醫院呀?? 等佢恢復元氣先好返, 我今日都見到有兩個小朋友戴口罩返學(唔知邊班), 無謂又俾人傳染.

IRON

hi  yinyinma,

妳仔仔真係叻識講咁多野, 妳仲話"煩", 哈哈哈, 我地不知幾想咁"煩"呀.

係呢仔仔返左學妳有咩玩呀?? 有無落樓下餐廳食早餐?? 搵日我地老公都返左工我地一齊食早餐丫. 妳老公返咩更??