兆麟聖彼得堂 06 k1入來傾下丫

beautymother

小朋友有唔舒服，真係佢又辛苦，大人又辛苦。

我個女睇開大興商場附近o既王海明醫生，我覺得幾好o架，好多人睇，又唔算貴，的藥幾夾我個女。我個女都試過睇屋企樓下的醫生，次次都唔好，都係要轉睇王醫生先好返。

luluma

係呀, 前排阿女一開學就病, 除睇醫生外, 我另買左多種維他命, 同維他命c給他吃, touch wood暫時都ok, 你地睇下比唔比小朋友食啦....

呢排較忙, 只可以塔兩句就走, 無時間溫習呀....

june_june

我亞仔又係病左LU, 連續星期六及星期日都要睇醫生!
睇黎每個K1小朋友都要適應D細菌!

**************************************

中午時班主任打電話比我, 話亞仔係學校比人咬左一下(我重以為亞仔打其他人) ........
事源應該老師叫同學仔收拾玩具,亞仔見到有個同學仔重有玩具係手,所以羅走玩具幫佢收拾, 同學仔以為佢想搶起玩具, 接著比人咬左一下.....  

老師將個情形好心急向我講, 不過我話唔緊要啦, 係學校緊有呢D情況, 可能亞仔食左D藥都比較燥.... 我話都唔係大問題,

老師話都有牙齒印, 不過我估咬得唔係好勁,因為事後我問番仔仔痛唔痛, 佢話唔痛!

我都好開心因為班主任文老師好好,好交帶,因為發生呢D事都第一時間通知家長, 令我都好放心仔仔係呢個學校成長!

hviy

june_june,

睇完你個post,就即刻問阿女今日响學校係咪有小朋友咬人??佢話係喎,仲話哥哥喊呀    問佢喊嗰個哥哥叫乜名,佢話咪係哥哥囉    跟住細細力咁拍吓我:乖啦~~唔好喊     

唔怕啦~~起碼有我個囡錫番你囝囝先啦     

june_june

hivy & hivy囡囡:  多謝你地架!
頭先我再問亞仔, 佢話今日係學校比同學仔(應該係女仔)咬左一下,重比手仔我睇!  我同佢講,唔緊意啦, 同學仔係冇心呀! 佢都冇angry!  

catnapper

唉...阿仔仲有d燒, 今日又要sick leave, 返學到而家請了5天假了.

june_june

catnapper :

頭先保母都打電話比我, 話帶亞仔去睇多次醫生! 唉幾時先完全好番呢......

hviy

june_june,

食完西药好發散架,身體會變得虛弱,記住煲翻d營養湯水俾佢補充返呀~~BK都有好多topic講,不妨參考吓    而我就成日帶住本細細本嘅"止咳湯水"嘅書,咁去到街市都有idea去買材料嚟煲.

我間中都會買寶礦力俾佢地飲,因為睇過一篇文章,內容提及如一個人的電解質偏低,就會出現頭痛訊號,一般成人會食止痛药片,但一粒止痛葯需要5年時間才會在人體內完全被分解,而有好多e生都唔食止痛药而飲寶礦力+温水,份量1:1,可以更快補充體力          所以....見到佢地想作病時都會俾佢地飲...頂住先   

非女

june_june
我仔仔得33個月,可以飲嗎？份量都係1:1呀？有冇D咪營養湯水介紹下呀？thx

celia_ip

天氣忽冷忽熱,各位同學仔, 好好保重身體呀~~

課本印咗"已授", 係咪可以叫小朋友塗顏色架??! 好似家長日o個日聽老師講過.....

hviy

非女,

我個女都係得33個月大咋,都係咁俾佢飲    寶礦力都算係健康飲品,唔屬汽水卦   

有人教我用椰子燉田雞公,如果屋企有電子燉盅會易做d,大椰子一個,叫檔口幫忙在頂開蓋作燉盅,另買田雞公2-3隻,用原個椰子連內面的水慢慢放入田雞及一茶匙川貝,燉1.5小時就得,如果椰子夠大,可有4碗湯 通常我都會留番個椰子起肉第二日再買隻鷓鴣+川貝再煲多一次,一樣咁好味           

阿女有咳就一定買鮮百合加入的菜度炒俾佢食,中國古方都係用百合泥俾bb作食療 (係我mami教嘅    )

佢好番就煲北芪党参牛鰍魚補番個肺    不過要留意吓好多時小朋友咳係鼻水倒流,唔係真正嘅氣管問題,止咗鼻水就唔會咳架,如佢真係氣管咳,就試吓响佢訓覺時用條大手帕,好以西部牛仔咁縛响頸度,因呼吸唔暢順會好易用口呼吸,再吸入冷空氣而令喉部冷親,所以會咳,呢招連大人都用得着架   

hviy

塗顏色???    印咗"已授"係唔洗再帶

celia_ip 寫道:
天氣忽冷忽熱,各位同學仔, 好好保重身體呀~~

課本印咗"已授", 係咪可以叫小朋友塗顏色架??! 好似家長日o個日聽老師講過.....

catnapper

係呀, 老師昨日打電話來, 我都有問佢, 佢話蓋o左"已授"的那頁可以塗顏色, 仲話唔係順序教的, 另外節日書蓋了"已授"的就不用帶回學校了.

hviy 寫道:
塗顏色???    印咗"已授"係唔洗再帶 [quote]
celia_ip 寫道:
天氣忽冷忽熱,各位同學仔, 好好保重身體呀~~

課本印咗"已授", 係咪可以叫小朋友塗顏色架??! 好似家長日o個日聽老師講過.....

[/quote]

catnapper

hviy,

嘩! 我今晚即刻都叫阿媽幫我準備百合炒菜同湯, 多謝你的好介紹, 如果再有好湯水料, 無論大人定小朋友, 請多多介紹丫.

catnapper

hviy 寫道:
非女,

我個女都係得33個月大咋,都係咁俾佢飲    寶礦力都算係健康飲品,唔屬汽水卦   

有人教我用椰子燉田雞公,如果屋企有電子燉盅會易做d,大椰子一個,叫檔口幫忙在頂開蓋作燉盅,另買田雞公2-3隻,用原個椰子連內面的水慢慢放入田雞及一茶匙川貝,燉1.5小時就得,如果椰子夠大,可有4碗湯 通常我都會留番個椰子起肉第二日再買隻鷓鴣+川貝再煲多一次,一樣咁好味           

阿女有咳就一定買鮮百合加入的菜度炒俾佢食,中國古方都係用百合泥俾bb作食療 (係我mami教嘅    )

佢好番就煲北芪党参牛鰍魚補番個肺    不過要留意吓好多時小朋友咳係鼻水倒流,唔係真正嘅氣管問題,止咗鼻水就唔會咳架,如佢真係氣管咳,就試吓响佢訓覺時用條大手帕,好以西部牛仔咁縛响頸度,因呼吸唔暢順會好易用口呼吸,再吸入冷空氣而令喉部冷親,所以會咳,呢招連大人都用得着架   

carrie123

你哋覺唔覺school bag heavy , 有冇執書 or 其他辨法
thanks

catnapper

我個囝搭校車, 上車前工人拎, 上o左車又放低, 佢都好少時間"咩"個書包o既, 所以都ok啦.

carrie123 寫道:
你哋覺唔覺school bag heavy , 有冇執書 or 其他辨法
thanks

celia_ip

hviy

你好勁呀, 識煲咁多湯水....  
我就只係識煲罐頭羅宋湯 & 粟米湯 咋
名符其實係一名" 無飯主婦"呀

luluma

各位注意, 好切身的施政報告呀

曾陰權在施政報告內發布, 以學券形式, 由2007年-2008年度起, 每名三至六歲兒童可獲資助幼稚園學位一萬三千元呀, 至2011-2012年度資助額將會增加至每位小童一萬六千元....

即係話下年度, 我地唔使交學費呀.....

very good ar

celia_ip

囝囝個書包都好重呀, 但就算拾書包都無用, 因為只係得本 "宗教" 書係一星期帶一次, 其餘的就日日都要帶.... 好彩我地住得近, 一落樓下就係學校.....

你地發唔發覺開始多左功課呀(包括填色比賽), 今個星期開始,教囝囝做功課, 好吃力呀.... 昨晚 練習簿要填色, 另加一張功課紙(找出不同的球填色), 加埋前日派的填色比賽(前日又好似多功課, 所以諗住留番昨晚先做, 點知仲衰...) 總期做左一個半小時功課呀....  好勞氣呀   
做完之后囝囝仲好大聲咁話: 辛苦死人呀!!  
又要睇住佢做(試過有一次行開一陣, 囝囝係隻母雞身上, 加左個NIKE LOGO, 黑眼圈, 眼眉毛), 我仲辛苦過佢呀....

celia_ip

luluma

唔知係咪個個兒童都可以受惠呢  
我地申請唔到學費減免呀.... 就算報埋公公, 婆婆 都超額呀, 想慳D$$, 幫囝囝報多樣課外活動都唔得....